Ram Mandir Flag Hoisting Ceremony: ਸੁਪਨਿਆਂ ਦਾ ਸਾਕਾਰ ਰੂਪ ਹੈ ਇਹ ਧਵਜ, ਧਵਜਾਰੋਹਣ ਤੋਂ ਬਾਅਦ ਬੋਲੇ ਪੀਐਮ ਮੋਦੀ
Ram Mandir Dharam Dhwaj Ceremony ਅਯੁੱਧਿਆ ਵਿੱਚ ਰਾਮ ਲੱਲਾ ਦੀ ਪ੍ਰਾਣ ਪ੍ਰਤਿਸ਼ਠਾ ਤੋਂ ਬਾਅਦ, ਪ੍ਰਧਾਨ ਮੰਤਰੀ ਮੋਦੀ ਨੇ ਰਾਮ ਮੰਦਰ ਦੇ ਸ਼ਿਖਰ 'ਤੇ ਝੰਡਾ ਲਹਿਰਾਇਆ। ਜਿਵੇਂ ਹੀ ਪ੍ਰਧਾਨ ਮੰਤਰੀ ਮੋਦੀ ਨੇ ਅਭਿਜੀਤ ਮਹੂਰਤ ਦੌਰਾਨ ਬਟਨ ਦਬਾਇਆ, 2 ਕਿਲੋਗ੍ਰਾਮ ਦਾ ਭਗਵਾਂ ਧਵਜ 161 ਫੁੱਟ ਉੱਚੇ ਸ਼ਿਖਰ 'ਤੇ ਲਹਿਰਾਉਣ ਲੱਗ ਪਿਆ।
ਅੱਜ ਉੱਤਰ ਪ੍ਰਦੇਸ਼ ਦੇ ਅਯੁੱਧਿਆ ਵਿੱਚ ਰਾਮ ਮੰਦਰ ਵਿੱਚ ਧਵਜਾਰੋਹਨ ਦੀ ਰਸਮ ਅਦਾ ਕੀਤੀ ਗਈ। ਇਸ ਸਮਾਗਮ ਵਿੱਚ ਪ੍ਰਧਾਨ ਮੰਤਰੀ ਮੋਦੀ ਸਮੇਤ ਕਈ ਪਤਵੰਤੇ ਸ਼ਾਮਲ ਹੋਏ। ਅਧੁਧਿਆ ਵਿੱਚ ਪ੍ਰਧਾਨ ਮੰਤਰੀ ਮੋਦੀ ਨੇ ਧਰਮ ਧਵਜ ਲਹਰਾਇਆ ਤਾਂ ਪੂਰਾ ਮਾਹੌਲ ਰਾਮਮਈ ਹੋ ਗਿਆ। ਪੀਐਮ ਮੋਦੀ ਨੇ ਕਿਹਾ ਕਿ ਇਹ ਧਵਜ ਸਾਡੇ ਸੁਪਨਿਆਂ ਦਾ ਮੂਰਤ ਰੂਪ ਹੈ। ਉਨ੍ਹਾਂ ਕਿਹਾ ਕਿ “ਅੱਜ, ਅਯੁੱਧਿਆ ਸ਼ਹਿਰ ਭਾਰਤ ਦੀ ਸੱਭਿਆਚਾਰਕ ਚੇਤਨਾ ਵਿੱਚ ਇੱਕ ਹੋਰ ਮੋੜ ਦੇਖ ਰਿਹਾ ਹੈ। ਅੱਜ, ਪੂਰਾ ਭਾਰਤ ਅਤੇ ਦੁਨੀਆ ਰਾਮ ਨਾਲ ਭਰੀ ਹੋਈ ਹੈ।
ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਹਰ ਰਾਮ ਭਗਤ ਦੇ ਦਿਲ ਵਿੱਚ ਅਥਾਹ ਅਲੌਕਿਕ ਖੁਸ਼ੀ ਹੈ। ਸਦੀਆਂ ਦੈ ਜ਼ਖ਼ਮ ਭਰ ਰਹੇ ਹਨ। ਅੱਜ, ਸਦੀਆਂ ਦਾ ਦਰਦ ਨੂੰ ਸ਼ਾਂਤ ਹੋ ਰਿਹਾ ਹੈ। ਅੱਜ, ਸਦੀਆਂ ਦੇ ਸੰਕਲਪ ਨੂੰ ਪੂਰਾ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਝੰਡਾ ਸੁਪਨਿਆਂ ਦਾ ਰੂਪ ਹੈ। ਇਹ ਧਵਜ ਸੱਚਾਈ ਦੀ ਜਿੱਤ ਦਾ ਪ੍ਰਤੀਕ ਹੈ। ਇਹ ਝੰਡਾ ਸੰਘਰਸ਼ ਦੇ ਸਿਰਜਨ ਦੀ ਗਾਥਾ ਹੈ।
