‘ਆਪ’ ਵਿਧਾਇਕ ਅਮਾਨਤੁੱਲਾ ਖਾਨ ਦੇ ਬੇਟੇ ਦੀ ਸਰੇਆਮ ਗੁੰਡਾਗਰਦੀ, ਨੋਇਡਾ ‘ਚ ਪੈਟਰੋਲ ਪੰਪ ‘ਤੇ ਕੁੱਟਮਾਰ
AAP MLA Amanatullah Son Hungama: ਦਿੱਲੀ ਦੇ 'ਆਪ' ਵਿਧਾਇਕ ਅਮਾਨਤੁੱਲਾ ਖਾਨ ਦੇ ਪੁੱਤਰ ਵੱਲੋਂ ਵੀ ਸੱਤਾ ਦਾ ਰਸੂਖ ਦਿਖਾਉਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਵਿਧਾਇਕ ਦੇ ਬੇਟੇ ਨੇ ਨੋਇਡਾ ਦੇ ਪੈਟਰੋਲ ਪੰਪ ਦੇ ਕਰਮਚਾਰੀਆਂ ਨਾਲ ਕੁੱਟਮਾਰ ਕੀਤੀ ਹੈ। ਨੋਇਡਾ ਪੁਲਿਸ ਨੇ ਸੀਸੀਟੀਵੀ ਫੁਟੇਜ ਦੇ ਆਧਾਰ 'ਤੇ ਮਾਮਲਾ ਦਰਜ ਕਰਕੇ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਦਿੱਲੀ ਦੇ ਓਖਲਾ ਵਿਧਾਨ ਸਭਾ ਤੋਂ ‘ਆਪ’ ਵਿਧਾਇਕ ਅਮਾਨਤੁੱਲਾ ਖਾਨ ਪਿਛਲੇ ਕਈ ਦਿਨਾਂ ਤੋਂ ਸੁਰਖੀਆਂ ‘ਚ ਹਨ। ਅਮਾਨਤੁੱਲਾ ਖਿਲਾਫ ਮਨੀ ਲਾਂਡਰਿੰਗ, ਧਮਕੀਆਂ ਆਦਿ ਦੇ ਕਰੀਬ 18 ਮਾਮਲੇ ਦਰਜ ਹਨ, ਹੁਣ ਉਨ੍ਹਾਂ ਦੇ ਪੁੱਤਰ ਦਾ ਵੀ ਸੱਤਾ ਦਾ ਪ੍ਰਭਾਵ ਦਿਖਾਉਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਦਰਅਸਲ ਮਾਮਲਾ ਨੋਇਡਾ ਸੈਕਟਰ-95 ਦਾ ਹੈ, ਜਿੱਥੇ ਵਿਧਾਇਕ ਦੇ ਬੇਟੇ ਨੇ ਆਪਣੀ ਹੰਕਾਰ ਦਿਖਾਉਂਦੇ ਹੋਏ ਇਕ ਫਿਲਿੰਗ ਸਟੇਸ਼ਨ ‘ਤੇ ਲਾਈਨ ਤੋੜ ਕੇ ਹੰਗਾਮਾ ਕਰ ਦਿੱਤਾ। ਜਦੋਂ ਫਿਲਿੰਗ ਸਟੇਸ਼ਨ ਦੇ ਮੁਲਾਜ਼ਮ ਨੇ ਲਾਈਨ ਤੋੜ ਕੇ ਉਨ੍ਹਾਂ ਨੂੰ ਪੈਟਰੋਲ ਦੇਣ ਤੋਂ ਇਨਕਾਰ ਕਰ ਦਿੱਤਾ ਤਾਂ ਅਮਾਨਤੁੱਲਾ ਖਾਨ ਦੇ ਲੜਕੇ ਨੇ ਮੁਲਾਜ਼ਮ ਦੀ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ। ਪੁਲਿਸ ਨੇ ਬੇਟੇ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ।
ਕੀ ਹੈ ਮਾਮਲਾ?
