BAFTA ਐਵਾਰਡਸ ‘ਚ ਧਰਮਿੰਦਰ ਨੂੰ ਦਿੱਤੀ ਗਈ ਸ਼ਰਧਾਂਜਲੀ, ਗਲੋਬਲ ਸਿਤਾਰਿਆਂ ਨਾਲ ਦਿਖਾਈਆਂ ਗਈਆਂ ‘ਹੀ-ਮੈਨ’ ਦੀਆਂ ਤਸਵੀਰਾਂ
BAFTA Awards 2026: ਲੰਡਨ ਦੇ ਇਤਿਹਾਸਕ ਰਾਇਲ ਫੈਸਟੀਵਲ ਹਾਲ ਵਿੱਚ ਆਯੋਜਿਤ 79ਵੇਂ ਬ੍ਰਿਟਿਸ਼ ਅਕੈਡਮੀ ਫਿਲਮ ਐਂਡ ਟੈਲੀਵਿਜ਼ਨ ਆਰਟਸ (BAFTA) ਐਵਾਰਡਸ 2026 ਵਿੱਚ ਭਾਰਤੀ ਸਿਨੇਮਾ ਦੀ ਚਮਕ ਦੇਖਣ ਨੂੰ ਮਿਲੀ। ਇਹ ਸਮਾਰੋਹ ਭਾਰਤੀ ਪ੍ਰਸ਼ੰਸਕਾਂ ਲਈ ਉਸ ਸਮੇਂ ਬੇਹੱਦ ਯਾਦਗਾਰ ਅਤੇ ਭਾਵੁਕ ਬਣ ਗਿਆ ਜਦੋਂ ਇਸ ਅੰਤਰਰਾਸ਼ਟਰੀ ਮੰਚ 'ਤੇ ਹਿੰਦੀ ਸਿਨੇਮਾ ਦੇ ਮਹਾਨ ਅਦਾਕਾਰ ਸਵਰਗੀ ਧਰਮਿੰਦਰ ਨੂੰ ਸ਼ਰਧਾਂਜਲੀ ਦਿੱਤੀ ਗਈ।
ਲੰਡਨ ਦੇ ਇਤਿਹਾਸਕ ਰਾਇਲ ਫੈਸਟੀਵਲ ਹਾਲ ਵਿੱਚ ਆਯੋਜਿਤ 79ਵੇਂ ਬ੍ਰਿਟਿਸ਼ ਅਕੈਡਮੀ ਫਿਲਮ ਐਂਡ ਟੈਲੀਵਿਜ਼ਨ ਆਰਟਸ (BAFTA) ਐਵਾਰਡਸ 2026 ਵਿੱਚ ਭਾਰਤੀ ਸਿਨੇਮਾ ਦੀ ਚਮਕ ਦੇਖਣ ਨੂੰ ਮਿਲੀ। ਇਹ ਸਮਾਰੋਹ ਭਾਰਤੀ ਪ੍ਰਸ਼ੰਸਕਾਂ ਲਈ ਉਸ ਸਮੇਂ ਬੇਹੱਦ ਯਾਦਗਾਰ ਅਤੇ ਭਾਵੁਕ ਬਣ ਗਿਆ ਜਦੋਂ ਇਸ ਅੰਤਰਰਾਸ਼ਟਰੀ ਮੰਚ ‘ਤੇ ਹਿੰਦੀ ਸਿਨੇਮਾ ਦੇ ਮਹਾਨ ਅਦਾਕਾਰ ਸਵਰਗੀ ਧਰਮਿੰਦਰ ਨੂੰ ਸ਼ਰਧਾਂਜਲੀ ਦਿੱਤੀ ਗਈ। ਇਸ ਤੋਂ ਇਲਾਵਾ ਬਾਲੀਵੁੱਡ ਅਦਾਕਾਰਾ ਆਲੀਆ ਭੱਟ ਦੀ ਮੌਜੂਦਗੀ ਅਤੇ ਭਾਰਤੀ ਫਿਲਮ ਬੂਂਗ ਦੀ ਜਿੱਤ ਨੇ ਭਾਰਤ ਦਾ ਨਾਮ ਦੁਨੀਆ ਭਰ ਵਿੱਚ ਰੌਸ਼ਨ ਕੀਤਾ ਹੈ।
