ਭਾਰਤ-ਅਮਰੀਕਾ ਮੈਗਾ-ਡੀਲ ਨਾਲ ਬਦਲੇਗੀ ਦੇਸ਼ ਦੀ ਤਸਵੀਰ, ਪੀਯੂਸ਼ ਗੋਇਲ ਦਾ ਵੱਡਾ ਬਿਆਨ

ਕੇਂਦਰੀ ਵਣਜ ਅਤੇ ਉਦਯੋਗ ਮੰਤਰੀ ਪੀਯੂਸ਼ ਗੋਇਲ ਨੇ ਮੰਗਲਵਾਰ ਨੂੰ ਭਾਰਤ-ਅਮਰੀਕਾ ਵਪਾਰ ਸਮਝੌਤੇ ਨੂੰ ਮਨਜ਼ੂਰੀ ਦੇ ਦਿੱਤੀ। ਉਨ੍ਹਾਂ ਕਿਹਾ ਕਿ ਇਹ ਕਦਮ ਭਾਰਤ ਦੀ ਆਰਥਿਕਤਾ ਨੂੰ ਮਜ਼ਬੂਤ ​​ਕਰੇਗਾ ਅਤੇ ਦੇਸ਼ ਦੇ ਨਾਗਰਿਕਾਂ ਲਈ ਕਈ ਮੌਕੇ ਲਿਆਏਗਾ। ਭਾਰਤ ਦੇ ਮਜ਼ਬੂਤ ​​ਭਵਿੱਖ ਨੂੰ ਚਾਰ ਚੰਨ ਲਗਾਉਣ ਵਾਲੀ ਡੀਲ ਨੰ ਕੱਲ੍ਹ ਰਾਤ ਪੂਰਾ ਕੀਤਾ ਗਿਆ ਹੈ। ਦੱਸ ਦੇਈਏ ਕੇ ਭਾਰਤ ਅਤੇ ਅਮਰੀਕਾ ਨੇ ਸੋਮਵਾਰ ਨੂੰ ਇੱਕ ਵੱਡੇ ਵਪਾਰ ਸਮਝੌਤੇ ‘ਤੇ ਦਸਤਖਤ ਕੀਤੇ। ਇਸ ਸਮਝੌਤੇ ਦੇ ਤਹਿਤ, ਅਮਰੀਕਾ ਨੇ ਭਾਰਤੀ ਸਾਮਾਨਾਂ ‘ਤੇ ਟੈਰਿਫ ਘਟਾ ਕੇ 18 ਪ੍ਰਤੀਸ਼ਤ ਕਰ ਦਿੱਤਾ ਹੈ।

ਗੋਇਲ ਨੇ ਕਿਹਾ ਕਿ ਇਸ ਨਾਲ ਭਾਰਤ ਦੀ ਆਰਥਿਕਤਾ ਨੂੰ ਸੱਚਮੁੱਚ ਹੁਲਾਰਾ ਮਿਲੇਗਾ। ਉਨ੍ਹਾਂ ਕਿਹਾ ਕਿ ਅਸੀਂ ਸੰਸਦ ਵਿੱਚ ਇਸ ਬਾਰੇ ਗੱਲ ਕਰਨਾ ਚਾਹੁੰਦੇ ਸੀ, ਪਰ ਅਸੀਂ ਸਾਰਿਆਂ ਨੇ ਜੋ ਦੇਖਿਆ, ਉਹ ਭਿਆਨਕ ਦ੍ਰਿਸ਼ ਸੀ। ਰਾਹੁਲ ਗਾਂਧੀ ਦੀ ਅਗਵਾਈ ਵਾਲੀ ਵਿਰੋਧੀ ਧਿਰ ਅਤੇ ਉਨ੍ਹਾਂ ਦੇ ਸਹਿਯੋਗੀ – ਡੀਐਮਕੇ ਅਤੇ ਸਮਾਜਵਾਦੀ ਪਾਰਟੀ – ਨੇ ਸੰਸਦ ਵਿੱਚ ਇੰਨਾ ਅਪਮਾਨਜਨਕ ਵਿਵਹਾਰ ਕੀਤਾ। ਉਹ ਆਸਨ ਤੱਕ ਵੀ ਪਹੁੰਚ ਗਏ ਅਤੇ ਸਾਡਾ ਅਪਮਾਨ ਕੀਤਾ ਹੈ।

