Viral Video: ਸ਼ਖਸ ਨੇ ਕੇਕ ਕੱਟ ਕੇ ਮਨਾਇਆ ਹਾਥੀ ਦੇ ਬੱਚੇ ਦਾ ਜਨਮਦਿਨ, ਵੀਡੀਓ ਨੇ ਜਿੱਤਿਆ ਦਿਲ
Wild Animal Viral Video:ਸੋਸ਼ਲ ਮੀਡੀਆ 'ਤੇ ਇੱਕ ਨੰਨ੍ਹੇ ਹਾਥੀ ਦਾ ਦਿਲ ਨੂੰ ਛੂਹ ਲੈਣ ਵਾਲਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇੱਕ ਆਦਮੀ ਨੇ ਕੇਕ ਕੱਟ ਕੇ ਹਾਥੀ ਦੇ ਬੱਚੇ ਦਾ ਜਨਮਦਿਨ ਮਨਾਇਆ, ਇਹ ਦਰਸਾਉਂਦਾ ਹੈ ਕਿ ਮਨੁੱਖਾਂ ਅਤੇ ਜਾਨਵਰਾਂ ਵਿਚਕਾਰ ਰਿਸ਼ਤਾ ਕਿੰਨਾ ਮਜ਼ਬੂਤ ਹੋ ਸਕਦਾ ਹੈ।
ਇਨਸਾਨਾਂ ਦੇ ਜਨਮਦਿਨ ਤਾਂ ਹਰ ਸਾਲ ਮਨਾਏ ਜਾਂਦੇ ਹਨ। ਉਹ ਗੱਸ ਵੱਖਰੀ ਹੈ ਕਿ ਕੁਝ ਧੂਮਧਾਮ ਨਾਲ ਜਨਮਦਿਨ ਮਨਾਉਂਦੇ ਹਨ, ਜਦਕਿ ਕੁਝ ਆਪਣੀ ਸਹੂਲਤ ਅਨੁਸਾਰ ਅਜਿਹਾ ਕਰਦੇ ਹਨ। ਪਰ ਕਲਪਨਾ ਕਰੋ ਕਿ ਇਹ ਕਿਹੋ ਜਿਹਾ ਹੋਵੇਗਾ ਜੇਕਰ ਇਨਸਾਨਾਂ ਵਾਂਗ ਹੀ ਜਾਨਵਰਾਂ ਦਾ ਜਨਮਦਿਨ ਵੀ ਮਨਾਇਆ ਜਾਵੇ? ਹਾਂ, ਇਸ ਤਰ੍ਹਾਂ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ, ਜੋ ਲੋਕਾਂ ਨੂੰ ਹੈਰਾਨ ਅਤੇ ਖੁਸ਼ ਕਰ ਰਿਹਾ ਹੈ। ਅਸਾਮ ਵਿੱਚ, ਬਿਪਿਨ ਕਸ਼ਯਪ ਨਾਮ ਦੇ ਇੱਕ ਜਾਨਵਰ ਪ੍ਰੇਮੀ (Animal Lovers) ਨੇ ਹਾਲ ਹੀ ਵਿੱਚ ਇੱਕ ਪਾਲਤੂ ਹਾਥੀ, ਪ੍ਰਿਯਾਂਸ਼ੀ (ਜਿਸਨੂੰ ਮੋਮੋ ਵੀ ਕਿਹਾ ਜਾਂਦਾ ਹੈ) ਨਾਮਕ ਇੱਕ ਬੱਚੇ ਹਾਥੀ ਦਾ ਜਨਮਦਿਨ ਮਨਾਇਆ। ਇਹ ਜਸ਼ਨ ਤੇਜ਼ੀ ਨਾਲ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਿਆ।
ਇਹ ਵੀਡੀਓ ਖੁਦ ਬਿਪਿਨ ਕਸ਼ਯਪ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸ਼ੇਅਰ ਕੀਤਾ ਹੈ। ਵੀਡੀਓ ਵਿੱਚ, ਬਿਪਿਨ ਨੂੰ ਪ੍ਰਿਯਾਂਸ਼ੀ (ਹਾਥੀ) ਦਾ ਜਨਮਦਿਨ ਮਨਾਉਂਦੇ ਅਤੇ ਜਨਮਦਿਨ ਦਾ ਗੀਤ ਗਾਉਂਦੇ ਦੇਖਿਆ ਜਾ ਸਕਦਾ ਹੈ। ਹਾਥੀ ਲਈ ਉਸਦੇ ਪਿਆਰ ਅਤੇ ਖੁਸ਼ੀ ਨੇ ਲੋਕਾਂ ਦੇ ਦਿਲਾਂ ਨੂੰ ਛੂਹ ਲਿਆ ਹੈ। ਵੀਡੀਓ ਦੇਖਣ ਨਾਲ ਹਾਥੀ, ਉਸਦੇ ਬੱਚੇ ਅਤੇ ਬਿਪਿਨ ਵਿਚਕਾਰ ਮਜ਼ਬੂਤ ਬੰਧਨ ਦਾ ਪਤਾ ਲੱਗਦਾ ਹੈ। ਵਾਇਰਲ ਵੀਡੀਓ ਵਿੱਚ, ਤੁਸੀਂ ਇੱਕ ਨੀਲੇ ਰੰਗ ਦਾ ਕੇਕ ਦੇਖ ਸਕਦੇ ਹੋ ਜੋ ਖਾਸ ਤੌਰ ‘ਤੇ ਹਾਥੀ ਦੇ ਬੱਚੇ ਲਈ ਬਣਾਇਆ ਗਿਆ ਹੈ, ਜਿਸਦੇ ਆਲੇ-ਦੁਆਲ ਫਲ ਅਤੇ ਅਨਾਜ ਰੱਖੇ ਹੋਏ ਹਨ। ਜਨਮਦਿਨ ਦੇ ਮੀਨੂ ਵਿੱਚ ਕੇਲੇ, ਸੇਬ, ਅੰਗੂਰ, ਸਬਜ਼ੀਆਂ ਅਤੇ ਹੋਰ ਪੌਸ਼ਟਿਕ ਚੀਜ਼ਾਂ ਸ਼ਾਮਲ ਹਨ ਜੋ ਖਾਸ ਤੌਰ ‘ਤੇ ਹਾਥੀ ਦੇ ਬੱਚੇ ਲਈ ਤਿਆਰ ਕੀਤੀਆਂ ਗਈਆਂ ਹਨ।
ਲੱਖਾਂ ਵਾਰ ਦੇਖਿਆ ਗਿਆ ਵੀਡੀਓ
ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ ‘ਤੇ friend_elephant ਨਾਮ ਦੇ ਅਕਾਊਂਟ ਦੁਆਰਾ ਸ਼ੇਅਰ ਕੀਤੀ ਗਈ ਇਸ ਖੂਬਸੂਰਤ ਵੀਡੀਓ ਨੂੰ 376,000 ਤੋਂ ਵੱਧ ਵਾਰ ਦੇਖਿਆ ਗਿਆ ਹੈ, ਜਿਸ ਵਿੱਚ 55,000 ਤੋਂ ਵੱਧ ਲੋਕਾਂ ਨੇ ਵੀਡੀਓ ਨੂੰ ਲਾਈਕ ਅਤੇ ਟਿੱਪਣੀਆਂ ਕੀਤੀਆਂ ਹਨ।
ਵੀਡੀਓ ਦੇਖ ਕੇ, ਕਿਸੇ ਨੇ ਕਿਹਾ, “ਇਹ ਅੱਜ ਇੰਟਰਨੈੱਟ ‘ਤੇ ਸਭ ਤੋਂ ਖੂਬਸੂਰਤ ਵੀਡੀਓ ਹੈ।” ਇੱਕ ਹੋਰ ਨੇ ਟਿੱਪਣੀ ਕੀਤੀ, “ਮੈਂ ਉਨ੍ਹਾਂ ਲੋਕਾਂ ਨੂੰ ਪਿਆਰ ਕਰਦਾ ਹਾਂ ਜੋ ਜਾਨਵਰਾਂ ਨੂੰ ਪਿਆਰ ਕਰਦੇ ਹਨ ਅਤੇ ਹਮਦਰਦੀ ਰੱਖਦੇ ਹਨ। ਮੋਮੋ ਨੂੰ ਜਨਮਦਿਨ ਮੁਬਾਰਕ।” ਇਸੇ ਤਰ੍ਹਾਂ, ਇੱਕ ਹੋਰ ਯੂਜਰ ਨੇ ਲਿਖਿਆ, “ਭਰਾ, ਇਹਨਾਂ ਜਾਨਵਰਾਂ ਨੂੰ ਪਿਆਰ ਕਰਨ ਲਈ ਤੁਹਾਡਾ ਬਹੁਤ ਧੰਨਵਾਦ। ਪਰਮਾਤਮਾ ਤੁਹਾਨੂੰ ਸਾਰਿਆਂ ਨੂੰ ਆਸ਼ੀਰਵਾਦ ਦੇਵੇ।” ਇੱਕ ਹੋਰ ਨੇ ਟਿੱਪਣੀ ਕੀਤੀ, “ਬੇਬੀ ਪ੍ਰਿਯਾਂਸ਼ੀ ਨੂੰ ਬਹੁਤ ਸਾਰਾ ਪਿਆਰ। ਬੱਚੇ ਅਤੇ ਮਾਂ ਦੋਵਾਂ ਦੀ ਲੰਬੀ ਉਮਰ ਦੀ ਕਾਮਨਾ ਕਰਦਾ ਹਾਂ।”
ਇੱਥੇ ਦੇਖੋ ਵੀਡੀਓ
