Karan Aujla: ਪੰਜਾਬੀ ਗਾਇਕ ਕਰਨ ਔਜਲਾ ਨੂੰ ਮਿਲਿਆ IIFA 2024 ਅਵਾਰਡ, ਇੰਟਰਨੈਸ਼ਨਲ ਟ੍ਰੈਂਡਸੈਟਰ ਆਫ ਦਿ ਈਅਰ ਚੁਣੇ ਗਏ
Karan Aujla: IIFA 2024 ਅਵਾਰਡ ਵਿੱਚ ਪੰਜਾਬ ਦੇ ਮਸ਼ਹੂਰ ਸਿੰਗਰ ਕਰਨ ਔਜਲਾ ਨੂੰ ਇੰਟਰਨੈਸ਼ਨਲ ਟ੍ਰੈਂਡਸੈਟਰ ਆਫ ਦਿ ਈਅਰ ਅਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਮਸ਼ਹੂਰ ਬਾਲੀਵੁੱਡ ਗਾਇਕ ਸ਼ੰਕਰ ਮਹਾਦੇਵਨ ਨੇ ਐਤਵਾਰ ਨੂੰ ਆਯੋਜਿਤ ਆਈਫਾ 2024 'ਚ ਉਨ੍ਹਾਂ ਨੂੰ ਇਹ ਅਵਾਰਡ ਦਿੱਤਾ। ਸਿੰਗਰ ਨੇ ਉਨ੍ਹਾਂ ਦਾ ਫੈਮਸ ਬਾਲੀਵੁੱਡ ਗੀਤ ਤੌਬਾ-ਤੌਬਾ ਗਾ ਕੇ ਸਟੇਜ 'ਤੇ ਰੋਣਕਾਂ ਵੀ ਲਗਾਈਆਂ।
ਪੰਜਾਬ ਦੇ ਮਸ਼ਹੂਰ ਸਿੰਗਰ ਅਤੇ ਲੇਖਕ ਕਰਨ ਔਜਲਾ ਨੂੰ ਐਤਵਾਰ ਨੂੰ ਆਯੋਜਿਤ ਆਈਫਾ 2024 ‘ਚ ਸਮਾਨਿਤ ਕੀਤਾ ਗਿਆ। ਗਾਇਕ ਕਰਨ ਔਜਲਾ ਨੂੰ ਇੰਟਰਨੈਸ਼ਨਲ ਟ੍ਰੈਂਡਸੈਟਰ ਆਫ ਦਿ ਈਅਰ ਅਵਾਰਡ ਮਿਲਿਆ। ਅਵਾਰਡ ਮਿਲਣ ‘ਤੇ ਔਜਲਾ ਨੇ ਕਿਹਾ- ਮੈਂਨੂੰ ਬਹੁਤ ਹੈਰਾਨੀ ਹੋਈ ਸੀ ਜਦੋਂ ਮੈਨੂੰ ਇਸ ਅਵਾਰਡ ਬਾਰੇ ਪਤਾ ਚਲਿਆ। ਤੌਬਾ-ਤੌਬਾ ਗੀਤ ਮੇਰੀ ਟੀਮ ਦਾ ਆਈਡੀਆ ਸੀ ਅਤੇ ਅਸੀਂ ਇਸਨੂੰ ਕੀਤਾ ਅਤੇ ਅਸੀਂ ਸਫਲ ਹੋਏ। ਜੋ ਮੈਂ ਇਸ ਸਮੇਂ ਮਹਿਸੂਸ ਕਰ ਰਿਹਾ ਹਾਂ, ਉਹ ਸ਼ਬਦਾਂ ਵਿੱਚ ਬਿਆਨ ਕਰਨਾ ਮੁਸ਼ਕਲ ਹੈ। ਮੈਂ ਬਹੁਤ ਖੁਸ਼ੀ ਮਹਿਸੂਸ ਕਰ ਰਿਹਾ ਹਾਂ। ਕਰਨ ਨੇ ਅੱਗੇ ਕਿਹਾ- ਜੇ ਮੇਰੇ ਨਾਲ ਪੰਜਾਬੀ ਅਤੇ ਕੈਨੇਡੀਅਨ ਫੈਨਜ਼ ਨਾ ਹੁੰਦੇ ਤਾਂ ਮੈਂ ਅੱਜ ਇੱਥੇ ਨਾ ਹੁੰਦਾ।
View this post on Instagram
