ਈਰਾਨ ਅਤੇ ਅਮਰੀਕਾ ਵਿਚਾਲੇ ਹੋ ਗਿਆ ਸਮਝੌਤਾ, ਇਨ੍ਹਾਂ 3 ਮੁੱਦਿਆਂ ‘ਤੇ ਬਣੀ ਸਹਿਮਤੀ, ਛੇਤੀ ਹੋਵੇਗਾ ਜੰਗ ਖਤਮ ਕਰਨ ਦਾ ਐਲਾਨ

Iran US Deal: ਈਰਾਨ ਅਤੇ ਅਮਰੀਕਾ ਵੱਲੋਂ ਜੰਗ ਖਤਮ ਕਰਨ ਲਈ ਇੱਕ ਸਮਝੌਤੇ ‘ਤੇ ਪਹੁੰਚ ਗਏ ਹਨ। ਦੋਵਾਂ ਦੇਸ਼ਾਂ ਵੱਲੋਂ ਅਗਲੇ 48 ਘੰਟਿਆਂ ਦੇ ਅੰਦਰ ਇੱਕ ਸਮਝੌਤੇ ‘ਤੇ ਦਸਤਖਤ ਕਰਨ ਦੀ ਉਮੀਦ ਹੈ। ਇਸ ਤੋਂ ਬਾਅਦ, ਦੋਵੇਂ ਦੇਸ਼ ਅਧਿਕਾਰਤ ਤੌਰ ‘ਤੇ ਜੰਗ ਦੇ ਅੰਤ ਦਾ ਐਲਾਨ ਕਰਨਗੇ। ਅਮਰੀਕੀ ਆਊਟਲੈੱਟ ਐਕਸੀਓਸ ਨੇ ਵ੍ਹਾਈਟ ਹਾਊਸ ਦੇ ਸੂਤਰਾਂ ਦਾ ਹਵਾਲਾ ਦਿੰਦੇ ਹੋਏ ਇਹ ਰਿਪੋਰਟ ਦਿੱਤੀ, ਜਿਸ ਵਿੱਚ ਕਿਹਾ ਗਿਆ ਹੈ ਕਿ ਪਹਿਲੀ ਵਾਰ, ਦੋਵੇਂ ਦੇਸ਼ ਕਿਸੇ ਸਮਝੌਤੇ ‘ਤੇ ਸਹਿਮਤ ਹੋਏ ਹਨ।

ਰਿਪੋਰਟ ਦੇ ਅਨੁਸਾਰ, ਦੋਵੇਂ ਦੇਸ਼ ਜੰਗ ਨੂੰ ਖਤਮ ਕਰਨ ਲਈ ਇੱਕ ਪੰਨੇ ਦਾ ਸਮਝੌਤਾ ਪੱਤਰ ਜਾਰੀ ਕਰਨਗੇ। ਇਸ ਪੱਤਰ ਵਿੱਚ ਤਿੰਨ ਮੁੱਦਿਆਂ ਦਾ ਜ਼ਿਕਰ ਹੋ ਸਕਦਾ ਹੈ। ਦੋਵਾਂ ਦੇਸ਼ਾਂ ਵਿਚਕਾਰ ਤਿੰਨ ਪ੍ਰਮੁੱਖ ਮੁੱਦਿਆਂ ‘ਤੇ ਸਮਝੌਤੇ ਹੋਏ ਹਨ।

ਇਨ੍ਹਾਂ 3 ਮੁੱਦਿਆਂ ‘ਤੇ ਬਣੀ ਸਹਿਮਤੀ

1. ਈਰਾਨ ਐਲਾਨ ਕਰੇਗਾ ਕਿ ਉਹ ਪ੍ਰਮਾਣੂ ਹਥਿਆਰ ਨਹੀਂ ਬਣਾਵੇਗਾ। ਨਾਲ ਹੀ ਵੀ ਐਲਾਨ ਕਰੇਗਾ ਕਿ ਇਹ ਯੂਰੇਨੀਅਮ ਨੂੰ ਵਿਕਸਿਤ ਨਹੀਂ ਕਰੇਗਾ। ਈਰਾਨ ਇਹ ਵੀ ਐਲਾਨ ਕਰੇਗਾ ਕਿ ਉਹ ਆਪਣੇ ਕੋਲ ਮੌਜੂਦ ਯੂਰੇਨੀਅਮ ਨੂੰ ਪਤਲਾ ਜਾਂ ਨਸ਼ਟ ਕਰ ਦੇਵੇਗਾ। ਇਸ ਯੂਰੇਨੀਅਮ ਨੂੰ ਕਿੱਥੇ ਪਤਲਾ ਕੀਤਾ ਜਾਵੇਗਾ, ਇਸ ਬਾਰੇ ਅਧਿਕਾਰਤ ਜਾਣਕਾਰੀ ਜਾਰੀ ਨਹੀਂ ਕੀਤੀ ਗਈ ਹੈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਚਾਹੁੰਦੇ ਹਨ ਕਿ ਈਰਾਨ ਆਪਣੇ ਕੋਲ ਮੌਜੂਦ 440 ਕਿਲੋਗ੍ਰਾਮ ਵਿਕਿਸਿਤ ਯੂਰੇਨੀਅਮ ਨੂੰ ਅਮਰੀਕਾ ਸ਼ਿਫਟ ਕਰ ਦੇਵੇ।

