Shehnaaz Gill Next Project: ਸ਼ਹਿਨਾਜ਼ ਗਿਲ ਦੇ ਹੱਥ ਲੱਗਿਆ ਵੱਡਾ ਪ੍ਰੋਜੈਕਟ, ਸੋਨਮ ਕਪੂਰ ਦੀ ਭੈਣ ਨਾਲ ਕਰੇਗੀ ਕੰਮ

ਬਾਲੀਵੁੱਡ ਨਿਊਜ। ਆਖਰਕਾਰ ਉਹ ਸਮਾਂ ਆ ਗਿਆ ਹੈ ਜਦੋਂ ਲੋਕ ਬਿੱਗ ਬੌਸ (Big Boss) ਫੇਮ ਸ਼ਹਿਨਾਜ਼ ਗਿਲ ਨੂੰ ਸਕ੍ਰੀਨ ‘ਤੇ ਦੇਖ ਸਕਦੇ ਹਨ। ਸੁਪਰਸਟਾਰ ਸਲਮਾਨ ਖਾਨ ਦੀ ਫਿਲਮ ‘ਕਿਸ ਕਾ ਭਾਈ ਕਿਸੀ ਕੀ ਜਾਨ’ ਅੱਜ ਰਿਲੀਜ਼ ਹੋ ਗਈ ਹੈ ਅਤੇ ਸ਼ਹਿਨਾਜ਼ ਨੇ ਵੀ ਇਸ ਫਿਲਮ ਨਾਲ ਆਪਣਾ ਡੈਬਿਊ ਕੀਤਾ ਹੈ। ‘ਬਿੱਗ ਬੌਸ’ ‘ਚ ਆਪਣੀ ਦਮਦਾਰ ਐਕਟਿੰਗ ਨਾਲ ਸਾਰਿਆਂ ਦਾ ਦਿਲ ਜਿੱਤਣ ਵਾਲੀ ਸ਼ਹਿਨਾਜ਼ ਗਿੱਲ ਅੱਜ ਪਰਦੇ ‘ਤੇ ਲੋਕਾਂ ਦੀਆਂ ਤਾੜੀਆਂ ਬਟੋਰ ਰਹੀ ਹੈ।

ਸ਼ਹਿਨਾਜ਼ ਨੇ ਰੀਆ ਕਪੂਰ ਨਾਲ ਵੀ ਕੀਤਾ ਕੰਮ

ਸ਼ਹਿਨਾਜ਼ ਗਿੱਲ ਮੁਤਾਬਕ ਉਸ ਦੀਆਂ ਕਈ ਫਿਲਮਾਂ ਪਾਈਪਲਾਈਨ ਵਿੱਚ ਹਨ। ਉਨ੍ਹਾਂ ਨੇ ਰੀਆ ਕਪੂਰ ਦੀਆਂ ਫਿਲਮਾਂ ‘ਚ ਕੰਮ ਕੀਤਾ ਹੈ। ਜਦੋਂ ਵੀ ਇਹ ਰਿਲੀਜ਼ ਹੋਵੇਗੀ ਤਾਂ ਉਹ ਇਸ ਬਾਰੇ ਗੱਲ ਕਰੇਗੀ। ਸ਼ਹਿਨਾਜ਼ ਦਾ ਕਹਿਣਾ ਹੈ ਕਿ ਉਸਨੇ ਰੀਆ ਦੀ ਫਿਲਮ ‘ਚ ਵੀ ਚੰਗਾ ਕੰਮ ਕੀਤਾ ਹੈ। ਉਹ ਆਪਣੀ ਪੂਰੀ ਕੋਸ਼ਿਸ਼ ਕਰਦੀ ਹੈ। ਫਿਲਮ ਦਾ ਨਿਰਦੇਸ਼ਨ ਰੀਆ ਕਪੂਰ ਅਤੇ ਉਸ ਦੇ ਪਤੀ ਕਰਨ ਬੁਲਾਨੀ ਕਰ ਰਹੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਫਿਲਮ ‘ਚ ਉਨ੍ਹਾਂ ਤੋਂ ਇਲਾਵਾ ਭੂਮੀ ਪੇਡਨੇਕਰ ਅਤੇ ਅਨਿਲ ਕਪੂਰ ਵੀ ਨਜ਼ਰ ਆਉਣਗੇ।

ਇਸ ਤਰ੍ਹਾਂ ਮਿਲਿਆ ਮੈਨੂੰ ਫਿਲਮ ‘ਚ ਕੰਮ- ਗਿਲ

ਦੱਸ ਦਈਏ ਕਿ ਹਾਲ ਹੀ ‘ਚ ਸ਼ਹਿਨਾਜ਼ ਨੇ ਖੁਲਾਸਾ ਕੀਤਾ ਕਿ ਕਿਸ ਤਰ੍ਹਾਂ ਉਸ ਨੂੰ ‘ਕਿਸੀ ਕਾ ਭਾਈ ਕਿਸ ਕੀ ਜਾਨ’ ਦਾ ਆਫਰ ਮਿਲਿਆ ਸੀ ਅਤੇ ਸਲਮਾਨ ਖਾਨ ਨੂੰ ਬਲਾਕ ਕਰ ਦਿੱਤਾ ਸੀ। ਅਭਿਨੇਤਰੀ ਮੁਤਾਬਕ ਉਹ ਬੀਤੇ ਦਿਨ ਅੰਮ੍ਰਿਤਸਰ ਦੇ ਗੁਰਦੁਆਰਾ ਸਾਹਿਬ ‘ਚ ਸੀ ਜਦੋਂ ਉਸ ਨੂੰ ਕਿਸੇ ਅਣਜਾਣ ਨੰਬਰ ਤੋਂ ਕਾਲ ਆਈ ਤਾਂ ਅਣਜਾਣ ਨੰਬਰ ਦੇਖ ਕੇ ਉਸ ਨੇ ਉਸ ਨੰਬਰ ਨੂੰ ਬਲਾਕ ਕਰ ਦਿੱਤਾ। ਜਿਸ ਤੋਂ ਬਾਅਦ ਸ਼ਹਿਨਾਜ਼ ਨੂੰ ਮੈਸੇਜ ਆਇਆ ਕਿ ਸਲਮਾਨ ਸਰ ਉਸ ਨੂੰ ਵਾਪਸ ਕਾਲ ਕਰਨ ਲਈ ਮੈਸੇਜ ਕਰ ਰਹੇ ਹਨ। ਹੋਰ ਪੰਜਾਬੀ ਖਬਰਾਂ ਲਈ TV9 ਪੰਜਾਬੀ ਦੀ ਵੈਬਸਾਈਟ ਤੇ ਜਾਓ