Dhurandhar 2 Teaser: ‘ਬਾਰਡਰ 2’ ਦੇ ਨਾਲ ਮਿਲੇਗਾ ਡਬਲ ਧਮਾਕਾ! ਸੰਨੀ ਦਿਓਲ ਦੀ ਫ਼ਿਲਮ ‘ਚ ਰਣਵੀਰ ਸਿੰਘ ਦੀ ਹੋਵੇਗੀ ਐਂਟਰੀ
Dhurandhar 2 Teaser: ਸੰਨੀ ਦਿਓਲ, ਵਰੁਣ ਧਵਨ, ਦਿਲਜੀਤ ਦੋਸਾਂਝ ਅਤੇ ਅਹਾਨ ਸ਼ੈੱਟੀ ਦੀ ਬਹੁ-ਚਰਚਿਤ ਫ਼ਿਲਮ 'ਬਾਰਡਰ 2' 23 ਜਨਵਰੀ 2026 ਨੂੰ ਸਿਨੇਮਾਘਰਾਂ ਵਿੱਚ ਦਸਤਕ ਦੇਣ ਲਈ ਤਿਆਰ ਹੈ। ਇਸ ਫ਼ਿਲਮ ਨੂੰ ਲੈ ਕੇ ਦਰਸ਼ਕਾਂ ਵਿੱਚ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਪਰ ਹੁਣ ਇਸ ਉਤਸ਼ਾਹ ਨੂੰ ਹੋਰ ਵਧਾਉਣ ਲਈ ਰਣਵੀਰ ਸਿੰਘ ਦੀ ਫ਼ਿਲਮ 'ਧੁਰੰਧਰ' ਦੇ ਮੇਕਰਸ ਨੇ ਇੱਕ ਵੱਡਾ ਫੈਸਲਾ ਲਿਆ ਹੈ।
ਸੰਨੀ ਦਿਓਲ, ਵਰੁਣ ਧਵਨ, ਦਿਲਜੀਤ ਦੋਸਾਂਝ ਅਤੇ ਅਹਾਨ ਸ਼ੈੱਟੀ ਦੀ ਬਹੁ-ਚਰਚਿਤ ਫ਼ਿਲਮ ‘ਬਾਰਡਰ 2’ 23 ਜਨਵਰੀ 2026 ਨੂੰ ਸਿਨੇਮਾਘਰਾਂ ਵਿੱਚ ਦਸਤਕ ਦੇਣ ਲਈ ਤਿਆਰ ਹੈ। ਇਸ ਫ਼ਿਲਮ ਨੂੰ ਲੈ ਕੇ ਦਰਸ਼ਕਾਂ ਵਿੱਚ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਪਰ ਹੁਣ ਇਸ ਉਤਸ਼ਾਹ ਨੂੰ ਹੋਰ ਵਧਾਉਣ ਲਈ ਰਣਵੀਰ ਸਿੰਘ ਦੀ ਫ਼ਿਲਮ ‘ਧੁਰੰਧਰ’ ਦੇ ਮੇਕਰਸ ਨੇ ਇੱਕ ਵੱਡਾ ਫੈਸਲਾ ਲਿਆ ਹੈ। ਤਾਜ਼ਾ ਰਿਪੋਰਟਾਂ ਅਨੁਸਾਰ, ‘ਬਾਰਡਰ 2’ ਦੀ ਸਕ੍ਰੀਨਿੰਗ ਦੇ ਨਾਲ ਹੀ ਦਰਸ਼ਕਾਂ ਨੂੰ ‘ਧੁਰੰਧਰ 2’ ਦਾ ਤਕੜਾ ਟੀਜ਼ਰ ਵੀ ਦੇਖਣ ਨੂੰ ਮਿਲੇਗਾ। ਯਾਨੀ ‘ਬਾਰਡਰ 2’ ਇਕੱਲੀ ਨਹੀਂ ਆ ਰਹੀ, ਸਗੋਂ ਆਪਣੇ ਨਾਲ ‘ਧੁਰੰਧਰ 2’ ਦੀ ਪਹਿਲੀ ਝਲਕ ਵੀ ਲੈ ਕੇ ਆ ਰਹੀ ਹੈ।
ਆਦਿਤਿਆ ਧਰ ਦੀ ਖਾਸ ਰਣਨੀਤੀ
‘ਬਾਲੀਵੁੱਡ ਹੰਗਾਮਾ’ ਨੇ ਸੂਤਰਾਂ ਦੇ ਹਵਾਲੇ ਨਾਲ ਦੱਸਿਆ ਹੈ ਕਿ ‘ਧੁਰੰਧਰ’ ਦੇ ਨਿਰਦੇਸ਼ਕ ਆਦਿਤਿਆ ਧਰ ਨੇ ਫ਼ਿਲਮ ਦੇ ‘ਐਂਡ ਕ੍ਰੈਡਿਟ ਸੀਨ’ ਨੂੰ ਇੱਕ ਟੀਜ਼ਰ ਦੇ ਰੂਪ ਵਿੱਚ ਮੁੜ ਸੰਪਾਦਿਤ (Re-edit) ਕੀਤਾ ਹੈ। ਇਹੀ ਟੀਜ਼ਰ ਹੁਣ ‘ਬਾਰਡਰ 2’ ਦੇ ਨਾਲ ਸਿਨੇਮਾਘਰਾਂ ਵਿੱਚ ਪੇਸ਼ ਕੀਤਾ ਜਾਵੇਗਾ।
