ਡੋਨਾਲਡ ਟਰੰਪ ਆਰਗੇਨਾਈਜ਼ੇਸ਼ਨ ਵੱਲੋਂ ਕਿੱਤੇ ਟੈਕਸ ਫ਼ਰਜ਼ੀਵਾੜੇ ਤੇ ਲਾਇਆ 1.6 ਮਿਲੀਅਨ ਡਾਲਰ ਦਾ ਤਕੜਾ ਜੁਰਮਾਨਾ

ਡੋਨਾਲਡ ਟਰੰਪ ਆਰਗੇਨਾਈਜ਼ੇਸ਼ਨ ਨੂੰ ਪਿਛਲੇ ਮਹੀਨੇ ਟੈਕਸ ਚੋਰੀਆਂ ਤੋਂ ਇਲਾਵਾ ਸਾਜਿਸ਼ ਕਰਨ ਅਤੇ ਕਾਰੋਬਾਰੀ ਰਿਕਾਰਡਾਂ ਵਿੱਚ ਗੜਬੜੀਆਂ ਵਰਗੇ 17 ਮਾਮਲਿਆਂ ਵਿੱਚ ਦੋਸ਼ੀ ਕਰਾਰ ਦਿੰਦੇ ਹੋਏ ਇਕ ਅਦਾਲਤ ਨੇ ਉਹਦੇ ਉਤੇ 1.6 ਮਿਲੀਅਨ ਡਾਲਰ ਦਾ ਤਕੜਾ ਜੁਰਮਾਨਾ ਠੋਕਿਆ ਹੈ। ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਟਰੰਪ ਦੀ ਕੰਪਨੀ ਵਿੱਚ ਕੰਮ ਕਰਨ ਵਾਲੇ ਇੱਕ ਵੱਡੇ ਕਾਰਜਕਾਰੀ ਅਧਿਕਾਰੀ ਵੱਲੋਂ ਕੰਪਨੀ ਦੀ ਇੱਕ ਸਕੀਮ ਹੇਠ ਪਰਸਨਲ ਇਨਕਮ ਟੈਕਸ ਵਿੱਚ ਗੜਬੜੀਆਂ ਕਰਕੇ ਅਮਰੀਕੀ ਇਨਕਮ ਟੈਕਸ ਵਿਭਾਗ ਨੂੰ ਚੂਨਾ ਲਾਉਣ ਦਾ ਦੋਸ਼ ਸਿੱਧ ਹੋਇਆ ਅਤੇ ਸ਼ੁਕਰਵਾਰ ਨੂੰ ਕੰਪਨੀ ਉੱਤੇ 1.6 ਮਿਲੀਅਨ ਡਾਲਰ ਦਾ ਤਕੜਾ ਜੁਰਮਾਨਾ ਠੋਕਿਆ ਗਿਆ।

