Viral Video: ਵਿਦੇਸ਼ ਦੀ ਚਮਕ-ਧਮਕ ਪਿੱਛੇ ਦੀ ਅਸਲ ਕਹਾਣੀ, ਭਾਰਤੀ ਮਹਿਲਾ ਨੇ ਖੋਲ੍ਹਿਆ ਆਪਣੀ ਕਮਾਈ ਅਤੇ ਖਰਚਿਆਂ ਦਾ ਪੂਰਾ ਹਿਸਾਬ

Published: 

16 Nov 2026 10:16 AM IST

Viral Video: 6 ਮਹੀਨੇ ਪਹਿਲਾਂ ਫਿਨਲੈਂਡ ਸ਼ਿਫਟ ਹੋਈ ਭਾਰਤੀ ਮਹਿਲਾ ਨੇ ਸਾਂਝਾ ਕੀਤਾ ਮਹੀਨੇ ਦਾ ਪੂਰਾ ਖਰਚਾ, ਕਿਰਾਏ ਤੋਂ ਲੈ ਕੇ ਰਾਸ਼ਨ ਤੱਕ ਦਾ ਦੱਸਿਆ ਹਿਸਾਬ, ਜਾਣੋ ਕਿੰਨੀ ਮਹਿੰਗੀ ਹੈ ਉੱਥੇ ਦੀ ਜ਼ਿੰਦਗੀ।

Viral Video: ਵਿਦੇਸ਼ ਦੀ ਚਮਕ-ਧਮਕ ਪਿੱਛੇ ਦੀ ਅਸਲ ਕਹਾਣੀ, ਭਾਰਤੀ ਮਹਿਲਾ ਨੇ ਖੋਲ੍ਹਿਆ ਆਪਣੀ ਕਮਾਈ ਅਤੇ ਖਰਚਿਆਂ ਦਾ ਪੂਰਾ ਹਿਸਾਬ

ਫਿਨਲੈਂਡ ‘ਚ ਰਹਿਣਾ ਕਿੰਨਾ ਮਹਿੰਗਾ?

ਕਿਸੇ ਨਵੇਂ ਦੇਸ਼ ਵਿੱਚ ਜਾ ਕੇ ਵੱਸਣਾ ਜਿੰਨਾ ਰੋਮਾਂਚਕ ਲੱਗਦਾ ਹੈ, ਉੱਥੇ ਦੀ ਮਹਿੰਗਾਈ ਅਤੇ ਰੋਜ਼ਾਨਾ ਦੇ ਖਰਚਿਆਂ ਨਾਲ ਤਾਲਮੇਲ ਬਿਠਾਉਣਾ ਉਨਾ ਹੀ ਮੁਸ਼ਕਲ ਹੁੰਦਾ ਹੈ। ਘਰ ਦੇ ਕਿਰਾਏ ਤੋਂ ਲੈ ਕੇ ਰਾਸ਼ਨ ਅਤੇ ਬਿਜਲੀ-ਪਾਣੀ ਦੇ ਬਿੱਲਾਂ ਤੱਕ, ਛੋਟੇ-ਛੋਟੇ ਖਰਚੇ ਕਦੋਂ ਵੱਡਾ ਬੋਝ ਬਣ ਜਾਂਦੇ ਹਨ, ਪਤਾ ਹੀ ਨਹੀਂ ਲੱਗਦਾ। ਹਾਲ ਹੀ ਵਿੱਚ ਛੇ ਮਹੀਨੇ ਪਹਿਲਾਂ ਫਿਨਲੈਂਡ ਸ਼ਿਫਟ ਹੋਈ ਇੱਕ ਭਾਰਤੀ ਮਹਿਲਾ ਨੇ ਸੋਸ਼ਲ ਮੀਡੀਆ ‘ਤੇ ਇਸ ਨੌਰਡਿਕ ਦੇਸ਼ ਵਿੱਚ ਰਹਿਣ ਦੇ ਅਸਲ ਖਰਚਿਆਂ ਦੀ ਤਸਵੀਰ ਪੇਸ਼ ਕੀਤੀ ਹੈ।