ਦੱਸ ਦਈਏ ਕਿ ਔਜਲਾ ਹਾਲ ਹੀ ਵਿੱਚ ਆਪਣੇ ਯੂ.ਕੇ ਟੂਰ ‘ਤੇ ਸਨ। ਲੰਡਨ ‘ਚ ਕੰਸਰਟ ਦੌਰਾਨ ਫੈਨਜ਼ ‘ਚੋਂ ਇਕ ਵਿਅਕਤੀ ਨੇ ਉਨ੍ਹਾਂ ‘ਤੇ ਜੁੱਤਾ ਸੁੱਟਿਆ ਸੀ। ਜਿਸ ਨੂੰ ਲੈ ਕੇ ਗਾਇਕ ਕਾਫੀ ਨਰਾਜ਼ ਹੋ ਗਏ ਹਨ। ਕਰਨ ਨੇ ਨੌਜਵਾਨਾਂ ਨੂੰ Artists ਨਾਲ ਅਜਿਹਾ ਨਾ ਕਰਨ ਅਤੇ ਇੱਜ਼ਤ ਦਿਖਾਉਣ ਦੀ ਅਪੀਲ ਕੀਤੀ। ਇਸ ਦੌਰਾਨ ਕਰਨ ਲੰਡਨ ਸ਼ੋਅ ‘ਤੇ ਪਰਫਾਰਮ ਕਰ ਰਹੇ ਸੀ।
ਛੋਟੀ ਉਮਰ ਵਿੱਚ ਇਨ੍ਹੀਂ ਫੈਨ ਫਾਲੋਇੰਗ ਹਾਸਿਲ ਕਰਨ ਵਾਲੇ ਕਰਨ ਦਾ ਅਸਲੀ ਨਾਂ ਜਸਕਰਨ ਸਿੰਘ ਔਜਲਾ ਹੈ। ਬਚਪਨ ਵਿੱਚ ਹੀ ਉਨ੍ਹਾਂ ਦੇ ਸਿਰ ਤੋਂ ਮਾਤਾ-ਪਿਤਾ ਦਾ ਹੱਥ ਉੱਠ ਗਿਆ ਸੀ। ਜਿਸ ਤੋਂ ਬਾਅਦ ਉਹ ਥੋੜੇ ਦਿਨ ਪੰਜਾਬ ਵਿੱਚ ਆਪਣੇ ਚਾਚਾ ਨਾਲ ਰਹੇ ਪਰ ਫਿਰ ਕੈਨੇਡਾ ਆਪਣੀਆਂ ਭੈਣਾਂ ਕੋਲ ਸੈਟ ਹੋ ਗਏ। ਕੈਨੇਡਾ ਵਿੱਚ ਕਰਨ ਨੇ ਆਪਣੇ ਸ਼ੌਂਕ ਨੂੰ ਕਰੀਅਰ ਵਿੱਚ ਬਦਲ ਲਿਆ। ਉਨ੍ਹਾਂ ਨੇ ਸਭ ਤੋਂ ਪਹਿਲਾਂ ਇੰਡਸਟਰੀ ਵਿੱਚ ਜੱਸੀ ਗਿੱਲ ਲਈ ਬਤੌਰ Lyricist ਕੰਮ ਕੀਤਾ ਸੀ।
ਇਹ ਵੀ ਪੜ੍ਹੋ
ਇਹ ਵੀ ਪੜ੍ਹੋ- Sidhu Moosewala ਦੇ ਛੋਟੇ ਭਰਾ ਦੀ Video: ਲਾਡ ਲਡਾਉਂਦੇ ਨਜ਼ਰ ਆਏ ਮਾਪੇ
ਹਾਲ ਹੀ ਵਿੱਚ ਗਾਇਕ ਨੇ ਆਪਣਾ ਪਹਿਲਾ ਬਾਲੀਵੁੱਡ ਗੀਤ ਕੀਤਾ ਸੀ। ਗੀਤ ਤੌਬਾ-ਤੌਬਾ ਜੋ ਵਿੱਕੀ ਕੌਸ਼ਲ ਅਤੇ ਤ੍ਰਿਪਤੀ ਡਿਮਰੀ ਸਟਾਰਰ ਫਿਲਮ Bad Newz ਦਾ ਕਾਫੀ ਹਿੱਟ ਗੀਤ ਰਿਹਾ। ਜਿਸ ਵਿੱਚ ਵਿੱਕੀ ਨੇ ਜ਼ਬਰਦਸਤ ਡਾਂਸ ਨੇ ਚਾਰ ਚੰਨ ਲਗਾ ਦਿੱਤੇ। ਇਸ ਗੀਤ ਨੇ ਔਜਲਾ ਦੀ ਹਿੰਦੀ ਬੈਲਟ ਫੈਨ ਫਾਲੋਇੰਗ ਵਿੱਚ ਵੀ ਵਾਧਾ ਕੀਤਾ ਹੈ। ਗੀਤ ਨੂੰ ਲੋਕਾਂ ਵੱਲੋਂ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ।
