ਰੁਪਏ ‘ਚ ‘ਇਤਿਹਾਸਕ’ ਗਿਰਾਵਟ ਦਰਜ! ਡਾਲਰ ਦੇ ਮੁਕਾਬਲੇ ਪਹਿਲੀ ਵਾਰ 95 ਦੇ ਪਾਰ, ਕਰੰਸੀ ਮਾਰਕੀਟ ਚ ਹਾਹਾਕਾਰ
Rupee All Time Low Against US Dollar: ਪਹਿਲੀ ਵਾਰ ਡਾਲਰ ਦੇ ਮੁਕਾਬਲੇ ਰੁਪਇਆ ਨਾ ਸਿਰਫ਼ 95 ਦੇ ਪੱਧਰ ਤੋਂ ਪਾਰ ਚਲਾ ਗਿਆ ਸਗੋਂ ਨਵਾਂ ਲਾਈਫ ਟਾਈਮ ਲੋਅਰ ਲੈਵਰ ਵੀ ਰਿਕਾਰਡ ਬਣਾ ਦਿੱਤਾ। ਖਾਸ ਗੱਲ ਤਾਂ ਇਹ ਹੈ ਕਿ ਰੁਪਇਆ ਆਪਣੇ ਦਿਨ ਦੇ ਹਾਈ ਤੋਂ 2.33 ਰੁਪਏ ਡਿੱਗ ਗਿਆ। ਅੰਕੜਿਆਂ ਨੂੰ ਦੇਖੀਏ ਤਾਂ ਆਉਣ ਵਾਲੇ ਦਿਨਾਂ ਰੁਪਏ ਵਿੱਚ ਹੋਰ ਗਿਰਾਵਟ ਦੇਖਣ ਨੂੰ ਮਿਲ ਸਕਦੀ ਹੈ।
ਜਦੋਂ ਸਵੇਰੇ ਰੁਪਏ ਵਿੱਚ 128 ਪੈਸੇ ਦਾ ਤੇਜ਼ ਵਾਧਾ ਦੇਖਣ ਨੂੰ ਮਿਲਿਆ ਸੀ, ਤਾਂ ਕਿਸੇ ਨੇ ਵੀ ਇਹ ਉਮੀਦ ਨਹੀਂ ਕੀਤੀ ਸੀ ਕਿ ਇਹ ਇੱਕ ਵਾਰ ਫਿਰ ਤੋਂ ਬੁਰੀ ਤਰ੍ਹਾਂ ਨਾਲ ਡਿੱਗੇਗਾ। ਪਰ ਦੁਪਹਿਰ ਤੱਕ, ਮੁਦਰਾ ਬਾਜ਼ਾਰ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। ਡਾਲਰ ਦੇ ਮੁਕਾਬਲੇ ਇਹ ਪਹਿਲੀ ਵਾਰ 95 ਦੇ ਲੈਵਲ ਦੇ ਪਾਰ ਚਲਾ ਗਿਆ, ਸਗੋਂ ਨਵਾਂ ਲਾਈਫ ਟਾਈਮ ਲੋਅਰ ਲੈਵਲ ਦਾ ਰਿਕਾਰਡ ਵੀ ਬਣਾ ਦਿੱਤਾ। ਖਾਸ ਗੱਲ ਇਹ ਹੈ ਕਿ ਰੁਪਇਆ ਆਪਣੇ ਦਿਨ ਦੇ ਹਾਈ ਤੋਂ 2.33 ਰੁਪਏ ਡਿੱਗ ਗਿਆ। ਰੁਪਏ ਦੀ ਗਿਰਾਵਟ ਕਾਰਨ ਸਟਾਕ ਮਾਰਕੀਟ ਵੀ ਧਰਾਸ਼ਾਈ ਹੁੰਦਾ ਹੋਇਆ ਦਿਖਾਈ ਦੇ ਰਿਹਾ ਹੈ। ਜੇਕਰ ਅਸੀਂ ਅੰਕੜਿਆਂ ‘ਤੇ ਨਜ਼ਰ ਮਾਰੀਏ ਤਾਂ ਆਉਣ ਵਾਲੇ ਦਿਨਾਂ ਵਿੱਚ ਰੁਪਏ ਵਿੱਚ ਹੋਰ ਗਿਰਾਵਟ ਦੇਖਣ ਨੂੰ ਮਿਲ ਸਕਦੀ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਮੁਦਰਾ ਬਾਜ਼ਾਰ ਵਿੱਚ ਕਿਸ ਤਰ੍ਹਾਂ ਦਾ ਡੇਟਾ ਦੇਖਿਆ ਜਾ ਰਿਹਾ ਹੈ।