ਇੰਸਟਾਗ੍ਰਾਮ ‘ਤੇ ਮਧੂ ਨਾਮ ਦੀ ਇਸ ਮਹਿਲਾ ਨੇ ਦੱਸਿਆ ਕਿ ਉਹ ਅਤੇ ਉਨ੍ਹਾਂ ਦੇ ਪਾਰਟਨਰ ਹਰ ਮਹੀਨੇ ਲਗਭਗ 1,450 ਤੋਂ 1,500 ਯੂਰੋ (ਕਰੀਬ 1.55 ਲੱਖ ਰੁਪਏ) ਖਰਚ ਕਰਦੇ ਹਨ। ਉਨ੍ਹਾਂ ਨੇ ਆਪਣੇ ਪੂਰੇ ਮਹੀਨੇ ਦੇ ਬਜਟ ਦਾ ਵੇਰਵਾ ਸਾਂਝਾ ਕਰਦਿਆਂ ਇਹ ਵੀ ਦੱਸਿਆ ਕਿ ਪਿਛਲੇ ਛੇ ਮਹੀਨਿਆਂ ਦੌਰਾਨ ਉਨ੍ਹਾਂ ਦੇ ਖਰਚ ਕਰਨ ਦੇ ਤਰੀਕਿਆਂ ਵਿੱਚ ਕਿੰਨਾ ਬਦਲਾਅ ਆਇਆ ਹੈ।

ਫਿਨਲੈਂਡ ਵਿੱਚ ਰਹਿਣ ਦਾ ਅਸਲ ਖਰਚਾ ਕਿੰਨਾ ਹੈ?

ਮਧੂ ਮੁਤਾਬਕ, ਉਨ੍ਹਾਂ ਦੀ ਕਮਾਈ ਦਾ ਸਭ ਤੋਂ ਵੱਡਾ ਹਿੱਸਾ ਘਰ ਦੇ ਕਿਰਾਏ ਵਿੱਚ ਚਲਾ ਜਾਂਦਾ ਹੈ। ਇਹ ਜੋੜਾ ਰਹਿਣ ਲਈ ਹਰ ਮਹੀਨੇ 750 ਯੂਰੋ (ਕਰੀਬ 78,000 ਰੁਪਏ) ਕਿਰਾਇਆ ਦਿੰਦਾ ਹੈ। ਇਸ ਤੋਂ ਇਲਾਵਾ ਪਾਣੀ, ਬਿਜਲੀ ਅਤੇ ਮੋਬਾਈਲ ਫੋਨ ਵਰਗੇ ਜ਼ਰੂਰੀ ਬਿੱਲਾਂ ‘ਤੇ ਲਗਭਗ 115 ਯੂਰੋ (ਕਰੀਬ 12,000 ਰੁਪਏ) ਖਰਚ ਹੁੰਦੇ ਹਨ।

ਰੋਜ਼ਾਨਾ ਆਉਣ-ਜਾਣ ਲਈ ਬੱਸ ਪਾਸ ‘ਤੇ ਉਹ ਕਰੀਬ 110 ਯੂਰੋ (11,400 ਰੁਪਏ) ਖਰਚ ਕਰਦੇ ਹਨ, ਜਦਕਿ ਪੂਰੇ ਮਹੀਨੇ ਦੇ ਰਾਸ਼ਨ ਦਾ ਖਰਚਾ ਲਗਭਗ 350 ਯੂਰੋ (36,400 ਰੁਪਏ) ਆਉਂਦਾ ਹੈ। ਮਧੂ ਨੇ ਸਪੱਸ਼ਟ ਕੀਤਾ ਕਿ ਖਾਣ-ਪੀਣ ਦਾ ਇਹ ਬਜਟ ਇਸ ਗੱਲ ‘ਤੇ ਨਿਰਭਰ ਕਰਦਾ ਹੈ ਕਿ ਉਹ ਕਿੰਨੀ ਵਾਰ ਬਾਹਰ ਖਾਣਾ ਖਾਂਦੇ ਹਨ।

