ਹੁਣ ਟ੍ਰੇਡ ਵਾਰ ਦੀ ਵਾਰੀ… ਟਰੰਪ ਦੇ ਫੈਸਲੇ ਕਿਤੇ ਅਮਰੀਕਾ ਲਈ ਨਾ ਪੈ ਜਾਣ ਭਾਰੀ, ਕੈਨੇਡਾ ਨੇ ਕਰ ਲਈ ਪਲਟਵਾਰ ਦੀ ਤਿਆਰੀ
US Canada Tension: ਕੈਨੇਡੀਅਨ ਨੇਤਾਵਾਂ ਦੇ ਰਵੱਈਏ ਤੋਂ ਲੱਗ ਰਿਹਾ ਹੈ ਕਿ ਕੈਨੇਡਾ ਨੇ ਆਪਣੇ ਆਰਥਿਕ ਹਿੱਤਾਂ ਦੀ ਰੱਖਿਆ ਲਈ ਹਰ ਕਦਮ ਚੁੱਕਣ ਦਾ ਸੰਕਲਪ ਲਿਆ ਹੈ। ਓਨਟਾਰੀਓ ਦੇ ਮੁੱਖ ਮੰਤਰੀ ਡੱਗ ਫੋਰਡ ਨੇ ਏਪੀ ਨਾਲ ਇੱਕ ਇੰਟਰਵਿਊ ਵਿੱਚ ਕਿਹਾ, "ਅਸੀਂ ਆਪਣੀ ਆਰਥਿਕਤਾ ਦੀ ਰੱਖਿਆ ਲਈ ਆਪਣੇ ਟੂਲਬਾਕਸ ਵਿੱਚ ਮੌਜੂਦ ਹਰ ਚੀਜ਼ ਦੀ ਵਰਤੋਂ ਕਰਨ ਜਾ ਰਹੇ ਹਾਂ।"
ਡੋਨਾਲਡ ਟਰੰਪ ਨੇ ਜਿਵੇਂ ਹੀ ਦੇਸ਼ ਵਿੱਚ ਸੱਤਾ ਸੰਭਾਲੀ, ਉਨ੍ਹਾਂ ਨੇ ‘ਅਮਰੀਕਾ ਫਸਟ’ ਦੀ ਨੀਤੀ ਨੂੰ ਲਾਗੂ ਕਰਨ ਲਈ ਕਦਮ ਚੁੱਕਣੇ ਸ਼ੁਰੂ ਕਰ ਦਿੱਤੇ। ਟਰੰਪ ਨੇ ਐਲਾਨ ਕੀਤਾ ਹੈ ਕਿ ਉਹ ਕੈਨੇਡਾ ਅਤੇ ਮੈਕਸੀਕੋ ਤੋਂ ਆਉਣ ਵਾਲੇ ਸਮਾਨ ‘ਤੇ 25 ਪ੍ਰਤੀਸ਼ਤ ਟੈਰਿਫ ਲਗਾਉਣਗੇ। ਟੈਰਿਫ ਲਗਾਉਣ ਪਿੱਛੇ ਤਰਕ ਗੈਰ-ਕਾਨੂੰਨੀ ਪ੍ਰਵਾਸ ਅਤੇ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਨੂੰ ਰੋਕਣਾ ਦੱਸਿਆ ਜਾਂਦਾ ਹੈ।
ਕੈਨੇਡਾ ਅਤੇ ਅਮਰੀਕਾ ਵਿਚਾਲੇ ਚੱਲ ਰਹੇ ਤਣਾਅ ਦੇ ਵਿਚਕਾਰ ਟਰੰਪ ਦੇ ਇਸ ਫੈਸਲੇ ਨੇ ਅੱਗ ‘ਤੇ ਤੇਲ ਪਾਉਣ ਦਾ ਕੰਮ ਕੀਤਾ ਹੈ। ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਅਲਬਰਟਾ ਪ੍ਰਾਂਤ ਦੀ ਮੁੱਖ ਮੰਤਰੀ ਡੈਨੀਅਲ ਸਮਿਥ ਟਰੰਪ ਦੇ ਫੈਸਲੇ ‘ਤੇ ਹਮਲਾਵਰ ਢੰਗ ਨਾਲ ਪ੍ਰਤੀਕਿਰਿਆ ਦੇ ਰਹੇ ਹਨ। ਓਨਟਾਰੀਓ ਦੇ ਮੁੱਖ ਮੰਤਰੀ ਡੱਗ ਫੋਰਡ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਹੁਣ ਟ੍ਰੇਡ ਵਾਰ ਦੀ ਪੂਰੀ ਸੰਭਾਵਨਾ ਹੈ। ਤਿੰਨੋਂ ਆਗੂ ਦਾਅਵਾ ਕਰ ਰਹੇ ਹਨ ਕਿ ਕੈਨੇਡਾ ਕੋਲ ਬਿਜਲੀ ਅਤੇ ਜ਼ਰੂਰੀ ਖਣਿਜਾਂ ਦੇ ਭੰਡਾਰ ਹਨ। ਜੇਕਰ ਟਰੰਪ ਨੇ ਅਮਰੀਕੀ ਅਰਥਵਿਵਸਥਾ ਨੂੰ ‘ਤੇਜ਼ੀ ਨਾਲ ਵਧਾਉਣ’ ਦੇ ਆਪਣੇ ਵਾਅਦੇ ਨੂੰ ਪੂਰਾ ਕਰਨਾ ਹੈ, ਤਾਂ ਉਨ੍ਹਾਂ ਨੂੰ ਸਾਡੀ ਲੋੜ ਹੈ।
We all know that if there are tariffs imposed by the U.S. then there would have to be a proportional response by our country.
