HIV Vaccine : ਇਸ ਟੀਕੇ ਦੀਆਂ ਦੋ ਡੋਜ਼ ਲਗਵਾਉਣ ਨਾਲ ਰੁਕੇਗਾ HIV ਸੰਕਰਮਣ, Trail ‘ਚ ਦਾਅਵਾ
HIV Vaccine : ਵਿਗਿਆਨੀਆਂ ਨੇ ਲੈਂਕਾਪਾਵੀਰ ਨਾਮ ਦਾ ਟੀਕਾ ਵਿਕਸਿਤ ਕੀਤਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਟੀਕਾ HIV ਦੀ ਲਾਗ ਨੂੰ ਰੋਕਣ ਵਿੱਚ ਮਦਦਗਾਰ ਸਾਬਤ ਹੋ ਸਕਦਾ ਹੈ। ਦੱਖਣੀ ਅਫ਼ਰੀਕਾ ਵਿੱਚ ਪੰਜ ਹਜ਼ਾਰ ਲੋਕਾਂ 'ਤੇ ਕੀਤੇ ਗਏ ਅਜ਼ਮਾਇਸ਼ ਵਿੱਚ ਇਹ ਟੀਕਾ ਐੱਚਆਈਵੀ ਵਿਰੁੱਧ ਕਾਰਗਰ ਸਾਬਤ ਹੋਇਆ ਹੈ।
ਵਿਗਿਆਨੀਆਂ ਨੇ ਇੱਕ ਟੀਕਾ ਵਿਕਸਿਤ ਕੀਤਾ ਹੈ। ਸਾਲ ਵਿੱਚ ਦੋ ਵਾਰ ਟੀਕਾ ਲਗਵਾਉਣ ਨਾਲ HIV ਦੀ ਲਾਗ ਨੂੰ ਰੋਕਣ ਵਿੱਚ ਮਦਦ ਮਿਲ ਸਕਦੀ ਹੈ। ਇਹ ਦਾਅਵਾ ਦੱਖਣੀ ਅਫ਼ਰੀਕਾ ਵਿੱਚ ਲੈਂਕਾਪਾਵੀਰ ਨਾਮ ਦੇ ਟੀਕੇ ਉੱਤੇ ਕੀਤੇ ਗਏ ਕਲੀਨਿਕਲ ਟਰਾਇਲ ਵਿੱਚ ਕੀਤਾ ਗਿਆ ਹੈ। ਪਰੀਖਣ ਦੇ ਨਤੀਜਿਆਂ ਤੋਂ ਬਾਅਦ ਵਿਗਿਆਨੀਆਂ ਨੇ ਕਿਹਾ ਹੈ ਕਿ ਇਹ ਟੀਕਾ 100 ਫੀਸਦੀ ਅਸਰਦਾਰ ਪਾਇਆ ਗਿਆ ਹੈ। ਇਹ ਐੱਚਆਈਵੀ ਦੀ ਲਾਗ ਨੂੰ ਖਤਮ ਕਰਨ ਵਿੱਚ ਮਦਦ ਕਰ ਸਕਦਾ ਹੈ। ਇਸ ਟਰਾਇਲ ਵਿੱਚ ਪੰਜ ਹਜ਼ਾਰ ਲੋਕ ਸ਼ਾਮਲ ਸਨ।
ਇਹ ਟੀਕਾ 6 ਮਹੀਨਿਆਂ ਵਿੱਚ ਇੱਕ ਵਾਰ ਅਤੇ ਸਾਲ ਵਿੱਚ ਦੋ ਵਾਰ ਲਗਾਇਆ ਗਿਆ ਸੀ। ਵੈਕਸੀਨ ਲੈਣ ਵਾਲੇ ਲੋਕਾਂ ਵਿੱਚ ਐੱਚਆਈਵੀ ਦੀ ਲਾਗ ਨਹੀਂ ਮਿਲਿਆ ਸੀ। ਹਾਲਾਂਕਿ ਵਿਗਿਆਨੀਆਂ ਨੇ ਇਹ ਵੀ ਕਿਹਾ ਹੈ ਕਿ ਸਿਰਫ ਕਲੀਨਿਕਲ ਟਰਾਇਲ ਹੀ ਕੀਤੇ ਗਏ ਹਨ, ਪਰ ਇਸਦੇ ਨਤੀਜੇ ਕਾਫੀ ਚੰਗੇ ਹਨ। ਅਜਿਹੇ ‘ਚ ਲੇਨਾਕਾਪਾਵੀਰ ਦਾ ਇਹ ਟੀਕਾ 120 ਗਰੀਬ ਦੇਸ਼ਾਂ ਨੂੰ ਘੱਟ ਦਰ ‘ਤੇ ਉਪਲੱਬਧ ਕਰਵਾਇਆ ਜਾਵੇਗਾ। ਵਿਗਿਆਨੀਆਂ ਨੇ ਇਹ ਵੀ ਦਾਅਵਾ ਕੀਤਾ ਹੈ ਕਿ ਇਹ ਟੀਕਾ ਹੁਣ ਤੱਕ ਉਪਲਬਧ ਕਿਸੇ ਵੀ ਐੱਚਆਈਵੀ ਦੇ ਇਲਾਜ ਤੋਂ ਬਿਹਤਰ ਹੈ।