ਸਦੀਆਂ ਪੁਰਾਣੇ ਜ਼ਖ਼ਮ ਭਰ ਰਹੇ ਹਨ: ਪ੍ਰਧਾਨ ਮੰਤਰੀ ਮੋਦੀ
ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ, “ਅੱਜ, ਅਯੁੱਧਿਆ ਸ਼ਹਿਰ ਭਾਰਤ ਦੀ ਸੱਭਿਆਚਾਰਕ ਚੇਤਨਾ ਵਿੱਚ ਇੱਕ ਹੋਰ ਮੋੜ ਦਾ ਗਵਾਹ ਬਣ ਰਿਹਾ ਹੈ। ਅੱਜ, ਪੂਰਾ ਦੇਸ਼ ਅਤੇ ਦੁਨੀਆ ਰਾਮਮਈ ਹੋ ਗਈ ਹੈ। ਹਰ ਰਾਮ ਭਗਤ ਦੇ ਦਿਲ ਵਿੱਚ ਅਥਾਹ, ਅਲੌਕਿਕ ਖੁਸ਼ੀ ਹੈ। ਸਦੀਆਂ ਦੇ ਜ਼ਖ਼ਮ ਭਰ ਰਹੇ ਹਨ। ਅੱਜ, ਸਦੀਆਂ ਦਾ ਦਰਦ ਸ਼ਾਂਤ ਹੋ ਰਿਹਾ ਹੈ। ਸਦੀਆਂ ਦੇ ਸੰਕਲਪ ਪੂਰੇ ਹੋ ਰਹੇ ਹਨ।”
ਆਪਣੇ ਸੰਬੋਧਨ ਵਿੱਚ, ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ, “ਅੱਜ, ਸਾਰਾ ਭਾਰਤ ਅਤੇ ਪੂਰਾ ਸੰਸਾਰ ਰਾਮ ਦੇ ਬ੍ਰਹਮ ਆਨੰਦ ਨਾਲ ਭਰਿਆ ਹੋਇਆ ਹੈ। ਭਗਤਾਂ ਦੇ ਦਿਲਾਂ ਵਿੱਚ ਬੇਮਿਸਾਲ ਸੰਤੁਸ਼ਟੀ ਹੈ। ਬੇਅੰਤ, ਅਲੌਕਿਕ ਖੁਸ਼ੀ ਹੈ। ਸਦੀਆਂ ਦੇ ਜ਼ਖ਼ਮ ਭਰ ਰਹੇ ਹਨ, ਸਦੀਆਂ ਦਾ ਦਰਦ ਹੁਣ ਵਿਰਾਮ ਪਾ ਰਿਹਾ ਹੈ। ਸਦੀਆਂ ਦੇ ਸੰਕਲਪ ਪੂਰੇ ਹੋ ਰਹੇ ਹਨ। ਅੱਜ ਇੱਕ ਯੱਗ ਦੀ ਪੂਰਣਾਹੁਤੀ ਹੈ ਜਿਸਦੀ ਅਗਨੀ ਪੰਜ ਸੌ ਸਾਲਾਂ ਤੋਂ ਪ੍ਰਜਵਲਿਤ ਹੈ। ਜੋ ਯੱਗ ਜੋ ਕਦੇ ਵੀ ਆਸਥਾ ਤੋਂ ਨਹੀਂ ਡੋਲਿਆ, ਜਿਸਨੇ ਇੱਕ ਪਲ ਲਈ ਵੀ ਆਪਣਾ ਵਿਸ਼ਵਾਸ ਨਹੀਂ ਗੁਆਇਆ।”
ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਅੱਜ, ਭਗਵਾਨ ਦੇ ਪਵਿੱਤਰ ਸਥਾਨ ਦੀ ਊਰਜਾ, ਇਹ ਧਰਮ ਧਵਜਾ, ਸਿਰਫ਼ ਇੱਕ ਧਵਜਾ ਨਹੀਂ ਹੈ; ਇਹ ਭਾਰਤੀ ਸੱਭਿਅਤਾ ਦੇ ਪੁਨਰਜਾਗਰਣ ਦਾ ਪ੍ਰਤੀਕ ਹੈ। ਇਸਦਾ ਭਗਵਾ ਰੰਗ, ਇਸ ਉੱਤੇ ਉੱਕਰੇ ਸੂਰਜਵੰਸ਼ ਦੀ ਪ੍ਰਸਿੱਧੀ, ਕੋਵਿਦਾਰ ਰੁੱਖ ਅਤੇ ਸੂਰਜ, ਰਾਮਰਾਜ ਦਾ ਪ੍ਰਤੀਕ ਹਨ। ਇਹ ਝੰਡਾ ਇੱਕ ਸੰਕਲਪ ਹੈ, ਇਹ ਝੰਡਾ ਇੱਕ ਸਫਲਤਾ ਹੈ, ਸੰਘਰਸ਼ ਦੁਆਰਾ ਸ੍ਰਿਸ਼ਟੀ ਦੀ ਗਾਥਾ ਹੈ, ਸਦੀਆਂ ਦੇ ਸੰਘਰਸ਼ ਦਾ ਰੂਪ ਹੈ, ਸੰਤਾਂ ਦੀ ਅਧਿਆਤਮਿਕ ਸਾਧਨਾ ਅਤੇ ਸਮਾਜ ਦੀ ਭਾਗੀਦਾਰੀ ਹੈ। ਆਉਣ ਵਾਲੀਆਂ ਸਦੀਆਂ ਤੱਕ, ਇਹ ਝੰਡਾ ਭਗਵਾਨ ਰਾਮ ਦੇ ਆਦਰਸ਼ਾਂ ਦਾ ਐਲਾਨ ਕਰਦਾ ਰਹੇਗਾ।”
ਇਹ ਵੀ ਪੜ੍ਹੋ
ਸੱਚਾਈ ‘ਚ ਹੀ ਧਰਮ ਸਥਾਪਿਤ: ਪ੍ਰਧਾਨ ਮੰਤਰੀ ਮੋਦੀ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ, “ਆਉਣ ਵਾਲੀਆਂ ਸਦੀਆਂ ਅਤੇ ਕਈ ਸੌ ਸਦੀਆਂ ਤੱਕ, ਇਹ ਧਰਮ ਧਵਜ ਭਗਵਾਨ ਰਾਮ ਦੇ ਆਦਰਸ਼ਾਂ ਅਤੇ ਸਿਧਾਂਤਾਂ ਦਾ ਉਦਘੋਸ਼ ਕਰੇਗਾ। ਇਹ ਧਰਮ ਧਵਜ ਸੱਦਾ ਦੇਵੇਗਾ ਕਿ ਹਮੇਸ਼ਾ ਸੱਚ ਦੀ ਹੀ ਜਿੱਤ ਹੁੰਦੀ ਹੈ, ਝੂਠ ਦੀ ਨਹੀਂ। ਇਹ ਧਰਮ ਧਵਜ ਉਦਘੋਸ਼ ਕਰੇਗਾ ਕਿ ਸੱਚ ਹੀ ਬ੍ਰਹਮ ਦਾ ਸਵਰੂਪ ਹੈ। ਸੱਚਾਈ ‘ਚ ਹੀ ਧਰਮ ਸਥਾਪਿਤ ਹੈ। ਇਹ ਧਰਮ ਧਵਜ ਪ੍ਰੇਰਣਾ ਬਣੇਗਾ ਕਿ ਪ੍ਰਾਣ ਜਾਏ ਪਰ ਵਚਵ ਨਾ ਜਾਏ, ਯਾਨੀ ਜੋ ਕਿਹਾ ਉਹੀ ਕੀਤਾ ਜਾਵੇ।”
ਇਸ ਤੋਂ ਪਹਿਲਾਂ, ਉਨ੍ਹਾਂ ਨੇ ਸਪਤ ਰਿਸ਼ੀਆਂ (ਸੱਤ ਰਿਸ਼ੀਆਂ) ਦੇ ਦਰਸ਼ਨ ਵੀ ਕੀਤੇ, ਭਗਵਾਨ ਸ਼ੇਸ਼ਾਵਤਾਰ ਅਤੇ ਲਕਸ਼ਮਣ ਜੀ ਦੀ ਪੂਜਾ ਕੀਤੀ ਅਤੇ ਜਲ ਭੰਡਾਰ ਦਾ ਦੌਰਾ ਕੀਤਾ। ਫਿਰ ਉਨ੍ਹਾਂ ਨੇ ਸਾਕੇਤ ਕਾਲਜ ਤੋਂ ਰਾਮ ਜਨਮਭੂਮੀ ਤੱਕ ਇੱਕ ਰੋਡ ਸ਼ੋਅ ਦੀ ਅਗਵਾਈ ਕੀਤੀ, ਜਿਸ ਵਿੱਚ ਲਗਭਗ 1.5 ਕਿਲੋਮੀਟਰ ਦੀ ਦੂਰੀ ਤੈਅ ਕੀਤੀ ਗਈ। ਲੋਕਾਂ ਨੇ ਜੋਰਦਾਰ ਨਾਅਰੇਬਾਜ਼ੀ ਕੀਤੀ ਅਤੇ ਫੁੱਲ ਬਰਸਾਏ।
