ਟਾਟਾ ਮੋਟਰ ਦਾ ਧਮਾਕਾ, ਜਲਦ ਹੀ ਲਾਂਚ ਹੋਣਗੀਆਂ 5 ਨਵੀਆਂ ਕਾਰਾਂ
Tata Cars: Tata Motors ਭਾਰਤ ਵਿੱਚ ਕਾਰ ਵੇਚਣ ਵਾਲੀ ਤੀਜੀ ਸਭ ਤੋਂ ਵੱਡੀ ਕੰਪਨੀ ਹੈ। ਇਸਦੀ ਵਿਕਰੀ ਹੌਲੀ-ਹੌਲੀ ਵੱਧ ਰਹੀ ਹੈ। ਕੰਪਨੀ ਇੱਕ ਤੋਂ ਬਾਅਦ ਇੱਕ ਆਪਣੇ ਮੌਜੂਦਾ ਮਾਡਲਾਂ ਦੇ ਫੇਸਲਿਫਟ ਮਾਡਲ ਅਤੇ ਇਲੈਕਟ੍ਰਿਕ ਮਾਡਲ ਲਾਂਚ ਕਰ ਰਹੀ ਹੈ। ਇੱਥੇ ਅਸੀਂ ਤੁਹਾਨੂੰ ਪੰਜ ਮਾਡਲਾਂ ਬਾਰੇ ਦੱਸਾਂਗੇ ਜੋ ਟਾਟਾ ਜਲਦ ਹੀ ਗਾਹਕਾਂ ਲਈ ਬਾਜ਼ਾਰ 'ਚ ਲਾਂਚ ਕਰ ਸਕਦੀ ਹੈ।
ਟਾਟਾ ਮੋਟਰ ਦਾ ਬਾਜ਼ਾਰ ‘ਚ ਕਾਫੀ ਦਬਦਬਾ ਹੈ। ਕੰਪਨੀ ਗਾਹਕਾਂ ਲਈ ਇੱਕ ਤੋਂ ਬਾਅਦ ਇੱਕ ਨਵੇਂ ਵਾਹਨ ਲਾਂਚ ਕਰ ਰਹੀ ਹੈ। ਗਾਹਕਾਂ ਦੀ ਮੰਗ ਨੂੰ ਸਮਝਦੇ ਹੋਏ ਟਾਟਾ ਕਦੇ ਫੇਸਲਿਫਟ ਅਤੇ ਕਦੇ ਇਲੈਕਟ੍ਰਿਕ ਮਾਡਲ ਲਾਂਚ ਕਰ ਰਹੀ ਹੈ। ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਟਾਟਾ (Tata Motor) ਅਗਲੇ 12 ਮਹੀਨਿਆਂ ‘ਚ ਕਿਹੜੇ 5 ਨਵੇਂ ਮਾਡਲ ਬਾਜ਼ਾਰ ‘ਚ ਲਾਂਚ ਕਰ ਸਕਦੀ ਹੈ।
ਟਾਟਾ ਮੋਟਰਸ ਦੀ ਮਸ਼ਹੂਰ ਕਾਰ ਪੰਚ ਦਾ ਇਲੈਕਟ੍ਰਿਕ ਮਾਡਲ ਜਲਦ ਹੀ ਆ ਸਕਦਾ ਹੈ। ਇਸ ਕਾਰ ਨੂੰ ਪਹਿਲਾਂ ਵੀ ਕਈ ਵਾਰ ਟੈਸਟਿੰਗ ਦੌਰਾਨ ਸਪਾਟ ਕੀਤਾ ਜਾ ਚੁੱਕਿਆ ਹੈ। ਜਿਸ ਤੋਂ ਪਤਾ ਚੱਲਦਾ ਹੈ ਕਿ ਇਹ ਕਾਰ ਪ੍ਰੋਡਕਸ਼ਨ ਲਈ ਤਿਆਰ ਹੈ। ਇਹ ਕਾਰ ਇਸ ਮਹੀਨੇ ਗਾਹਕਾਂ ਲਈ ਲਾਂਚ ਕੀਤੀ ਜਾ ਸਕਦੀ ਹੈ। ਅੱਗੇ ਜਾਣੋ ਟਾਟਾ ਇਲੈਕਟ੍ਰਿਕ ਪੰਚ ਤੋਂ ਇਲਾਵਾ ਕਿਹੜੀਆਂ ਕਾਰਾਂ ਲਿਆਉਣ ਜਾ ਰਹੀ ਹੈ।