However, when you have a dispute with your best friend and ally, it is entirely counterproductive to escalate matters by talking about retaliation, how pic.twitter.com/70nNdzkfv3
— Danielle Smith (@ABDanielleSmith) January 21, 2025
ਟ੍ਰੇਡ ਵਾਰ ਦਾ ਹੋ ਗਿਆ ਐਲਾਨ
ਸਹੁੰ ਚੁੱਕਣ ਤੋਂ ਪਹਿਲਾਂ ਹੀ ਟਰੰਪ ਨੇ ਕੈਨੇਡਾ ਅਤੇ ਟਰੂਡੋ ਬਾਰੇ ਕਈ ਟਿੱਪਣੀਆਂ ਕੀਤੀਆਂ ਹਨ। ਆਪਣੇ ਟੈਰਿਫ ਐਲਾਨ ‘ਤੇ, ਓਨਟਾਰੀਓ ਦੇ ਮੁੱਖ ਮੰਤਰੀ ਡੱਗ ਫੋਰਡ ਨੇ ਕਿਹਾ ਕਿ ਕੈਨੇਡਾ ਅਤੇ ਅਮਰੀਕਾ ਵਿਚਕਾਰ ਵਪਾਰ ਯੁੱਧ “ਨਿਸ਼ਚਤ ਤੌਰ ‘ਤੇ ਹੋਵੇਗਾ।” ਜੇਕਰ ਦੋਵਾਂ ਦੇਸ਼ਾਂ ਵਿਚਕਾਰ ਟ੍ਰੇਡ ਵਾਰ ਸ਼ੁਰੂ ਹੁੰਦਾ ਹੈ, ਤਾਂ ਇਹ ਦੋਵਾਂ ਦੇਸ਼ਾਂ ਦੀ ਆਰਥਿਕਤਾ ਲਈ ਚੰਗਾ ਨਹੀਂ ਹੋਵੇਗਾ ਅਤੇ ਚੀਨ ਨੂੰ ਇਸਦਾ ਸਿੱਧਾ ਫਾਇਦਾ ਹੋਵੇਗਾ। ਭਾਵੇਂ ਟਰੰਪ ਸੋਚ ਸਕਦੇ ਹਨ ਕਿ ਉਨ੍ਹਾਂ ਦੇ ਟੈਰਿਫ ਲਗਾਉਣ ਨਾਲ ਅਮਰੀਕਾ ਨੂੰ ਕੋਈ ਨੁਕਸਾਨ ਨਹੀਂ ਹੋਵੇਗਾ, ਪਰ ਅਜਿਹਾ ਨਹੀਂ ਹੈ।
ਅਮਰੀਕਾ ਕੈਨੇਡਾ ਅਤੇ ਮੈਕਸੀਕੋ ਤੋਂ ਵੱਡੇ ਪੱਧਰ ‘ਤੇ ਚੀਜ਼ਾਂ ਦਰਾਮਦ ਕਰਦਾ ਹੈ। ਦੋਵਾਂ ਦੇਸ਼ਾਂ ਨਾਲ ਸਬੰਧਾਂ ਦਾ ਵਿਗੜਨਾ ਅਮਰੀਕਾ ‘ਤੇ ਉਲਟਾ ਅਸਰ ਪਾ ਸਕਦਾ ਹੈ।
ਕੈਨੇਡਾ ਤੋਂ ਕੀ ਆਯਾਤ ਕਰਦਾ ਹੈ ਅਮਰੀਕਾ?