ਇਹ ਟ੍ਰੇਡ ਡੀਲ ਦੇਸ਼ਵਾਸੀਆਂ ਲਈ ਸ਼ੁੱਭ ਸੰਕੇਤ ਹੈ

ਗੋਇਲ ਨੇ ਦੱਸਿਆ ਕਿ ਇਸੇ ਲਈ ਅਸੀਂ ਸੰਸਦ ਦੀ ਬਜਾਏ ਇੱਥੇ ਜਾਣਕਾਰੀ ਦੇ ਰਹੇ ਹਾਂ। ਪ੍ਰਧਾਨ ਮੰਤਰੀ ਮੋਦੀ ਨੇ ਆਪਣੀ ਦੋਸਤੀ ਰਾਹੀਂ ਰਾਸ਼ਟਰਪਤੀ ਟਰੰਪ ਨਾਲ ਇਹ ਡੀਲ ਤੈਅ ਕੀਤੀ ਹੈ। ਇਹ ਸਾਡੇ ਸਾਰੇ ਗੁਆਂਢੀਆਂ ਅਤੇ ਮੁਕਾਬਲੇਬਾਜ਼ ਦੇਸ਼ਾਂ ਵਿੱਚ ਸਾਨੂੰ ਮਿਲੀ ਸਭ ਤੋਂ ਵਧੀਆ ਡੀਲ ਹੈ। ਇਹ ਦੇਸ਼ ਵਾਸੀਆਂ ਲਈ ਸ਼ੁੱਭ ਸੰਕੇਤ ਲਿਆਉਂਦੀ ਹੈ। ਅਸੀਂ ਜਾਣਦੇ ਹਾਂ ਕਿ ਮਹੀਨਿਆਂ ਤੋਂ, ਸਾਡੀ ਗੱਲਬਾਤ ਕਰਨ ਵਾਲੀ ਟੀਮ ਅਮਰੀਕੀ ਅਧਿਕਾਰੀਆਂ ਅਤੇ ਮੰਤਰੀਆਂ ਨਾਲ ਇਸ ‘ਤੇ ਚਰਚਾ ਕਰ ਰਹੀ ਸੀ। ਬਹੁਤ ਸਾਰੇ ਗੁੰਝਲਦਾਰ ਮੁੱਦੇ ਅਤੇ ਬਹੁਤ ਸਾਰੀਆਂ ਸਮੱਸਿਆਵਾਂ ਸਨ। ਭਾਰਤ 50% ਪਰਸਪਰ ਟੈਰਿਫ ਦਾ ਸਾਹਮਣਾ ਕਰ ਰਿਹਾ ਸੀ। ਉਦਯੋਗ, ਸਾਡੇ ਕਿਸਾਨ ਅਤੇ ਹਰ ਕੋਈ ਦੁਖੀ ਸੀ। ਟੈਕਸਟਾਈਲ ਸੈਕਟਰ ਲਈ ਦਰਾਂ ਘਟਾਉਣ ਦੀ ਲੋੜ ਸੀ। ਕੁਝ ਦਿਨ ਪਹਿਲਾਂ ਤੱਕ, ਵਿਰੋਧੀ ਧਿਰ ਦੇ ਨੇਤਾ ਵੀ ਪੁੱਛ ਰਹੇ ਸਨ ਕਿ ਆਯਾਤ ਡਿਊਟੀਆਂ ਕਦੋਂ ਘਟਣਗੀਆਂ।