#WATCH | Ayodhya Dhwajarohan | Prime Minister Narendra Modi reaches the Saptmandir, which houses temples related to Maharshi Vashishtha, Maharshi Vishwamitra, Maharshi Agastya, Maharshi Valmiki, Devi Ahilya, Nishadraj Guha and Mata Shabari
(Source: DD) pic.twitter.com/JM9qKbb8Uu — ANI (@ANI) November 25, 2025
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਯੁੱਧਿਆ ਦੀ ਆਪਣੀ ਯਾਤਰਾ ਸਪਤ ਰਿਸ਼ੀ ਮੰਦਰ ਤੋਂ ਸ਼ੁਰੂ ਕੀਤੀ। ਵੈਦਿਕ ਮੰਤਰਾਂ ਦੇ ਜਾਪ ਦੇ ਵਿਚਕਾਰ, ਉਨ੍ਹਾਂ ਨੇ ਸੱਤ ਰਿਸ਼ੀਆਂ ਦੇ ਮੰਦਰਾਂ ਵਿੱਚ ਪ੍ਰਾਰਥਨਾ ਕੀਤੀ। ਮੰਦਰ ਕੰਪਲੈਕਸ ਮਹਾਰਿਸ਼ੀ ਵਸ਼ਿਸ਼ਠ, ਮਹਾਰਿਸ਼ੀ ਵਿਸ਼ਵਾਮਿੱਤਰ, ਮਹਾਰਿਸ਼ੀ ਅਗਸਤਯ, ਮਹਾਰਿਸ਼ੀ ਵਾਲਮੀਕਿ, ਦੇਵੀ ਅਹਿਲਿਆ, ਨਿਸ਼ਾਦਰਾਜ ਗੁਹਾ ਅਤੇ ਮਾਤਾ ਸ਼ਬਰੀ ਨੂੰ ਸਮਰਪਿਤ ਹੈ।
ਵਿਸ਼ੇਸ਼ ਤੌਰ ‘ਤੇ ਤਿਆਰ ਕਰਵਾਇਆ ਗਿਆ ਧਵਜ
ਰਾਮ ਮੰਦਰ ਦੇ ਉੱਪਰ ਲਹਿਰਾਇਆ ਜਾਣ ਵਾਲਾ ਭਗਵਾਂ ਧਵਜ 11 ਫੁੱਟ ਉੱਚਾ ਅਤੇ 20 ਫੁੱਟ ਲੰਬਾ ਹੈ, ਜਿਸ ਵਿੱਚ ਇੱਕ ਚਮਕਦਾ ਸੂਰਜ ਹੈ, ਜੋ ਭਗਵਾਨ ਰਾਮ ਦੀ ਵੀਰਤਾ ਦਾ ਪ੍ਰਤੀਕ ਹੈ, ਓਮ ਨਾ ਨਿਸ਼ਾਨ ਅਤੇ ਕੋਵਿਦਾਰ ਗਾ ਦਰੱਖਤ ਵੀ ਹੈ। ਇਹ ਧਵਜ ਪਰੰਪਰਾਗਤ ਉੱਤਰੀ ਭਾਰਤੀ ਨਾਗਰ ਸ਼ੈਲੀ ਵਿੱਚ ਮੰਦਰ ਦੇ ਸ਼ਿਖਰ ਦੇ ਉੱਪਰ ਲਹਿਰਾਏਗਾ।