ਟਾਟਾ ਹੈਰੀਅਰ ਫੇਸਲਿਫਟ
ਟਾਟਾ ਦੀ ਇਸ ਕਾਰ ਦਾ ਫੇਸਲਿਫਟ ਮਾਡਲ 17 ਅਕਤੂਬਰ ਨੂੰ ਲਾਂਚ ਹੋਣ ਜਾ ਰਿਹਾ ਹੈ। ਇਸ ਕਾਰ ਦੀ ਬੁਕਿੰਗ ਸ਼ੁਰੂ ਹੋ ਗਈ ਹੈ। ਤੁਸੀਂ 25 ਹਜ਼ਾਰ ਰੁਪਏ ਦੀ ਬੁਕਿੰਗ ਰਕਮ ਦੇ ਕੇ ਇਸ ਕਾਰ ਨੂੰ ਬੁੱਕ ਕਰ ਸਕਦੇ ਹੋ।
ਟਾਟਾ ਸਫਾਰੀ ਫੇਸਲਿਫਟ
Tata Safari ਦਾ ਫੇਸਲਿਫਟ ਮਾਡਲ ਵੀ 17 ਅਕਤੂਬਰ ਨੂੰ ਗਾਹਕਾਂ ਲਈ ਲਾਂਚ ਹੋਣ ਜਾ ਰਿਹਾ ਹੈ। ਇਸ ਕਾਰ ਦੀ ਬੁਕਿੰਗ ਹੈਰੀਅਰ ਫੇਸਲਿਫਟ ਮਾਡਲ ਨਾਲ ਸ਼ੁਰੂ ਹੋ ਗਈ ਹੈ। ਤੁਸੀਂ 25 ਹਜ਼ਾਰ ਰੁਪਏ ਦੀ ਬੁਕਿੰਗ ਅਮਾਊਂਟ ਦੇ ਕੇ ਨਜ਼ਦੀਕੀ ਡੀਲਰ ਤੋਂ ਵੀ ਇਸ ਕਾਰ ਨੂੰ ਬੁੱਕ ਕਰ ਸਕਦੇ ਹੋ।
ਟਾਟਾ ਅਲਟਰੋਜ਼ ਈ.ਵੀ.
Tata Altroz ਵੀ ਇੱਕ ਫੇਮਸ ਮਾਡਲ ਹੈ, ਇਸ ਕਾਰ ਦਾ ਇਲੈਕਟ੍ਰਿਕ ਮਾਡਲ 2024 ਦੀ ਪਹਿਲੀ ਤਿਮਾਹੀ ਵਿੱਚ ਲਾਂਚ ਕੀਤਾ ਜਾ ਸਕਦਾ ਹੈ। ਫਿਲਹਾਲ ਇਸ ਕਾਰ ਦੀ ਡਰਾਈਵਿੰਗ ਰੇਂਜ ਨੂੰ ਲੈ ਕੇ ਕੋਈ ਅਧਿਕਾਰਤ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।
ਇਹ ਵੀ ਪੜ੍ਹੋ
ਟਾਟਾ ਹੈਰੀਅਰ ਈ.ਵੀ.
ਹੈਰੀਅਰ ਦੇ ਫੇਸਲਿਫਟ ਮਾਡਲ ਦੇ ਲਾਂਚ ਹੋਣ ਤੋਂ ਬਾਅਦ ਟਾਟਾ ਇਸ ਕਾਰ ਦਾ ਇਲੈਕਟ੍ਰਿਕ ਮਾਡਲ ਲਾਂਚ ਕਰ ਸਕਦੀ ਹੈ। ਮੌਜੂਦਾ ਮਾਡਲਾਂ ਦੇ ਇਲੈਕਟ੍ਰਿਕ ਨੂੰ ਬੈਕ-ਟੂ-ਬੈਕ ਲਾਂਚ ਕਰਕੇ, ਕੰਪਨੀ ਇਲੈਕਟ੍ਰਿਕ ਖੇਤਰ ਵਿੱਚ ਆਪਣਾ ਦਬਦਬਾ ਕਾਇਮ ਰੱਖਣਾ ਚਾਹੁੰਦੀ ਹੈ। ਉਮੀਦ ਹੈ ਕਿ ਇਹ ਕਾਰ ਫੁੱਲ ਚਾਰਜ ਹੋਣ ‘ਤੇ 450 ਤੋਂ 500 ਕਿਲੋਮੀਟਰ ਦੀ ਦੂਰੀ ਤੈਅ ਕਰੇਗੀ।