ਭਾਰਤ ਦੇ ਸੰਵੇਦਨਸ਼ੀਲ ਖੇਤਰਾਂ ਨੂੰ ਸੁਰੱਖਿਅਤ ਕੀਤਾ ਗਿਆ

ਉਨ੍ਹਾਂ ਕਿਹਾ, “ਅਸੀਂ ਦੇਖਿਆ ਕਿ ਪ੍ਰਧਾਨ RCEP, ਜਿਸ ਵਿੱਚ ਕਾਂਗਰਸ ਨੇ ਦੇਸ਼ ਨੂੰ ਧੱਕ ਦਿੱਤਾ ਸੀ, ਚੀਨ ਨਾਲ ਇੱਕ ਮੁਕਤ ਵਪਾਰ ਸਮਝੌਤੇ ਵਾਂਗ, ਉਸ ਵਿੱਚ ਵੀ ਮੰਤਰੀ ਮੋਦੀ ਨੇ ਭਾਰਤ ਨੂੰ ਬਚਾਇਆ,। ਇਸ ਤੋਂ ਬਾਅਦ, ਪੂਰੇ ਭਾਰਤ ਤੋਂ ਰਾਹਤ ਦੀ ਖ਼ਬਰ ਆਈ। ਪ੍ਰਧਾਨ ਮੰਤਰੀ ਮੋਦੀ ਨੇ ਹਮੇਸ਼ਾ ਖੇਤੀਬਾੜੀ ਅਤੇ ਡੇਅਰੀ ਦੇ ਹਿੱਤਾਂ ਦੀ ਹਿਮਾਇਤ ਕੀਤੀ ਹੈ। ਉਨ੍ਹਾਂ ਨੇ ਇਹ ਯਕੀਨੀ ਬਣਾਉਣ ਲਈ ਅਣਥੱਕ ਮਿਹਨਤ ਕੀਤੀ ਹੈ ਕਿ ਇਨ੍ਹਾਂ ਖੇਤਰਾਂ ਦੇ ਲੋਕਾਂ ਦਾ ਭਵਿੱਖ ਉੱਜਵਲ ਹੋਵੇ ਅਤੇ ਮੌਕੇ ਮਿਲਣ। ਉਨ੍ਹਾਂ ਨੇ ਕਦੇ ਵੀ ਉਨ੍ਹਾਂ ਦੇ ਹਿੱਤਾਂ ਨਾਲ ਸਮਝੌਤਾ ਨਹੀਂ ਹੋਣ ਦਿੱਤਾ, ਅਤੇ ਅਮਰੀਕਾ ਦੇ ਵਪਾਰ ਸਮਝੌਤੇ ਵਿੱਚ ਵੀ, ਭਾਰਤ ਦੇ ਸੰਵੇਦਨਸ਼ੀਲ ਖੇਤਰਾਂ – ਖੇਤੀਬਾੜੀ ਅਤੇ ਡੇਅਰੀ – ਨੂੰ ਸੁਰੱਖਿਅਤ ਰੱਖਿਆ ਗਿਆ ਹੈ।”

ਉਦਯੋਗ ਮੰਤਰੀ ਨੇ ਕਿਹਾ, “ਮੈਂ ਮੰਣਦਾ ਹਾਂ ਕਿ ਇਸ ਟ੍ਰੇਡ ਡੀਲ ਨਾਲ ਸਾਡੇ MSME ਖੇਤਰ, ਇੰਜੀਨੀਅਰਿੰਗ ਸੈਕਟਰ ਨੂੰ ( ਏਅਰਕ੍ਰਾਫਟ, ਪਾਰਟਸ ਆਦਿ), ਸਾਡੇ ਟੈਕਸਟਾਈਲ ਖੇਤਰ, ਜੈੱਮ-ਜੂਲਰੀ ਸੈਕਟਰ, ਲੈਦਰ ਸੈਕਟਰ, ਅਤੇ ਮਰੀਨ ਗੁੱਡ ਸੈਕਟਰ ਨੂੰ ਇਸ ਟ੍ਰੇਡ ਡੀਲ ਰਾਹੀਂ ਮਿਲਣਗੇ।”

ਇਹ ਵੀ ਪੜ੍ਹੋ

ਡਾਲਰ ਦੀ ਮਾਰ ਨਾਲ ਸੋਨਾ-ਚਾਂਦੀ ਡਿੱਗੇ, ਜਾਣੋ ਕੀ ਹੋਵੇਗੀ ਕੀਮਤ?

