ਬਲੋਚਿਸਤਾਨ ‘ਚ 24 ਘੰਟਿਆਂ ‘ਚ ਪਾਕਿ ਫੌਜ ਨੇ ਦੂਜੀ ਵਾਰ ਕੀਤਾ ਹਮਲਾ, ਕਈ ਜਵਾਨ ਜ਼ਖਮੀ

ਬਲੋਚਿਸਤਾਨ 'ਚ 24 ਘੰਟਿਆਂ 'ਚ ਪਾਕਿ ਫੌਜ ਨੇ ਦੂਜੀ ਵਾਰ ਕੀਤਾ ਹਮਲਾ

ਬਲੋਚਿਸਤਾਨ ‘ਚ 24 ਘੰਟਿਆਂ ‘ਚ ਪਾਕਿ ਫੌਜ ਨੇ ਦੂਜੀ ਵਾਰ ਕੀਤਾ ਹਮਲਾ, ਕਈ ਜਵਾਨ ਜ਼ਖਮੀਬਲੋਚਿਸਤਾਨ ‘ਚ 24 ਘੰਟਿਆਂ ‘ਚ ਪਾਕਿਸਤਾਨੀ ਫੌਜ ਵੱਲੋਂ ਦੂਜੀ ਵਾਰ ਹਮਲਾ ਕੀਤਾ ਗਿਆ ਹੈ। ਇਸ ਹਮਲੇ ‘ਚ ਕਈ ਜਵਾਨ ਜ਼ਖਮੀ ਹੋਏ ਹਨ ਜਦਕਿ ਕਈਆਂ ਦੇ ਮਾਰੇ ਜਾਣ ਦੀ ਵੀ ਖਬਰ ਹੈ। ਪਾਕਿ ਸੈਨਾ ‘ਤੇ ਇਹ ਹਮਲਾ ਕੇਚ ਜ਼ਿਲ੍ਹੇ ‘ਚ ਹੋਇਆ। ਹਮਲਾਵਰਾਂ ਨੇ ਪਾਕਿਸਤਾਨੀ ਫੌਜ ਦੇ ਕਾਫਲੇ ‘ਤੇ ਬੰਬਾਂ ਨਾਲ ਹਮਲਾ ਕੀਤਾ।

ਬਲੋਚ ਆਰਮੀ ਨੇ ਕੱਲ ਯਾਨੀ ਸ਼ੁੱਕਰਵਾਰ ਨੂੰ ਪਾਕਿਸਤਾਨ ਦੁਆਰਾ ਬੰਧਕ ਬਣਾਏ ਗਏ ਸਾਰੇ 214 ਸੈਨਿਕਾਂ ਨੂੰ ਮਾਰ ਦਿੱਤਾ ਸੀ। ਬਲੋਚਿਸਤਾਨ ਲਿਬਰੇਸ਼ਨ ਆਰਮੀ ਨੇ ਕਿਹਾ ਕਿ ਉਸ ਨੇ ਪਾਕਿਸਤਾਨੀ ਫੌਜ ਨੂੰ ਕੈਦੀਆਂ ਦੀ ਅਦਲਾ-ਬਦਲੀ ਲਈ 48 ਘੰਟਿਆਂ ਦਾ ਅਲਟੀਮੇਟਮ ਦਿੱਤਾ ਹੈ। ਪਰ ਪਾਕਿਸਤਾਨੀ ਫੌਜ ਤੇ ਸ਼ਾਹਬਾਜ਼ ਸਰਕਾਰ ਵੱਲੋਂ ਕੋਈ ਜਵਾਬ ਨਹੀਂ ਆਇਆ। ਉਸ ਦੀ ਜ਼ਿੱਦ ਕਾਰਨ 214 ਫੌਜੀਆਂ ਦੀ ਮੌਤ ਹੋ ਚੁੱਕੀ ਹੈ।

