Viral Video: ਬੰਦੇ ਨੇ ਵਿਚਕਾਰ ਸੜਕ ‘ਤੇ ਕੁਰਸੀ ਵਿਛਾ ਕੇ ਪੀਤੀ ਚਾਹ, ਫਿਰ ਪੁਲਿਸ ਨੇ ਕੀਤੀ ਅਜਿਹੀ ਖਾਤਰਦਾਰੀ, ਯਾਦ ਆ ਗਈ ਨਾਨੀ; ਦੇਖੋ

ਬੰਦੇ ਨੇ ਸੜਕ 'ਤੇ ਕੁਰਸੀ ਵਿਛਾ ਕੇ ਪੀਤੀ ਚਾਹ

Follow Us On

ਇੰਟਰਨੈੱਟ ‘ਤੇ ਸੁਰਖੀਆਂ ਬਣਨ ਲਈ, ਕੁਝ ਲੋਕਾਂ ਨੇ ਅਜੀਬੋ-ਗਰੀਬ ਕੰਮ ਕਰਨੇ ਸ਼ੁਰੂ ਕਰ ਦਿੱਤੇ ਹਨ। ਹੁਣ ਇਸ ਵੀਡੀਓ ਨੂੰ ਦੇਖੋ ਜੋ ਕਰਨਾਟਕ ਦੇ ਬੰਗਲੁਰੂ ਤੋਂ ਵਾਇਰਲ ਹੋਇਆ ਹੈ। ਰੀਲ ਬਣਾਉਣ ਲਈ, ਇੱਕ ਸ਼ਖਸ ਨੇ ਸੜਕ ਦੇ ਵਿਚਕਾਰ ਇੱਕ ਕੁਰਸੀ ਵਿਛਾਈ, ਫਿਰ ਉਸ ‘ਤੇ ਬੈਠ ਕੇ ਚਾਹ ਪੀਣ ਲੱਗ ਪਿਆ, ਅਤੇ ਉਸਨੇ ਇਹ ਸਭ ਉਦੋਂ ਕੀਤਾ ਜਦੋਂ ਸੜਕ ‘ਤੇ ਕਾਫੀ ਗੱਡੀਆਂ ਦੌੜ ਰਹੀਆਂ ਸਨ।

ਹਾਲਾਂਕਿ, ਉਸ ਆਦਮੀ ਦੀ ਉਦੋਂ ਧਰੀ ਦੀ ਧਰੀ ਰਹਿ ਗਈ, ਜਦੋਂ ਬੈਂਗਲੁਰੂ ਪੁਲਿਸ ਨੇ ਵਾਇਰਲ ਵੀਡੀਓ ਦੇਖਿਆ। ਇਸ ਤੋਂ ਬਾਅਦ ਪੁਲਿਸ ਨੇ ਕਾਰਵਾਈ ਕੀਤੀ ਅਤੇ ਉਸ ਆਦਮੀ ਨੂੰ ਉਸਦੇ ਕੀਤੇ ਦੀ ਸਜ਼ਾ ਦਿੱਤੀ ਗਈ। ਇਹ ਰੀਲ 12 ਅਪ੍ਰੈਲ ਨੂੰ ਸ਼ਹਿਰ ਦੇ ਮਗਦੀ ਰੋਡ ‘ਤੇ ਸ਼ੂਟ ਕੀਤੀ ਗਈ ਸੀ।

ਵਾਇਰਲ ਹੋ ਰਹੀ ਵੀਡੀਓ ਵਿੱਚ, ਇਹ ਸ਼ਖਸ ਸੜਕ ਦੇ ਵਿਚਕਾਰ ਟ੍ਰੈਫਿਕ ਤੋਂ ਬੇਖ਼ਬਰ ਕੁਰਸੀ ‘ਤੇ ਵਿਛਾ ਕੇ ਚਾਹ ਪੀਂਦਾ ਦੇਖਿਆ ਜਾ ਸਕਦਾ ਹੈ। ਇਸ ਵੀਡੀਓ ਨੂੰ @rahuljuly14 ਦੇ ਐਕਸ ਹੈਂਡਲ ਤੋਂ ਸਾਂਝਾ ਕਰਦੇ ਹੋਏ, ਰਾਹੁਲ ਨਾਮ ਦੇ ਇੱਕ ਯੂਜ਼ਰ ਨੇ ਕੈਪਸ਼ਨ ਵਿੱਚ ਲਿਖਿਆ, ਰੀਲ ਬਣਾਉਣ ਲਈ ਕੁਝ ਵੀ ਕਰਾਂਗਾ। ਇਹ ਵੀਡੀਓ ਬੰਗਲੁਰੂ ਦਾ ਹੈ।

