ਪਿਓ ਨੇ ਕੀਤਾ ਸੁੱਤੀ ਪਈ ਧੀ ਦਾ ਕਤਲ, ਵੇਟਲਿਫਟਿੰਗ ਵਿੱਚ ਗੋਲਡ ਮੈਡਲਿਸਟ ਸੀ ਚਮਨਪ੍ਰੀਤ ਕੌਰ, ਪੜ੍ਹਣ ਤੋਂ ਰੋਕਦਾ ਸੀ ਮੁਲਜਮ
Father Killed Daughter in Muktsar: ਮੁਕਤਸਰ ਵਿੱਚ, ਇੱਕ ਕਲਯੁਗੀ ਪਿਤਾ ਨੇ ਆਪਣੀ ਜਵਾਨ ਧੀ ਦਾ ਕਤਲ ਕਰ ਦਿੱਤਾ। ਮੁਲਜਮ ਪਿਤਾ ਨੇ ਆਪਣੀ ਧੀ 'ਤੇ ਦਾਤਰੀ ਨਾਲ ਹਮਲਾ ਕਰਕੇ ਉਸਦੀ ਹੱਤਿਆ ਕਰ ਦਿੱਤੀ। ਇਹ ਘਟਨਾ ਮੁਕਤਸਰ ਦੇ ਲੰਬੀ ਹਲਕੇ ਦੇ ਮਿੱਡਾ ਪਿੰਡ ਵਿੱਚ ਵਾਪਰੀ।
ਮੁਕਤਸਰ ਦੇ ਲੰਬੀ ਹਲਕੇ ਦੇ ਮਿੱਡਾ ਪਿੰਡ ਵਿੱਚ, ਇੱਕ ਪਿਤਾ ਨੇ ਆਪਣੀ 18 ਸਾਲਾ ਧੀ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ। ਉਸਨੇ ਉਸ ‘ਤੇ ਦਾਤਰੀ ਨਾਲ ਹਮਲਾ ਕੀਤਾ, ਜਿਸ ਕਾਰਨ ਉਸਦੀ ਮੌਤ ਹੋ ਗਈ। ਕਤਲ ਕਰਨ ਤੋਂ ਬਾਅਦ, ਪਿਤਾ ਭੱਜ ਗਿਆ। ਸੂਚਨਾ ਮਿਲਣ ‘ਤੇ ਕਬਰਵਾਲਾ ਥਾਣੇ ਦੀ ਪੁਲਿਸ ਮੌਕੇ ‘ਤੇ ਪਹੁੰਚੀ, ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਲਿਆ, ਪਿਤਾ ਵਿਰੁੱਧ ਮਾਮਲਾ ਦਰਜ ਕਰਕੇ ਉਸਦੀ ਭਾਲ ਸ਼ੁਰੂ ਕਰ ਦਿੱਤੀ।
ਮੁੱਢਲੀ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਮੁਲਜਮ ਮਾਨਸਿਕ ਤੌਰ ‘ਤੇ ਪਰੇਸ਼ਾਨ ਸੀ। ਮ੍ਰਿਤਕਾ ਬੀ.ਕਾਮ ਦੀ ਡਿਗਰੀ ਕਰ ਰਹੀ ਸੀ। ਮੁਲਜਮ ਪਿਤਾ ਉਸਨੂੰ ਅੱਗੇ ਦੀ ਪੜ੍ਹਾਈ ਕਰਨ ਤੋਂ ਰੋਕਦਾ ਸੀ, ਇਸ ਕਾਰਨ ਉਸਨੇ ਬੇਟੀ ਦੀ ਜਾਨ ਲੈ ਲਈ। ਮੁਲਜਮ ਦੀ ਪਛਾਣ ਹਰਪਾਲ ਸਿੰਘ ਵਜੋਂ ਹੋਈ ਹੈ, ਅਤੇ ਮ੍ਰਿਤਕਾ ਚਮਨਪ੍ਰੀਤ ਕੌਰ ਸੀ।
ਅੱਗੇ ਪੜ੍ਹਣ ਤੋਂ ਰੋਕਦਾ ਸੀ ਮੁਲਜਮ
