ਹੁਣ ਇਸ ਰਿਪੋਰਟ ਨੇ ਅਡਾਨੀ ਨੂੰ ਬਣਾਇਆ ਮਾਲਾਮਾਲ, ਸਿਰਫ 35 ਮਿੰਟਾਂ ‘ਚ ਕਮਾਏ 26,186 ਕਰੋੜ

ਇਨ੍ਹਾਂ ਦੋ ਕਾਰਨਾਂ ਕਰਕੇ ਅਡਾਨੀ ਇੰਟਰਪ੍ਰਾਈਜਿਜ਼ ਦੇ ਡਿੱਗੇ ਸ਼ੇਅਰ, ਸੈਂਸੈਕਸ 540 ਅੰਕ ਡਿੱਗਿਆ।

Adani Enterprises Share Price: 24 ਜਨਵਰੀ ਨੂੰ, ਹਿੰਡਨਬਰਗ ਰਿਸਚਸ ਦੀ ਰਿਪੋਰਟ ਸਾਹਮਣੇ ਆਈ ਅਤੇ ਅਡਾਨੀ ਸਮੂਹ ਨੂੰ 120 ਅਰਬ ਡਾਲਰ ਤੋਂ ਵੱਧ ਦਾ ਨੁਕਸਾਨ ਹੋ ਚੁੱਕਾ ਹੈ। ਦੂਜੇ ਪਾਸੇ ਮੰਗਲਵਾਰ ਨੂੰ ਅਡਾਨੀ ਗਰੁੱਪ ਨੇ ਆਪਣੀ ਪ੍ਰਮੁੱਖ ਕੰਪਨੀ ਅਡਾਨੀ ਐਂਟਰਪ੍ਰਾਈਜਜ ਦੇ ਤਿਮਾਹੀ ਨਤੀਜਿਆਂ ਦੀ ਰਿਪੋਰਟ ਪੇਸ਼ ਕੀਤੀ ਹੈ ਅਤੇ ਕੰਪਨੀ ਨੇ ਨਿਵੇਸ਼ਕਾਂ ਨੂੰ ਮਾਲਾਮਾਲ ਕਰਨ ਵਿੱਚ ਕੋਈ ਕਸਰ ਨਹੀਂ ਛੱਡੀ ਹੈ। ਨਤੀਜੇ ਆਉਂਦੇ ਹੀ ਸਟਾਕ ਮਾਰਕੀਟ ‘ਚ ਅਡਾਨੀ ਐਂਟਰਪ੍ਰਾਈਜਿਜ ਦੇ ਸ਼ੇਅਰਾਂ ‘ਚ 14 ਫੀਸਦੀ ਦੀ ਉਛਾਲ ਆਈ ਹੈ ਅਤੇ 35 ਮਿੰਟਾਂ ‘ਚ ਕੰਪਨੀ ਅਤੇ ਨਿਵੇਸ਼ਕਾਂ ਨੂੰ 26,000 ਕਰੋੜ ਰੁਪਏ ਦਾ ਫਾਇਦਾ ਹੋਇਆ ਹੈ। ਅਸੀਂ ਤੁਹਾਨੂੰ ਇਹ ਵੀ ਦੱਸਦੇ ਹਾਂ ਕਿ ਆਖਰ ਅਡਾਨੀ ਇੰਟਰਪ੍ਰਾਈਜਿਜ ਦੇ ਨਤੀਜਿਆਂ ਕਾਰਨ ਕੰਪਨੀ ਨੂੰ ਸ਼ੇਅਰ ਬਾਜ਼ਾਰ ਤੋਂ ਕਿਵੇਂ ਫਾਇਦਾ ਹੋਇਆ ਹੈ।

35 ਮਿੰਟਾਂ ਵਿੱਚ 230 ਰੁਪਏ ਦਾ ਵਾਧਾ

ਅਡਾਨੀ ਇੰਟਰਪ੍ਰਾਈਜਿਜ ਦੇ ਨਤੀਜੇ ਦੋ ਵਜੇ ਤੋਂ ਬਾਅਦ ਹੀ ਆਏ ਹਨ। ਇਸ ਤੋਂ ਪਹਿਲਾਂ ਸਵੇਰੇ 1.45 ਵਜੇ ਅਡਾਨੀ ਇੰਟਰਪ੍ਰਾਈਜਿਜ ਦਾ ਸਟਾਕ 1,659 ਰੁਪਏ ‘ਤੇ ਕਾਰੋਬਾਰ ਕਰ ਰਿਹਾ ਸੀ। ਇਹ ਉਹੀ ਸਮਾਂ ਸੀ ਜਦੋਂ ਅਡਾਨੀ ਦੇ ਸਟਾਕ ਨੇ ਤੇਜ਼ੀ ਫੜਨੀ ਸ਼ੁਰੂ ਕੀਤੀ ਅਤੇ 35 ਮਿੰਟਾਂ ਵਿੱਚ ਕੰਪਨੀ ਦਾ ਸਟਾਕ 1,800 ਰੁਪਏ ਦੇ ਪੱਧਰ ਨੂੰ ਪਾਰ ਕਰਕੇ ਦਿਨ ਦੇ ਉੱਚੇ ਪੱਧਰ ‘ਤੇ ਪਹੁੰਚ ਗਿਆ। ਕੰਪਨੀ ਦਾ ਸਟਾਕ ਦੁਪਹਿਰ 2.20 ਵਜੇ 1,889 ਰੁਪਏ ‘ਤੇ ਦਿਨ ਦੇ ਉੱਚ ਪੱਧਰ ‘ਤੇ ਪਹੁੰਚ ਗਿਆ। ਇਸ ਦਾ ਮਤਲਬ ਹੈ ਕਿ ਕੰਪਨੀ ਦਾ ਸਟਾਕ 35 ਮਿੰਟਾਂ ‘ਚ 230 ਰੁਪਏ ਤੱਕ ਚੜ੍ਹ ਗਿਆ।

