CBSE 10th Results 2025: CBSE ਬੋਰਡ 10th Exam ‘ਚ 93.66% ਵਿਦਿਆਰਥੀ ਪਾਸ, ਇੰਝ ਚੈੱਕ ਕਰੋ ਨਤੀਜਾ
CBSE 10th Results 2025: ਸੀਬੀਐਸਈ 10ਵੀਂ ਜਮਾਤ ਦੀ ਬੋਰਡ ਪ੍ਰੀਖਿਆ ਵਿੱਚ ਇਸ ਵਾਰ ਇਸ ਸਾਲ ਲਗਭਗ 23 ਲੱਖ ਵਿਦਿਆਰਥੀ ਸ਼ਾਮਲ ਹੋਏ ਸਨ। ਇਨ੍ਹਾਂ ਨੂੰ ਕਈ ਦਿਨਾਂ ਤੋਂ ਨਤੀਜਿਆਂ ਦੇ ਐਲਾਨ ਦੀ ਉਡੀਕ ਸੀ। ਬੋਰਡ ਨੇ ਹੁਣ ਨਤੀਜਾ ਜਾਰੀ ਕਰ ਦਿੱਤਾ ਹੈ। ਵਿਦਿਆਰਥੀ ਪਿਛਲੇ ਕਈ ਦਿਨਾਂ ਤੋਂ ਨਤੀਜਾ ਜਾਰੀ ਹੋਣ ਦੀ ਉਡੀਕ ਕਰ ਰਹੇ ਸਨ। ਬੋਰਡ ਨੇ ਹੁਣ ਨਤੀਜਾ ਜਾਰੀ ਕਰ ਦਿੱਤਾ ਹੈ। ਖਾਸ ਗੱਲ ਇਹ ਹੈ ਕਿ ਪਿਛਲੇ ਸਾਲ ਵੀ ਬੋਰਡ ਵੱਲੋਂ 13 ਮਈ ਨੂੰ ਨਤੀਜਾ ਐਲਾਨਿਆ ਗਿਆ ਸੀ।
ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ ਸੀਬੀਐਸਈ ਨੇ ਦਸਵੀਂ ਜਮਾਤ ਦੀ ਪ੍ਰੀਖਿਆ ਦਾ ਨਤੀਜਾ ਜਾਰੀ ਕਰ ਦਿੱਤਾ ਹੈ। ਇਸ ਵਾਰ 93.66% ਵਿਦਿਆਰਥੀਆਂ ਨੇ ਪ੍ਰੀਖਿਆ ਪਾਸ ਕੀਤੀ ਹੈ। ਸੀਬੀਐਸਈ ਦੀ ਅਧਿਕਾਰਤ ਵੈੱਬਸਾਈਟ ਤੋਂ ਇਲਾਵਾ, ਵਿਦਿਆਰਥੀ ਡਿਜੀਲਾਕਰ ‘ਤੇ ਵੀ ਨਤੀਜਾ ਦੇਖ ਸਕਦੇ ਹਨ, ਜਿਸਦੀ ਪਹੁੰਚ ਬੋਰਡ ਦੁਆਰਾ ਵਿਦਿਆਰਥੀਆਂ ਨੂੰ ਪਹਿਲਾਂ ਹੀ ਦਿੱਤੀ ਜਾ ਚੁੱਕੀ ਹੈ। ਇਸ ਵਾਰ ਸੀਬੀਐਸਈ ਬੋਰਡ ਦੀ 10ਵੀਂ ਦੀ ਪ੍ਰੀਖਿਆ ਵਿੱਚ ਲਗਭਗ 23 ਲੱਖ ਵਿਦਿਆਰਥੀ ਬੈਠੇ, ਜਿਨ੍ਹਾਂ ਵਿੱਚੋਂ 22 ਲੱਖ ਵਿਦਿਆਰਥੀ ਸਫਲ ਹੋਏ ਹਨ।
ਇਸ ਵਾਰ ਮੁੜ ਤੋਂ ਕੁੜੀਆਂ ਨੇ ਹੀ ਬਾਜੀ ਮਾਰੀ ਹੈ। ਇਸ ਵਾਰ ਦੇ 10ਵੀਂ ਦੇ ਨਤੀਜੇ ਵਿੱਚ 95% ਕੁੜੀਆਂ ਪਾਸ ਹੋਣ ਚ ਕਾਮਯਾਬ ਰਹੀਆਂ ਹਨ ਜਦੋਂ ਕਿ ਮੁੰਡਿਆਂ ਦੀ ਪਾਸ ਪ੍ਰਤੀਸ਼ਤਤਾ 92.63% ਰਹੀ ਹੈ।
ਟਾਪ-3 ‘ਚ ਸ਼ਾਮਲ ਰਹੇ ਇਹ ਸੂਬੇ
ਸੀਬੀਐਸਈ 10ਵੀਂ ਦੇ ਰਿਜ਼ਲਟ ਵਿੱਚ ਇਸ ਵਾਰ ਵੀ ਟਾਪ-3 ਵਿੱਚ ਤਿਰੂਵਨੰਤਪੁਰਮ, ਵਿਜੇਵਾੜਾ, ਬੰਗਲੁਰੂ ਰਹੇ, ਜਦੋਂ ਕਿ ਦਿੱਲੀ ਰੀਜ਼ਨ 7ਵੇਂ ਨੰਬਰ ‘ਤੇ ਰਿਹਾ। ਗੁਹਾਟੀ ਆਖਰੀ ਸਥਾਨ ‘ਤੇ ਰਿਹਾ। ਪ੍ਰੀਖਿਆਵਾਂ 15 ਫਰਵਰੀ ਤੋਂ 4 ਅਪ੍ਰੈਲ ਤੱਕ ਹੋਈਆਂ ਸਨ; ਇਸ ਲਈ ਦੇਸ਼ ਭਰ ਦੇ ਸਕੂਲਾਂ ਵਿੱਚ 7,837 ਪ੍ਰੀਖਿਆ ਕੇਂਦਰ ਸਥਾਪਤ ਕੀਤੇ ਗਏ ਸਨ।
2 ਲੱਖ ਵਿਦਿਆਰਥੀਆਂ ਦੇ 90% ਤੋਂ ਵੱਧ ਨੰਬਰ
ਸੀਬੀਐਸਈ 10ਵੀਂ ਦੇ ਨਤੀਜੇ ਵਿੱਚ, ਲਗਭਗ 2 ਲੱਖ ਵਿਦਿਆਰਥੀਆਂ ਨੇ 90% ਤੋਂ ਵੱਧ ਅੰਕ ਪ੍ਰਾਪਤ ਕੀਤੇ ਹਨ, ਜਿਨ੍ਹਾਂ ਵਿੱਚੋਂ 45 ਹਜ਼ਾਰ ਵਿਦਿਆਰਥੀਆਂ ਨੇ 95% ਤੋਂ ਵੱਧ ਅੰਕ ਪ੍ਰਾਪਤ ਕੀਤੇ ਹਨ। ਜਦੋਂ ਕਿ 1 ਲੱਖ 41 ਹਜ਼ਾਰ ਵਿਦਿਆਰਥੀ ਅਜਿਹੇ ਹਨ ਜਿਨ੍ਹਾਂ ਨੂੰ ਇਸ ਵਾਰ ਕੰਪਾਰਟਮੈਂਟ ਯਾਨੀ ਸਪਲੀਮੈਂਟਰੀ ਪ੍ਰੀਖਿਆ ਦੇਣੀ ਪਵੇਗੀ, ਜੋ ਜੁਲਾਈ ਦੇ ਪਹਿਲੇ ਜਾਂ ਦੂਜੇ ਹਫ਼ਤੇ ਹੋਵੇਗੀ।
ਇੱਥੇ ਦੇਖ ਸਕਦੇ ਹੋ ਰਿਜ਼ਲਟ
results.cbse.gov.in
cbseresults.nic.in
cbseservices.digilocker.gov.in
ਇਹ ਵੀ ਪੜ੍ਹੋ
ਇਸ ਤਰ੍ਹਾਂ ਚੈੱਕ ਕਰੋ ਰਿਜ਼ਲਟ
ਸੀਬੀਐਸਈ ਦੀ ਅਧਿਕਾਰਤ ਵੈੱਬਸਾਈਟ, cbseresults.nic.in ‘ਤੇ ਜਾਓ।
ਇੱਥੇ CBSE 10ਵੀਂ ਦੇ ਨਤੀਜੇ ਦੇ ਲਿੰਕ ‘ਤੇ ਕਲਿੱਕ ਕਰੋ।
ਹੁਣ ਰੋਲ ਨੰਬਰ ਆਦਿ ਦਰਜ ਕਰੋ ਅਤੇ ਸਬਮਿਟ ਕਰੋ।
ਸਕੋਰਕਾਰਡ ਤੁਹਾਡੀ ਸਕਰੀਨ ‘ਤੇ ਦਿਖਾਈ ਦੇਵੇਗਾ।
ਹੁਣ ਚੈੱਕ ਕਰਕੇ ਪ੍ਰਿੰਟਆਊਟ ਕੱਢ ਲਵੋ।
10ਵੀਂ ਜਮਾਤ ਦੇ ਵਿਦਿਆਰਥੀ 2 ਵਿਸ਼ਿਆਂ ਵਿੱਚ ਦੇ ਸਕਣਗੇ ਸਪਲੀਮੈਂਟਰੀ ਪ੍ਰੀਖਿਆ
ਰਾਸ਼ਟਰੀ ਸਿੱਖਿਆ ਨੀਤੀ 2020 ਦੇ ਤਹਿਤ, ਸੀਬੀਐਸਈ ਬੋਰਡ ਦੇ 10ਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਦੋ ਵਿਸ਼ਿਆਂ ਵਿੱਚ ਪੂਰਕ ਪ੍ਰੀਖਿਆ ਦੇਣ ਦਾ ਮੌਕਾ ਦਿੱਤਾ ਜਾਵੇਗਾ। ਇਹ ਪ੍ਰੀਖਿਆ ਦੇ ਕੇ, ਉਹ ਦੋ ਵਿਸ਼ਿਆਂ ਵਿੱਚ ਆਪਣੇ ਅੰਕ ਵਧਾ ਸਕਦੇ ਹਨ, ਹਾਲਾਂਕਿ, ਇੰਟਰਮੀਡੀਏਟ ਵਿਦਿਆਰਥੀ ਸਿਰਫ਼ ਇੱਕ ਵਿਸ਼ੇ ਵਿੱਚ ਪੂਰਕ ਪ੍ਰੀਖਿਆ ਦੇ ਸਕਣਗੇ। ਬੋਰਡ ਅਨੁਸਾਰ ਸਪਲੀਮੈਂਟਰੀ ਪ੍ਰੀਖਿਆਵਾਂ ਜੁਲਾਈ ਦੇ ਪਹਿਲੇ ਅਤੇ ਦੂਜੇ ਹਫ਼ਤੇ ਹੋਣਗੀਆਂ।
