ਫਾਈਰਿੰਗ ਤੋਂ ਪਹਿਲਾਂ ਹੀ ਨਜ਼ਰ ਆ ਗਿਆ ਸੀ ਟਰੰਪ ਦਾ ਹਮਲਾਵਰ, ਪਿੱਛੇ ਬੈਠਾ ਸੀ ਸਨਾਈਪਰ… ਫਿਰ ਕਿਵੇਂ ਹੋਇਆ ਅਟੈਕ?
ਜਿੱਥੇ ਟਰੰਪ ਪੈਨਸਿਲਵੇਨੀਆ ਦੇ ਬਟਲਰ 'ਚ ਇਕ ਚੋਣ ਰੈਲੀ ਨੂੰ ਸੰਬੋਧਨ ਕਰ ਰਹੇ ਸਨ, ਉਸ ਤੋਂ ਮਹਿਜ਼ 130 ਮੀਟਰ ਦੀ ਦੂਰੀ ਤੋਂ ਹਮਲਾਵਰ ਨੇ ਉਨ੍ਹਾਂ 'ਤੇ ਗੋਲੀਬਾਰੀ ਕੀਤੀ। ਗੋਲੀਬਾਰੀ ਤੋਂ ਪਹਿਲਾਂ ਉਸ ਨੂੰ ਰੈਲੀ ਵਾਲੀ ਥਾਂ 'ਤੇ ਵੀ ਦੇਖਿਆ ਗਿਆ ਸੀ। ਅਜਿਹੇ 'ਚ ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ਜੇਕਰ ਟਰੰਪ 'ਤੇ ਹਮਲਾਵਰ ਪਹਿਲਾਂ ਹੀ ਨਜ਼ਰ ਆ ਰਿਹਾ ਸੀ ਅਤੇ ਸਨਾਈਪਰ ਵੀ ਪਿੱਛੇ ਖੜ੍ਹੇ ਸਨ ਤਾਂ ਟਰੰਪ 'ਤੇ ਹਮਲਾ ਕਿਵੇਂ ਹੋਇਆ?
ਦੁਨੀਆ ਦੇ ਸਭ ਤੋਂ ਤਾਕਤਵਰ ਦੇਸ਼ ‘ਚ ਉਸ ਸਮੇਂ ਹਲਚਲ ਮਚ ਗਈ ਜਦੋਂ ਇਕ 20 ਸਾਲਾ ਮੁੰਡੇ ਨੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ‘ਤੇ ਸ਼ਰੇਆਮ ਗੋਲੀ ਚਲਾ ਦਿੱਤੀ ਅਤੇ ਕਿਸੇ ਨੂੰ ਭਨਕ ਵੀ ਨਹੀਂ ਲੱਗੀ, ਜਦਕਿ ਹਮਲਾਵਰ ਟਰੰਪ ਤੋਂ ਸਿਰਫ 130 ਮੀਟਰ ਦੀ ਦੂਰੀ ‘ਤੇ ਸੀ। ਉਸ ਨੂੰ ਗੋਲੀਬਾਰੀ ਤੋਂ ਪਹਿਲਾਂ ਵੀ ਦੇਖਿਆ ਗਿਆ ਸੀ। ਸਨਾਈਪਰ ਵੀ ਪਿੱਛੇ ਬੈਠੇ ਸੀ। ਇਸ ਤੋਂ ਬਾਅਦ ਵੀ ਟਰੰਪ ‘ਤੇ ਹਮਲਾ ਹੋਇਆ। ਇਹ ਆਪਣੇ ਆਪ ਵਿੱਚ ਇੱਕ ਵੱਡਾ ਸਵਾਲ ਹੈ।
ਹਮਲਾਵਰ ਨੇ ਉਸ ਥਾਂ ਤੋਂ ਮਹਿਜ਼ 130 ਮੀਟਰ ਦੀ ਦੂਰੀ ਤੋਂ ਟਰੰਪ ‘ਤੇ ਗੋਲੀਬਾਰੀ ਕੀਤੀ ਜਿੱਥੇ ਟਰੰਪ ਪੈਨਸਿਲਵੇਨੀਆ ਦੇ ਬਟਲਰ ‘ਚ ਇਕ ਚੋਣ ਰੈਲੀ ਨੂੰ ਸੰਬੋਧਨ ਕਰ ਰਹੇ ਸਨ। ਪਹਿਲਾਂ ਉਸ ਨੇ ਟਰੰਪ ‘ਤੇ ਤਿੰਨ ਰਾਉਂਡ ਫਾਇਰ ਕੀਤੇ ਅਤੇ ਫਿਰ ਪੰਜ ਰਾਉਂਡ ਫਾਇਰ ਕੀਤੇ। ਕੁੱਲ ਮਿਲਾ ਕੇ ਸ਼ੂਟਰ ਨੇ ਟਰੰਪ ‘ਤੇ 8 ਰਾਊਂਡ ਫਾਇਰ ਕੀਤੇ। ਜਿੱਥੇ ਹਮਲਾਵਰ ਨੇ ਟਰੰਪ ‘ਤੇ ਹਮਲਾ ਕੀਤਾ ਸੀ, ਉਸ ਤੋਂ 100 ਮੀਟਰ ਦੂਰ ਸੀਕ੍ਰੇਟ ਸਰਵਿਸ ਦੇ ਸਨਾਈਪਰ ਖੜ੍ਹੇ ਸੀ।
ਪਿੱਛੇ ਬੈਠੇ ਸਨ ਸਨਾਈਪਰ… ਫਿਰ ਟਰੰਪ ‘ਤੇ ਕਿਵੇਂ ਹੋਇਆ ਹਮਲਾ?