ਇਹ ਟੀਕਾ ਐੱਚਆਈਵੀ ਦੀ ਲਾਗ ਨੂੰ ਰੋਕਣ ਲਈ ਬਹੁਤ ਪ੍ਰਭਾਵਸ਼ਾਲੀ ਹੈ
ਡਿਊਕ ਯੂਨੀਵਰਸਿਟੀ ਦੇ ਗਲੋਬਲ ਹੈਲਥ ਇੰਸਟੀਚਿਊਟ ਦੇ ਡਾਇਰੈਕਟਰ ਡਾਕਟਰ ਕ੍ਰਿਸ ਨੇ ਕਿਹਾ ਕਿ ਲੈਂਕਾਪਾਵੀਰ ਪਹਿਲਾਂ ਹੀ ਏਸ਼ੀਆ ਦੇ ਕਈ ਦੇਸ਼ਾਂ ਵਿੱਚ ਵਰਤਿਆ ਜਾ ਰਿਹਾ ਹੈ। ਇਹ ਇੰਜੈਕਸ਼ਨ ਅਮਰੀਕਾ, ਕੈਨੇਡਾ ਅਤੇ ਯੂਰਪ ‘ਚ ਸਨਲੇਨਕਾ ਬ੍ਰਾਂਡ ਨਾਮ ਨਾਲ ਵੇਚਿਆ ਜਾ ਰਿਹਾ ਹੈ। ਇਹ ਐੱਚਆਈਵੀ ਦੇ ਮਰੀਜ਼ਾਂ ਲਈ ਚਮਤਕਾਰ ਵਾਂਗ ਹੈ। ਹਾਲਾਂਕਿ, ਸੰਕਰਮਿਤ ਮਰੀਜ਼ ਨੂੰ ਇਸਦੇ ਨਤੀਜੇ ਦੇਖਣ ਲਈ ਲਗਭਗ ਦੋ ਸਾਲ ਉਡੀਕ ਕਰਨੀ ਪੈ ਸਕਦੀ ਹੈ। ਦੋ ਸਾਲਾਂ ਬਾਅਦ ਹੀ ਪਤਾ ਲੱਗ ਜਾਂਦਾ ਹੈ ਕਿ ਐੱਚਆਈਵੀ ਦੀ ਲਾਗ ਖ਼ਤਮ ਹੋ ਗਈ ਹੈ ਜਾਂ ਨਹੀਂ।
ਇਸ ਸਮੇਂ ਦੌਰਾਨ ਇਹ ਟੀਕਾ ਸਾਲ ਵਿੱਚ ਦੋ ਵਾਰ ਲੈਣਾ ਪੈਂਦਾ ਹੈ। ਸਿਰਫ਼ ਦੋ ਖੁਰਾਕਾਂ ਹੀ ਕਾਫੀ ਹਨ। ਡਾ: ਕ੍ਰਿਸ ਨੇ ਕਿਹਾ ਕਿ ਟਰਾਇਲ ਦੇ ਨਤੀਜੇ ਬਹੁਤ ਵਧੀਆ ਆਏ ਹਨ। ਇਸ ਦੇ ਮੱਦੇਨਜ਼ਰ, ਇਹ ਟੀਕਾ ਅਫਰੀਕੀ ਦੇਸ਼ਾਂ ਵਿੱਚ ਘੱਟ ਦਰ ‘ਤੇ ਉਪਲਬਧ ਕਰਵਾਇਆ ਜਾਵੇਗਾ, ਜਿੱਥੇ ਐੱਚਆਈਵੀ ਦੇ ਜ਼ਿਆਦਾ ਮਾਮਲੇ ਹਨ।
ਇਹ ਵੀ ਪੜ੍ਹੋ- ਕੋਰੋਨਾ ਮਹਾਮਾਰੀ ਤੋਂ ਬਾਅਦ ਦਿਲ ਦੇ ਦੌਰੇ ਦੇ ਮਾਮਲੇ ਕਿਉਂ ਵਧੇ? AIIMS ਨੇ ਦੱਸਿਆ
ਇਹ ਵੀ ਪੜ੍ਹੋ
ਲਗਾਤਾਰ ਘੱਟ ਰਹੇ ਹਨ ਐੱਚਆਈਵੀ ਦੇ ਮਾਮਲੇ
ਦੁਨੀਆ ਦੇ ਕਈ ਦੇਸ਼ਾਂ ਵਿੱਚ ਐੱਚਆਈਵੀ ਦੀ ਲਾਗ ਦੇ ਮਾਮਲੇ ਲਗਾਤਾਰ ਘੱਟ ਰਹੇ ਹਨ। ਐੱਚਆਈਵੀ ਵਾਇਰਸ ਕਾਰਨ ਹੋਣ ਵਾਲੀ ਏਡਜ਼ ਦੀ ਬੀਮਾਰੀ ਨਾਲ ਮਰਨ ਵਾਲੇ ਲੋਕਾਂ ਦੀ ਗਿਣਤੀ ਵੀ ਘੱਟ ਰਹੀ ਹੈ। ਪਿਛਲੇ ਸਾਲ ਏਡਜ਼ ਨਾਲ 6 ਲੱਖ 30 ਹਜ਼ਾਰ ਮਰੀਜ਼ਾਂ ਦੀ ਮੌਤ ਹੋ ਗਈ ਸੀ। ਇਹ ਅੰਕੜਾ 2004 ਤੋਂ ਬਾਅਦ ਸਭ ਤੋਂ ਘੱਟ ਹੈ। ਨਵੇਂ ਮਾਮਲਿਆਂ ਵਿੱਚ ਕਮੀ ਅਤੇ ਮੌਤਾਂ ਦੀ ਗਿਣਤੀ ਵਿੱਚ ਕਮੀ ਨੂੰ ਇਸ ਬਿਮਾਰੀ ਦੀ ਰੋਕਥਾਮ ਲਈ ਚੰਗਾ ਮੰਨਿਆ ਜਾ ਰਿਹਾ ਹੈ।