2. ਸਮਝੌਤੇ ਦੇ ਤਹਿਤ, ਅਮਰੀਕਾ ਈਰਾਨ ‘ਤੇ ਆਰਥਿਕ ਪਾਬੰਦੀਆਂ ਹਟਾਏਗਾ। ਇਸ ਵਿੱਚ ਈਰਾਨ ਦੇ ਫ੍ਰੀਜ ਕੀਤੇ ਫੰਡਾਂ ਨੂੰ ਵਾਪਸ ਕਰਨਾ ਵੀ ਸ਼ਾਮਲ ਹੋਵੇਗਾ। ਸ਼ੁਰੂ ਵਿੱਚ, ਈਰਾਨ ਨੂੰ ਰਾਹਤ ਅਤੇ ਬਚਾਅ ਕਾਰਜਾਂ ਲਈ ਫੰਡ ਪ੍ਰਾਪਤ ਹੋਣਗੇ। 2015 ਵਿੱਚ, ਅਮਰੀਕਾ ਨੇ ਯੂਰੇਨੀਅਮ ਵਿਕਾਸ ਲਈ ਬਦਲੇ ਵਿੱਚ 150 ਅਰਬ ਡਾਲਰ ਦੀ ਰਾਸ਼ੀ ਨੂੰ ਅਨਫ੍ਰੀਜ਼ ਕਰਨ ਦਾ ਵਾਅਦਾ ਕੀਤਾ ਸੀ, ਪਰ ਡੋਨਾਲਡ ਟਰੰਪ ਨੇ ਬਾਅਦ ਵਿੱਚ ਇਸਨੂੰ ਹੋਣ ਤੋਂ ਰੋਕ ਦਿੱਤਾ।

3. ਦੋਵੇਂ ਧਿਰਾਂ ਹੋਰਮੁਜ਼ ਸਟ੍ਰੇਟ ‘ਤੇ ਵੀ ਸਹਿਮਤ ਹੋ ਗਈਆਂ ਹਨ। ਹੋਰਮੁਜ਼ ਜਲਡਮਰੂ ਨੂੰ ਪੂਰੀ ਤਰ੍ਹਾਂ ਖੋਲ੍ਹ ਦਿੱਤਾ ਜਾਵੇਗਾ। ਈਰਾਨ ਵੀ ਜਹਾਜ਼ਾਂ ਨੂੰ ਹੋਰਮੁਜ਼ ਜਲਡਮਰੂ ਵਿੱਚੋਂ ਲੰਘਣ ਦੀ ਆਗਿਆ ਦੇਵੇਗਾ। ਅਮਰੀਕਾ ਵੀ ਕਿਸੇ ਨੂੰ ਪਰੇਸ਼ਾਨ ਨਹੀਂ ਕਰੇਗਾ। ਇਸਦਾ ਮਤਲਬ ਹੈ ਕਿ ਸਟ੍ਰੇਟ ਆਫ ਹੋਰਮੁਜ਼ ਹੁਣ ਪੂਰੀ ਦੁਨੀਆ ਲਈ ਆਸਾਨੀ ਨਾਲ ਖੁਲ੍ਹ ਸਕਦਾ ਹੈ।

ਅਮਰੀਕਾ-ਈਰਾਨ ਵਿੱਚ 11 ਮੁੱਦਿਆਂ ‘ਤੇ ਹਾਲੇ ਵੀ ਪੇਚ

ਅਮਰੀਕੀ ਰਾਜਦੂਤ ਸਟੀਵ ਵਿਟਕੌਫ ਅਤੇ ਜੈਰੇਡ ਕੁਸ਼ਨੇਰ ਈਰਾਨੀ ਵਿਦੇਸ਼ ਮੰਤਰੀ ਅੱਬਾਸ ਅਰਾਘਚੀ ਨਾਲ 14-ਨੁਕਾਤੀ ਸਮਝੌਤੇ ‘ਤੇ ਚਰਚਾ ਕਰ ਰਹੇ ਹਨ। ਹੁਣ ਤੱਕ, ਤਿੰਨ ਮੁੱਦਿਆਂ ‘ਤੇ ਸਹਿਮਤੀ ਬਣ ਗਈ ਹੈ, ਪਰ 11 ਹਾਲੇ ਵੀ ਅਣਸੁਲਝੇ ਹਨ। ਦੋਵੇਂ ਦੇਸ਼ ਅਗਲੇ 30 ਦਿਨਾਂ ਦੇ ਅੰਦਰ ਇਨ੍ਹਾਂ ਮੁੱਦਿਆਂ ਨੂੰ ਹੱਲ ਕਰ ਲੈਣਗੇ। ਅਮਰੀਕੀ ਵਿਦੇਸ਼ ਮੰਤਰੀ ਮਾਰਕੋ ਰੂਬੀਓ ਦਾ ਕਹਿਣਾ ਹੈ ਕਿ ਆਪ੍ਰੇਸ਼ਨ ਐਪਿਕ ਫਿਊਰੀ ਖਤਮ ਹੋ ਗਿਆ ਹੈ। ਅਸੀਂ ਅੱਗੇ ਦੀ ਗੱਲਬਾਤ ਹੁਣ ਸ਼ਾਂਤੀਪੂਰਵਕ ਤਰੀਕੇ ਨਾਲ ਕਰਾਂਗੇ।

ਰਿਪੋਰਟਾਂ ਅਨੁਸਾਰ, ਸਮਝੌਤੇ ਦੀ ਬੈਠਕ ਇਸਲਾਮਾਬਾਦ ਜਾਂ ਜੇਨੇਵਾ ਵਿੱਚ ਹੋ ਸਕਦੀ ਹੈ। ਜੇਡੀ ਵੈਂਸ ਅਮਰੀਕਾ ਦੀ ਨੁਮਾਇੰਦਗੀ ਕਰ ਸਕਦੇ ਹਨ ਅਤੇ ਈਰਾਨ ਦੀ ਨੁਮਾਇੰਦਗੀ ਐਮਬੀ ਗਾਲਿਬਫ ਕਰ ਸਕਦੇ ਹਨ।