Main Wapas Aaunga: “ਮੈਂ ਵਾਪਸ ਆਉਂਗਾ” ਦਾ ਟ੍ਰੇਲਰ ਰਿਲੀਜ਼, ਦੂਜੀ ਵਾਰ ਕਮਾਲ ਦਿਖਾਵੇਗੀ ਦਿਲਜੀਤ ਦੋਸਾਂਝ-ਇਮਤਿਆਜ਼ ਅਲੀ ਦੀ ਜੋੜੀ
Main Wapas Aaunga Trailer : ਬਾਲੀਵੁੱਡ ਨਿਰਦੇਸ਼ਕ ਇਮਤਿਆਜ਼ ਅਲੀ ਵੱਡੇ ਪਰਦੇ 'ਤੇ ਵਾਪਸੀ ਕਰਨ ਲਈ ਤਿਆਰ ਹਨ। ਉਨ੍ਹਾਂ ਦੀ ਨਵੀਂ ਫਿਲਮ, "ਮੈਂ ਵਾਪਸ ਆਉਂਗਾ", 12 ਜੂਨ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਵਾਲੀ ਹੈ। ਹੁਣ ਫਿਲਮ ਦਾ ਟ੍ਰੇਲਰ ਵੀ ਰਿਲੀਜ਼ ਹੋ ਗਿਆ ਹੈ।
“ਤਮਾਸ਼ਾ”, “ਰੌਕਸਟਾਰ” ਅਤੇ “ਅਮਰ ਸਿੰਘ ਚਮਕੀਲਾ” ਵਰਗੀਆਂ ਸ਼ਾਨਦਾਰ ਫਿਲਮਾਂ ਦਾ ਨਿਰਦੇਸ਼ਨ ਕਰਨ ਵਾਲੇ ਫਿਲਮ ਨਿਰਮਾਤਾ ਇਮਤਿਆਜ਼ ਅਲੀ ਦੀਆਂ ਫਿਲਮਾਂ ਨੂੰ ਲੈ ਕੇ ਫੈਨਸ ਵਿੱਤ ਵੱਖਰੀ ਹੀ ਕ੍ਰੇਜ ਰਹਿੰਦਾ ਹੈ। ਉਨ੍ਹਾਂ ਦੀਆਂ ਫਿਲਮਾਂ ਕਹਾਣੀਆਂ ਵਰਗੀਆਂ ਹੁੰਦੀਆਂ ਹਨ, ਉਨ੍ਹਾਂ ਨੂੰ ਸੁਣਾਉਣ ਦਾ ਇਮਤਿਆਜ਼ ਦਾ ਆਪਣਾ ਵੱਖਰਾ ਹੀ ਤਰੀਕਾ ਹੈ। ਉਨ੍ਹਾਂ ਦੀਆਂ ਫਿਲਮਾਂ ਨੇ ਸਾਲਾਂ ਤੋਂ ਕਲਟ ਹੋਣ ਦਾ ਮੁਕਾਮ ਹਾਸਿਲ ਕੀਤਾ ਹੈ। ਦਰਸ਼ਕ ਉਨ੍ਹਾਂ ਦੀ ਆਉਣ ਵਾਲੀ ਫਿਲਮ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ। ਇਮਤਿਆਜ਼ “ਮੈਂ ਵਾਪਸ ਆਉਂਗਾ” ਨਾਲ ਵਾਪਸੀ ਕਰਨ ਲਈ ਤਿਆਰ ਹਨ।
12 ਜੂਨ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਵਾਲੀ ਇਸ ਫਿਲਮ ਵਿੱਚ ਦਿਲਜੀਤ ਦੋਸਾਂਝ, ਵੇਦਾਂਗ ਰੈਨਾ, ਸ਼ਰਵਰੀ ਵਾਘ ਅਤੇ ਨਸੀਰੂਦੀਨ ਸ਼ਾਹ ਸਮੇਤ ਹੋਰ ਕਲਾਕਾਰ ਹਨ। ਫਿਲਮ ਦਾ ਟ੍ਰੇਲਰ ਪ੍ਰਸ਼ੰਸਕਾਂ ਲਈ ਰਿਲੀਜ਼ ਕਰ ਦਿੱਤਾ ਗਿਆ ਹੈ।