ਥੋਕ ਮਹਿੰਗਾਈ ਨੇ ਮਾਰੀ ਵੱਡੀ ਛਾਲ, ਫਰਵਰੀ ਦੇ ਅੰਕੜਿਆਂ ਨੇ ਵਧਾਈ ਚਿੰਤਾ

ਤੇਲ ਤੋਂ ਬਾਅਦ ਖਾਦ 'ਤੇ ਸੰਕਟ! ਜਾਣੋ ਭਾਰਤ ਕਿੰਨਾ ਫਰਟੀਲਾਈਜ਼ਰ ਇੰਪੋਰਟ ਕਰਦਾ ਹੈ

ਸੰਸਦ ਵਿੱਚ ਬਿਆਨ ਨਹੀਂ ਦੇ ਸਕੇ ਗੋਇਲ, ਵਿਰੋਧੀ ਧਿਰ ‘ਤੇ ਵਰ੍ਹੇ

ਪਹਿਲਾਂ ਇਹ ਖ਼ਬਰ ਆਈ ਸੀ ਕਿ ਗੋਇਲ ਸੰਸਦ ਵਿੱਚ ਜਾਣਕਾਰੀ ਦੇ ਸਕਦੇ ਹਨ। ਸੂਤਰਾਂ ਅਨੁਸਾਰ, ਮੁੰਬਈ ਤੋਂ ਦਿੱਲੀ ਵਾਪਸ ਆ ਰਹੇ ਗੋਇਲ ਨੇ ਮੰਗਲਵਾਰ ਨੂੰ ਭਾਰਤ-ਅਮਰੀਕਾ ਵਪਾਰ ਸਮਝੌਤੇ ‘ਤੇ ਸੰਸਦ ਵਿੱਚ ਬਿਆਨ ਦੇਣਾ ਸੀ। ਹਾਲਾਂਕਿ, ਲੋਕ ਸਭਾ ਦੀ ਕਾਰਵਾਈ ਮੁਲਤਵੀ ਹੋਣ ਕਾਰਨ, ਉਹ ਮੰਗਲਵਾਰ ਨੂੰ ਸੰਸਦ ਵਿੱਚ ਆਪਣਾ ਬਿਆਨ ਨਹੀਂ ਦੇ ਸਕੇ। ਆਪਣੀ ਪ੍ਰੈਸ ਕਾਨਫਰੰਸ ਵਿੱਚ, ਗੋਇਲ ਨੇ ਸੰਸਦ ਵਿੱਚ ਵਿਰੋਧੀ ਪਾਰਟੀਆਂ ਦੁਆਰਾ ਕੀਤੇ ਗਏ ਹੰਗਾਮੇ ਦੀ ਸਖ਼ਤ ਨਿੰਦਾ ਕੀਤੀ।

ਵਿਰੋਧੀ ਪਾਰਟੀਆਂ ‘ਤੇ ਨਕਾਰਾਤਮਕ ਸੋਚ ਫੈਲਾਉਣ ਦਾ ਆਰੋਪ

ਅਮਰੀਕਾ ਤੋਂ ਜੋ ਅਸੀ ਇੰਨੇ ਮੌਕੇ ਲਿਆ ਸਕਦੇ ਹਾਂ, ਰਾਹੁਲ ਗਾਂਧੀ ਜੀ ਨੂੰ ਕੀ ਇਸ ਨਾਲ ਮਿਰਚੀ ਲੱਗਦੀ ਹੈ? ਕੀ ਉਹ ਸਾਡੇ ਨੌਜਵਾਨਾਂ ਤੋਂ ਨਾਰਾਜ਼ਗੀ ਹੈ? ਉਨ੍ਹਾਂ ਨੂੰ ਦੇਸ਼ ਦੇ ਲੋਕਾਂ ਨੂੰ ਜਵਾਬ ਦੇਣਾ ਪਵੇਗਾ। ਰਾਹੁਲ ਗਾਂਧੀ, ਉਨ੍ਹਾਂ ਦੀ ਪਾਰਟੀ ਦੇ ਨੇਤਾ ਅਤੇ ਉਨ੍ਹਾਂ ਦੀਆਂ ਸਹਿਯੋਗੀ ਪਾਰਟੀਆਂ ਦੇ ਨੇਤਾ ਨਕਾਰਾਤਮਕ ਭਾਵਨਾਵਾਂ ਫੈਲਾ ਰਹੇ ਹਨ। ਉਹ ਭਾਰਤ ਦਾ ਉੱਜਵਲ ਭਵਿੱਖ ਨਹੀਂ ਚਾਹੁੰਦੇ। ਉਹ ਰਾਜਨੀਤਿਕ ਹਫੜਾ-ਦਫੜੀ ਪੈਦਾ ਕਰਨ ਦਾ ਕੰਮ ਕਰਦੇ ਹਨ।” ਭਾਰਤ ਕੋਲ ਮੁਕਾਬਲੇਬਾਜ਼ ਦੇਸ਼ਾਂ ਵਿੱਚ ਸਭ ਤੋਂ ਵਧੀਆ ਟ੍ਰੇਡ ਡੀਲ ਹੈ।

