“ਕੌਮ ਤੇ ਖਾਲਿਸਤਾਨ ਖਿਲਾਫ਼ ਬੋਲਣ ਵਾਲੇ ਦਾ ਇਹੀ ਅੰਜ਼ਾਮ ਹੋਵੇਗਾ”, ਕਿਸ ਨੇ ਲਈ ਨੈਂਸੀ ਗਰੇਵਾਲ ਦੇ ਕਤਲ ਦੀ ਜ਼ਿੰਮੇਵਾਰੀ?

ਕਿਸ ਨੇ ਲਈ ਨੈਂਸੀ ਗਰੇਵਾਲ ਦੇ ਕਤਲ ਦੀ ਜ਼ਿੰਮੇਵਾਰੀ?

ਕੈਨੇਡਾ ‘ਚ ਪੰਜਾਬੀ ਯੂਟਿਊਬਰ ਤੇ ਇਨਫਲੂਐਂਸਰ ਨੈਂਸੀ ਗਰੇਵਾਲ ਦਾ ਕਤਲ ਕਰ ਦਿੱਤਾ ਗਿਆ। ਉਹ ਅਕਸਰ ਹੀ ਖਾਲਿਸਤਾਨ ਤੇ ਹੋਰ ਧਾਰਮਿਕ ਮੁੱਦਿਆਂ ‘ਤੇ ਆਪਣੀ ਵਿਚਾਰ ਰੱਖਦੀ ਸੀ। ਉਸ ਦੇ ਕਤਲ ਦੇ ਪਿੱਛੇ ਵੀ ਇਹੀ ਕਾਰਨ ਨਿਕਲ ਕੇ ਸਾਹਮਣੇ ਆਇਆ ਹੈ। ਦਰਅਸਲ, ਸੋਸ਼ਲ ਮੀਡੀਆ ‘ਤੇ ਇੱਕ ਕਥਿਤ ਪੋਸਟ ਵਾਇਰਲ ਹੋ ਰਹੀ ਹੈ, ਜਿਸ ‘ਚ ਕਿਹਾ ਗਿਆ ਹੈ ਕਿ ਨੈਂਸੀ ਖਾਲਿਸਤਾਨ ਤੇ ਕੌਮ ਦੇ ਖਿਲਾਫ਼ ਬੋਲਦੀ ਸੀ, ਜਿਸ ਕਾਰਨ ਉਸ ਦਾ ਕਤਲ ਕੀਤਾ ਗਿਆ।

ਸੋਸ਼ਲ ਮੀਡੀਆ ‘ਤੇ ਇੱਕ ਪੋਸਟ ਵਾਇਰਲ ਹੋ ਰਹੀ ਹੈ। ਇਸ ਪੋਸਟ ‘ਚ ਅਕਾਸ਼ ਹਰੀਕੇ ਤੇ ਸੁੱਖਾ ਸੰਧੂ ਨੇ ਕਤਲ ਦੀ ਜ਼ਿੰਮੇਵਾਰੀ ਲਈ ਹੈ। ਪੋਸਟ ‘ਚ ਲਿਗਿਆ ਗਿਆ ਹੈ ਜੋ ਵੀ ਕੋਈ ਨੈਂਸੀ ਵਾਂਗ ਕੌਮ ਜਾਂ ਖਾਲਿਸਤਾਨ ਖਿਲਾਫ਼ ਬੋਲੇਗਾ ਉਸ ਦਾ ਇਹ ਹੀ ਹਾਲ ਹੋਵੇਗਾ।

ਪੋਸਟ ‘ਚ ਲਿਖਿਆ ਗਿਆ ਹੈ- ਵਾਹਿਗੁਰੂ ਜੀ ਕਾ ਖਾਲਸਾ। ਵਾਹਿਗੁਰੂ ਜੀ ਕੀ ਫਤਿਹ। ਆ ਜੋ ਵਿੰਡਸਰ, ਓਨਟਾਰੀਓ ਕੈਨੇਡਾ ‘ਚ ਨੈਂਸੀ ਗਰੇਵਾਲ ਦਾ ਕਤਲ ਹੋਇਆ। ਇਹ ਕੰਮ ਸਾਡੇ ਭਰਾਵਾਂ ਨੇ ਕਿਤਾ ਹੈ। ਇਸ ਦੀ ਜਿੰਮੇਵਾਰੀ ਮੈਂ ਅਕਾਸ਼ ਹਰੀਕੇ ਤੇ ਸੁੱਖਾ ਸੰਧੂ ਲੈਨੇ ਆ… ਏਹ ਬੀਬੀ ਧਰਮ ਤੇ ਖਾਲਿਸਤਾਨ ਬਾਰੇ ਗਲਤ ਬੋਲਦੀ ਸੀ ਤੇ ਇਸ ਦੇ ਨਤੀਜਾ ਇਸ ਨੂੰ ਮਿਲ ਗਿਆ। ਬਾਕੀ ਸਾਡਾ ਕਿਸੇ ਭੀ ਧਰਮ ਨਾਲ ਕੋਈ ਵੈਰ ਨਹੀਂ ਹੈ ਤੇ ਕੋਈ ਵੀ ਇਸ ਦੇ ਵਾਂਗੂ ਕੌਮ ਦੇ ਖਿਲਾਫ ਬੋਲੂਗਾ, ਉਸ ਦਾ ਇਹੋ ਜਿਹੋ ਹਾਲ ਹੋਵੇਗਾ। ਸ਼ਸਤਰ ਕੇ ਅਦੀਨ ਹੈ ਰਾਜ।

