Viral Video: ਵਾਰ-ਵਾਰ ਜਗਾਉਣ ‘ਤੇ ਵੀ ਨਹੀਂ ਉੱਠਿਆ ਬੱਚਾ ਤਾਂ ਮਾਦਾ ਹਾਥੀ ਨੇ Zoo Keepers ਤੋਂ ਮੰਗੀ ਮਦਦ, Cute Video ਵਾਇਰਲ

ਹਾਥੀ ਦਾ Cute Video ਵਾਇਰਲ

ਜਾਨਵਰਾਂ ਦੀ ਸਮਝਦਾਰੀ ਦੇ ਵੀਡੀਓ ਉਂਝ ਤਾਂ ਸੋਸ਼ਲ ਮੀਡੀਆ ਤੇ ਵਾਇਰਲ ਹੁੰਦੇ ਹੀ ਰਹਿੰਦੇ ਹਨ, ਪਰ ਇਸ ਵਾਰ ਜਿਹੜਾ ਵੀਡੀਓ ਵੇਖਣ ਨੂੰ ਮਿਲਿਆ ਹੈ, ਉਹ ਜ਼ਰਾ ਹੱਟ ਕੇ ਹੈ। ਇਸ ਯੂਨੀਕ ਵੀਡੀਓ ਵਿੱਚ ਮਾਂ ਦੀ ਮਮਤਾ ਵੇਖਣ ਨੂੰ ਮਿਲ ਰਹੀ ਹੈ। ਵੀਡੀਓ ਵੇਖ ਕੇ ਸਮਝ ਆਉਂਦਾ ਹੈ ਕਿ ਇਨਸਾਨਾਂ ਵਾਂਗ ਜਾਨਵਰ ਵੀ ਆਪਣੇ ਬੱਚੇ ਨੂੰ ਲੈ ਕੇ ਬਹੁਤ ਹੀ ਸੰਵੇਦਨਸ਼ੀਲ ਹੁੰਦੇ ਹਨ। ਉਹ ਵੀ ਆਪਣੇ ਬੱਚੇ ਨੂੰ ਜ਼ਰਾ ਵੀ ਤਕਲੀਫ ਵਿੱਚ ਨਹੀਂ ਵੇਖਣਾ ਚਾਹੁੰਦੇ ਹਨ। ਸੋਸ਼ਲ ਮੀਡੀਆ ਤੇ ਵਾਇਰਲ ਇਸ ਵੀਡੀਓ ਵਿੱਚ ਚਿੜਿਆਘਰ ਵਿੱਚ ਹਾਥੀ ਦਾ ਇਕ ਬੱਚਾ ਬੜੀ ਹੀ ਗਹਿਰੀ ਨੀਂਦ ਵਿੱਚ ਸੁੱਤਾ ਪਿਆ ਨਜ਼ਰ ਆ ਰਿਹਾ ਹੈ। ਉਹ ਇਨ੍ਹੀ ਡੁੰਘੀ ਨੀਂਦ ਵਿੱਚ ਹੈ ਕਿ ਮਾਂ ਵੱਲੋਂ ਵਾਰ-ਵਾਰ ਉਠਾਉਣ ਤੇ ਵੀ ਉਹ ਨਹੀਂ ਉੱਠਦਾ। ਬੱਚੇ ਦੇ ਨਾ ਜਾਗਣ ਕਰਕੇ ਮਾਂ ਹਥਿਨੀ ਘਬਰਾ ਜਾਂਦੀ ਹੈ ਤੇ ਤੇਜ਼ੀ ਨਾਲ ਜਾ ਕੇ ਜ਼ੂਕੀਪਰਸ ਨੂੰ ਬੁਲਾ ਕੇ ਲਿਆਉਂਦੀ ਹੈ। See more

This baby elephant was in such a deep sleep that his mother called over the zookeepers to make sure he was still alive. pic.twitter.com/ejxPGu8BKa

— Nature is Amazing ☘️ (@AMAZlNGNATURE) February 17, 2025

ਹਥਿਨੀ ਦੇ ਬੁਲਾਉਣ ਤੇ ਚਿੜਿਆਘਰ ਦੇ ਕਰਮਚਾਰੀ ਤੁਰੰਤ ਮੌਕੇ ਤੇ ਪਹੁੰਚਦੇ ਹਨ ਤੇ ਹਾਥੀ ਦੇ ਬੱਚੇ ਨੂੰ ਜੋਰ ਨਾਲ ਝਿੰਜੋੜਦੇ ਹਨ। ਕਾਫੀ ਦੇਰ ਬਾਅਦ ਹਾਥੀ ਦਾ ਬੱਚੀ ਨੀਂਦ ਤੋਂ ਜਾਗਦਾ ਹੈ ਤੇ ਉਠਦਿਆਂ ਹੀ ਆਪਣੀ ਮਾਂ ਦੇ ਹੇਠਾਂ ਜਾ ਕੇ ਲੁੱਕ ਜਾਂਦਾ ਹੈ। ਜਿਸਤੋਂ ਬਾਅਦ ਹਥਿਨੀ ਅਤੇ ਉਸਦਾ ਬੱਚਾ ਕਰਮਚਾਰੀਆਂ ਨਾਲ ਬੜੇ ਆਰਾਮ ਨਾਲ ਉੱਥੇ ਚਲੇ ਜਾਂਦੇ ਹਨ।