ਦਿੱਲੀ ਵਿੱਚ 10 ਅਕਤੂਬਰ ਨੂੰ ਪ੍ਰਦਰਸ਼ਨ, ਨਵੀਂ ਦਿੱਲੀ ਅਤੇ ਹਜ਼ਰਤ ਨਿਜ਼ਾਮੂਦੀਨ ਆਉਣ ਵਾਲੀਆਂ ਸਾਰੀਆਂ ਟ੍ਰੇਨਾਂ ਰੱਦ
CJP Protest -Trains Cancelled in Delhi: ਰੇਲਵੇ ਨੇ ਯਾਤਰੀਆਂ ਨੂੰ ਟ੍ਰੇਨ ਦੀ ਸਥਿਤੀ ਦੀ ਜਾਣਕਾਰੀ ਲੈਣ ਲਈ 139 ਹੈਲਪਲਾਈਨ, ਰੇਲ ਮਦਦ ਸੇਵਾ ਅਤੇ ਨੈਸ਼ਨਲ ਟਰੇਨ ਇਨਕੁਆਰੀ ਸਿਸਟਮ (NTES) ਦੀ ਵਰਤੋਂ ਕਰਨ ਦੀ ਸਲਾਹ ਦਿੱਤੀ ਹੈ।
ਕਾਕਰੋਚ ਜਨਤਾ ਪਾਰਟੀ ਦੇ 10 ਅਕਤੂਬਰ ਨੂੰ ਦਿੱਲੀ ਵਿੱਚ ਵਿਰੋਧ ਪ੍ਰਦਰਸ਼ਨ ਦੇ ਕਾਰਨ, ਨਵੀਂ ਦਿੱਲੀ ਅਤੇ ਹਜ਼ਰਤ ਨਿਜ਼ਾਮੂਦੀਨ ਰੇਲਵੇ ਸਟੇਸ਼ਨਾਂ ਦੇ ਆਲੇ-ਦੁਆਲੇ ਭਾਰੀ ਟ੍ਰੈਫਿਕ ਜਾਮ ਹੋਣ ਦੀ ਸੰਭਾਵਨਾ ਹੈ। ਇਸ ਦੇ ਮੱਦੇਨਜ਼ਰ, ਭਾਰਤੀ ਰੇਲਵੇ ਨੇ ਇੱਕ ਵੱਡਾ ਫੈਸਲਾ ਲਿਆ ਹੈ। ਰੇਲਵੇ ਨੇ 9 ਅਕਤੂਬਰ ਨੂੰ ਦੁਪਹਿਰ 2 ਵਜੇ ਤੋਂ ਬਾਅਦ ਚੱਲਣ ਵਾਲੀਆਂ ਅਤੇ 10 ਅਕਤੂਬਰ ਨੂੰ ਸਵੇਰੇ 4 ਵਜੇ ਤੋਂ ਦੁਪਹਿਰ 2 ਵਜੇ ਦੇ ਵਿਚਕਾਰ ਇਨ੍ਹਾਂ ਦੋਵਾਂ ਸਟੇਸ਼ਨਾਂ ‘ਤੇ ਪਹੁੰਚਣ ਵਾਲੀਆਂ ਮੇਲ ਅਤੇ ਐਕਸਪ੍ਰੈਸ ਟ੍ਰੇਨਾਂ ਨੂੰ ਰੱਦ ਕਰਨ ਦਾ ਫੈਸਲਾ ਕੀਤਾ ਹੈ।
ਰੇਲਵੇ ਨੇ 10 ਅਕਤੂਬਰ ਨੂੰ ਦੋਵਾਂ ਪ੍ਰਮੁੱਖ ਰੇਲਵੇ ਸਟੇਸ਼ਨਾਂ ਦੇ ਆਲੇ-ਦੁਆਲੇ ਸੰਭਾਵਿਤ ਟ੍ਰੈਫਿਕ ਜਾਮ ਨੂੰ ਦੇਖਦੇ ਹੋਏ ਟ੍ਰੇਨਾਂ ਨੂੰ ਰੱਦ ਕਰਨ ਦਾ ਫੈਸਲਾ ਲਿਆ ਹੈ। ਆਦੇਸ਼ ਦੇ ਅਨੁਸਾਰ, 9 ਅਕਤੂਬਰ ਨੂੰ ਦੁਪਹਿਰ 2 ਵਜੇ ਤੋਂ ਬਾਅਦ ਆਪਣੇ ਸ਼ੁਰੂਆਤੀ ਸਟੇਸ਼ਨਾਂ ਤੋਂ ਰਵਾਨਾ ਹੋਣ ਵਾਲੀਆਂ ਅਤੇ ਅਗਲੇ ਦਿਨ ਸਵੇਰੇ 4 ਵਜੇ ਤੋਂ ਦੁਪਹਿਰ 2 ਵਜੇ ਦੇ ਵਿਚਕਾਰ ਨਵੀਂ ਦਿੱਲੀ ਜਾਂ ਹਜ਼ਰਤ ਨਿਜ਼ਾਮੂਦੀਨ ਪਹੁੰਚਣ ਵਾਲੀਆਂ ਮੇਲ ਅਤੇ ਐਕਸਪ੍ਰੈਸ ਟ੍ਰੇਨਾਂ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਇਹ ਦੱਸਿਆ ਗਿਆ ਹੈ ਕਿ ਪਿੱਛੇ ਤੋਂ ਆਉਣ ਵਾਲੀਆਂ ਟ੍ਰੇਨਾਂ ਨੂੰ ਗਾਜ਼ੀਆਬਾਦ ਅਤੇ ਆਨੰਦ ਵਿਹਾਰ ਸਟੇਸ਼ਨਾਂ ‘ਤੇ ਰੋਕਿਆ ਜਾਵੇਗਾ।
75,000 ਯਾਤਰੀਆਂ ‘ਤੇ ਸਿੱਧਾ ਅਸਰ
ਨਵੀਂ ਦਿੱਲੀ ਰੇਲਵੇ ਸਟੇਸ਼ਨ ਤੇ ਲਗਭਗ 50,000 ਯਾਤਰੀ ਰੋਜ਼ਾਨਾ ਪਹੁੰਚਦੇ ਹਨ, ਜਦੋਂਕਿ ਨਿਜ਼ਾਮੂਦੀਨ ਰੇਲਵੇ ਸਟੇਸ਼ਨ ‘ਤੇ ਰੋਜ਼ਾਨਾ ਲਗਭਗ 25,000 ਯਾਤਰੀ ਆਉਂਦੇ ਹਨ। ਇਸਦਾ ਸਿੱਧਾ ਅਸਰ 75,000 ਯਾਤਰੀਆਂ ‘ਤੇ ਪਵੇਗਾ। ਇਸ ਤੋਂ ਇਲਾਵਾ, ਲਗਭਗ 200 ਮੇਲ ਅਤੇ ਐਕਸਪ੍ਰੈਸ ਟ੍ਰੇਨਾਂ ਨਵੀਂ ਦਿੱਲੀ ਅਤੇ ਨਿਜ਼ਾਮੂਦੀਨ ਦੋਵਾਂ ਤੋਂ ਚਲਦੀਆਂ ਹਨ।
ਟ੍ਰੇਨ ਦਾ ਸਟੇਟਸ ਕਿਵੇਂ ਚੈੱਕ ਕਰੀਏ?
ਜੇਕਰ ਤੁਸੀਂ 10 ਅਕਤੂਬਰ ਨੂੰ ਟ੍ਰੇਨ ਰਾਹੀਂ ਯਾਤਰਾ ਕਰ ਰਹੇ ਹੋ, ਤਾਂ ਘਰੋਂ ਨਿਕਲਣ ਤੋਂ ਪਹਿਲਾਂ ਟ੍ਰੇਨ ਦੀ ਮੌਜੂਦਾ ਲੋਕੇਸ਼ ਅਤੇ ਰਵਾਨਗੀ ਦੇ ਸਮੇਂ ਦੀ ਜਾਂਚ ਜਰੂਰ ਕਰ ਲਓ। ਤੁਸੀਂ NTES ਐਪ, ਰੇਲਵੇ ਦੀ ਅਧਿਕਾਰਤ ਵੈੱਬਸਾਈਟ, ਜਾਂ ਹੈਲਪਲਾਈਨ ਨੰਬਰ 139 ਦੀ ਵਰਤੋਂ ਕਰ ਸਕਦੇ ਹੋ।
NTES ਐਪ ਨਾਲ ਚੈੱਕ ਕਰੋ ਟਰੇਨ ਦੀ ਲੋਕੇਸ਼ਨ?
