ਕੀ ਲੀਕ ਹੋਇਆ NEET UG ਪੇਪਰ? ਉਮੀਦਵਾਰਾਂ ਨੂੰ ਕਿਵੇਂ ਮਿਲੇ 718 ਅਤੇ 719 ਅੰਕ? NTA ਨੇ ਜਾਰੀ ਕੀਤਾ FAQ
NEET UG Result 2024: ਨੈਸ਼ਨਲ ਟੈਸਟਿੰਗ ਏਜੰਸੀ ਨੇ NEET UG ਨਤੀਜੇ ਸੰਬੰਧੀ FAQ ਜਾਰੀ ਕੀਤੇ ਹਨ, ਜਿਸ ਵਿੱਚ NTA ਨੇ ਕੁੱਲ 37 ਸਵਾਲਾਂ ਦੇ ਜਵਾਬ ਦਿੱਤੇ ਹਨ। ਐਨਟੀਏ ਨੇ ਕਿਹਾ ਕਿ ਪੇਪਰ ਲੀਕ ਨਹੀਂ ਹੋਇਆ ਸੀ। ਇਸ ਦੇ ਨਾਲ ਹੀ NTA ਨੇ ਇਹ ਵੀ ਦੱਸਿਆ ਕਿ ਕਿੰਨੇ ਉਮੀਦਵਾਰਾਂ ਨੂੰ ਕਿਸ ਆਧਾਰ 'ਤੇ ਗ੍ਰੇਸ ਅੰਕ ਦਿੱਤੇ ਗਏ ਸਨ।
NEET UG ਨਤੀਜੇ ਨੂੰ ਲੈ ਕੇ NTA ‘ਤੇ ਲਗਾਏ ਜਾ ਰਹੇ ਦੋਸ਼ਾਂ ਅਤੇ ਸਵਾਲਾਂ ਦੇ ਵਿਚਕਾਰ, ਰਾਸ਼ਟਰੀ ਪ੍ਰੀਖਿਆ ਏਜੰਸੀ ਨੇ FAQ ਜਾਰੀ ਕੀਤੇ ਹਨ ਅਤੇ 37 ਸਵਾਲਾਂ ਦੇ ਜਵਾਬ ਦਿੱਤੇ ਹਨ। ਜਾਰੀ FAQ ਵਿੱਚ, NTA ਨੇ ਕਿਹਾ ਕਿ NEET UG ਪੇਪਰ ਲੀਕ ਨਹੀਂ ਹੋਇਆ ਸੀ ਅਤੇ ਇਸ ਦਾ ਕੋਈ ਸਬੂਤ ਨਹੀਂ ਮਿਲਿਆ ਹੈ। ਏਜੰਸੀ ਨੇ ਇਹ ਵੀ ਦੱਸਿਆ ਕਿ ਉਮੀਦਵਾਰਾਂ ਨੂੰ 718 ਅਤੇ 719 ਨੰਬਰ ਕਿਵੇਂ ਅਤੇ ਕਿਸ ਆਧਾਰ ‘ਤੇ ਦਿੱਤੇ ਗਏ।
ਨੈਸ਼ਨਲ ਟੈਸਟਿੰਗ ਏਜੰਸੀ ਵੱਲੋਂ ਜਾਰੀ FAQ ਵਿੱਚ ਦੱਸਿਆ ਗਿਆ ਕਿ ਗ੍ਰੇਸ ਮਾਰਕਸ ਕਾਰਨ ਦੋ ਉਮੀਦਵਾਰਾਂ ਨੇ 718 ਅਤੇ 719 ਅੰਕ ਪ੍ਰਾਪਤ ਕੀਤੇ ਹਨ। ਇਸ ਦੇ ਨਾਲ ਹੀ ਐਨਟੀਏ ਨੇ ਇਹ ਵੀ ਦੱਸਿਆ ਕਿ ਗ੍ਰੇਸ ਮਾਰਕਸ ਸਿਰਫ਼ ਉਨ੍ਹਾਂ ਉਮੀਦਵਾਰਾਂ ਨੂੰ ਦਿੱਤੇ ਗਏ ਹਨ ਜਿਨ੍ਹਾਂ ਕੇਂਦਰਾਂ ‘ਤੇ ਪੇਪਰ ਦੇਰੀ ਨਾਲ ਵੰਡਿਆ ਗਿਆ ਸੀ। ਸਮੇਂ ਦੀ ਬਰਬਾਦੀ ਦੇ ਮੁਆਵਜ਼ੇ ਵਜੋਂ ਉਮੀਦਵਾਰਾਂ ਨੂੰ ਗ੍ਰੇਸ ਅੰਕ ਦਿੱਤੇ ਗਏ।
ਕਿੰਨਿਆਂ ਨੂੰ ਮਿਲੇ ਗ੍ਰੇਸ ਮਾਰਕਸ?
