ਫਰੀਦਾਬਾਦ ਲੋਕ ਸਭਾ ਸੀਟ (Faridabad Lok Sabha Seat)

ਫਰੀਦਾਬਾਦ ਲੋਕ ਸਭਾ ਸੀਟ ਹਰਿਆਣਾ ਦੀ ਬਹੁਤ ਮਹੱਤਵਪੂਰਨ ਸੀਟ ਮੰਨੀ ਜਾਂਦੀ ਹੈ। ਇਹ ਸੀਟ ਪਹਿਲੀ ਵਾਰ 1977 ਵਿੱਚ ਹੋਂਦ ਵਿੱਚ ਆਈ ਸੀ। ਇੱਥੋਂ ਦੇ ਮੌਜੂਦਾ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਸੰਸਦ ਮੈਂਬਰ ਕ੍ਰਿਸ਼ਨ ਪਾਲ ਹਨ। ਇਸ ਸੀਟ 'ਤੇ ਕਾਂਗਰਸ ਅਤੇ ਭਾਜਪਾ ਦੋਵਾਂ ਦਾ ਬਰਾਬਰ ਦਾ ਦਬਦਬਾ ਹੈ। ਪਿਛਲੀਆਂ ਦੋ ਚੋਣਾਂ (2019 ਅਤੇ 2014) ਵਿੱਚ ਭਾਜਪਾ ਇੱਥੋਂ ਜਿੱਤੀ ਸੀ। 2019 ਵਿੱਚ ਭਾਜਪਾ ਦੇ ਕ੍ਰਿਸ਼ਨ ਪਾਲ ਨੇ ਕਾਂਗਰਸ ਦੇ ਅਵਤਾਰ ਸਿੰਘ ਭਡਾਨਾ ਨੂੰ ਹਰਾਇਆ ਸੀ। ਫਰੀਦਾਬਾਦ ਲੋਕ ਸਭਾ ਅਧੀਨ 10 ਵਿਧਾਨ ਸਭਾ ਸੀਟਾਂ ਹਨ। ਇਨ੍ਹਾਂ ਸੀਟਾਂ ਵਿੱਚ ਹਥੀਨ, ਹੋਡਲ (ਐਸਸੀ), ਪਲਵਲ, ਪ੍ਰਿਥਲਾ, ਫਰੀਦਾਬਾਦ ਐਨਆਈਟੀ, ਬਡਖਲ, ਬੱਲਭਗੜ੍ਹ, ਫਰੀਦਾਬਾਦ ਅਤੇ ਤਿਗਾਂਵ ਸ਼ਾਮਲ ਹਨ।

2019 ਦੇ ਚੋਣ ਨਤੀਜੇ

2019 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਭਾਜਪਾ ਨੇ ਇਹ ਸੀਟ ਜਿੱਤੀ ਸੀ। ਭਾਜਪਾ ਦੇ ਕ੍ਰਿਸ਼ਨ ਪਾਲ ਨੇ ਕਾਂਗਰਸ ਦੇ ਅਵਤਾਰ ਸਿੰਘ ਭਡਾਨਾ ਨੂੰ 6,38,239 ਵੋਟਾਂ ਨਾਲ ਹਰਾਇਆ। ਪਾਲ ਨੂੰ 913,222 ਲੱਖ ਵੋਟਾਂ ਮਿਲੀਆਂ ਸਨ ਜਦਕਿ ਭਡਾਨਾ ਨੂੰ 274,983 ਲੱਖ ਵੋਟਾਂ ਮਿਲੀਆਂ ਸਨ। ਜਦਕਿ ਤੀਜੇ ਸਥਾਨ 'ਤੇ ਬਹੁਜਨ ਸਮਾਜਵਾਦੀ ਪਾਰਟੀ ਯਾਨੀ ਬਸਪਾ ਦੇ ਮਨਧੀਰ ਮਾਨ ਰਹੇ। ਉਨ੍ਹਾਂ ਨੂੰ 86,752 ਹਜ਼ਾਰ ਵੋਟਾਂ ਮਿਲੀਆਂ।

ਫਰੀਦਾਬਾਦ ਲੋਕ ਸਭਾ ਸੀਟ 'ਤੇ ਵੋਟਰਾਂ ਦੀ ਕੁੱਲ ਗਿਣਤੀ

ਫਰੀਦਾਬਾਦ ਲੋਕ ਸਭਾ ਸੀਟ 'ਤੇ ਕਰੀਬ 20 ਲੱਖ ਵੋਟਰ ਹਨ। ਇਨ੍ਹਾਂ ਵਿੱਚੋਂ 10,62,155 ਲੱਖ ਪੁਰਸ਼ ਵੋਟਰ ਹਨ ਜਦਕਿ 8,64,15 ਲੱਖ ਮਹਿਲਾ ਵੋਟਰ ਹਨ। ਪਿਛਲੀਆਂ ਲੋਕ ਸਭਾ ਚੋਣਾਂ (2019) ਵਿੱਚ 13,27,295 ਵੋਟਰਾਂ ਨੇ ਵੋਟ ਪਾਈ ਸੀ। ਮਤਲਬ ਇੱਥੇ 70 ਫੀਸਦੀ ਵੋਟਿੰਗ ਹੋਈ।

ਫਰੀਦਾਬਾਦ ਲੋਕ ਸਭਾ ਸੀਟ ਦਾ ਸਿਆਸੀ ਇਤਿਹਾਸ

ਫਰੀਦਾਬਾਦ ਸੀਟ 'ਤੇ ਕਾਂਗਰਸ ਅਤੇ ਭਾਜਪਾ ਵਿਚਾਲੇ ਸਖਤ ਟੱਕਰ ਹੈ। ਇਸ ਸੀਟ 'ਤੇ 1977 ਤੋਂ 2019 ਤੱਕ ਕੁੱਲ 12 ਲੋਕ ਸਭਾ ਚੋਣਾਂ ਹੋਈਆਂ। ਕਾਂਗਰਸ ਨੇ ਛੇ ਵਾਰ ਜਿੱਤ ਦਾ ਝੰਡਾ ਲਹਿਰਾਇਆ। ਜਦਕਿ ਭਾਜਪਾ ਪੰਜ ਵਾਰ ਜਿੱਤ ਚੁੱਕੀ ਹੈ। ਪਿਛਲੀਆਂ ਦੋ ਚੋਣਾਂ ਵਿੱਚ ਭਾਜਪਾ ਨੇ ਇੱਥੋਂ ਜਿੱਤ ਦਾ ਝੰਡਾ ਲਹਿਰਾਇਆ ਹੈ। ਇਸ ਵਾਰ ਭਾਜਪਾ ਦੀ ਨਜ਼ਰ ਜਿੱਤ ਦੀ ਹੈਟ੍ਰਿਕ 'ਤੇ ਹੈ।