ਲਵ ਸਟੋਰੀ ਵਿੱਚ ਛੁਪਿਆ ਵੱਡਾ ਟਵਿਸਟ
ਇਮਤਿਆਜ਼ ਅਲੀ ਦੀਆਂ ਫਿਲਮਾਂ ਵਿੱਚ ਕੋਮਲਤਾ ਅਤੇ ਪ੍ਰਮਾਣਿਕਤਾ ਦੀ ਇੱਕ ਵਿਲੱਖਣ ਭਾਵਨਾ ਹੁੰਦੀ ਹੈ। ਇਸ ਫਿਲਮ ਦੇ ਟ੍ਰੇਲਰ ਦਾ ਪਹਿਲਾ ਦ੍ਰਿਸ਼ ਇਸ ਨੂੰ ਦਰਸਾਉਂਦਾ ਵੀ ਹੈ। ਕਹਾਣੀ ਦਿਲਜੀਤ ਦੋਸਾਂਝ ਦੇ ਕਿਰਦਾਰ ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜਿਸਦੇ ਦਾਦਾ ਜੀ ਮਰ ਰਹੇ ਹਨ। ਇਸ ਦੌਰਾਨ, ਉਸਨੂੰ ਕਿਸੇ ਦੀ ਯਾਦ ਆਉਂਦੀ ਹੈ। ਇਹ ਯਾਦ ਉਸਨੂੰ ਆਧੁਨਿਕ ਪਾਕਿਸਤਾਨ ਨਾਲ ਜੋੜਦੀ ਹੈ। ਫਿਲਮ ਵਿੱਚ ਵੇਦਾਂਗ ਰੈਨਾ ਅਤੇ ਸ਼ਰਵਰੀ ਵਾਘ ਨੂੰ ਭਾਰਤ-ਪਾਕਿਸਤਾਨ ਵੰਡ ਤੋਂ ਪਹਿਲਾਂ ਦੇ ਯੁੱਗ ਵਿੱਚ ਦਰਸਾਇਆ ਗਿਆ ਹੈ। ਫਿਲਮ ਦੇਖਣ ਨਾਲ ਲਵ ਆਜ ਕਲ ਦੀ ਯਾਦ ਵੀ ਆਉਂਦੀ ਹੈ।
ਦਿਲਜੀਤ ਨਾਲ ਦੂਜੀ ਫਿਲਮ
ਨਸੀਰ ਸਾਹਬ ਅਤੇ ਦਿਲਜੀਤ ਆਪਣੇ ਪਹਿਲੇ ਲੁੱਕ ਤੋਂ ਦਿਲ ਜਿੱਤ ਲੈਂਦੇ ਹਨ। ਉਨ੍ਹਾਂ ਦੀਆਂ ਗੱਲਬਾਤਾਂ ਅਤੇ ਸੰਵਾਦ ਸੱਚਮੁੱਚ ਮਨਮੋਹਕ ਹਨ। ਫਿਲਮ ਇੱਕ ਲਵ ਸਟੋਰੀ ਹੈ, ਇਹ ਸਪੱਸ਼ਟ ਹੈ, ਪਰ ਹਮੇਸ਼ਾ ਵਾਂਗ, ਇਮਤਿਆਜ਼ ਖਾਨ ਦਾ ਟਵਿਸਟ ਦੇਖਣ ਨੂੰ ਮਿਲਣ ਵਾਲਾ ਹੈ। ਸੰਗੀਤ ਏ.ਆਰ. ਦੁਆਰਾ ਤਿਆਰ ਕੀਤਾ ਗਿਆ ਹੈ। ਲਿਰਿਕਸ ਲਿੱਖੇ ਹਨ ਇਰਸ਼ਾਦ ਕਾਮਿਲ ਨੇ। ਇਹ ਫਿਲਮ 12 ਜੂਨ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਅਮਰ ਸਿੰਘ ਚਮਕੀਲਾ ਤੋਂ ਬਾਅਦ ਇਹ ਇਮਤਿਆਜ਼ ਖਾਨ ਦਾ ਦਿਲਜੀਤ ਦੋਸਾਂਝ ਨਾਲ ਦੂਜਾ ਪ੍ਰੋਜੈਕਟ ਹੈ।
