Air Pollution: ਵਧਦੇ ਪ੍ਰਦੂਸ਼ਣ ਨਾਲ ਸਕਿਨ ਕੈਂਸਰ ਦਾ ਵੀ ਹੈ ਖਤਰਾ, ਮਾਹਿਰਾਂ ਤੋਂ ਜਾਣੋ ਕਿਵੇਂ ਕਰੀਏ ਬਚਾਅ
Air Pollution Side Effects: ਮੌਜੂਦਾ ਸਮੇਂ ਵਿਚ ਪ੍ਰਦੂਸ਼ਣ ਬਹੁਤ ਖਤਰਨਾਕ ਸਥਿਤੀ ਵਿਚ ਹੈ ਅਤੇ ਇਹ ਲੋਕਾਂ ਨੂੰ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਦੇ ਰਿਹਾ ਹੈ, ਕੁਝ ਬੀਮਾਰੀਆਂ ਦਾ ਅਸਰ ਤੁਰੰਤ ਦਿਖਾਈ ਦੇ ਰਿਹਾ ਹੈ ਪਰ ਇਸ ਪ੍ਰਦੂਸ਼ਣ ਕਾਰਨ ਲੰਬੇ ਸਮੇਂ ਵਿਚ ਕਈ ਖਤਰਨਾਕ ਬੀਮਾਰੀਆਂ ਦਾ ਵੀ ਖਤਰਾ ਬਣਿਆ ਰਹਿੰਦਾ ਹੈ। ਆਓ ਜਾਣਦੇ ਹਾਂ ਇਸ ਰਿਪੋਰਟ ਵਿੱਚ।
ਦਿੱਲੀ ਅਤੇ ਆਸ-ਪਾਸ ਦੇ ਇਲਾਕਿਆਂ ‘ਚ ਪ੍ਰਦੂਸ਼ਣ ਬਹੁਤ ਖਤਰਨਾਕ ਪੱਧਰ ‘ਤੇ ਪਹੁੰਚ ਗਿਆ ਹੈ। AQI ਯਾਨੀ ਦਿੱਲੀ ਦੇ ਕਈ ਇਲਾਕਿਆਂ ਦਾ ਏਅਰ ਕੁਆਲਿਟੀ ਇੰਡੈਕਸ 300 ਨੂੰ ਪਾਰ ਕਰ ਗਿਆ ਹੈ। ਇਹ ਬਹੁਤ ਖ਼ਤਰਨਾਕ ਸਥਿਤੀ ਹੈ ਕਿਉਂਕਿ ਇਸ ਸਮੇਂ ਹਵਾ ਵਿੱਚ ਮੌਜੂਦ ਬੇਹੱਦ ਖ਼ਤਰਨਾਕ ਛੋਟੇ ਕਣ ਤੁਹਾਡੀ ਸਿਹਤ ਨੂੰ ਬਹੁਤ ਨੁਕਸਾਨ ਪਹੁੰਚਾ ਸਕਦੇ ਹਨ। ਇਹੀ ਕਾਰਨ ਹੈ ਕਿ ਦਿੱਲੀ ਅਤੇ ਐਨਸੀਆਰ ਦੇ ਲੋਕ ਪਿਛਲੇ ਕੁਝ ਦਿਨਾਂ ਤੋਂ ਖੰਘ, ਸਿਰ ਦਰਦ, ਅੱਖਾਂ ਵਿੱਚ ਜਲਨ ਅਤੇ ਥਕਾਵਟ ਦੀ ਸ਼ਿਕਾਇਤ ਕਰ ਰਹੇ ਹਨ। ਨਾਲ ਹੀ ਪ੍ਰਦੂਸ਼ਣ ਕਾਰਨ ਕਈ ਲੰਮੇ ਸਮੇਂ ਦੇ ਨਤੀਜੇ ਵੀ ਭੁਗਤਣੇ ਪੈ ਸਕਦੇ ਹਨ।
ਹਵਾ ਪ੍ਰਦੂਸ਼ਣ ਬਹੁਤ ਖ਼ਤਰਨਾਕ ਸਥਿਤੀ ਵਿੱਚ
ਦਿੱਲੀ ਦਾ ਪ੍ਰਦੂਸ਼ਣ ਤੁਹਾਨੂੰ ਭਵਿੱਖ ਵਿੱਚ ਕਈ ਬਿਮਾਰੀਆਂ ਦਾ ਤੋਹਫ਼ਾ ਦੇ ਸਕਦਾ ਹੈ। ਇਸ ਸਮੇਂ ਇਸ ਜ਼ਹਿਰੀਲੀ ਹਵਾ ਵਿੱਚ ਸਾਹ ਲੈਣ ਦਾ ਮਤਲਬ ਹੈ ਕਿ ਇੱਕ ਦਿਨ ਵਿੱਚ 12 ਸਿਗਰਟ ਪੀਣ ਦੇ ਬਰਾਬਰ ਹੈ ਅਤੇ ਇਹ ਇੰਨਾ ਖ਼ਤਰਨਾਕ ਹੈ ਕਿ ਤੁਹਾਡੀ ਲਾਈਫ ਸਪੈਮ ਨੂੰ ਘਟਾਉਣ ਦੇ ਨਾਲ-ਨਾਲ ਇਹ ਤੁਹਾਨੂੰ ਕਈ ਖਤਰਨਾਕ ਬਿਮਾਰੀਆਂ ਦਾ ਮਰੀਜ਼ ਵੀ ਬਣਾ ਸਕਦਾ ਹੈ।