NTA ਦੇ ਅਨੁਸਾਰ, 1563 ਉਮੀਦਵਾਰਾਂ ਨੂੰ ਗ੍ਰੇਸ ਮਾਰਕਸ ਦਿੱਤੇ ਗਏ ਸਨ। ਏਜੰਸੀ ਮੁਤਾਬਕ, ਕਈ ਪ੍ਰੀਖਿਆ ਕੇਂਦਰਾਂ ‘ਤੇ ਪੇਪਰ ਵੰਡਣ ‘ਚ ਦੇਰੀ ਹੋਈ ਅਤੇ ਇਸ ਕਾਰਨ ਕੁੱਲ 1563 ਉਮੀਦਵਾਰ ਕਈ ਸਵਾਲਾਂ ਤੋਂ ਖੁੰਝ ਗਏ। ਇਸ ਸਬੰਧੀ ਸ਼ਿਕਾਇਤ ਮਿਲੀ ਸੀ ਅਤੇ ਇਸ ਦੀ ਜਾਂਚ ਕੀਤੀ ਗਈ ਤਾਂ ਹੀ ਗ੍ਰੇਸ ਮਾਰਕਸ ਦਿੱਤੇ ਗਏ।
ਕਿਵੇਂ ਕੀਤੀ ਗਈ ਗ੍ਰੇਸ ਮਾਰਕਸ ਦੀ ਗਣਨਾ ?
ਨੈਸ਼ਨਲ ਟੈਸਟਿੰਗ ਏਜੰਸੀ ਨੇ FAQ ਵਿੱਚ ਕਿਹਾ ਕਿ ਪ੍ਰੀਖਿਆ ਦੇ ਸਮੇਂ ਦੇ ਨੁਕਸਾਨ ਦਾ ਪਤਾ ਲਗਾਇਆ ਗਿਆ ਅਤੇ ਅਜਿਹੇ ਉਮੀਦਵਾਰਾਂ ਨੂੰ ਉਨ੍ਹਾਂ ਦੀ ਜਵਾਬ ਦੇਣ ਦੀ ਯੋਗਤਾ ਅਤੇ ਗੁਆਏ ਸਮੇਂ ਦੇ ਆਧਾਰ ‘ਤੇ ਅੰਕ ਦੇ ਕੇ ਮੁਆਵਜ਼ਾ ਦਿੱਤਾ ਗਿਆ ਸੀ। ਜਿਵੇਂ ਕਿ ਸੁਪਰੀਮ ਕੋਰਟ ਨੇ 2018 ਵਿੱਚ W.P 551 ਵਿੱਚ 13.06.2018 ਦੇ ਦਿੱਤੇ ਗਏ ਫੈਸਲੇ ਅਨੁਸਾਰ ਸਥਾਪਿਤ ਵਿਧੀ/ਫਾਰਮੂਲੇ ਦੇ ਅਨੁਸਾਰ ਕੀਤਾ ਗਿਆ। 1563 ਉਮੀਦਵਾਰਾਂ ਨੂੰ ਸਮੇਂ ਦੇ ਨੁਕਸਾਨ ਲਈ ਮੁਆਵਜ਼ਾ ਦਿੱਤਾ ਗਿਆ।
ਕਿਵੇਂ ਮਿਲੇ ਜਿਆਦਾ ਬਿਨੈਕਾਰਾਂ ਨੂੰ ਪੂਰੇ ਨੰਬਰ?