ਰਿਪੋਰਟਾਂ ਅਨੁਸਾਰ, ਮੁਲਜਮ ਹਰਪਾਲ ਸਿੰਘ ਇੱਕ ਕਿਸਾਨ ਹੈ। ਚਮਨਪ੍ਰੀਤ ਕੌਰ ਮੋਹਾਲੀ ਵਿੱਚ ਬੀ.ਕਾਮ ਦੀ ਪੜ੍ਹਾਈ ਕਰ ਰਹੀ ਸੀ ਅਤੇ ਪੀਜੀ ਵਿੱਚ ਰਹਿੰਦੀ ਸੀ। ਹਰਪਾਲ ਸਿੰਘ ਰੂੜੀਵਾਦੀ ਸੀ ਅਤੇ ਉਸਨੂੰ ਡਰ ਸੀ ਕਿ ਬਾਹਰ ਜਾਣ ਤੋਂ ਬਾਅਦ ਉਸਦੀ ਧੀ ਭਟਕ ਸਕਦੀ ਹੈ। ਚਮਨਪ੍ਰੀਤ ਕੌਰ ਦੀ ਮਾਂ ਉਸਦੀ ਹੋਰ ਅੱਗੇ ਪੜ੍ਹਦਿਆਂ ਦੇਖਣਾ ਚਾਹੁੰਦੀ ਸੀ, ਅਤੇ ਇਸ ਮੁੱਦੇ ਕਾਰਨ ਅਕਸਰ ਪਰਿਵਾਰ ਵਿੱਚ ਝਗੜੇ ਹੁੰਦੇ ਰਹਿੰਦੇ ਸਨ।
ਪਿੰਡ ਵਾਸੀਆਂ ਦੇ ਅਨੁਸਾਰ, ਚਮਨਪ੍ਰੀਤ ਕੌਰ ਬੁੱਧੀਮਾਨ ਅਤੇ ਇੱਕ ਹੁਸ਼ਿਆਰ ਵਿਦਿਆਰਥਣ ਸੀ। ਐਤਵਾਰ ਸਵੇਰੇ ਹਰਪਾਲ ਸਿੰਘ ਨੇ ਚਮਨਪ੍ਰੀਤ ਕੌਰ ਨੂੰ ਦਾਤਰੀ ਨਾਲ ਮਾਰ ਦਿੱਤਾ। ਚਮਨਪ੍ਰੀਤ ਕੌਰ ਖੇਡਾਂ ਵਿੱਚ ਵੀ ਦਿਲਚਸਪੀ ਰੱਖਦੀ ਸੀ ਅਤੇ ਵੇਟਲਿਫਟਿੰਗ ਵਿੱਚ ਸੋਨ ਤਗਮਾ ਜੇਤੂ ਸੀ।
ਹੁਸ਼ਿਆਰ ਕੁੜੀ ਸੀ ਚਮਨਪ੍ਰੀਤ ਕੌਰ – ਪਿੰਡਵਾਸੀ
ਪਰਿਵਾਰ ਅਤੇ ਪਿੰਡ ਵਾਸੀਆਂ ਦੇ ਅਨੁਸਾਰ, ਚਮਨਪ੍ਰੀਤ ਕੌਰ ਬਹੁਤ ਹੀ ਹੁਸ਼ਿਆਰ ਅਤੇ ਸਮਝਦਾਰ ਵਿਦਿਆਰਥਣ ਸੀ। ਉਸਦੀ ਮਾਂ ਚਾਹੁੰਦੀ ਸੀ ਕਿ ਉਸਦੀ ਧੀ ਉੱਚ ਸਿੱਖਿਆ ਪ੍ਰਾਪਤ ਕਰੇ ਅਤੇ ਹਰ ਕਦਮ ‘ਤੇ ਉਸਦਾ ਸਮਰਥਨ ਕਰਦੀ ਸੀ। ਆਪਣੀ ਪੜ੍ਹਾਈ ਦੇ ਨਾਲ-ਨਾਲ, ਚਮਨਪ੍ਰੀਤ ਖੇਡਾਂ ਵਿੱਚ ਵੀ ਐਕਟਿਵ ਸੀ। ਉਸਨੇ ਵੇਟਲਿਫਟਿੰਗ ਵਿੱਚ ਗੋਲਡ ਮੈਡਲ ਵੀ ਜਿੱਤਿਆ ਸੀ।
ਇਹ ਵੀ ਪੜ੍ਹੋ
ਮਾਨਸਿਕ ਤੌਰ ‘ਤੇ ਪਰੇਸ਼ਾਨ ਹੈ ਮੁਲਜਮ
ਇਸ ਦੌਰਾਨ, ਘਟਨਾ ਤੋਂ ਬਾਅਦ, ਡੀਐਸਪੀ ਲੰਬੀ ਹਰਬੰਸ ਸਿੰਘ ਅਤੇ ਕਬਰਵਾਲਾ ਥਾਣਾ ਇੰਚਾਰਜ ਹਰਪ੍ਰੀਤ ਕੌਰ ਮੌਕੇ ‘ਤੇ ਪਹੁੰਚੇ ਅਤੇ ਚਮਨਪ੍ਰੀਤ ਕੌਰ ਦੀ ਮਾਂ ਦੇ ਬਿਆਨ ਦੇ ਆਧਾਰ ‘ਤੇ ਮਾਮਲਾ ਦਰਜ ਕਰਕੇ ਲਾਸ਼ ਨੂੰ ਪੋਸਟਮਾਰਟਮ ਲਈ ਹਸਪਤਾਲ ਭੇਜ ਦਿੱਤਾ। ਥਾਣਾ ਇੰਚਾਰਜ ਹਰਪ੍ਰੀਤ ਕੌਰ ਨੇ ਦੱਸਿਆ ਕਿ ਮੁਲਜਮ ਨੂੰ ਜਲਦੀ ਹੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ। ਮੁੱਢਲੀ ਜਾਂਚ ਦੌਰਾਨ ਇਹ ਗੱਲ ਸਾਹਮਣੇ ਆਈ ਹੈ ਕਿ ਮੁਲਜਮ ਮਾਨਸਿਕ ਤੌਰ ‘ਤੇ ਪਰੇਸ਼ਾਨ ਹੈ।