ਪ੍ਰਦੂਸ਼ਣ ਕਾਰਨ ਹੋਣ ਵਾਲੀਆਂ ਬਿਮਾਰੀਆਂ
ਮਾਹਿਰਾਂ ਅਨੁਸਾਰ ਜਿੱਥੇ ਪ੍ਰਦੂਸ਼ਣ ਤੁਹਾਡੇ ਫੇਫੜਿਆਂ ਨੂੰ ਬਹੁਤ ਪ੍ਰਭਾਵਿਤ ਕਰਦਾ ਹੈ, ਉੱਥੇ ਹੀ ਇਸ ਨਾਲ ਦਿਲ ਨਾਲ ਸਬੰਧਤ ਬਿਮਾਰੀਆਂ ਦਾ ਖ਼ਤਰਾ ਵੀ ਵੱਧ ਜਾਂਦਾ ਹੈ, ਪਰ ਕਿਹਾ ਜਾ ਰਿਹਾ ਹੈ ਕਿ ਭਵਿੱਖ ਵਿੱਚ ਤੁਹਾਨੂੰ ਸਕਿਨ ਕੈਂਸਰ ਦਾ ਵੀ ਖ਼ਤਰਾ ਹੋ ਸਕਦਾ ਹੈ। ਪ੍ਰਦੂਸ਼ਿਤ ਹਵਾ ਵਿੱਚ ਕਈ ਕਿਸਮ ਦੇ ਹਾਨੀਕਾਰਕ ਕਣ ਹੁੰਦੇ ਹਨ, ਜਿਨ੍ਹਾਂ ਵਿੱਚ ਮੁੱਖ ਹਨ ਅਸਥਿਰ ਜੈਵਿਕ ਮਿਸ਼ਰਣ, ਪੌਲੀਸਾਈਕਲਿਕ ਐਰੋਮੈਟਿਕ ਪੌਲਿਊਟੈਂਟ ਅਤੇ ਪਾਰਟੀਕੁਲੇਟ ਮੈਟਰ ਮੁੱਖ ਹਨ। ਇਹ ਬਹੁਤ ਹੀ ਨੁਕਸਾਨਦੇਹ ਪਾਰਟੀਕਲਸ ਸਾਡੀ ਸਕਿਨ ਲਈ ਬਹੁਤ ਖਤਰਨਾਕ ਹੁੰਦੇ ਹਨ ਅਤੇ ਇਹ ਸਾਡੀ ਸਕਿਨ ਬਹੁਤ ਨੁਕਸਾਨ ਪਹੁੰਚਾਉਂਦੇ ਹਨ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਮੌਜੂਦਾ ਸਮੇਂ ਵਿਚ ਜਿਸ ਤਰ੍ਹਾਂ ਦੇ ਪ੍ਰਦੂਸ਼ਣ ਵਿਚ ਕਈ ਤਰ੍ਹਾਂ ਦੇ ਹਾਨੀਕਾਰਕ ਕਣ ਹੁੰਦੇ ਹਨ ਅਤੇ ਇਹ ਸਾਡੀ ਚਮੜੀ, ਅੱਖਾਂ ਅਤੇ ਸਾਹ ਵਿਚ ਦਾਖਲ ਹੋ ਕੇ ਸਾਡੇ ਸਰੀਰ ਨੂੰ ਬਹੁਤ ਨੁਕਸਾਨ ਪਹੁੰਚਾ ਰਹੇ ਹਨ। ਹੋ ਸਕਦਾ ਹੈ ਕਿ ਤੁਸੀਂ ਅੱਜ ਇਸਦਾ ਅਸਰ ਨਾ ਦੇਖ ਸਕੋ, ਪਰ ਆਉਣ ਵਾਲੇ ਸਮੇਂ ਵਿੱਚ ਤੁਹਾਨੂੰ ਕਈ ਗੰਭੀਰ ਨਤੀਜੇ ਦੇਖਣ ਨੂੰ ਮਿਲ ਸਕਦੇ ਹਨ, ਚਮੜੀ ਦਾ ਕੈਂਸਰ ਉਨ੍ਹਾਂ ਵਿੱਚੋਂ ਇੱਕ ਹੈ। ਇੱਕ ਵਾਰ ਜਦੋਂ ਇਹ ਕਣ ਸਾਡੇ ਸਰੀਰ ਵਿੱਚ ਦਾਖਲ ਹੁੰਦੇ ਹਨ, ਤਾਂ ਇਹ ਲੰਬੇ ਸਮੇਂ ਤੱਕ ਸਾਡੇ ਸਰੀਰ ਵਿੱਚ ਰਹਿੰਦੇ ਹਨ ਅਤੇ ਇਨ੍ਹਾਂ ਨੂੰ ਧੋਣਾ ਆਸਾਨ ਨਹੀਂ ਹੁੰਦਾ।