ਹੁਣ ਸਵਾਲ ਇਹ ਹੈ ਕਿ ਜੇਕਰ ਟਰੰਪ ਦਾ ਹਮਲਾਵਰ ਪਹਿਲਾਂ ਹੀ ਨਜ਼ਰ ਆ ਰਿਹਾ ਸੀ ਅਤੇ ਉਸ ਦੇ ਪਿੱਛੇ ਸਨਾਈਪਰ ਖੜ੍ਹੇ ਸੀ, ਹਮਲਾਵਰ ਅਤੇ ਸਨਾਈਪਰ ਵਿਚਕਾਰ ਦੂਰੀ ਵੀ ਮਾਮੂਲੀ ਸੀ ਤਾਂ ਟਰੰਪ ‘ਤੇ ਹਮਲਾ ਕਿਵੇਂ ਹੋਇਆ? ਆਓ ਸਮਝਣ ਦੀ ਕੋਸ਼ਿਸ਼ ਕਰੀਏ। ਬੀਬੀਸੀ ਦੀ ਰਿਪੋਰਟ ਮੁਤਾਬਕ ਟਰੰਪ ਨੇ ਸਥਾਨਕ ਸਮੇਂ ਅਨੁਸਾਰ ਸ਼ਾਮ 5 ਵਜੇ ਪੈਨਸਿਲਵੇਨੀਆ ਦੇ ਬਟਲਰ ਵਿੱਚ ਭਾਸ਼ਣ ਦੇਣਾ ਸੀ ਪਰ ਉਹ ਇੱਕ ਘੰਟੇ ਦੀ ਦੇਰੀ ਤੋਂ ਬਾਅਦ ਉੱਥੇ ਪਹੁੰਚੇ। ਉਨ੍ਹਾਂ ਨੇ ਆਪਣਾ ਭਾਸ਼ਣ ਸ਼ੁਰੂ ਕਰਨ ਤੋਂ ਕੁਝ ਮਿੰਟਾਂ ਬਾਅਦ ਹੀ ਉਨ੍ਹਾਂ ਨੂੰ ਅੰਨ੍ਹੇਵਾਹ ਗੋਲੀ ਮਾਰ ਦਿੱਤੀ ਗਈ। ਇਸ ਹਮਲੇ ‘ਚ ਟਰੰਪ ਜ਼ਖਮੀ ਹੋ ਗਏ ਸਨ। ਉਨ੍ਹਾਂ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ।
ਇਸ ਤੋਂ ਬਾਅਦ ਸੀਕ੍ਰੇਟ ਸਰਵਿਸ ਏਜੰਟਾਂ ਨੇ ਤੁਰੰਤ ਘਟਨਾ ਵਾਲੀ ਥਾਂ ਨੂੰ ਘੇਰ ਲਿਆ। ਘਟਨਾ ਦੇ ਤੁਰੰਤ ਬਾਅਦ ਸੀਕਰੇਟ ਸਰਵਿਸ ਦੇ ਸਨਾਈਪਰ ਨੇ ਹਮਲਾਵਰ ਨੂੰ ਮਾਰ ਦਿੱਤਾ। ਇਸ ਰੈਲੀ ਵਿੱਚ ਮੌਜੂਦ ਚਸ਼ਮਦੀਦ ਨੇ ਪੁਲਿਸ ਨੂੰ ਹਮਲਾਵਰ ਬਾਰੇ ਦੱਸਿਆ ਸੀ। ਇਹ ਵੀ ਦੱਸਿਆ ਗਿਆ ਕਿ ਉਸ ਕੋਲ ਰਾਈਫਲ ਸੀ ਅਤੇ ਉਹ ਇਕ ਇਮਾਰਤ ਦੀ ਛੱਤ ਵੱਲ ਗਿਆ ਸੀ। ਇਸ ਦੇ ਬਾਵਜੂਦ ਉਸ ਨੇ ਕੋਈ ਐਕਸ਼ਨ ਨਹੀਂ ਲਿਆ।
ਇਹ ਵੀ ਪੜ੍ਹੋ
ਚਸ਼ਮਦੀਦ ਨੇ ਪੁਲਿਸ ਨੂੰ ਹਮਲਾਵਰ ਬਾਰੇ ਦੱਸਿਆ ਸੀ
