Viral Video: ਬਾਰਾਤ ‘ਚ ਸਿਰ ‘ਤੇ ਪਟਾਕਿਆਂ ਦਾ ਡੱਬਾ ਰੱਖ ਕੇ ਨੱਚਣ ਲੱਗਾ ਸ਼ਖਸ, ਫਿਰ ਹੋਇਆ ਕੁਝ ਅਜਿਹਾ
Baraat Viral Video: ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਇਸ ਵੀਡੀਓ 'ਚ ਤੁਸੀਂ ਦੇਖੋਂਗੇ ਕਿ ਵਿਆਹ ਦੇ ਮਹਿਮਾਨ ਡਾਂਸ 'ਚ ਮਗਨ ਹਨ। ਹੇਠਾਂ ਜ਼ਮੀਨ 'ਤੇ ਪਟਾਕਿਆਂ ਦਾ ਇੱਕ ਡੱਬਾ ਰੱਖਿਆ ਹੋਇਆ ਹੈ ਜਿਸ ਵਿੱਚ ਪਟਾਕੇ ਹੌਲੀ-ਹੌਲੀ ਫਟ ਰਹੇ ਹਨ। ਅਚਾਨਕ ਇੱਕ ਵਿਅਕਤੀ ਪਟਾਕਿਆ ਦੇ ਡੱਬੇ ਨੂੰ ਸਿਰ 'ਤੇ ਰੱਖ ਨੱਚਣਾ ਸ਼ੁਰੂ ਕਰ ਦਿੰਦਾ ਹੈ। ਫਿਰ ਜੋ ਵੀ ਕੈਮਰੇ 'ਚ ਕੈਦ ਹੋਇਆ ਉਹ ਵਾਇਰਲ ਹੋ ਰਿਹਾ ਹੈ।
ਵਿਆਹ ਦੀ ਬਾਰਾਤ ਦੌਰਾਨ ਲੋਕ ਪੂਰੀ ਤਰ੍ਹਾਂ ਮਸਤੀ ਦੇ ਮੂਡ ਵਿੱਚ ਹੁੰਦੇ ਹਨ। ਖਾਸ ਤੌਰ ‘ਤੇ ਵਿਆਹ ਦੀ ਬਾਰਾਤ ‘ਚ ਜਦੋਂ ਨੱਚਣਾ ਸ਼ੁਰੂ ਹੋ ਜਾਂਦੇ ਹਨ ਤਾਂ ਲੱਗਦਾ ਹੈ ਜਿਵੇਂ ਹਰ ਕੋਈ ਜੋਸ਼ ‘ਚ ਹੋਸ਼ ਗੁਆ ਬੈਠਾ ਹੋਵੇ। ਇਸ ਦੀ ਇੱਕ ਉਦਾਹਰਣ ਹਾਲ ਹੀ ਵਿੱਚ ਇੱਕ ਵੀਡੀਓ ਵਿੱਚ ਦੇਖਣ ਨੂੰ ਮਿਲੀ ਜੋ ਹੁਣ ਸੋਸ਼ਲ ਮੀਡੀਆ ਉੱਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਇਹ ਵੀਡੀਓ ਵੀ ਬਾਰਾਤ ਦੌਰਾਨ ਡਾਂਸ ਦੀ ਹੈ।
ਵੀਡੀਓ ‘ਚ ਤੁਸੀਂ ਦੇਖੋਂਗੇ ਕਿ ਕਈ ਲੋਕ ਪੂਰੇ ਮਜ਼ੇ ਨਾਲ ਡਾਂਸ ਕਰ ਰਹੇ ਹਨ। ਪਟਾਕਿਆਂ ਨਾਲ ਭਰਿਆ ਡੱਬਾ ਜ਼ਮੀਨ ‘ਤੇ ਹੌਲੀ-ਹੌਲੀ ਫਟ ਰਿਹਾ ਹੈ। ਇੱਕ ਨੌਜਵਾਨ ਡਾਂਸ ਕਰਦੇ ਹੋਏ ਪਟਾਕਿਆਂ ਦਾ ਇਹ ਡੱਬਾ ਆਪਣੇ ਸਿਰ ‘ਤੇ ਰੱਖਦਾ ਹੈ। ਉਸ ਦੇ ਨਾਲ ਹੋਰ ਲੋਕ ਵੀ ਨੱਚਦੇ ਨਜ਼ਰ ਆ ਰਹੇ ਹਨ। ਪਰ ਫਿਰ ਅਚਾਨਕ ਡੱਬੇ ਵਿੱਚ ਪਟਾਕੇ ਤੇਜ਼ੀ ਨਾਲ ਫਟਣ ਲੱਗ ਪੈਂਦੇ ਹਨ।
ਵੀਡੀਓ ‘ਚ ਤੁਸੀਂ ਦੇਖੋਂਗੇ ਕਿ ਜਦੋਂ ਤੱਕ ਵਿਅਕਤੀ ਡੱਬੇ ਨੂੰ ਹੇਠਾਂ ਰੱਖਣ ਦੀ ਕੋਸ਼ਿਸ਼ ਕਰਦਾ ਹੈ, ਉਸ ਦੇ ਸਰੀਰ ਦੇ ਆਲੇ-ਦੁਆਲੇ ਪਟਾਕੇ ਚੱਲਣ ਲੱਗ ਪੈਂਦੇ ਹਨ ਅਤੇ ਉੱਥੇ ਮੌਜੂਦ ਲੋਕ ਇਧਰ-ਉਧਰ ਭੱਜਣ ਲੱਗ ਪੈਂਦੇ ਹਨ। ਖੁਦ ਕੈਮਰਾਮੈਨ ਵੀ ਆਪਣੀ ਜਾਨ ਬਚਾਉਣ ਲਈ ਦੌੜਦਾ ਨਜ਼ਰ ਆ ਰਿਹਾ ਹੈ। ਇਹ ਵੀਡੀਓ ਯੂਜ਼ਰਸ ‘ਚ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ।
ऐसे खुराफाती लोग ही बारात की लुटिया डुबोते हैं 😅🤣
दो शब्द बोलो इनके बारे में pic.twitter.com/bnU5v3qZ2J— Kartik Meena (@KARTIKMEENA005) April 12, 2024
ਇਸ ਵੀਡੀਓ ਨੂੰ X ‘ਤੇ @KARTIKMEENA05 ਹੈਂਡਲ ਨਾਲ ਸਾਂਝਾ ਕੀਤਾ ਗਿਆ ਹੈ। ਇਸ ਵੀਡੀਓ ‘ਤੇ ਕਈ ਯੂਜ਼ਰਸ ਨੇ ਕੁਮੈਂਟ ਵੀ ਕੀਤੇ ਹਨ। ਕੁਝ ਯੂਜ਼ਰਸ ਦਾ ਮੰਨਣਾ ਹੈ ਕਿ ਕੋਈ ਅਜਿਹਾ ਮੂਰਖਤਾ ਭਰਿਆ ਕੰਮ ਕਿਵੇਂ ਕਰ ਸਕਦਾ ਹੈ।