ਪ੍ਰਦੂਸ਼ਣ ਦਾ ਚਮੜੀ ‘ਤੇ ਪ੍ਰਭਾਵ
ਡਾਕਟਰਾਂ ਅਨੁਸਾਰ ਪ੍ਰਦੂਸ਼ਣ ਕਾਰਨ ਤੁਹਾਡੀ ਚਮੜੀ ਦੇ ਸੈੱਲਾਂ ਵਿਚ ਆਕਸੀਡੇਟੇਡ ਸਟ੍ਰੈਸ ਕਰਕੇ ਚਮੜੀ ਖਰਾਬ ਹੋ ਰਹੀ ਹੈ, ਜਿਸ ਕਾਰਨ ਬਹੁਤ ਜ਼ਿਆਦਾ ਬਾਹਰ ਜਾਣ ਵਾਲੇ ਲੋਕਾਂ ਦੇ ਚਿਹਰੇ ਸਮੇਂ ਤੋਂ ਪਹਿਲਾਂ ਹੀ ਬੁੱਢੇ ਲੱਗਣ ਲੱਗ ਪਏ ਹਨ। ਇਹ ਸਭ ਪ੍ਰਦੂਸ਼ਣ ਕਾਰਨ ਪ੍ਰੀਮੈਚਊਰ ਸਕਿਨ ਏਜਿੰਗ ਕਾਰਨ ਹੋ ਰਿਹਾ ਹੈ। ਪ੍ਰਦੂਸ਼ਣ ਕਾਰਨ ਚਮੜੀ ‘ਤੇ ਵਾਧੂ ਪਿਗਮੈਂਟੇਸ਼ਨ ਅਤੇ ਝੁਰੜੀਆਂ ਦਿਖਾਈ ਦੇਣ ਲੱਗ ਪਈਆਂ ਹਨ। ਨਾਲ ਹੀ ਚਮੜੀ ‘ਤੇ ਖੁਸ਼ਕੀ ਅਤੇ ਤਰੇੜਾਂ ਦਿਖਾਈ ਦਿੰਦੀਆਂ ਹਨ। ਜੇਕਰ ਕਿਸੇ ਨੂੰ ਇਸ ਤੋਂ ਜ਼ਿਆਦਾ ਐਲਰਜੀ ਹੈ ਤਾਂ ਉਹ ਐਕਜ਼ੀਮਾ ਤੋਂ ਵੀ ਪੀੜਤ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ
ਕਿਵੇਂ ਕਰੀਏ ਚਮੜੀ ਦੀ ਦੇਖਭਾਲ
– ਪ੍ਰਦੂਸ਼ਣ ਤੋਂ ਬਚਾਅ ਲਈ, ਆਪਣੀ ਚਮੜੀ ਨੂੰ ਮਾਸ਼ਚਰਾਈਜ਼ ਰੱਖੋ। ਇਸ ਦੇ ਲਈ ਤੁਸੀਂ ਨਾਰੀਅਲ ਤੇਲ ਅਤੇ ਚੰਗੀ ਮਾਇਸਚਰਾਈਜ਼ਰ ਕਰੀਮ ਦੀ ਵਰਤੋਂ ਕਰ ਸਕਦੇ ਹੋ।
– ਨਹਾਉਂਦੇ ਸਮੇਂ ਜ਼ਿਆਦਾ ਗਰਮ ਪਾਣੀ ਦੀ ਵਰਤੋਂ ਨਾ ਕਰੋ, ਇਸ ਨਾਲ ਚਮੜੀ ਨੂੰ ਨੁਕਸਾਨ ਹੋਣ ਦਾ ਖਤਰਾ ਹੈ।
– ਚਮੜੀ ਨੂੰ ਹਾਈਡਰੇਟ ਰੱਖਣ ਲਈ ਵੱਧ ਤੋਂ ਵੱਧ ਪਾਣੀ ਪੀਓ।
– ਬਾਹਰ ਜਾਂਦੇ ਸਮੇਂ ਆਪਣੀ ਚਮੜੀ ਨੂੰ ਜਿੰਨਾ ਹੋ ਸਕੇ ਢੱਕੋ।
– ਭਾਰੀ ਆਵਾਜਾਈ ਹੋਣ ‘ਤੇ ਸਵੇਰੇ-ਸ਼ਾਮ ਸੈਰ ਲਈ ਬਾਹਰ ਨਾ ਜਾਓ।
– ਖੁਰਾਕ ਦਾ ਧਿਆਨ ਰੱਖੋ। ਆਪਣੀ ਖੁਰਾਕ ਵਿੱਚ ਹਰੀਆਂ ਪੱਤੇਦਾਰ ਸਬਜ਼ੀਆਂ, ਸਾਬਤ ਅਨਾਜ ਅਤੇ ਫਲਾਂ ਦਾ ਸੇਵਨ ਕਰੋ।
– ਜਿੰਨਾ ਹੋ ਸਕੇ ਤਰਲ ਖੁਰਾਕ ਲਓ।