ਬੀਬੀਸੀ ਦੀ ਰਿਪੋਰਟ ਮੁਤਾਬਕ ਗ੍ਰੇਗ ਸਮਿਥ ਨਾਂ ਦੇ ਚਸ਼ਮਦੀਦ ਨੇ ਪੁਲਿਸ ਨੂੰ ਹਮਲਾਵਰ ਬਾਰੇ ਦੱਸਿਆ ਸੀ। ਗ੍ਰੇਗ ਟਰੰਪ ਦਾ ਭਾਸ਼ਣ ਸੁਣਨ ਆਏ ਸਨ। ਟਰੰਪ ਦਾ ਭਾਸ਼ਣ ਸ਼ੁਰੂ ਹੋਣ ਤੋਂ ਪੰਜ ਮਿੰਟ ਬਾਅਦ ਉਨ੍ਹਾਂ ਨੇ ਹਮਲਾਵਰ ਨੂੰ ਦੇਖਿਆ। ਉਨ੍ਹਾਂ ਨੇ ਦੱਸਿਆ ਕਿ ਉਹ (ਹਮਲਾਵਰ) ਰਾਈਫਲ ਲੈ ਕੇ ਇਕ ਇਮਾਰਤ ਵੱਲ ਵਧ ਰਿਹਾ ਸੀ ਅਤੇ ਫਿਰ ਉਸ ਦੀ ਛੱਤ ‘ਤੇ ਚਲਾ ਗਿਆ। ਉਨ੍ਹਾਂ ਦੱਸਿਆ ਕਿ ਅਸੀਂ ਛੱਤ ਵੱਲ ਇਸ਼ਾਰਾ ਕੀਤਾ ਅਤੇ ਪੁਲਿਸ ਨੂੰ ਦੱਸਿਆ ਕਿ ਇਮਾਰਤ ਦੀ ਛੱਤ ‘ਤੇ ਇਕ ਵਿਅਕਤੀ ਰਾਈਫਲ ਲੈ ਕੇ ਮੌਜੂਦ ਸੀ।
ਇਹ ਵੀ ਪੜ੍ਹੋ- ਕੌਣ ਸੀ ਸ਼ੂਟਰ ਤੇ ਕਿੱਥੋਂ ਚਲਾਈ ਗੋਲੀ? ਟਰੰਪ ਤੇ ਹਮਲਾ ਕਰਨ ਵਾਲੇ ਨੂੰ ਪਲਕ ਝਪਕਦੇ ਹੀ ਭੁੰਨ ਦਿੱਤਾ
USSS ਨੇ ਗੋਲੀਬਾਰੀ ਤੋਂ ਤੁਰੰਤ ਬਾਅਦ ਸ਼ੂਟਰ ਨੂੰ ਮਾਰ ਦਿੱਤਾ
ਪਰ ਪੁਲਿਸ ਵਾਲਿਆਂ ਨੇ ਮੇਰੀਆਂ ਗੱਲਾਂ ਵੱਲ ਧਿਆਨ ਨਹੀਂ ਦਿੱਤਾ ਜਾਂ ਛੱਤ ਦੀ ਢਲਾਣ ਕਾਰਨ ਹਮਲਾਵਰ ਨੂੰ ਦੇਖ ਨਹੀਂ ਸਕੇ। ਮੈਂ ਮਨ ਵਿਚ ਸੋਚ ਰਿਹਾ ਸੀ ਕਿ ਟਰੰਪ ਨੂੰ ਅਜੇ ਤੱਕ ਸਟੇਜ ਤੋਂ ਨਹੀਂ ਹਟਾਇਆ ਗਿਆ, ਉਹ ਕਿਉਂ ਬੋਲ ਰਹੇ ਹਨ? ਹਾਲਾਂਕਿ, ਟਰੰਪ ਨੂੰ ਗੋਲੀ ਮਾਰਨ ਤੋਂ ਤੁਰੰਤ ਬਾਅਦ, ਯੂਐਸ ਸੀਕਰੇਟ ਸਰਵਿਸ (ਯੂਐਸ-ਐਸਐਸ) ਦੇ ਏਜੰਟਾਂ ਨੇ ਹਮਲਾਵਰ ਨੂੰ ਮਾਰ ਦਿੱਤਾ। ਗ੍ਰੇਗ ਇਸ ਨੂੰ ਟਰੰਪ ਦੀ ਸੁਰੱਖਿਆ ਵਿੱਚ ਇੱਕ ਕਮੀ ਮੰਨਦੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਸੀਕਰੇਟ ਸਰਵਿਸ ਦੇ ਲੋਕ ਇਨ੍ਹਾਂ ਛੱਤਾਂ ‘ਤੇ ਮੌਜੂਦ ਕਿਉਂ ਨਹੀਂ ਸਨ? ਟਰੰਪ ‘ਤੇ ਹਮਲਾ ਅਮਰੀਕੀ ਸੀਕ੍ਰੇਟ ਸਰਵਿਸ ਦੀ ਨਾਕਾਮੀ ਹੈ।