ਇਸ ਦਾ ਮੁੱਖ ਮਕਸਦ ਦਰਸ਼ਕਾਂ ਨੂੰ ‘ਧੁਰੰਧਰ 2’ ਦੀ ਰਿਲੀਜ਼ ਡੇਟ ਬਾਰੇ ਦੁਬਾਰਾ ਯਾਦ ਦਿਵਾਉਣਾ ਹੈ। ਦੱਸ ਦੇਈਏ ਕਿ ‘ਧੁਰੰਧਰ 2’ ਪਹਿਲਾਂ ਹੀ ਈਦ 2026 ਯਾਨੀ 19 ਮਾਰਚ ਨੂੰ ਰਿਲੀਜ਼ ਹੋਣ ਲਈ ਤਿਆਰ ਹੈ। ਹੁਣ ਇਹ ਨਵਾਂ ਟੀਜ਼ਰ ਨਵੇਂ ਵਿਜ਼ੂਅਲਸ ਦੇ ਨਾਲ ਰਿਲੀਜ਼ ਡੇਟ ਦੀ ਪੁਸ਼ਟੀ ਕਰੇਗਾ।
ਦੇਸ਼ ਭਗਤੀ ਦੀ ਲਹਿਰ ਦਾ ਫਾਇਦਾ
‘ਧੁਰੰਧਰ’ ਅਤੇ ‘ਬਾਰਡਰ 2’ ਦੋਵੇਂ ਹੀ ਰਾਸ਼ਟਰਵਾਦ ਅਤੇ ਦੇਸ਼ ਭਗਤੀ ‘ਤੇ ਅਧਾਰਤ ਫ਼ਿਲਮਾਂ ਹਨ। ਇਨ੍ਹਾਂ ਦੋਵਾਂ ਫ਼ਿਲਮਾਂ ਨੂੰ ਪਸੰਦ ਕਰਨ ਵਾਲੀ ਆਡੀਅੰਸ ਲਗਭਗ ਇੱਕੋ ਜਿਹੀ ਹੈ। ਇਸ ਲਈ ਜਿਓ ਸਟੂਡੀਓਜ਼ ਦੀ ਟੀਮ ਇਸ ਦੇਸ਼ ਭਗਤੀ ਵਾਲੇ ਮਾਹੌਲ ਦਾ ਫਾਇਦਾ ਉਠਾਉਣਾ ਚਾਹੁੰਦੀ ਹੈ।
ਸੂਤਰਾਂ ਅਨੁਸਾਰ, ਧੁਰੰਧਰ 2 ਅਤੇ ਬਾਰਡਰ 2 ਦੋਵੇਂ ਰਾਸ਼ਟਰਵਾਦੀ ਫ਼ਿਲਮਾਂ ਹਨ ਅਤੇ ਮੇਕਰਸ ਇਸ ਲਹਿਰ ਰਾਹੀਂ ਸਿੱਧਾ ਦਰਸ਼ਕਾਂ ਨੂੰ 19 ਮਾਰਚ ਨੂੰ ਸਿਨੇਮਾਘਰਾਂ ਵਿੱਚ ਆਉਣ ਦਾ ਸੱਦਾ ਦੇਣਾ ਚਾਹੁੰਦੇ ਹਨ। ਇਹ ਟੀਜ਼ਰ ਸਿਨੇਮਾਘਰਾਂ ਤੋਂ ਇਲਾਵਾ ਡਿਜੀਟਲ ਪਲੇਟਫਾਰਮਾਂ ‘ਤੇ ਵੀ ਰਿਲੀਜ਼ ਕੀਤਾ ਜਾਵੇਗਾ।
ਇਹ ਵੀ ਪੜ੍ਹੋ
‘ਟੌਕਸਿਕ’ ਨਾਲ ਹੋਵੇਗੀ ਸਿੱਧੀ ਟੱਕਰ
ਰਣਵੀਰ ਸਿੰਘ ਸਟਾਰਰ ‘ਧੁਰੰਧਰ’ ਦੇ ਪਹਿਲੇ ਭਾਗ ਨੇ ਬਾਕਸ ਆਫਿਸ ‘ਤੇ ਰਿਕਾਰਡ ਤੋੜ ਕਮਾਈ ਕੀਤੀ ਹੈ। 5 ਦਸੰਬਰ ਨੂੰ ਰਿਲੀਜ਼ ਹੋਈ ਇਹ ਫ਼ਿਲਮ ਅਜੇ ਵੀ ਵਧੀਆ ਕਾਰੋਬਾਰ ਕਰ ਰਹੀ ਹੈ। ਹਾਲਾਂਕਿ, ਪਾਰਟ 2 ਲਈ ਰਾਹ ਇੰਨਾ ਆਸਾਨ ਨਹੀਂ ਹੋਣ ਵਾਲਾ। ਇਸ ਦੀ ਵਜ੍ਹਾ ਸਾਊਥ ਸੁਪਰਸਟਾਰ ਯਸ਼ ਦੀ ਫ਼ਿਲਮ ‘ਟੌਕਸਿਕ’ ਹੈ। ‘ਟੌਕਸਿਕ’ ਵੀ 19 ਮਾਰਚ 2026 ਨੂੰ ਹੀ ਰਿਲੀਜ਼ ਹੋ ਰਹੀ ਹੈ। ਅਜਿਹੀ ਸਥਿਤੀ ਵਿੱਚ, ਰਣਵੀਰ ਸਿੰਘ ਅਤੇ ਯਸ਼ ਦੇ ਵਿਚਕਾਰ ਬਾਕਸ ਆਫਿਸ ‘ਤੇ ਇੱਕ ਜ਼ਬਰਦਸਤ ਕਲੈਸ਼ ਦੇਖਣ ਨੂੰ ਮਿਲੇਗਾ।