ਕੈਨੇਡਾ ਤੋਂ ਅਮਰੀਕਾ ਮਸ਼ੀਨਰੀ ਅਤੇ ਆਵਾਜਾਈ (Machinery and Transportation, ਖਣਿਜ ਬਾਲਣ ਅਤੇ ਲੁਬਰੀਕੈਂਟ (Mineral Fuels and Lubricants), ਨਿਰਮਿਤ ਸਮਾਨ (Manufactured Goods), ਫੁਟਕਲ ਨਿਰਮਿਤ ਸਮਾਨ (Miscellaneous Manufactured Goods), ਭੋਜਨ ਅਤੇ ਜੀਵਤ ਜਾਨਵਰ (Food and Live Animals), ਰਸਾਇਣ (Chemicals), ਹੋਰ ਸਮਾਨ (Other Goods), ਕੱਚਾ ਮਾਲ (Raw Materials) ਅਤੇ ਪੀਣ ਵਾਲੇ ਪਦਾਰਥ ਅਤੇ ਤੰਬਾਕੂ (Beverages and Tobacco) ਮੰਗਵਾਉਂਦਾ ਹੈ।
ਅਮਰੀਕੀ ਵਪਾਰ ਪ੍ਰਤੀਨਿਧੀ ਦਫ਼ਤਰ ਦੇ ਅੰਕੜਿਆਂ ਅਨੁਸਾਰ, 2022 ਵਿੱਚ ਅਮਰੀਕਾ ਦਾ ਕੈਨੇਡਾ ਨਾਲ ਵਪਾਰ ਲਗਭਗ 908.9 ਬਿਲੀਅਨ ਸੀ। ਜਿਸ ਵਿੱਚ ਨਿਰਯਾਤ 427.7 ਬਿਲੀਅਨ ਅਤੇ ਆਯਾਤ 481.2 ਬਿਲੀਅਨ ਸੀ।
ਕੈਨੇਡਾ ਦਾ ਸੰਕਲਪ
ਕੈਨੇਡੀਅਨ ਆਗੂਆਂ ਦੇ ਰਵੱਈਏ ਤੋਂ ਇਹ ਜਾਪਦਾ ਹੈ ਕਿ ਕੈਨੇਡਾ ਨੇ ਆਪਣੇ ਆਰਥਿਕ ਹਿੱਤਾਂ ਦੀ ਰੱਖਿਆ ਲਈ ਹਰ ਕਦਮ ਚੁੱਕਣ ਦਾ ਸੰਕਲਪ ਲਿਆ ਹੈ। ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਐਸੋਸੀਏਟਿਡ ਪ੍ਰੈਸ ਨਾਲ ਇੱਕ ਇੰਟਰਵਿਊ ਵਿੱਚ ਕਿਹਾ, “ਅਸੀਂ ਆਪਣੀ ਆਰਥਿਕਤਾ ਦੀ ਰੱਖਿਆ ਲਈ ਆਪਣੇ ਟੂਲ ਬਾਕਸ ਵਿੱਚ ਮੌਜਦੂ ਹਰ ਚੀਜ਼ ਦੀ ਵਰਤੋਂ ਕਰਨ ਜਾ ਰਹੇ ਹਾਂ।”
U.S. tariffs on Canada would be devastating for both of our economies, hurting workers and businesses on both sides of the border.
President Trump seems intent on starting a trade war that will create the kind of economic uncertainty that only benefits China. Theres a better
— Doug Ford (@fordnation) January 21, 2025
ਟਰੂਡੋ ਨੇ ਕਿਹਾ ਕਿ ਜੇ ਲੋੜ ਪਈ ਤਾਂ ਕੈਨੇਡਾ ਜਵਾਬੀ ਕਾਰਵਾਈ ਕਰੇਗਾ, ਪਰ ਉਨ੍ਹਾਂ ਇਹ ਵੀ ਕਿਹਾ ਕਿ ਕੈਨੇਡਾ ਨੇ ਟਰੰਪ ਦੇ ਰਾਸ਼ਟਰਪਤੀ ਕਾਰਜਕਾਲ ਦੌਰਾਨ ਪਹਿਲਾਂ ਵੀ ਅਜਿਹੀ ਹੀ ਸਥਿਤੀ ਦਾ ਸਾਹਮਣਾ ਕੀਤਾ ਸੀ ਅਤੇ ਬਾਅਦ ਵਿੱਚ ਇੱਕ ਮੁਕਤ ਵਪਾਰ ਸਮਝੌਤੇ ‘ਤੇ ਸਫਲਤਾਪੂਰਵਕ ਮੁੜ ਗੱਲਬਾਤ ਕੀਤੀ ਸੀ।
ਉੱਧਰ, ਫੋਰਡ ਨੇ ਕਿਹਾ ਹੈ ਕਿ ਜਿਵੇਂ ਹੀ ਟਰੰਪ ਟੈਰਿਫ ਲਾਗੂ ਕਰਨਗੇ, ਉਹ ਓਨਟਾਰੀਓ ਦੇ ਸ਼ਰਾਬ ਕੰਟਰੋਲ ਬੋਰਡ ਨੂੰ ਹਦਾਇਤ ਦੇਣਗੇ ਕਿ ਉਹ ਅਮਰੀਕਾ-ਨਿਰਮਿਤਸਾਰੀ ਸ਼ਰਾਬ ਨੂੰ ਸ਼ੈਲਫਾਂ ਤੋਂ ਹਟਾ ਦੇਣ। ਅਮਰੀਕਾ ਅਤੇ ਕੈਨੇਡਾ ਦੇ ਸਬੰਧ ਦੋਵਾਂ ਦੇਸ਼ਾਂ ਲਈ ਮਹੱਤਵਪੂਰਨ ਹਨ। ਕੈਨੇਡਾ ਨਾਲ ਤਣਾਅ ਵਧਾ ਕੇ ਟਰੰਪ ਦਾ ਅਮਰੀਕਾ ਦੀ ਆਰਥਿਕਤਾ ਨੂੰ ਅੱਗੇ ਵਧਾਉਣਾ ਮੁਸ਼ਕਲ ਹੋਵੇਗਾ।