ਇਸ ਤੋਂ ਇਲਾਵਾ ਗਰੂਮਿੰਗ ‘ਤੇ 70 ਯੂਰੋ (ਕਰੀਬ 7,300 ਰੁਪਏ) ਅਤੇ ਮਨੋਰੰਜਨ ਤੇ ਹੋਰ ਛੋਟੇ-ਮੋਟੇ ਖਰਚਿਆਂ ‘ਤੇ ਲਗਭਗ 100 ਯੂਰੋ (ਕਰੀਬ 10,400 ਰੁਪਏ) ਖਰਚ ਹੋ ਜਾਂਦੇ ਹਨ।

ਆਪਣਾ ਤਜਰਬਾ ਸਾਂਝਾ ਕਰਦਿਆਂ ਮਧੂ ਨੇ ਲਿਖਿਆ ਕਿ ਫਿਨਲੈਂਡ ਵਿੱਚ ਛੇ ਮਹੀਨੇ ਬਿਤਾਉਣ ਤੋਂ ਬਾਅਦ ਹੁਣ ਉਨ੍ਹਾਂ ਨੂੰ ਆਪਣੇ ਮਹੀਨਾਵਾਰ ਖਰਚਿਆਂ ਦੀ ਸਪੱਸ਼ਟ ਤਸਵੀਰ ਮਿਲ ਗਈ ਹੈ। ਹਾਲਾਂਕਿ, ਉਨ੍ਹਾਂ ਨੇ ਇਹ ਵੀ ਸਾਫ਼ ਕੀਤਾ ਕਿ ਇਸ ਹਿਸਾਬ ਵਿੱਚ ਫਿਨਲੈਂਡ ਸ਼ਿਫਟ ਹੋਣ ਦੇ ਸ਼ੁਰੂਆਤੀ ਖਰਚੇ, ਘਰ ਲਈ ਫਰਨੀਚਰ ਖਰੀਦਣਾ ਅਤੇ ਸੈਟਲ ਹੋਣ ਨਾਲ ਜੁੜੇ ਹੋਰ ਖਰਚੇ ਸ਼ਾਮਲ ਨਹੀਂ ਹਨ।

ਹੁਣ ਬਾਹਰ ਖਾਣ ਦੀ ਬਜਾਏ ਘਰ ਦੇ ਖਾਣੇ ਨੂੰ ਦੇ ਰਹੇ ਤਰਜੀਹ

ਮਧੂ ਨੇ ਦੱਸਿਆ ਕਿ ਸਮੇਂ ਦੇ ਨਾਲ ਉਨ੍ਹਾਂ ਦੀਆਂ ਖਾਣ-ਪੀਣ ਦੀਆਂ ਆਦਤਾਂ ਵਿੱਚ ਕਾਫ਼ੀ ਸੁਧਾਰ ਆਇਆ ਹੈ। ਸ਼ੁਰੂਆਤ ਵਿੱਚ ਉਹ ਨਵੇਂ-ਨਵੇਂ ਸਵਾਦ ਚੱਖਣ ਲਈ ਅਕਸਰ ਬਾਹਰ ਖਾਣਾ ਖਾਂਦੇ ਸਨ, ਪਰ ਹੁਣ ਉਨ੍ਹਾਂ ਨੂੰ ਘਰ ਦਾ ਬਣਿਆ ਖਾਣਾ ਹੀ ਜ਼ਿਆਦਾ ਪਸੰਦ ਆਉਂਦਾ ਹੈ। ਉਨ੍ਹਾਂ ਨੇ ਮਜ਼ਾਕੀਆ ਅੰਦਾਜ਼ ਵਿੱਚ ਲਿਖਿਆ ਕਿ ਉਨ੍ਹਾਂ ਦੀ ਜੀਵਨਸ਼ੈਲੀ ਵਿੱਚ ਸਭ ਤੋਂ ਵੱਡਾ ਬਦਲਾਅ ਇਹ ਆਇਆ ਹੈ ਕਿ ਹੁਣ ਬਾਹਰ ਦਾ ਖਾਣਾ ਘੱਟ ਅਤੇ ਘਰ ਦੀ ਰਸੋਈ ਦਾ ਖਾਣਾ ਜ਼ਿਆਦਾ ਹੋ ਗਿਆ ਹੈ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਜੇਕਰ ਥੋੜ੍ਹਾ ਹੋਰ ਅਨੁਸ਼ਾਸਨ ਰੱਖਿਆ ਜਾਵੇ ਤਾਂ ਸ਼ਾਇਦ ਉਹ 1,300 ਯੂਰੋ ਵਿੱਚ ਵੀ ਗੁਜ਼ਾਰਾ ਕਰ ਸਕਦੇ ਹਨ, ਪਰ ਅਚਾਨਕ ਆਉਣ ਵਾਲੇ ਛੋਟੇ-ਮੋਟੇ ਖਰਚਿਆਂ ‘ਤੇ ਕਾਬੂ ਪਾਉਣਾ ਥੋੜ੍ਹਾ ਮੁਸ਼ਕਲ ਹੁੰਦਾ ਹੈ।

