Irregular Heart Beat: ਦਿਲ ਦੀ ਧੜਕਣ ਦਾ ਅਨਿਯਮਿਤ ਹੋਣਾ ਖਤਰਨਾਕ, ਨਾ ਕਰੋ ਨਜ਼ਰਅੰਦਾਜ਼

ਹੈਲਥ ਨਿਊਜ: ਜਿੰਨਾ ਸਾਡੀ ਜ਼ਿੰਦਗੀ ਲਈ ਦਿਲ ਜ਼ਰੂਰੀ ਹੈ, ਓਨਾ ਹੀ ਜ਼ਰੂਰੀ ਹੈ ਦਿਲ ਲਈ ਧੜਕਣ। ਜੇਕਰ ਸਾਡੇ ਦਿਲ ਦੀ ਧੜਕਣ ਠੀਕ ਹੈ ਤਾਂ ਇਹ ਵੀ ਠੀਕ ਕੰਮ ਕਰਦਾ ਹੈ, ਇਸ ਦੇ ਉਲਟ ਜੇਕਰ ਸਾਡੇ ਦਿਲ ਦੀ ਧੜਕਣ (Heart Beat) ਅਨਿਯਮਿਤ ਹੈ ਤਾਂ ਇਹ ਸਾਡੇ ਦਿਲ ਲਈ ਘਾਤਕ ਸਾਬਤ ਹੋ ਸਕਦੀ ਹੈ। ਇਸ ਸਮੇਂ ਬਹੁਤ ਸਾਰੇ ਲੋਕ ਇਸ ਤਰ੍ਹਾਂ ਦੀ ਸਮੱਸਿਆ ਦਾ ਸਾਹਮਣਾ ਕਰ ਰਹੇ ਹਨ। ਸਿਹਤ ਮਾਹਿਰ ਇਸ ਪਿੱਛੇ ਕਈ ਕਾਰਨ ਦੱਸਦੇ ਹਨ। ਸਿਹਤ ਮਾਹਿਰਾਂ ਦੇ ਅਨੁਸਾਰ, ਸਾਡੀ ਖੁਰਾਕ ਅਤੇ ਗੈਰ-ਸਿਹਤਮੰਦ ਜੀਵਨ ਸ਼ੈਲੀ ਕਾਰਨ ਸਾਨੂੰ ਦਿਲ ਨਾਲ ਸਬੰਧਤ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਅਨਿਯਮਿਤ ਦਿਲ ਦੀ ਧੜਕਣ ਵੀ ਇਨ੍ਹਾਂ ਵਿੱਚੋਂ ਇੱਕ ਹੈ।

ਇਸੇ ਕਰਕੇ ਦਿਲ ਦੀ ਧੜਕਣ ਹੋ ਜਾਂਦੀ ਹੈ ਅਨਿਯਮਿਤ

ਸਿਹਤ ਮਾਹਿਰਾਂ ਦਾ ਕਹਿਣਾ ਹੈ ਕਿ ਜੇਕਰ ਕਿਸੇ ਵਿਅਕਤੀ ਦੇ ਦਿਲ ਦੀ ਧੜਕਣ ਘੱਟ ਜਾਂ ਜ਼ਿਆਦਾ ਹੁੰਦੀ ਹੈ ਤਾਂ ਇਸ ਦਾ ਕਾਰਨ ਸਾਡੇ ਦਿਲ ਦੀਆਂ ਧਮਨੀਆਂ ਵਿੱਚ ਰੁਕਾਵਟ, (ਕੋਰੋਨਰੀ ਆਰਟਰੀ ਡਿਜ਼ੀਜ਼), ਕਾਰਡੀਓਮਾਇਓਪੈਥੀ, ਸ਼ੂਗਰ, ਹਾਈ ਬੀਪੀ (Blood Pressure), ਹਾਈਪਰਐਕਟਿਵ ਥਾਇਰਾਇਡ ਗਲੈਂਡ, ਸਲੀਪ ਐਪਨੀਆ ਆਦਿ ਹੋ ਸਕਦੇ ਹਨ। ਇਸ ਤਰ੍ਹਾਂ ਦੀ ਸਮੱਸਿਆ ਆਉਣ ‘ਤੇ ਸਾਨੂੰ ਕਿਸੇ ਚੰਗੇ ਮਾਹਿਰ ਦੀ ਰਾਏ ਲੈ ਕੇ ਤੁਰੰਤ ਇਲਾਜ ਸ਼ੁਰੂ ਕਰ ਦੇਣਾ ਚਾਹੀਦਾ ਹੈ, ਨਹੀਂ ਤਾਂ ਇਹ ਸਾਡੇ ਲਈ ਦਿਲ ਦੇ ਕਿਸੇ ਭਿਆਨਕ ਰੋਗ ਦਾ ਕਾਰਨ ਵੀ ਬਣ ਸਕਦਾ ਹੈ।

