World Autism Awareness Day : ਕਿਵੇਂ ਪਛਾਣੀਏ ਕਿ ਤੁਹਾਡੇ ਬੱਚੇ ਨੂੰ ਔਟਿਜ਼ਮ ਹੈ ਜਾਂ ਨਹੀਂ ? ਡਾਕਟਰ ਤੋਂ ਜਾਣੋ ਸ਼ੁਰੂਆਤੀ ਲੱਛਣ

Autism symptoms in kids: ਔਟਿਜ਼ਮ ਇੱਕ ਅਜਿਹਾ ਡਿਸਆਰਡਰ ਹੈ ਜਿਸ ਵਿੱਚ ਬੱਚੇ ਦਾ ਵਿਵਹਾਰ ਅਸਧਾਰਨ ਹੁੰਦਾ ਹੈ। ਬਹੁਤ ਸਾਰੇ ਮਾਮਲਿਆਂ ਵਿੱਚ, ਮਾਪੇ ਆਪਣੇ ਬੱਚੇ ਦੇ ਜਨਮ ਤੋਂ ਕਈ ਸਾਲਾਂ ਬਾਅਦ ਤੱਕ ਆਪਣੇ ਬੱਚੇ ਦੀ ਸਥਿਤੀ ਤੋਂ ਅਣਜਾਣ ਰਹਿੰਦੇ ਹਨ। ਦੇਰੀ ਨਾਲ ਨਿਦਾਨ ਸਹੀ ਇਲਾਜ ਨੂੰ ਵੀ ਗੁੰਝਲਦਾਰ ਬਣਾ ਸਕਦਾ ਹੈ। ਇਸ ਲਈ, ਇਹ ਜਾਣਨਾ ਮਹੱਤਵਪੂਰਨ ਹੈ ਕਿ ਤੁਹਾਡੇ ਬੱਚੇ ਨੂੰ Autism Spectrum Disorder ਤਾਂ ਨਹੀਂ ਹੈ। ਇਸਦੇ ਲੱਛਣ ਕੀ ਹਨ, ਅਤੇ ਕੀ ਇਸਦਾ ਕੋਈ ਇਲਾਜ ਹੈ? ਆਓ ਇਸ ਬਾਰੇ ਜਾਣੀਏ।

ਔਟਿਜ਼ਮ ਇੱਕ ਅਜਿਹੀ ਸਥਿਤੀ ਹੈ ਜਿਸ ਵਿੱਚ ਬੱਚੇ ਦਾ ਦਿਮਾਗ ਆਮ ਨਾਲੋਂ ਵੱਖਰੇ ਢੰਗ ਨਾਲ ਵਿਕਸਤ ਹੁੰਦਾ ਹੈ। ਇਹ ਬੱਚੇ ਦੇ ਸੰਚਾਰ ਅਤੇ ਰੋਜ਼ਾਨਾ ਰੁਟੀਨ ਨੂੰ ਪ੍ਰਭਾਵਿਤ ਕਰਦਾ ਹੈ। ਜ਼ਿਆਦਾਤਰ ਮਾਮਲਿਆਂ ਵਿੱਚ, ਇਹ ਸਮੱਸਿਆ ਜਨਮ ਤੋਂ ਹੀ ਮੌਜੂਦ ਹੁੰਦੀ ਹੈ, ਪਰ ਕੁਝ ਵਿਅਕਤੀਆਂ ਦੇ ਜੀਵਨ ਵਿੱਚ ਬਾਅਦ ਵਿੱਚ ਲੱਛਣ ਵਿਕਸਤ ਹੋ ਸਕਦੇ ਹਨ। ਇਸ ਲਈ, ਔਟਿਜ਼ਮ ਦੇ ਸ਼ੁਰੂਆਤੀ ਲੱਛਣਾਂ ਨੂੰ ਪਛਾਣਨਾ ਮਹੱਤਵਪੂਰਨ ਹੈ।

ਕੀ ਹਨ ਔਟਿਜ਼ਮ ਦੇ ਲੱਛਣ ?

ਨੋਇਡਾ ਦੇ ਮੈਕਸ ਹਸਪਤਾਲ ਦੇ ਪੀਡੀਆਟ੍ਰਿਕ ਵਿਭਾਗ ਵਿੱਚ ਡਾ. ਅੰਕੁਰ ਸੇਠੀ ਦੱਸਦੇ ਹਨ ਕਿ ਇਸ ਦਾ ਇੱਕ ਆਮ ਲੱਛਣ ਹੁੰਦਾ ਹੈ ਕਿ ਤੁਹਾਡਾ ਬੱਚਾ ਅੱਖਾਂ ਵਿੱਚ ਵੇਖਦੇ ਹੋਏ ਗੱਲ ਨਹੀਂ ਕਰਦਾ। ਜੇ ਤੁਸੀਂ ਉਸਨੂੰ ਉਸਦੇ ਨਾਮ ਨਾਲ ਤੋਂ ਬੁਲਾਉਂਦੇ ਹੋ, ਤਾਂ ਉਹ ਇਸ ‘ਤੇ ਕੋਈ ਜਵਾਬ ਨਹੀਂ ਦਿੰਦਾ ਹੈ ਇਹ ਵੀ ਹੁੰਦਾ ਹੈ ਕਿ ਕਈ ਵਾਰ ਜਦੋਂ ਉਸਨੂੰ ਬੁਲਾਇਆ ਜਾਂਦਾ ਹੈ ਤਾਂ ਉਹ ਹਲਕਾ ਜਿਹਾ ਰਿਐਕਸਨ ਦਿੰਦਾ ਹੈ। ਉਹ 2 ਸਾਲ ਤੋਂ ਵੱਧ ਉਮਰ ਦਾ ਹੋ ਗਿਆ ਹੈ ਅਤੇ ਅਜੇ ਬੋਲਣਾ ਸ਼ੁਰੂ ਨਹੀਂ ਕੀਤਾ ਹੈ। ਉਸਨੂੰ ਦੂਜੇ ਬੱਚਿਆਂ ਨਾਲ ਖੇਡਣ ਜਾਂ ਸਮਾਜਿਕਤਾ ਵਿੱਚ ਦਿਲਚਸਪੀ ਨਹੀਂ ਹੁੰਦੀ ਹੈ ਅਤੇ ਅਕਸਰ ਇਕੋ ਗੱਲ ਨੂੰ ਵਾਰ-ਵਾਰ ਦੁਹਰਾਉਂਦਾ ਹੈ।

ਉਸਨੂੰ ਅਚਾਨਕ ਗੁੱਸਾ ਵੀ ਆ ਸਕਦਾ ਹੈ। ਜੇਕਰ ਤੁਸੀਂ ਆਪਣੇ ਬੱਚੇ ਵਿੱਚ ਇਹ ਲੱਛਣ ਦੇਖਦੇ ਹੋ, ਤਾਂ ਇੱਕ ਨਿਊਰੋਡਿਵੈਲਪਮੈਂਟਲ ਡਿਸਆਰਡਰ ਵਾਲੇ ਡਾਕਟਰ ਨਾਲ ਸਲਾਹ ਕਰੋ। ਡਾਕਟਰ ਬੱਚੇ ਦੇ ਵਿਵਹਾਰ, ਵਿਕਾਸ ਅਤੇ ਪ੍ਰਤੀਕ੍ਰਿਆਵਾਂ ਦੇ ਆਧਾਰ ‘ਤੇ ਜਾਂਚ ਕਰਦੇ ਹਨ। ਜੇ ਜ਼ਰੂਰੀ ਹੋਵੇ, ਤਾਂ ਸਪੀਚ ਥੈਰੇਪੀ, ਬਿਹੇਵੀਅਰ ਥੈਰੇਪੀ, ਅਤੇ ਹੋਰ ਇੰਟਰਵੇਸ਼ਨ ਸ਼ੁਰੂ ਕੀਤੀ ਜਾਂਦੀ ਹੈ।

ਕੀ ਔਟਿਜ਼ਮ ਦਾ ਕੋਈ ਇਲਾਜ ਹੈ?