ਮਾਮਲਾ ਮੰਗਲਵਾਰ ਦੁਪਹਿਰ ਦੀ ਦੱਸਿਆ ਜਾ ਰਿਹਾ ਹੈ। ਨੋਇਡਾ ਦੇ ਮਹਾਮਾਇਆ ਪੁਲ ਨੇੜੇ ਇਕ ਫਿਲਿੰਗ ਸਟੇਸ਼ਨ ‘ਤੇ ਈਂਧਨ ਲੈਣ ਲਈ ਵਾਹਨਾਂ ਦੀ ਕਤਾਰ ਲੱਗੀ ਹੋਈ ਸੀ। ਉਦੋਂ ਵਿਧਾਇਕ ਦੇ ਬੇਟੇ ਨੇ ਲਾਈਨ ਤੋੜਦੇ ਹੋਏ ਆਪਣੀ ਗ੍ਰੇ ਕਲਰ ਦੀ ਬ੍ਰੇਜ਼ਾ ਕਾਰ ਪੰਪ ‘ਤੇ ਲਗਾ ਦਿੱਤੀ। ਜਦੋਂ ਮੁਲਾਜ਼ਮਾਂ ਨੇ ਲਾਈਨ ਤੋੜਨ ਕਰਕੇ ਉਨ੍ਹਾਂ ਨੂੰ ਪੈਟਰੋਲ ਦੇਣ ਤੋਂ ਇਨਕਾਰ ਕਰ ਦਿੱਤਾ ਤਾਂ ਵਿਧਾਇਕ ਦੇ ਪੁੱਤਰ ਨੇ ਦਿਨ ਦਿਹਾੜੇ ਗੁੰਡਾਗਰਦੀ ਕੀਤੀ ਅਤੇ ਕੁੱਟਮਾਰ ਤੇ ਉੱਤਰ ਆਇਆ।
ਕਿਸੇ ਦਾ ਵੀ ਬੇਟਾ ਹੋਵੇ, ਕਾਨੂੰਨੀ ਕਾਰਵਾਈ ਹੋਵੇਗੀ
ਪੂਰੇ ਮਾਮਲੇ ‘ਤੇ ਨੋਇਡਾ ਦੇ ਡੀਸੀਪੀ ਨੇ ਕਿਹਾ ਕਿ ਬੇਟਾ ਭਾਵੇਂ ਕੋਈ ਵੀ ਹੋਵੇ, ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਅਮਾਨਤੁੱਲਾ ਖਾਨ ਖੁਦ ਮੌਕੇ ‘ਤੇ ਪਹੁੰਚੇ। ਦੱਸ ਦਈਏ ਕਿ ਇਸ ਮਾਮਲੇ ‘ਚ ਸ਼ਿਕਾਇਤ ਪੱਤਰ ਦੇਣ ਤੋਂ ਬਾਅਦ ਪੈਟਰੋਲ ਪੰਪ ਮਾਲਕ ਦੇ ਖਿਲਾਫ ਮਾਮਲਾ ਦਰਜ ਕਰਨ ਦੀ ਗੱਲ ਕੀਤੀ ਜਾ ਰਹੀ ਹੈ। ਪਰ ਨੋਇਡਾ ਪੁਲਿਸ ਨੇ ਸੀਸੀਟੀਵੀ ਫੁਟੇਜ ਦੇ ਆਧਾਰ ‘ਤੇ ਮਾਮਲਾ ਦਰਜ ਕਰਕੇ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਇਹ ਵੀ ਪੜ੍ਹੋ – ਅਰਵਿੰਦ ਕੇਜਰੀਵਾਲ ਦੀ ਅੰਤਰਿਮ ਜ਼ਮਾਨਤ ਤੇ ਅੱਜ ਨਹੀਂ ਆ ਸਕਿਆ ਫੈਸਲਾ, ਦੇ ਦਿਨ ਬਾਅਦ ਸੁਪਰੀਮ ਕੋਰਟ ਚ ਮੁੱੜ ਸੁਣਵਾਈ
ਅਮਾਨਤੁੱਲਾ ਨੂੰ ਸੁਪਰੀਮ ਕੋਰਟ ਤੋਂ ਮਿਲੀ ਹੈ ਰਾਹਤ
ਹਾਲ ਹੀ ‘ਚ ਸੁਪਰੀਮ ਕੋਰਟ ਨੇ ਦਿੱਲੀ ਪੁਲਿਸ ਵੱਲੋਂ ਬੈਡ ਕੈਰੇਕਟਰ ਐਲਾਨੇ ਜਾਣ ਤੇ ਅਮਾਨਤੁੱਲਾ ਖਾਨ ਨੂੰ ਰਾਹਤ ਦਿੱਤੀ ਸੀ। ਅਮਾਨਤ ਨੇ ਅਦਾਲਤ ਵਿੱਚ ਪਟੀਸ਼ਨ ਦਾਇਰ ਕੀਤੀ ਸੀ ਕਿ ਪੁਲਿਸ ਨੇ ਆਪਣੀ ਬੈਡ ਕੈਰੇਕਟਰ ਸ਼ੀਟ ਤੇ ਉਨ੍ਹਾਂ ਦੇ ਨਾਬਾਲਗ ਲੜਕਿਆਂ ਦੀ ਪਛਾਣ ਜ਼ਾਹਰ ਕੀਤੀ ਹੈ। ਜਿਸ ‘ਤੇ SC ਨੇ ਦਿੱਲੀ ਪੁਲਿਸ ਨੂੰ ਫਟਕਾਰ ਲਗਾਈ ਹੈ।