ਕਈ ਵਾਰ ਕੁਦਰਤੀ ਤੌਰ ‘ਤੇ ਵੀ ਅਨਿਯਮਿਤ ਹੁੰਦੀਆਂ ਹਨ ਅਨਿਯਮਿਤ

ਸਿਹਤ ਮਾਹਿਰਾਂ (Medical Experts) ਦਾ ਮੰਨਣਾ ਹੈ ਕਿ ਕਈ ਵਾਰ ਰਾਤ ਦੇ ਸਮੇਂ ਅਨਿਯਮਿਤ ਦਿਲ ਦੀ ਧੜਕਣ ਇਸ ਗੱਲ ‘ਤੇ ਨਿਰਭਰ ਕਰਦੀ ਹੈ ਕਿ ਤੁਹਾਡੀ ਸਥਿਤੀ ਕੀ ਹੈ। ਕੁਝ ਲੋਕਾਂ ਦੇ ਦਿਲ ਦੀ ਧੜਕਣ ਤੇਜ਼ ਹੁੰਦੀ ਹੈ (ਟੈਚੀਕਾਰਡਿਆ), ਜਦੋਂ ਕਿ ਦੂਜਿਆਂ ਦੇ ਦਿਲ ਦੀ ਧੜਕਣ ਹੌਲੀ ਹੁੰਦੀ ਹੈ (ਬ੍ਰੈਡੀਕਾਰਡਿਆ)। ਜਦੋਂ ਕਿ ਬਹੁਤ ਸਾਰੇ ਲੋਕਾਂ ਨੂੰ ਇਲਾਜ ਦੀ ਲੋੜ ਨਹੀਂ ਹੁੰਦੀ।

ਠੀਕ ਮਹਿਸੂਸ ਨਾ ਹੋਣ ਤੇ ਡਾਕਟਰ ਦੀ ਲਵੋ ਸਲਾਹ

ਜੇਕਰ ਤੁਹਾਨੂੰ ਅਨਿਯਮਿਤ ਦਿਲ ਦੀ ਧੜਕਣ ਕਾਰਨ ਦਿਲ ਨਾਲ ਸਬੰਧਤ ਹੋਰ ਬਿਮਾਰੀਆਂ ਦਾ ਖ਼ਤਰਾ ਹੈ, ਤਾਂ ਮਰੀਜ਼ ਦਾ ਇਲਾਜ ਦਵਾਈਆਂ, ਥੈਰੇਪੀ ਅਤੇ ਸਰਜਰੀ ਰਾਹੀਂ ਕੀਤਾ ਜਾਂਦਾ ਹੈ । ਦਿਲ ਦੀ ਕਿਸੇ ਵੀ ਤਰ੍ਹਾਂ ਦੀ ਸਮੱਸਿਆ ਹੋਣ ‘ਤੇ ਤੁਰੰਤ ਨਜ਼ਦੀਕੀ ਡਾਕਟਰ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ। ਕਈ ਵਾਰ ਦੇਰੀ ਨਾਲ ਮਰੀਜ਼ ਦੀ ਹਾਲਤ ਵਿਗੜ ਸਕਦੀ ਹੈ। ਕਿਉਂਕਿ ਦਿਲ ਨਾਲ ਜੁੜੀ ਕਿਸੇ ਵੀ ਸਮੱਸਿਆ ਨੂੰ ਹਲਕੇ ਵਿੱਚ ਨਹੀਂ ਲੈਣਾ ਚਾਹੀਦਾ। ਭਾਰਤ ਉਨ੍ਹਾਂ ਦੇਸ਼ਾਂ ਵਿੱਚੋਂ ਇੱਕ ਹੈ ਜਿੱਥੇ ਦਿਲ ਦੇ ਦੌਰੇ ਦੇ ਮਾਮਲੇ ਲਗਾਤਾਰ ਵੱਧ ਰਹੇ ਹਨ ਅਤੇ ਇਸ ਕਾਰਨ ਮੌਤ ਦਰ ਵੀ ਬਹੁਤ ਜ਼ਿਆਦਾ ਹੈ। ਹੋਰ ਪੰਜਾਬੀ ਖਬਰਾਂ ਲਈ TV9 ਪੰਜਾਬੀ ਦੀ ਵੈਬਸਾਈਟ ਤੇ ਜਾਓ