ਅਮਰੀਕੀ ਜੱਜ ਜੁਆਨ ਮੈਨੂਅਲ ਮਾਰਚਾਨ ਵੱਲੋਂ ਠੋਕਿਆ ਗਿਆ ਇਹ ਜੁਰਮਾਨਾ

ਅਮਰੀਕੀ ਜੱਜ ਜੁਆਨ ਮੈਨੂਅਲ ਮਾਰਚਾਨ ਵੱਲੋਂ ਠੋਕਿਆ ਗਿਆ ਇਹ ਜੁਰਮਾਨਾ ਉਥੇ ਦੇ ਕ਼ਾਨੂਨ ਹੇਠ ਸਬ ਤੋਂ ਵੱਡੀ ਰਕਮ ਦਾ ਜੁਰਮਾਨਾ ਹੈ ਜੋ ਕੰਪਨੀ ਦੇ ਉਕਤ ਕਾਰਜਕਾਰੀ ਅਧਿਕਾਰੀਆਂ ਦੇ ਇਕੱਠ ਵੱਲੋਂ ਚੁਰਾਏ ਗਏ ਟੈਕਸ ਦੇ ਮੁਕਾਬਲੇ ਦੁੱਗਣੀ ਰਕਮ ਦਾ ਜੁਰਮਾਨਾ ਹੈ। ਅਸਲ ਵਿੱਚ ਇਨਕਮ ਟੈਕਸ ਦੀ ਇਹ ਚੋਰੀ ਟਰੰਪ ਦੀ ਹੀ ਇਮਾਰਤਾਂ ਵਿੱਚ ਰੇਂਟ ਫ੍ਰੀ ਅਪਾਰਟਮੈਂਟਸ, ਲਗਜਰੀ ਕਾਰਾਂ ਅਤੇ ਪਰਾਈਵੇਟ ਸਕੂਲ ਦੀ ਟਿਉਸ਼ਨ ਫੀਸ ਵਿੱਚ ਹੇਰਾਫੇਰੀਆਂ ਕਰਕੇ ਕਿੱਤੀ ਗਈ ਸੀ। ਹਾਲਾਂਕਿ, ਖੁੱਦ ਟਰੰਪ ਨੂੰ ਇਸ ਮੁਕੱਦਮੇਂ ਵਿੱਚ ਸ਼ਾਮਿਲ ਨਹੀਂ ਸੀ ਕਿੱਤਾ ਗਿਆ ਅਤੇ ਉਹਨਾਂ ਨੇ ਤਾਂ ਆਪਣੇ ਵੱਡੇ ਕਾਰਜਕਾਰੀ ਅਧਿਕਾਰੀਆਂ ਵੱਲੋਂ ਗੈਰ ਕਨੂੰਨੀ ਤੌਰ ਤਰਿਕੀਆਂ ਨਾਲ ਟੈਕਸ ਚੋਰੀ ਕਿੱਤੇ ਜਾਣ ਦੀ ਜਾਣਕਾਰੀ ਹੋਣ ਤੋਂ ਇਨਕਾਰ ਕਿੱਤਾ ਸੀ।

ਅਮਰੀਕਾ ਦੀ ਰਿਪਬਲਿਕਨ ਪਾਰਟੀ ਦੀ ਸਾਖ ‘ਤੇ ਲੱਗਿਆ ਇੱਕ ਵੱਡਾ ਕਲੰਕ

ਭਾਵੇਂ ਜੁਰਮਾਨੇ ਦੀ ਇਹ ਰਕਮ ਟਰੰਪ ਟਾਵਰ ਅਪਾਰਟਮੈਂਟ ਦੀ ਕੀਮਤ ਨਾਲੋਂ ਘੱਟ ਹੋਵੇ ਅਤੇ ਇਸਦਾ ਕੰਪਨੀ ਨੂੰ ਚਲਾਉਣ ਜਾਂ ਭਵਿੱਖ ਵਿੱਚ ਕੰਪਨੀ ਤੇ ਕੋਈ ਅਸਰ ਨਹੀਂ ਪਵੇਗਾ, ਪਰ ਅਮਰੀਕਾ ਦੀ ਰਿਪਬਲਿਕਨ ਪਾਰਟੀ ਦੀ ਸਾਖ ਤੇ ਇੱਕ ਵੱਡਾ ਕਲੰਕ ਤਾਂ ਲੱਗ ਹੀ ਗਿਆ ਹੈ। ਟਰੰਪ ਆਰਗੇਨਾਈਜ਼ੇਸ਼ਨ ਨੂੰ ਚਲਾਉਣ ਅਤੇ ਉਸ ਨੂੰ ਪ੍ਰਮੋਟ ਕਰਨ ਵਾਲੇ ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਜਾਂ ਉਹਨਾਂ ਦੇ ਬੱਚਿਆਂ ਨੂੰ ਜੁਰਮਾਨੇ ਦੀ ਸਜ਼ਾ ਸੁਣਾਏ ਜਾਣ ਵੇਲ਼ੇ ਅੱਦਾਲਤ ਵਿੱਚ ਨਹੀਂ ਸੀ ਆਣਾ ਪਿਆ. ਪ੍ਰੋਸੀਕਿਯੂਟਰ ਜੋਸ਼ੁਆ ਸ੍ਨਗਲਾਸ ਨੇ ਦੱਸਿਆ ਕਿ ਜੁਰਮਾਨੇ ਦੀ ਇਹ ਰਕਮ ਅਸਲ ਵਿੱਚ ਟਰੰਪ ਆਰਗੇਨਾਈਜ਼ੇਸ਼ਨ ਦੇ ਰਾਜਸਵ ਦਾ ਛੋਟਾ ਜਿਹਾ ਇੱਕ ਟੁਕੜਾ ਹੋਵੇ, ਪਰ ਇਹ ਜੁਰਮਾਨਾ ਟਰੰਪ ਕੰਪਨੀ ਦੀ ਸਕੀਮ ਵਾਸਤੇ ਇੱਕ ਵੱਡਾ ਕਲੰਕ ਸਾਬਿਤ ਹੋਵੇਗਾ।