ਪਹਿਲਾਂ, ਆਪਣੇ ਮੋਬਾਈਲ ਫੋਨ ‘ਤੇ NTES (National Train Enquiry System) ਐਪ ਖੋਲ੍ਹੋ। ਜੇਕਰ ਐਪ ਪਹਿਲਾਂ ਤੋਂ ਇੰਸਟਾਲ ਨਹੀਂ ਹੈ, ਤਾਂ ਇਸਨੂੰ ਅਧਿਕਾਰਤ ਐਪ ਸਟੋਰ ਤੋਂ ਡਾਊਨਲੋਡ ਕਰੋ। ਹੋਮ ਸਕ੍ਰੀਨ ‘ਤੇ “Spot Your Train ” ਵਿਕਲਪ ਚੁਣੋ। ਆਪਣੀ ਟਰੇਨ ਦਾ ਨਾਮ ਜਾਂ ਟਰੇਨ ਨੰਬਰ ਦਰਜ ਕਰੋ ਅਤੇ ਆਪਣੀ ਯਾਤਰਾ ਦੀ ਤਰੀਕ ਚੁਣੋ। ਖੋਜ ਕਰਨ ਤੋਂ ਬਾਅਦ, ਤੁਹਾਨੂੰ ਸਕ੍ਰੀਨ ‘ਤੇ ਟ੍ਰੇਨ ਦੇ ਮੌਜੂਦਾ ਸਥਾਨ, ਪਿਛਲੇ ਸਟੇਸ਼ਨ, ਅਗਲੇ ਸਟੇਸ਼ਨ ਅਤੇ ਸੰਭਾਵਿਤ ਪਹੁੰਚਣ ਦੇ ਸਮੇਂ ਬਾਰੇ ਜਾਣਕਾਰੀ ਮਿਲੇਗੀ।
ਇਹ ਵੀ ਪੜ੍ਹੋ
ਵੈੱਬਸਾਈਟ ਤੋਂ ਟ੍ਰੇਨ ਦਾ ਸਟੇਟਸ ਕਿਵੇਂ ਚੈੱਕ ਕਰੀਏ?
ਆਪਣੇ ਮੋਬਾਈਲ ਜਾਂ ਕੰਪਿਊਟਰ ਬ੍ਰਾਊਜ਼ਰ ਵਿੱਚ ਅਧਿਕਾਰਤ ਰੇਲਵੇ ਵੈੱਬਸਾਈਟ, enquiry.indianrail.gov.in ਖੋਲ੍ਹੋ। “Spot Your Train” ਵਿਕਲਪ ‘ਤੇ ਜਾਓ ਅਤੇ ਟ੍ਰੇਨ ਨੰਬਰ ਅਤੇ ਯਾਤਰਾ ਦੀ ਤਰੀਕ ਦਰਜ ਕਰੋ। ਖੋਜ ਕਰਨ ‘ਤੇ, ਟ੍ਰੇਨ ਦੇ ਸਥਾਨ ਅਤੇ ਸਮੇਂ ਬਾਰੇ ਜਾਣਕਾਰੀ ਸਕ੍ਰੀਨ ‘ਤੇ ਦਿਖਾਈ ਦੇਵੇਗੀ। ਜੇਕਰ ਤੁਹਾਡੇ ਮੋਬਾਈਲ ਫੋਨ ਵਿੱਚ ਇੰਟਰਨੈਟ ਨਹੀਂ ਹੈ, ਤਾਂ ਤੁਸੀਂ ਰੇਲਵੇ ਪੁੱਛਗਿੱਛ ਹੈਲਪਲਾਈਨ ਨੰਬਰ 139 ‘ਤੇ ਸੰਪਰਕ ਕਰ ਸਕਦੇ ਹੋ। ਟ੍ਰੇਨ ਸੰਚਾਲਨ ਅਤੇ ਯਾਤਰਾ ਸੰਬੰਧੀ ਜਾਣਕਾਰੀ ਇੱਥੋਂ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।