ਧਰਮਿੰਦਰ ਨੂੰ ‘ਇਨ ਮੈਮੋਰੀਅਮ’ ਵਿੱਚ ਕੀਤਾ ਗਿਆ ਯਾਦ
BAFTA 2026 ਦੇ ‘ਇਨ ਮੈਮੋਰੀਅਮ’ ਹਿੱਸੇ ਦੌਰਾਨ ਦੁਨੀਆ ਭਰ ਦੇ ਦਿੱਗਜ ਸਿਤਾਰਿਆਂ ਦੇ ਨਾਲ ਭਾਰਤ ਦੇ ‘ਹੀ-ਮੈਨ’ ਧਰਮਿੰਦਰ ਨੂੰ ਵਿਸ਼ੇਸ਼ ਸ਼ਰਧਾਂਜਲੀ ਭੇਟ ਕੀਤੀ ਗਈ। ਜਿਸ ਵੇਲੇ ਗਾਇਕਾ ਜੈਸੀ ਵੇਅਰ ਬਾਰਬਰਾ ਸਟ੍ਰੀਸੈਂਡ ਦਾ ਮਸ਼ਹੂਰ ਗੀਤ ਦਿ ਵੇਅ ਵੀ ਵੇਅਰ ਗਾ ਰਹੀ ਸੀ, ਉਸ ਸਮੇਂ ਵੱਡੀ ਸਕਰੀਨ ‘ਤੇ ਧਰਮਿੰਦਰ ਦੀਆਂ ਤਸਵੀਰਾਂ ਦਿਖਾਈਆਂ ਗਈਆਂ। ਇਹ ਪਲ ਸਾਰੇ ਭਾਰਤੀਆਂ ਲਈ ਮਾਣ ਵਾਲਾ ਸੀ। ਧਰਮਿੰਦਰ ਦੇ ਨਾਲ-ਨਾਲ ਡਾਇਨੇ ਕੀਟਨ, ਜੀਨ ਹੈਕਮੈਨ ਅਤੇ ਰੌਬਰਟ ਡੁਵੈਲ ਵਰਗੇ ਗਲੋਬਲ ਸਿਤਾਰਿਆਂ ਨੂੰ ਵੀ ਯਾਦ ਕੀਤਾ ਗਿਆ। ਜ਼ਿਕਰਯੋਗ ਹੈ ਕਿ ਧਰਮਿੰਦਰ ਦਾ ਨਵੰਬਰ 2025 ਵਿੱਚ 89 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਸੀ।
ਆਲੀਆ ਭੱਟ ਨੇ ਹਿੰਦੀ ਵਿੱਚ ਦਿੱਤਾ ਭਾਸ਼ਣ
ਇਸ ਵੱਕਾਰੀ ਐਵਾਰਡ ਸਮਾਰੋਹ ਵਿੱਚ ਬਾਲੀਵੁੱਡ ਅਦਾਕਾਰਾ ਆਲੀਆ ਭੱਟ ਨੇ ਵੀ ਆਪਣੀ ਮੌਜੂਦਗੀ ਦਰਜ ਕਰਵਾਈ। ਉਹ ਸਟੇਜ ‘ਤੇ ਇੱਕ ‘ਨਾਨ-ਇੰਗਲਿਸ਼’ ਫਿਲਮ ਨੂੰ ਐਵਾਰਡ ਦੇਣ ਲਈ ਪਹੁੰਚੀ ਸੀ। ਇਸ ਦੌਰਾਨ ਸਭ ਤੋਂ ਖਾਸ ਗੱਲ ਇਹ ਰਹੀ ਕਿ ਆਲੀਆ ਨੇ ਆਪਣਾ ਭਾਸ਼ਣ ਹਿੰਦੀ ਭਾਸ਼ਾ ਵਿੱਚ ਦਿੱਤਾ, ਜਿਸ ਦੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਚਰਚਾ ਹੋ ਰਹੀ ਹੈ। ਭਾਰਤੀ ਸੱਭਿਆਚਾਰ ਅਤੇ ਭਾਸ਼ਾ ਨੂੰ ਅੰਤਰਰਾਸ਼ਟਰੀ ਮੰਚ ‘ਤੇ ਪਹੁੰਚਾਉਣ ਲਈ ਉਨ੍ਹਾਂ ਦੀ ਸ਼ਲਾਘਾ ਕੀਤੀ ਜਾ ਰਹੀ ਹੈ।
ਭਾਰਤੀ ਫਿਲਮ ਬੂਂਗ ਦੀ ਇਤਿਹਾਸਕ ਜਿੱਤ
ਭਾਰਤ ਲਈ ਇੱਕ ਹੋਰ ਵੱਡੀ ਖੁਸ਼ਖਬਰੀ ਇਸ ਸਮਾਰੋਹ ਵਿੱਚ ਭਾਰਤੀ ਫਿਲਮ ਬੂਂਗ ਦੀ ਜਿੱਤ ਰਹੀ। ਇਸ ਫਿਲਮ ਨੂੰ ‘ਬੈਸਟ ਚਿਲਡਰਨ ਐਂਡ ਫੈਮਿਲੀ’ ਕੈਟਾਗਰੀ ਵਿੱਚ BAFTA ਐਵਾਰਡ ਨਾਲ ਨਿਵਾਜਿਆ ਗਿਆ ਹੈ। ਇਹ ਜਿੱਤ ਭਾਰਤੀ ਸਿਨੇਮਾ ਦੀ ਵਧਦੀ ਪਕੜ ਅਤੇ ਵਿਸ਼ਵ ਪੱਧਰ ‘ਤੇ ਉਸ ਦੀ ਮਾਨਤਾ ਦਾ ਸਬੂਤ ਹੈ।
65 ਸਾਲ ਦਾ ਸੁਨਹਿਰੀ ਸਫ਼ਰ
ਪੰਜਾਬ ਦੇ ਜੰਮਪਲ ਧਰਮਿੰਦਰ ਨੇ 1960 ਵਿੱਚ ਫਿਲਮ ਦਿਲ ਭੀ ਤੇਰਾ ਹਮ ਭੀ ਤੇਰੇ ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। 24 ਨਵੰਬਰ 2025 ਨੂੰ ਉਹ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਗਏ ਸਨ। ਉਨ੍ਹਾਂ ਨੇ ਆਪਣੇ 65 ਸਾਲਾਂ ਦੇ ਕਰੀਅਰ ਵਿੱਚ 300 ਤੋਂ ਵੱਧ ਫਿਲਮਾਂ ਕੀਤੀਆਂ। ਉਨ੍ਹਾਂ ਦੀ ਆਖਰੀ ਫਿਲਮ ਇੱਕੀਸ 1 ਜਨਵਰੀ 2026 ਨੂੰ ਰਿਲੀਜ਼ ਹੋਈ ਸੀ, ਜਿਸ ਰਾਹੀਂ ਉਨ੍ਹਾਂ ਨੇ ਆਖਰੀ ਵਾਰ ਆਪਣੇ ਪ੍ਰਸ਼ੰਸਕਾਂ ਨੂੰ ਪਰਦੇ ‘ਤੇ ਦੀਦਾਰ ਦਿੱਤੇ।
ਇਹ ਵੀ ਪੜ੍ਹੋ
