ਦਿੱਲੀ ‘ਚ INDI ਗਠਜੋੜ ਦੀ ਮਹਾਰੈਲੀ: ਭਗਵੰਤ ਮਾਨ ਨੇ ਕਿਹਾ- ਕੇਜਰੀਵਾਲ ਵਿਅਕਤੀ ਨਹੀਂ, ਸੋਚ ਦਾ ਨਾਂ ਹੈ

ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ

INDI ਗਠਜੋੜ ਦੀ ਮਹਾਰੈਲੀ ਨੂੰ ਸੰਬੋਧਨ ਕਰਦਿਆਂ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ ਕਿ ਦੇਸ਼ ਦਾ ਲੋਕਤੰਤਰ ਖ਼ਤਰੇ ਵਿੱਚ ਹੈ। ਇਹ ਦੇਸ਼ ਕਿਸੇ ਦੇ ਬਾਪ ਦੀ ਜਾਇਦਾਦ ਨਹੀਂ ਹੈ। ਇਹ 140 ਕਰੋੜ ਲੋਕਾਂ ਦਾ ਦੇਸ਼ ਹੈ। ਸੀਐਮ ਮਾਨ ਨੇ ਕੇਂਦਰ ਸਰਕਾਰ ਤੇ ਨਿਸ਼ਾਨਾ ਸਾਧਿਆਂ ਅਤੇ ਕਿਹਾ ਕਿ ਉਹ ਕੀ ਸੋਚਦੇ ਹਨ, ਇਸ ਨੂੰ ਅੰਦਰੋਂ ਖਤਮ ਕਰੋ, ਇਸ ਨੂੰ ਵੀ ਅੰਦਰ ਕਰੋ, ਇਨ੍ਹਾਂ ਨੇਤਾਵਾਂ ਨੂੰ ਫਰੀਜ਼ ਕਰੋ, ਕੀ ਤੁਸੀਂ ਇਸ ਤਰ੍ਹਾਂ ਜਿੱਤੋਗੇ? ਤੁਸੀਂ ਅਰਵਿੰਦ ਕੇਜਰੀਵਾਲ ਨੂੰ ਗ੍ਰਿਫ਼ਤਾਰ ਕਰ ਲਓਗੇ ਪਰ ਉਸ ਦੀ ਸੋਚ ਨੂੰ ਕਿਵੇਂ ਗ੍ਰਿਫ਼ਤਾਰ ਕਰੋਗੇ? ਕੇਜਰੀਵਾਲ ਕੋਈ ਵਿਅਕਤੀ ਨਹੀਂ, ਅਰਵਿੰਦ ਕੇਜਰੀਵਾਲ ਸੋਚ ਦਾ ਨਾਮ ਹੈ।

ਸੀਐਮ ਭਗਵੰਤ ਸਿੰਘ ਮਾਨ ਨੇ ਕਿਹਾ ਕਿ ਇਹ ਅਜ਼ਾਦੀ ਸਾਨੂੰ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ, ਰਾਜਗੁਰੂ, ਸੁਖਦੇਵ, ਮਦਨ ਲਾਲ ਢੀਂਗਰਾ, ਕਰਤਾਰ ਸਿੰਘ ਸਰਾਭਾ, ਚੰਦਰ ਸ਼ੇਖਰ ਅਜ਼ਾਦ ਵਰਗੇ ਯੋਧਾਵਾਂ ਦੇ ਬਲਿਦਾਨ ਨਾਲ ਮਿਲੀ ਹੈ।

