ਕਾਰ ਦੇ ਬੇਸ ਮਾਡਲ ‘ਚ ਲੱਗਵਾਉਣ ਜਾ ਰਹੋ ਹੋ ਲਾਊਡ ਮਿਊਜ਼ਿਕ ਸਿਸਟਮ, ਡੁੱਬ ਜਾਣਗੇ ਇੰਸ਼ੋਰੈਂਸ ਦੇ ਪੈਸੇ

ਬਹੁਤ ਸਾਰੇ ਲੋਕ ਕਾਰ ਦਾ ਬੇਸ ਮਾਡਲ (Car Base Model) ਖਰੀਦਦੇ ਹਨ ਕਿਉਂਕਿ ਇਹ ਸਸਤੀ ਹੈ ਅਤੇ ਉਸ ਤੋਂ ਬਾਅਦ ਆਪਣੀ ਕਾਰ ਨੂੰ ਸਟਾਈਲਿਸ਼ ਅਤੇ ਕੂਲ ਲੁੱਕ ਦੇਣ ਲਈ ਇਸ ਵਿੱਚ ਮੌਡੀਫਿਕੇਸ਼ਨ ਕਰਵਾਉਂਦੇ ਹਨ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਜੇਕਰ ਤੁਹਾਡੇ ਨਾਲ ਕੋਈ ਦੁਰਘਟਨਾ ਹੋ ਜਾਂਦੀ ਹੈ ਤਾਂ ਕਾਰ ਦੇ ਇੰਸ਼ੋਰੈਂਸ ‘ਤੇ ਕੀ ਅਸਰ ਪਵੇਗਾ। ਜੇਕਰ ਤੁਸੀਂ ਕਾਰ ਨੂੰ ਮੋਡੀਫਾਈ ਕਰਵਾਉਣ ਅਤੇ ਲਾਊਡ ਮਿਊਜ਼ਿਕ ਸਿਸਟਮ ਲਗਾਉਣ ਜਾਂ ਲਾਈਟਾਂ ਬਦਲਣ ਬਾਰੇ ਸੋਚ ਰਹੇ ਹੋ, ਤਾਂ ਤੁਹਾਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਮੋਡੀਫਾਈਡ ਕਾਰ ਆਮ ਕਾਰ ਨਾਲੋਂ ਜ਼ਿਆਦਾ ਸੁਰੱਖਿਅਤ ਨਹੀਂ ਹੁੰਦੀ ਹੈ। ਜ਼ਿਆਦਾਤਰ ਬੀਮਾ ਕੰਪਨੀਆਂ ਮੋਡੀਫਾਈਡ ਕਾਰਾਂ ਲਈ ਇੰਸ਼ੋਰੈਂਸ ਕਲੇਮ ਨੂੰ ਰੱਦ ਕਰ ਦਿੰਦੀਆਂ ਹਨ।