ਪਹਿਲੀ ਵਾਰ 95 ਦੇ ਪਾਰ
ਸੋਮਵਾਰ ਦੁਪਹਿਰ ਨੂੰ ਡਾਲਰ ਦੇ ਮੁਕਾਬਲੇ ਰੁਪਏ ਵਿੱਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ, ਨਾ ਸਿਰਫ ਪਹਿਲੀ ਵਾਰ 95 ਦੇ ਪੱਧਰ ਨੂੰ ਪਾਰ ਕਰ ਗਿਆ, ਸਗੋਂ ਇੱਕ ਨਵੇਂ ਰਿਕਾਰਡ ਹੇਠਲੇ ਪੱਧਰ ‘ਤੇ ਵੀ ਪਹੁੰਚ ਗਿਆ। investing.com ਦੇ ਅੰਕੜਿਆਂ ਅਨੁਸਾਰ, ਦੁਪਹਿਰ 3:20 ਵਜੇ ਡਾਲਰ ਦੇ ਮੁਕਾਬਲੇ ਰੁਪਿਆ 0.41 ਪ੍ਰਤੀਸ਼ਤ ਡਿੱਗ ਕੇ 95.157 ‘ਤੇ ਵਪਾਰ ਕਰ ਰਿਹਾ ਸੀ। ਵਪਾਰਕ ਸੈਸ਼ਨ ਦੌਰਾਨ, ਡਾਲਰ ਦੇ ਮੁਕਾਬਲੇ ਰੁਪਿਆ 95.58 ਦੇ ਲਾਈਫ ਟਾਈਮ ਲੋਅਰ ਲੈਵਲ ‘ਤੇ ਕਾਰੋਬਾਰ ਕਰਦਾ ਹੋਇਆ ਦਿਖਾਈ ਦਿੱਤਾ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਡਾਲਰ ਦੇ ਮੁਕਾਬਲੇ ਰੁਪਏ ਵਿੱਚ ਹੋਰ ਗਿਰਾਵਟ ਦੇਖਣ ਨੂੰ ਮਿਲ ਸਕਦੀ ਹੈ।
ਦਿਨ ਦੇ ਹਾਈ ਤੋਂ 2.33 ਰੁਪਏ ਡਿੱਗਿਆ
investing.com ਦੇ ਅੰਕੜਿਆਂ ਅਨੁਸਾਰ, ਡਾਲਰ ਦੇ ਮੁਕਾਬਲੇ ਰੁਪਏ ਵਿੱਚ ਕਾਫ਼ੀ ਗਿਰਾਵਟ ਆਈ ਹੈ। ਅੰਕੜਿਆਂ ਅਨੁਸਾਰ, ਰੁਪਿਆ 93.247 ਤੱਕ ਮਜ਼ਬੂਤ ਹੋਇਆ ਸੀ। ਹਾਲਾਂਕਿ, ਵਪਾਰਕ ਸੈਸ਼ਨ ਦੌਰਾਨ, ਇਹ ਡਾਲਰ ਦੇ ਮੁਕਾਬਲੇ 2.33 ਰੁਪਏ ਡਿੱਗ ਕੇ 95.58 ‘ਤੇ ਪਹੁੰਚ ਗਿਆ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਲਗਭਗ ਇੱਕ ਸਾਲ ਵਿੱਚ ਡਾਲਰ ਦੇ ਮੁਕਾਬਲੇ ਰੁਪਏ ਵਿੱਚ ਲਗਭਗ 12 ਰੁਪਏ ਦੀ ਗਿਰਾਵਟ ਆਈ ਹੈ। ਇੰਟਰਬੈਂਕ ਵਿਦੇਸ਼ੀ ਮੁਦਰਾ ਦਰ ‘ਤੇ, ਰੁਪਿਆ 93.62 ‘ਤੇ ਖੁੱਲ੍ਹਿਆ ਅਤੇ ਫਿਰ ਅਮਰੀਕੀ ਡਾਲਰ ਦੇ ਮੁਕਾਬਲੇ ਹੋਰ ਮਜ਼ਬੂਤ ਹੋ ਕੇ 93.57 ‘ਤੇ ਪਹੁੰਚ ਗਿਆ, ਜੋ ਕਿ ਇਸਦੇ ਪਿਛਲੇ ਬੰਦ ਤੋਂ 128 ਪੈਸੇ ਦਾ ਵਾਧਾ ਹੈ। ਸ਼ੁੱਕਰਵਾਰ ਨੂੰ, ਰੁਪਇਆ ਅਮਰੀਕੀ ਡਾਲਰ ਦੇ ਮੁਕਾਬਲੇ 94.85 ਦੇ ਇਤਿਹਾਸਕ ਹੇਠਲੇ ਪੱਧਰ ‘ਤੇ ਬੰਦ ਹੋਇਆ ਸੀ, ਜਿਸ ਵਿੱਚ 89 ਪੈਸੇ ਦੀ ਭਾਰੀ ਗਿਰਾਵਟ ਆਈ।
ਸਟਾਕ ਮਾਰਕੀਟ ਵਿੱਚ ਵੱਡੀ ਗਿਰਾਵਟ
ਇਸ ਦੌਰਾਨ, ਡਾਲਰ ਸੂਚਕਾਂਕ, ਜੋ ਛੇ ਮੁਦਰਾਵਾਂ ਦੀ ਟੋਕਰੀ ਦੇ ਵਿਰੁੱਧ ਡਾਲਰ ਦੀ ਮਜ਼ਬੂਤੀ ਨੂੰ ਮਾਪਦਾ ਹੈ, 0.15 ਪ੍ਰਤੀਸ਼ਤ ਘੱਟ ਕੇ 100.30 ‘ਤੇ ਵਪਾਰ ਕਰ ਰਿਹਾ ਸੀ। ਗਲੋਬਲ ਤੇਲ ਬੈਂਚਮਾਰਕ ਬ੍ਰੈਂਟ ਕਰੂਡ ਫਿਊਚਰਜ਼ ਟ੍ਰੇਡ ਵਿੱਚ 2.60 ਪ੍ਰਤੀਸ਼ਤ ਵੱਧ ਕੇ 115.50 ਡਾਲਰ ਪ੍ਰਤੀ ਬੈਰਲ ‘ਤੇ ਵਪਾਰ ਕਰ ਰਿਹਾ ਸੀ। ਘਰੇਲੂ ਸਟਾਕ ਮਾਰਕੀਟ ਵਿੱਚ, ਸੈਂਸੈਕਸ 1,733.78 ਅੰਕ ਡਿੱਗ ਕੇ 71,849.44 ‘ਤੇ ਬੰਦ ਹੋਇਆ, ਜਦੋਂ ਕਿ ਨਿਫਟੀ 528.45 ਅੰਕ ਡਿੱਗ ਕੇ 22,291.15 ‘ਤੇ ਬੰਦ ਹੋਇਆ। ਐਕਸਚੇਂਜ ਅੰਕੜਿਆਂ ਦੇ ਅਨੁਸਾਰ, ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ ਨੇ ਸ਼ੁੱਕਰਵਾਰ ਨੂੰ ਸ਼ੁੱਧ ਆਧਾਰ ‘ਤੇ 4,367.30 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ।