ਸੀਐਮ ਮਾਨ ਨੇ ਕਿਹਾ ਕਿ ਕੇਂਦਰ ਦੀ ਸਰਕਾਰ ਦੇਸ਼ ਨੂੰ ਤੋੜਨਾ ਚਾਹਉਂਦੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਕਿਹਾ ਕਿ ਕੇਜਰੀਵਾਲ ਨੂੰ ਤਾਂ ਗ੍ਰਿਫ਼ਤਾਰ ਕਰ ਲਓਗੇ ਪਰ ਉਨ੍ਹਾਂ ਦੀ ਸੋਚ ਨੂੰ ਕਿਵੇਂ ਗ੍ਰਿਫ਼ਤਾਰ ਕਰਓਗੇ, ਜਿਹੜੇ ਲੱਖਾਂ ਕੇਜਰੀਵਾਲ ਦੇਸ਼ ਵਿੱਚ ਪੈਦਾ ਹੋ ਚੁੱਕੇ ਹਨ। ਉਨ੍ਹਾਂ ਨੂੰ ਕਿਵੇਂ ਗ੍ਰਿਫ਼ਤਾਰ ਕਰਓਗੇ ਕਿਹੜੀ ਜੇਲ੍ਹ ਵਿੱਚ ਬੰਦ ਕਰਓਗੇ। ਅਸੀਂ ਸਭ INDI ਗਠਜੋੜ ਦੇ ਨਾਲ ਹਾਂ ਸਾਨੂੰ ਕੋਈ ਤੋੜ ਨਹੀਂ ਸਕਦਾ।

ਅਰਵਿੰਦ ਕੇਜਰੀਵਾਲ ਵੱਲੋਂ ਉਨ੍ਹਾਂ ਦੀ ਪਤਨੀ ਸੁਨੀਤਾ ਕੇਜਰੀਵਾਲ ਨੇ ਰਾਮਲੀਲਾ ਮੈਦਾਨ ਵਿੱਚ INDI ਗਠਜੋੜ ਦੀ ਰੈਲੀ ਵਿੱਚ ਕੇਜਰੀਵਾਲ ਦੇ ਸੰਦੇਸ਼ ਨੂੰ ਪੜ੍ਹਿਆ ਅਤੇ ਕਿਹਾ ਕਿ ਜੇਕਰ ਤੁਸੀਂ INDI ਗਠਜੋੜ ਨੂੰ ਮੌਕਾ ਦਿੰਦੇ ਹੋ ਤਾਂ ਮੈਂ 6 ਗਾਰੰਟੀ ਦਿੰਦਾ ਹਾਂ।

1. ਪੂਰੇ ਦੇਸ਼ ‘ਚ 24 ਘੰਟੇ ਬਿਜਲੀ
2. ਗਰੀਬਾਂ ਨੂੰ ਮੁਫਤ ਬਿਜਲੀ
3. ਪੂਰੇ ਦੇਸ਼ ‘ਚ ਚੰਗੇ ਸਕੂਲ ਬਣਾਵਾਂਗੇ
4. ਦੇਸ਼ ਭਰ ਦੇ ਇਲਾਕਿਆਂ ਵਿੱਚ ਝੀਲਾਂ ਅਤੇ ਚੰਗੇ ਹਸਪਤਾਲ ਬਣਾਵਾਂਗੇ।
5. ਕਿਸਾਨਾਂ ਨੂੰ ਸਵਾਮੀਨਾਥਨ ਕਮਿਸ਼ਨ ਦੀਆਂ ਸਿਫਾਰਿਸ਼ਾਂ ਨੂੰ ਲਾਗੂ ਕਰਕੇ ਫਸਲਾਂ ਦੀ ਕੀਮਤਾਂ ਦਾ ਸਹੀ ਮੁੱਲ ਮੁਹੱਈਆਂ ਕਰਵਾਵਾਂਗੇ।
6. ਦਿੱਲੀ ਦੇ ਲੋਕਾਂ ਦੇ ਹੱਕ ਦੂਜੇ ਸੂਬਿਆਂ ਦੇ ਮੁਕਾਬਲੇ ਘੱਟ ਹਨ। ਦਿੱਲੀ ਨੂੰ ਪੂਰਨ ਰਾਜ ਦਾ ਦਰਜਾ ਦੇਵਾਂਗੇ