ਡਾ. ਅੰਕੁਰ ਸੇਠੀ ਕਹਿੰਦੇ ਹਨ ਕਿ ਔਟਿਜ਼ਮ ਇੱਕ ਬਿਮਾਰੀ ਨਹੀਂ ਹੈ, ਸਗੋਂ ਇੱਕ ਡਿਸਆਰਡਰ ਹੈ। ਇਸਨੂੰ ਪੂਰੀ ਤਰ੍ਹਾਂ ਠੀਕ ਨਹੀਂ ਕੀਤਾ ਜਾ ਸਕਦਾ, ਪਰ ਸ਼ੁਰੂਆਤੀ ਲੱਛਣਾਂ ਦੀ ਪਛਾਣ ਕਰਕੇ ਇਸਨੂੰ ਆਸਾਨੀ ਨਾਲ ਕੰਟਰੋਲ ਕੀਤਾ ਜਾ ਸਕਦਾ ਹੈ। ਸਮੇਂ ਸਿਰ ਥੈਰੇਪੀ ਅਤੇ ਸਹੀ ਸਿਖਲਾਈ ਬੱਚੇ ਦੀ ਸਥਿਤੀ ਵਿੱਚ ਕਾਫ਼ੀ ਸੁਧਾਰ ਕਰ ਸਕਦੀ ਹੈ। ਜਿੰਨੀ ਜਲਦੀ ਪਹਿਚਾਣ ਹੋਵੇਗੀ, ਓਨਾ ਹੀ ਵਧੀਆ ਨਤੀਜਾ ਹੋਵੇਗਾ।

ਇਹ ਵੀ ਪੜ੍ਹੋ

ਖ਼ਰਾਬ ਖ਼ੁਰਾਕ ਤੇ ਨੀਂਦ ਦੀ ਕਮੀ ਨਾਲ ਹੋ ਰਿਹਾ ਕੈਂਸਰ, ਲੱਛਣਾਂ ਨਾ ਕਰੋ ਨਜ਼ਰਅੰਦਾਜ

ਗਰਮੀਆਂ 'ਚ ਕੋਲਡ ਡਰਿੰਕ ਤੇ ਚਿਪਸ ਦਾ ਸੁਮੇਲ ਖ਼ਤਰਨਾਕ, ਜਾਣੋ ਕਿਉਂ

ਲੂ ਲੱਗਣ ਦੇ ਕੀ ਹਨ ਮੁੱਖ ਕਾਰਨ ਅਤੇ ਕਦੋਂ ਪੈਂਦੀ ਹੈ ਹਸਪਤਾਲ ਜਾਣ ਦੀ ਲੋੜ? ਜਾਣੋਂ

ਮਾਪਿਆਂ ਲਈ ਕੀ ਮਹੱਤਵਪੂਰਨ ਹੈ?

• ਆਪਣੇ ਬੱਚੇ ਦੇ ਵਿਵਹਾਰ ਵੱਲ ਧਿਆਨ ਦਿਓ। ਜੇਕਰ ਇਹ ਆਮ ਬੱਚਿਆਂ ਤੋਂ ਵੱਖਰਾ ਹੈ, ਤਾਂ ਡਾਕਟਰ ਨਾਲ ਸਲਾਹ ਕਰੋ।
• ਆਪਣੇ ਬੱਚੇ ਨਾਲ ਗੱਲਬਾਤ ਅਤੇ ਆਪਸੀ ਤਾਲਮੇਲ ਵਧਾਓ।
• ਦੇਖੋ ਕਿ ਉਸ ਵਿੱਚ ਔਟਿਜ਼ਮ ਦਾ ਕੋਈ ਲੱਛਣ ਤਾਂ ਨਹੀਂ ਹੈ।
• ਜੇਕਰ ਕੋਈ ਸਮੱਸਿਆ ਨਜ਼ਰ ਆਉਂਦੀ ਹੈ ਤਾਂ ਤੁਰੰਤ ਇਲਾਜ ਕਰਵਾਓ।