ਗੋਇਲ ਨੇ ਕਿਹਾ ਕਿ ਇੱਕ ਵਿਰੋਧੀ ਨੇਤਾ ਨੇ ਪੁੱਛਿਆ ਕਿ ਰਾਸ਼ਟਰਪਤੀ ਟਰੰਪ ਨੇ ਟ੍ਰੇ਼ਡ ਡੀਲ ਬਾਰੇ ਪਹਿਲਾਂ ਕਿਉਂ ਪੋਸਟ ਕੀਤਾ। “ਮੈਂ ਸਪੱਸ਼ਟ ਕਰਨਾ ਚਾਹੁੰਦਾ ਹਾਂ ਕਿ ਜਦੋਂ ਤੋਂ ਅਮਰੀਕਾ ਨੇ ਟੈਰਿਫ ਲਗਾਏ ਹਨ, ਉਨ੍ਹਾਂ ਨੂੰ ਘਟਾਉਣ ਦੀ ਜਾਣਕਾਰੀ ਵੀ ਉੱਥੋਂ ਹੀ ਆਵੇਗੀ। ਉਨ੍ਹਾਂ ਦੇ ਰਾਸ਼ਟਰਪਤੀ, ਟਰੰਪ, ਇਹ ਜਾਣਕਾਰੀ ਪ੍ਰਦਾਨ ਕਰਨਗੇ। ਮੈਂ ਟਰੰਪ ਦਾ ਵੀ ਧੰਨਵਾਦ ਕਰਨਾ ਚਾਹੁੰਦਾ ਹਾਂ, ਜਿਨ੍ਹਾਂ ਨੇ ਪ੍ਰਧਾਨ ਮੰਤਰੀ ਮੋਦੀ ਦੀ ਦੋਸਤੀ ਦਾ ਸਤਿਕਾਰ ਕੀਤਾ। ਉਨ੍ਹਾਂ ਨੇ ਸਾਡੇ ਮੁਕਾਬਲੇ ਵਾਲੇ ਦੇਸ਼ਾਂ ਵਿੱਚੋਂ ਪ੍ਰਧਾਨ ਮੰਤਰੀ ਮੋਦੀ ਨੂੰ ਦੁਨੀਆ ਦਾ ਸਭ ਤੋਂ ਵਧੀਆ ਵਪਾਰ ਸਮਝੌਤਾ ਦਿੱਤਾ। ਉਨ੍ਹਾਂ ਨੇ ਭਾਰਤ-ਅਮਰੀਕਾ ਸਬੰਧਾਂ ਨੂੰ ਹੋਰ ਮਜ਼ਬੂਤ ​​ਕਰਨ ਅਤੇ ਦੋਵਾਂ ਦੇਸ਼ਾਂ ਦੇ ਲੋਕਾਂ ਵਿਚਕਾਰ ਸਹਿਯੋਗ ਨੂੰ ਯਕੀਨੀ ਬਣਾਉਣ ਦੀ ਕਾਮਨਾ ਕੀਤੀ।”

ਦੋਵੇਂ ਦੇਸ਼ ਜਾਰੀ ਕਰਨਗੇ ਸਾਂਝਾ ਬਿਆਨ

ਦੋਵੇਂ ਦੇਸ਼ ਜਲਦੀ ਹੀ ਇੱਕ ਸਾਂਝਾ ਬਿਆਨ ਜਾਰੀ ਕਰਨਗੇ। ਜਿਵੇਂ ਹੀ ਅੰਤਿਮ ਸਮਝੌਤਾ ਤੇ ਫਾਈਨਲ ਸਹਿਮਤੀ ਬਣ ਜਾਂਦੀ ਹੈ, ਅਤੇ ਤਕਨੀਕੀ ਪ੍ਰਕਿਰਿਆਵਾਂ ਪੂਰੀਆਂ ਹੋ ਜਾਂਦੀਆਂ ਹਨ, ਤਾਂ ਪੂਰੀ ਜਾਣਕਾਰੀ ਸਾਂਝੀ ਕੀਤੀ ਜਾਵੇਗੀ। ਮੈਂ 140 ਕਰੋੜ ਲੋਕਾਂ ਨੂੰ ਭਰੋਸਾ ਦਿਵਾਉਣਾ ਚਾਹੁੰਦਾ ਹਾਂ ਕਿ ਇਹ ਸਮਝੌਤਾ ਸਾਰੇ ਭਾਰਤੀਆਂ ਨੂੰ ਮਾਣ ਦਿਵਾਏਗਾ ਅਤੇ ਦੇਸ਼ ਦੇ ਲੋਕਾਂ ਲਈ ਨਵੇਂ ਮੌਕੇ ਪ੍ਰਦਾਨ ਕਰੇਗਾ। ਇਹ ਸਾਡੇ ਸੰਵੇਦਨਸ਼ੀਲ ਖੇਤਰਾਂ ਜਿਵੇਂ ਕਿ ਖੇਤੀਬਾੜੀ ਅਤੇ ਡੇਅਰੀ ਦੀ ਰੱਖਿਆ ਕਰੇਗਾ ਅਤੇ ਕਿਰਤ-ਅਧਾਰਤ ਅਤੇ ਨਿਰਯਾਤ-ਮੁਖੀ ਖੇਤਰਾਂ ਦਾ ਸਮਰਥਨ ਕਰੇਗਾ।