ਕੌਣ ਸੀ ਨੈਂਸੀ ਗਰੇਵਾਲ?

ਪੰਜਾਬੀ ਮੂਲ ਦੀ ਕੈਨੇਡੀਅਨ ਯੂਟਿਊਬਰ ਨੈਂਸੀ ਗਰੇਵਾਲ ਅਕਸਰ ਸੋਸ਼ਲ ਮੀਡੀਆ ਤੇ ਵੀਡੀਓ ਪੋਸਟ ਕਰਦੀ ਰਹਿੰਦੀ ਸੀ। 19 ਜਨਵਰੀ ਨੂੰ ਜਨਮੀ, ਨੈਂਸੀ ਦੇ ਇੰਸਟਾਗ੍ਰਾਮ ਤੇ ਲਗਭਗ 12,000 ਫਾਲੋਅਰਜ਼ ਸਨ। ਉਸ ਨੇ ਭਾਰਤ ਤੇ ਕੈਨੇਡਾ ਵਿਚਕਾਰ ਵਧਦੇ ਵਿਵਾਦ ਦੌਰਾਨ ਆਪਣੇ ਯੂਟਿਊਬ ਚੈਨਲ ਤੇ ਕਈ ਵੀਡੀਓ ਅਪਲੋਡ ਕੀਤੇ। ਨੈਂਸੀ ਗਰੇਵਾਲ ਨਾ ਸਿਰਫ਼ ਇੱਕ ਯੂਟਿਊਬਰ ਸੀ, ਸਗੋਂ ਪੰਜਾਬ ਤੇ ਭਾਰਤ-ਕੈਨੇਡਾ ਸਬੰਧਾਂ ਨਾਲ ਸਬੰਧਤ ਮੁੱਦਿਆਂ ਤੇ ਵੀ ਖੁੱਲ੍ਹ ਕੇ ਗੱਲ ਕਰਦੀ ਸੀ।

ਖਾਲਿਸਤਾਨੀ ਗਤੀਵਿਧੀਆਂ ਦੀ ਆਲੋਚਨਾ

ਨੈਂਸੀ ਨੇ ਭਾਰਤ ਤੇ ਕੈਨੇਡਾ ਵਿਚਕਾਰ ਵਧ ਰਹੇ ਤਣਾਅ ਵਿਰੁੱਧ ਆਵਾਜ਼ ਉਠਾਈ ਤੇ ਖਾਲਿਸਤਾਨੀ ਵਿਚਾਰਧਾਰਾ ਦੀ ਸਖ਼ਤ ਨਿੰਦਾ ਕੀਤੀ। ਇਸ ਤੋਂ ਇਲਾਵਾ, ਉਸ ਨੇ ਜੇਲ੍ਹ ਚ ਬੰਦ ਸੰਸਦ ਮੈਂਬਰ ਅੰਮ੍ਰਿਤਪਾਲ ਸਿੰਘ, ਅਕਾਲੀ ਦਲ ਦੇ ਨੇਤਾ ਬਿਕਰਮ ਸਿੰਘ ਮਜੀਠੀਆ ਤੇ ਡੇਰਾ ਬਿਆਸ ਮੁਖੀ ਗੁਰਿੰਦਰ ਸਿੰਘ ਢਿੱਲੋਂ ਵਿਰੁੱਧ ਆਵਾਜ਼ ਚੁੱਕੀ। ਇਸ ਤੋਂ ਇਲਾਵਾ, ਬਠਿੰਡਾ-ਅਧਾਰਤ ਇਨਫਲੂਐਂਸਰ ਕੰਚਨ ਕੁਮਾਰੀ ਉਰਫ਼ ਕਮਲ ਕੌਰ ਭਾਬੀ ਤੇ ਕਤਲ ਮਾਮਲੇ ਚ ਵੀ ਨੈਂਸੀ ਨੇ ਇਨਸਾਫ਼ ਦੀ ਮੰਗ ਕੀਤੀ।