ਕਾਰ ‘ਚ ਇਹ ਮੋਡੀਫਿਕੇਸ਼ਨ ਕਰਨਾ ਪਵੇਗਾ ਭਾਰੀ

1. ਇੰਜਣ ਮੋਡੀਫ਼ਿਕੇਸ਼ਨ: ਜੇਕਰ ਤੁਸੀਂ ਕਾਰ ਦੇ ਬੇਸ ਮਾਡਲ ਦਾ ਇੰਜਣ ਮੋਡੀਫਾਈ ਕਰਵਾਉਣ ਬਾਰੇ ਸੋਚ ਰਹੇ ਹੋ, ਤਾਂ ਤੁਹਾਡਾ ਇਹ ਫ਼ੈਸਲਾ ਨੁਕਸਾਨ ਪਹੁੰਚਾ ਸਕਦਾ ਹੈ। ਕਾਰ ਦੀ ਪਰਫਾਰਮੈਂਸ ਵਧਾਉਣ ਜਾਂ ਸਾਧਾਰਨ ਰਫਤਾਰ ਤੋਂ ਤੇਜ਼ ਰਫਤਾਰ ‘ਤੇ ਗੱਡੀ ਚਲਾਉਣ ਨਾਲ ਦੁਰਘਟਨਾ ਹੋ ਸਕਦੀ ਹੈ, ਜਿਸ ਤੋਂ ਬਾਅਦ ਤੁਸੀਂ ਕਾਰ ਦਾ ਇੰਸ਼ੋਰੈਂਸ ਕਲੇਮ ਨਹੀਂ ਕਰ ਸਕੋਗੇ।
2. ਕਾਰ ਦਾ ਪੇਂਟ: ਜੇਕਰ ਤੁਸੀਂ ਆਪਣੀ ਕਾਰ ਦਾ ਪੇਂਟ ਬਦਲਣਾ ਚਾਹੁੰਦੇ ਹੋ, ਤਾਂ ਸਭ ਤੋਂ ਪਹਿਲਾਂ ਆਪਣੇ ਕਾਰ ਇੰਸ਼ੋਰੈਂਸ ਪ੍ਰੋਵਾਈਡਰ ਨੂੰ ਇਸ ਬਾਰੇ ਸੂਚਿਤ ਕਰੋ, ਭਵਿੱਖ ਵਿੱਚ ਕਾਰ ਬੀਮਾ ਕਲੇਮ ਕਰਨ ਲਈ ਇਹ ਜ਼ਰੂਰੀ ਹੈ।
3. ਵ੍ਹੀਲ ਮੋਡੀਫਿਕੇਸ਼ਨ : ਜੇਕਰ ਤੁਸੀਂ ਕਾਰ ਦੇ ਫੈਕਟਰੀ ਟਾਇਰਾਂ ਨੂੰ ਬਦਲ ਕੇ ਆਪਣੀ ਕਾਰ ਦੇ ਵ੍ਹੀਲ ਨੂੰ ਮੋਡੀਫਾਈ ਕਰਵਾਉਂਦੇ ਹੋ, ਤਾਂ ਇਹ ਕਾਰ ਦੀ ਮਾਈਲੇਜ ਨੂੰ ਪ੍ਰਭਾਵਿਤ ਕਰਦਾ ਹੈ।
4. ਕਾਰ ਮਿਊਜ਼ਿਕ ਸਿਸਟਮ: ਕਾਰ ‘ਚ ਸਾਧਾਰਨ ਮਿਊਜ਼ਿਕ ਸਿਸਟਮ ਦੀ ਬਜਾਏ, ਕਾਰ ‘ਚ ਲਾਊਡ ਮਿਊਜ਼ਿਕ ਸਿਸਟਮ ਲਗਾਉਣਾ ਤੁਹਾਨੂੰ ਪਰੇਸ਼ਾਨੀ ‘ਚ ਪਾ ਸਕਦਾ ਹੈ। ਇਸ ਤੋਂ ਇਲਾਵਾ ਜੇਕਰ ਤੁਸੀਂ ਕਾਰ ਦੇ ਇੰਟੀਰੀਅਰ ਬ੍ਰੇਕ ਅਤੇ ਸਸਪੈਂਸ਼ਨ ‘ਚ ਮੋਡੀਫਿਕੇਸ਼ਨ ਕਰਦੇ ਹੋ, ਤਾਂ ਤੁਸੀਂ ਕਾਰ ਦੇ ਇੰਸ਼ੋਰੈਂਸ ਲਈ ਕਲੇਮ ਨਹੀਂ ਕਰ ਸਕੋਗੇ।

ਧਿਆਨ ਰਹੇ ਕਿ ਜੇਕਰ ਤੁਸੀਂ ਕਿਸੇ ਕਾਰਨ ਕਰਕੇ ਕੋਈ ਮੋਡੀਫਿਕੇਸ਼ਨ ਕਰਵਾ ਰਹੇ ਹੋ, ਤਾਂ ਇਸ ਬਾਰੇ ਆਪਣੇ ਇੰਸ਼ੋਰੈਂਸ ਪ੍ਰੋਵਾਈਡਰ ਨੂੰ ਸੂਚਿਤ ਕਰੋ। ਕੁਝ ਖਾਸ ਕਾਰਨਾਂ ਕਰਕੇ ਕੀਤੇ ਗਏ ਮੋਡੀਫਿਕੇਸ਼ਨਸ ਤੋਂ ਇਲਾਵਾ, ਕਾਰ ਦਾ ਇੰਸ਼ੋਰੈਂਸ ਕਲੇਮ ਰਿਜੈਕਟ ਕੀਤਾ ਜਾ ਸਕਦਾ ਹੈ। ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼, ਮਨੋਰੰਜਨ ਦੀ ਖਬਰ, ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼, ਪਾਕਿਸਤਾਨ ਦਾ ਹਰ ਅਪਡੇਟ, ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