ਪਾਕਿ ਫੌਜ ਦਾ ਆਪਰੇਸ਼ਨ ਖਤਮ ਹੋਣ ਦਾ ਦਾਅਵਾ

ਪਾਕਿਸਤਾਨੀ ਫੌਜ ਨੇ ਕੱਲ੍ਹ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਸੀ ਕਿ ਬਲੋਚਿਸਤਾਨ ਰੇਲ ਹਮਲੇ ਵਿੱਚ ਮਾਰੇ ਗਏ 26 ਬੰਧਕਾਂ ਵਿੱਚੋਂ 18 ਸੁਰੱਖਿਆ ਮੁਲਾਜ਼ਮ ਸਨ। ਇੰਟਰ-ਸਰਵਿਸਜ਼ ਪਬਲਿਕ ਰਿਲੇਸ਼ਨਜ਼ (ਆਈ.ਐੱਸ.ਪੀ.ਆਰ.) ਦੇ ਡਾਇਰੈਕਟਰ ਜਨਰਲ ਲੈਫਟੀਨੈਂਟ ਜਨਰਲ ਅਹਿਮਦ ਸ਼ਰੀਫ ਚੌਧਰੀ ਨੇ ਕਿਹਾ ਕਿ ਅੱਤਵਾਦੀਆਂ ਨੇ ਫੌਜ ਦੀ ਕਾਰਵਾਈ ਸ਼ੁਰੂ ਹੋਣ ਤੋਂ ਪਹਿਲਾਂ 26 ਬੰਧਕਾਂ ਨੂੰ ਮਾਰ ਦਿੱਤਾ ਸੀ। 18 ਸੁਰੱਖਿਆ ਕਰਮੀਆਂ ਤੋਂ ਇਲਾਵਾ ਤਿੰਨ ਹੋਰ ਸਰਕਾਰੀ ਅਧਿਕਾਰੀ ਅਤੇ ਪੰਜ ਆਮ ਨਾਗਰਿਕ ਸ਼ਾਮਲ ਸਨ।

BLA ਨੇ ਜਾਫਰ ਐਕਸਪ੍ਰੈਸ ਨੂੰ ਕੀਤਾ ਸੀ ਹਾਈਜੈਕ

ਪਾਕਿਸਤਾਨੀ ਫੌਜ ਨੇ ਇਹ ਵੀ ਦਾਅਵਾ ਕੀਤਾ ਕਿ ਸੁਰੱਖਿਆ ਬਲਾਂ ਨੇ 33 ਲੜਾਕਿਆਂ ਨੂੰ ਮਾਰ ਦਿੱਤਾ, ਜਦਕਿ 300 ਤੋਂ ਵੱਧ ਯਾਤਰੀਆਂ ਨੂੰ ਬਚਾਇਆ। ਪਾਕਿਸਤਾਨੀ ਫੌਜ ਦੇ ਬੁਲਾਰੇ ਨੇ ਦੱਸਿਆ ਕਿ 37 ਜ਼ਖਮੀ ਯਾਤਰੀਆਂ ਸਮੇਤ ਕੁੱਲ 354 ਬੰਧਕਾਂ ਨੂੰ ਬਚਾਇਆ ਗਿਆ ਹੈ। ਬੀਐੱਲਏ ਨੇ ਮੰਗਲਵਾਰ ਨੂੰ ਬਲੋਚਿਸਤਾਨ ਦੇ ਬੋਲਾਨ ਇਲਾਕੇ ‘ਚ 400 ਤੋਂ ਵੱਧ ਯਾਤਰੀਆਂ ਨੂੰ ਲੈ ਕੇ ਜਾ ਰਹੀ ਜਾਫਰ ਐਕਸਪ੍ਰੈੱਸ ‘ਤੇ ਹਮਲਾ ਕਰਕੇ ਯਾਤਰੀਆਂ ਨੂੰ ਬੰਧਕ ਬਣਾ ਲਿਆ ਸੀ।

ਬਲੋਚ ਫੌਜ ਨੇ ਰੇਲਗੱਡੀ ‘ਤੇ ਹਮਲਾ ਕਰ ਦਿੱਤਾ

ਹਰ ਰੋਜ਼ ਦੀ ਤਰ੍ਹਾਂ 11 ਮਾਰਚ ਨੂੰ ਵੀ ਜਾਫਰ ਐਕਸਪ੍ਰੈਸ ਕਵੇਟਾ ਤੋਂ ਪੇਸ਼ਾਵਰ ਲਈ ਰਵਾਨਾ ਹੋਈ ਸੀ। ਟ੍ਰੇਨ ‘ਚ 400 ਤੋਂ ਜ਼ਿਆਦਾ ਯਾਤਰੀ ਸਵਾਰ ਸਨ। ਜਦੋਂ ਰੇਲਗੱਡੀ ਬਾਲੋਨ ਪਹਾੜੀਆਂ ਵਿੱਚ ਇੱਕ ਸੁਰੰਗ ਵਿੱਚੋਂ ਲੰਘ ਰਹੀ ਸੀ ਤਾਂ ਉਸ ਉੱਤੇ ਘਾਤ ਵਿੱਚ ਬੈਠੇ ਬਲੋਚ ਫੌਜ ਦੇ ਲੜਾਕਿਆਂ ਨੇ ਹਮਲਾ ਕਰ ਦਿੱਤਾ। ਇਸ ‘ਚ 58 ਲੋਕਾਂ ਦੀ ਮੌਤ ਹੋ ਗਈ, ਜਿਨ੍ਹਾਂ ‘ਚ 21 ਯਾਤਰੀ ਸ਼ਾਮਲ ਸਨ।