ਕੰਪਨੀ ਨੂੰ 26 ਹਜ਼ਾਰ ਕਰੋੜ ਰੁਪਏ ਤੋਂ ਜ਼ਿਆਦਾ ਦਾ ਫਾਇਦਾ

ਕੰਪਨੀ ਦੇ ਸ਼ੇਅਰਾਂ ‘ਚ 35 ਮਿੰਟ ਦੀ ਉਛਾਲ ਕਾਰਨ ਕੰਪਨੀ ਦੇ ਮਾਰਕਿਟ ਕੈਪ ਨੂੰ ਕਾਫੀ ਫਾਇਦਾ ਹੋਇਆ ਹੈ। 1.45 ਵਜੇ ਕੰਪਨੀ ਦਾ ਸਟਾਕ 1,659 ਰੁਪਏ ‘ਤੇ ਸੀ, ਤਾਂ ਕੰਪਨੀ ਦਾ ਮਾਰਕੀਟ ਕੈਪ 1,88,881.35 ਕਰੋੜ ਰੁਪਏ ਸੀ। ਦੁਪਹਿਰ 2.20 ਵਜੇ ਜਦੋਂ ਕੰਪਨੀ ਦਾ ਸਟਾਕ 1,889 ਰੁਪਏ ‘ਤੇ ਸੀ ਤਾਂ ਕੰਪਨੀ ਦਾ ਮਾਰਕੀਟ ਕੈਪ 2,15,067.43 ਕਰੋੜ ਰੁਪਏ ‘ਤੇ ਪਹੁੰਚ ਗਿਆ। ਇਸ ਦਾ ਮਤਲਬ ਹੈ ਕਿ ਕੰਪਨੀ ਦੇ ਮਾਰਕੀਟ ਕੈਪ ‘ਚ 26,186 ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ।

ਮੁਨਾਫਾ ਬੁਕਿੰਗ ਨਾਲ ਬੰਦ ਹੋਇਆ ਅਡਾਨੀ ਐਂਟਰਪ੍ਰਾਈਜਿਜ

ਇਸ ਤੋਂ ਬਾਅਦ ਬਾਜ਼ਾਰ ਬੰਦ ਹੋਣ ਤੱਕ ਅਡਾਨੀ ਐਂਟਰਪ੍ਰਾਈਜਿਜ ਦੇ ਸ਼ੇਅਰਾਂ ‘ਚ ਮੁਨਾਫਾ ਬੁਕਿੰਗ ਦੇਖਣ ਨੂੰ ਮਿਲੀ। ਬਾਜ਼ਾਰ ਬੰਦ ਹੋਣ ਤੱਕ ਵਾਧਾ ਦੋ ਫੀਸਦੀ ਤੋਂ ਵੀ ਘੱਟ ਰਹਿ ਗਿਆ। ਬੀਐਸਈ ਦੇ ਅੰਕੜਿਆਂ ਅਨੁਸਾਰ, ਬਾਜ਼ਾਰ ਬੰਦ ਹੋਣ ਤੱਕ ਸਟਾਕ 32.75 ਰੁਪਏ, 1.91 ਫੀਸਦੀ ਦੇ ਵਾਧੇ ਨਾਲ 1750.30 ਰੁਪਏ ‘ਤੇ ਬੰਦ ਹੋਇਆ। ਵੈਸੇ, ਅੱਜ ਕੰਪਨੀ ਦਾ ਸਟਾਕ 1,730 ਰੁਪਏ ‘ਤੇ ਖੁੱਲ੍ਹਿਆ ਅਤੇ 1889 ਰੁਪਏ ਦੇ ਨਾਲ ਦਿਨ ਦੇ ਉੱਚ ਪੱਧਰ ‘ਤੇ ਪਹੁੰਚ ਗਿਆ ਅਤੇ ਕਾਰੋਬਾਰੀ ਸੈਸ਼ਨ ਦੌਰਾਨ ਕੰਪਨੀ ਦਾ ਸਟਾਕ 1611.30 ਰੁਪਏ ਦੇ ਦਿਨ ਦੇ ਹੇਠਲੇ ਪੱਧਰ ‘ਤੇ ਪਹੁੰਚ ਗਿਆ।