ਇਹ ਵੀ ਦੇਖੋ: ਵਾਇਰਲ: ਜਦੋਂ ਕੁੜੀ ਨੇ ਮਸ਼ੀਨ ਲਗਾ ਕੇ ਪਹਿਲੀ ਵਾਰ ਸੁਣੀ ਮਾਂ ਦੀ ਆਵਾਜ਼, ਰੁਆ ਦੇਵੇਗਾ ਇਹ Video

ਜਿਵੇਂ ਹੀ ਇਹ ਵੀਡੀਓ ਵਾਇਰਲ ਹੋਇਆ, ਬੰਗਲੁਰੂ ਸ਼ਹਿਰ ਦੀ ਪੁਲਿਸ ਹਰਕਤ ਵਿੱਚ ਆ ਗਈ। ਇਸ ਤੋਂ ਬਾਅਦ ਸ਼ਖਸ ਦੀ ਪਛਾਣ ਕਰਕੇ ਉਸਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ। ਇਸ ਵਿਅਕਤੀ ਵਿਰੁੱਧ ਜਨਤਕ ਸੜਕ ‘ਤੇ ਖਤਰਨਾਕ ਸਟੰਟ ਕਰਕੇ ਲੋਕਾਂ ਦੀ ਸੁਰੱਖਿਆ ਨੂੰ ਖਤਰੇ ਵਿੱਚ ਪਾਉਣ ਦੇ ਦੋਸ਼ ਹੇਠ ਮਾਮਲਾ ਦਰਜ ਕੀਤਾ ਗਿਆ ਹੈ।

ਬੈਂਗਲੁਰੂ ਪੁਲਿਸ ਨੇ ਦੋਸ਼ੀ ਦਾ ਵੀਡੀਓ ਵੀ ਸਾਂਝਾ ਕਰਦਿਆਂ ਲਿਖਿਆ, ਟ੍ਰੈਫਿਕ ਵਿੱਚ ਇਸ ਤਰ੍ਹਾਂ ਚਾਹ ਪੀ ਕੇ ਤੁਸੀਂ ਫੇਮਸ ਨਹੀਂ ਹੋਵੋਗੇ, ਇਸ ਦੀ ਬਜਾਏ ਤੁਹਾਨੂੰ ਭਾਰੀ ਜੁਰਮਾਨਾ ਭਰਨਾ ਪਵੇਗਾ। ਕਿਉਂਕਿ, BCP ਤੁਹਾਡੇ ‘ਤੇ ਨਜ਼ਰ ਰੱਖ ਰਿਹਾ ਹੈ। ਇਸ ਪੋਸਟ ਨੂੰ ਹੁਣ ਤੱਕ 52 ਹਜ਼ਾਰ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦੋਂ ਕਿ ਢੇਰ ਸਾਰੇ ਕੁਮੈਂਟ ਵੀ ਆਏ ਹਨ।

ਇੱਕ ਯੂਜ਼ਰ ਨੇ ਕੁਮੈਂਟ ਕੀਤਾ, ਸਰ, ਕਿਰਪਾ ਕਰਕੇ ਸੜਕਾਂ ‘ਤੇ ਪਏ ਟੋਇਆਂ ‘ਤੇ ਵੀ ਕੁਝ ਐਕਸ਼ਨ ਲੈ ਲਵੋ। ਇੱਕ ਹੋਰ ਯੂਜ਼ਰ ਨੇ ਕਿਹਾ, ਸਿਰਫ਼ ਜੁਰਮਾਨਾ ਕਾਫ਼ੀ ਨਹੀਂ ਹੋਵੇਗਾ। ਇਸਨੂੰ ਬੈਲਟ ਟ੍ਰੀਟਮੈਂਟ ਦੀ ਲੋੜ ਹੈ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ਹੁਣ ਭਰਾ ਜੇਲ੍ਹ ਵਿੱਚ ਚਾਹ ਪੀ ਰਿਹਾ ਹੋਵੇਗਾ। ਇੱਕ ਹੋਰ ਯੂਜ਼ਰ ਨੇ ਟਿੱਪਣੀ ਕੀਤੀ, ਐਡਿੰਗ ਬੜੀ ਜੋਰਦਾਰ ਸੀ।