ਇੰਟਰਨੈੱਟ ‘ਤੇ ਲੋਕਾਂ ਨੇ ਉਠਾਏ ਸਵਾਲ

ਮਧੂ ਦੀ ਇਸ ਪੋਸਟ ਨੇ ਇੰਟਰਨੈੱਟ ‘ਤੇ ਫਿਨਲੈਂਡ ਦੀ ਮਹਿੰਗਾਈ ਨੂੰ ਲੈ ਕੇ ਨਵੀਂ ਬਹਿਸ ਛੇੜ ਦਿੱਤੀ ਹੈ। ਕਈ ਯੂਜ਼ਰਸ ਨੂੰ ਉਨ੍ਹਾਂ ਦਾ ਇਹ ਬਜਟ ਕਾਫ਼ੀ ਘੱਟ ਲੱਗ ਰਿਹਾ ਹੈ। ਇੱਕ ਯੂਜ਼ਰ ਨੇ ਹੈਰਾਨੀ ਜਤਾਉਂਦਿਆਂ ਪੁੱਛਿਆ ਕਿ ਉਨ੍ਹਾਂ ਦਾ ਕਿਰਾਇਆ ਇੰਨਾ ਘੱਟ ਕਿਵੇਂ ਹੈ, ਕਿਉਂਕਿ ਇਹ ਕਾਫ਼ੀ ਸਸਤਾ ਲੱਗ ਰਿਹਾ ਹੈ। ਉੱਥੇ ਹੀ ਇੱਕ ਹੋਰ ਵਿਅਕਤੀ ਨੇ ਸਵਾਲ ਕੀਤਾ ਕਿ 750 ਯੂਰੋ ਵਿੱਚ ਘਰ ਦਾ ਆਕਾਰ ਕਿੰਨਾ ਹੈ ਅਤੇ ਕੀ ਉਹ ਰਾਜਧਾਨੀ ਹੇਲਸਿੰਕੀ ਤੋਂ ਬਾਹਰ ਰਹਿੰਦੇ ਹਨ? ਰਾਸ਼ਨ ਦੇ ਖਰਚੇ ਨੂੰ ਲੈ ਕੇ ਵੀ ਲੋਕਾਂ ਨੇ ਸਵਾਲ ਉਠਾਏ। ਇੱਕ ਯੂਜ਼ਰ ਨੇ ਲਿਖਿਆ ਕਿ ਉਹ ਵੀ ਦੋ ਜਣੇ ਹਨ, ਪਰ ਉਨ੍ਹਾਂ ਦਾ ਰਾਸ਼ਨ ਦਾ ਬਿੱਲ ਕਰੀਬ 600 ਯੂਰੋ ਆਉਂਦਾ ਹੈ। ਇਸ ਤੋਂ ਇਲਾਵਾ ਕੁਝ ਲੋਕਾਂ ਨੇ ਇਹ ਵੀ ਯਾਦ ਦਿਵਾਇਆ ਕਿ ਇਸ ਸੂਚੀ ਵਿੱਚ ਕਾਰ ਅਤੇ ਘਰ ਦਾ ਬੀਮਾ, ਗੱਡੀ ਦੀ ਮੇਨਟੇਨੈਂਸ ਅਤੇ ਕਈ ਹੋਰ ਜ਼ਰੂਰੀ ਖਰਚੇ ਸ਼ਾਮਲ ਹੀ ਨਹੀਂ ਕੀਤੇ ਗਏ ਹਨ।

ਇੱਥੇ ਦੇਖੋ ਵੀਡੀਓ

Loading...
Unable to load recommendations.
Follow Us