ਏਜੰਸੀ ਨੇ ਦੱਸਿਆ ਕਿ 2023 ਵਿੱਚ ਕੁੱਲ 20,38,596 ਉਮੀਦਵਾਰ ਪ੍ਰੀਖਿਆ ਵਿੱਚ ਸ਼ਾਮਲ ਹੋਏ, ਜਦੋਂ ਕਿ 2024 ਵਿੱਚ ਉਮੀਦਵਾਰਾਂ ਦੀ ਗਿਣਤੀ ਵਿੱਚ ਵਾਧਾ ਹੋਇਆ ਅਤੇ ਕੁੱਲ 23,33,297 ਉਮੀਦਵਾਰ ਪ੍ਰੀਖਿਆ ਵਿੱਚ ਸ਼ਾਮਲ ਹੋਏ। ਉਮੀਦਵਾਰਾਂ ਦੀ ਗਿਣਤੀ ਵਧਣ ਕਾਰਨ ਉੱਚ ਸਕੋਰ ਕਰਨ ਵਾਲਿਆਂ ਦੀ ਗਿਣਤੀ ਵੀ ਵਧੀ ਹੈ।
ਇਹ ਵੀ ਪੜ੍ਹੋ
ਕੀ ਗਲਤ ਸੀ ਫਿਜਿਕਸ ਦਾ ਸਵਾਲ ?
ਐਨਟੀਏ ਨੇ ਦੱਸਿਆ ਕਿ ਫਿਜਿਕਸ ਵਿੱਚ ਇੱਕ ਪ੍ਰਸ਼ਨ ਦੀ ਪ੍ਰੋਵੀਜ਼ਨਲ ਆਂਸਰ-ਕੀ ਲਈ 13,373 ਇਤਰਾਜ਼ ਪ੍ਰਾਪਤ ਹੋਏ ਸਨ। ਐਨਸੀਈਆਰਟੀ ਦੀ ਪਾਠ ਪੁਸਤਕ ਦੇ ਪੁਰਾਣੇ ਅਤੇ ਨਵੇਂ ਐਡੀਸ਼ਨਾਂ ਵਿੱਚ ਅੰਤਰ ਹੋਣ ਕਾਰਨ ਵਿਸ਼ਾ ਮਾਹਿਰਾਂ ਦਾ ਮੰਨਣਾ ਸੀ ਕਿ ਇਸ ਪ੍ਰਸ਼ਨ ਲਈ ਇੱਕ ਵਿਕਲਪ ਦੀ ਬਜਾਏ ਦੋ ਵਿਕਲਪਾਂ ਨੂੰ ਸਹੀ ਮੰਨਿਆ ਜਾਣਾ ਚਾਹੀਦਾ ਹੈ।
720/720 ਅੰਕ ਪ੍ਰਾਪਤ ਕਰਨ ਵਾਲੇ 67 ਉਮੀਦਵਾਰਾਂ ਵਿੱਚੋਂ, 44 ਨੂੰ ਫਿਜਿਕਸ ਵਿੱਚ ਇੱਕ ਪ੍ਰਸ਼ਨ ਦੀ ਪ੍ਰੋਵੀਜ਼ਨਲ ਆਂਸਰ-ਕੀ ਵਿੱਚ ਸੋਧ ਕਰਕੇ ਅਤੇ 6 ਨੂੰ ਸਮੇਂ ਦੀ ਘਾਟ ਕਾਰਨ ਗ੍ਰੇਸ ਮਾਰਕਸ ਦਿੱਤੇ ਗਏ। ਗ੍ਰੇਸ ਮਾਰਕਸ ਅਤੇ ਇਸ ਸੋਧ ਕਾਰਨ ਬਹੁਤ ਸਾਰੇ ਉਮੀਦਵਾਰਾਂ ਦੇ ਅੰਕ ਵੱਧ ਗਏ, ਜਿਸ ਨੇ ਪੂਰੇ ਅੰਕਾਂ ਦੀ ਵੱਧ ਗਿਣਤੀ ਵਿੱਚ ਯੋਗਦਾਨ ਪਾਇਆ।
