ਜਿਸ ਪਹਾੜ ‘ਤੇ ਨਹੀਂ ਚੜ ਪਾ ਰਹੇ ਸੀ ਲੋਕ, ਉਸ ‘ਤੇ ਫਟਾਫਟ ਚੜ ਗਿਆ ਸਾਧੂ, ਵੀਡੀਓ ਦੇਖ ਹੈਰਾਨ ਹੋਏ ਲੋਕ
ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਕਾਫੀ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਇੱਕ ਸਾਧੂ ਬਿਨ੍ਹਾ ਕਿਸੇ ਸਹਾਰੇ ਪਹਾੜ 'ਤੇ ਚੜਦਾ ਨਜ਼ਰ ਆ ਰਿਹਾ ਹੈ। ਉੱਥੇ ਹੀ ਆਮ ਲੋਕੀ ਰੱਸੀਆਂ ਦਾ ਸਹਾਰਾ ਲੈ ਕੇ ਪਹਾੜ ਦੀ ਚੜਾਈ ਕਰ ਰਹੇ ਹਨ।
ਭਾਰਤ ਨੂੰ ਰਿਸ਼ੀ-ਮੁੰਨੀਆ ਦਾ ਦੇਸ਼ ਕਿਹਾ ਜਾਂਦਾ ਹੈ। ਇੱਥੇ ਲੋਕ ਸੰਤਾਂ-ਮਹਾਂਪੁਰਖਾਂ ਦਾ ਬਹੁਤ ਸਤਿਕਾਰ ਕਰਦੇ ਹਨ। ਉਨ੍ਹਾਂ ਨੂੰ ਪੂਜਣਯੋਗ ਸਮਝਦੇ ਹਨ। ਇਹ ਕਿਹਾ ਜਾਂਦਾ ਹੈ ਕਿ ਇਹ ਰਿਸ਼ੀ ਅਤੇ ਸੰਤ ਹਨ ਜੋ ਪਰਮਾਤਮਾ ਅਤੇ ਭਗਤਾਂ ਵਿਚਕਾਰ ਪੁਲ ਦਾ ਕੰਮ ਕਰਦੇ ਹਨ। ਪਰਮਾਤਮਾ ਲਈ ਸਖ਼ਤ ਤਪੱਸਿਆ ਕਰਦੇ ਹਨ। ਦਿਨ ਰਾਤ ਉਨ੍ਹਾਂ ਦੀ ਭਗਤੀ ਵਿਚ ਲੱਗੇ ਰਹਿੰਦੇ ਹਨ। ਅਜਿਹੇ ‘ਚ ਉਹ ਆਮ ਆਦਮੀ ਤੋਂ ਕਾਫੀ ਵੱਖਰੇ ਹੁੰਦੇ ਹਨ। ਹਾਲ ਹੀ ਵਿੱਚ ਇਸਦਾ ਇੱਕ ਉਦਾਹਰਣ ਵਾਇਰਲ ਹੋ ਰਹੀ ਇੱਕ ਵੀਡੀਓ ਵਿੱਚ ਦੇਖਣ ਨੂੰ ਮਿਲੀ। ਜਿੱਥੇ ਲੋਕ ਪਹਾੜ ‘ਤੇ ਚੜ੍ਹਨ ਲਈ ਰੱਸੀ ਦੀ ਵਰਤੋਂ ਕਰ ਰਹੇ ਸਨ ਅਤੇ ਫਿਰ ਵੀ ਉਸ ‘ਤੇ ਚੜ੍ਹਨ ਦੇ ਯੋਗ ਨਹੀਂ ਸਨ। ਉਸੇ ਸਮੇਂ ਉਸ ਕੋਲੋਂ ਲੰਘ ਰਿਹਾ ਇੱਕ ਸੰਤ ਨੰਗੇ ਪੈਰੀਂ ਪਹਾੜ ‘ਤੇ ਚੜ੍ਹ ਗਿਆ। ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ।
ਵਾਇਰਲ ਹੋ ਰਹੀ ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਕੁਝ ਲੋਕ ਪਹਾੜ ‘ਤੇ ਚੜ੍ਹਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਲੋਕ ਅਕਸਰ ਇਸ ਪਹਾੜ ‘ਤੇ ਟ੍ਰੈਕਿੰਗ ਕਰਨ ਲਈ ਆਉਂਦੇ ਹਨ। ਲੋਕ ਰੱਸੀ ਦੀ ਮਦਦ ਨਾਲ ਪਹਾੜ ‘ਤੇ ਚੜ੍ਹਦੇ ਹਨ, ਜਿਸ ਵਿਚ ਉਹ ਮਿਹਨਤ ਕਰਦੇ ਹਨ। ਇਸੇ ਤਰ੍ਹਾਂ ਟ੍ਰੈਕਿੰਗ ਲਈ ਆਏ ਕੁਝ ਲੋਕ ਰੱਸੀ ਦੀ ਮਦਦ ਨਾਲ ਪਹਾੜ ‘ਤੇ ਚੜ੍ਹਨ ਦੀ ਕੋਸ਼ਿਸ਼ ਕਰ ਰਹੇ ਹਨ ਪਰ ਉਹ ਚੜ੍ਹਨ ਦੇ ਸਮਰੱਥ ਨਹੀਂ ਹਨ। ਉਦੋਂ ਉਨ੍ਹਾਂ ਨੂੰ ਇੱਕ ਸਾਧੂ ਦਿੱਸਦਾ ਹੈ ਅਤੇ ਜੋ ਪਹਾੜ ‘ਤੇ ਚੜ੍ਹਨ ਸ਼ੁਰੂ ਕਰਦਾ ਹੈ। ਥੋੜ੍ਹੇ ਸਮੇਂ ਵਿਚ ਹੀ ਉਹ ਸਾਧੂ ਨੰਗੇ ਪੈਰੀਂ ਖੜ੍ਹੀ ਪਹਾੜੀ ‘ਤੇ ਚੜ੍ਹ ਜਾਂਦਾ ਹੈ। ਸਾਧੂ ਨੂੰ ਇਸ ਤਰੀਕੇ ਨਾਲ ਪਹਾੜ ‘ਤੇ ਚੜ੍ਹਦੇ ਦੇਖ ਲੋਕ ਕਾਫੀ ਹੈਰਾਨ ਹਨ।
A monk climbing with bare feet on the cliff that tourists climb on with the help of a rope … pic.twitter.com/8pCyQ1XO0C
— Figen (@TheFigen_) February 11, 2024
ਇਹ ਵੀ ਪੜ੍ਹੋ
ਵੀਡੀਓ ਦੇਖ ਕੇ ਲੋਕਾਂ ਨੇ ਇਸ ਤਰ੍ਹਾਂ ਦੀ ਦਿੱਤੀ ਪ੍ਰਤੀਕਿਰਿਆ
ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ X ‘ਤੇ @TheFigen_ ਨਾਮ ਦੇ ਅਕਾਊਂਟ ਨਾਲ ਸ਼ੇਅਰ ਕੀਤਾ ਗਿਆ ਹੈ। ਜਿਸ ਨੂੰ ਖ਼ਬਰ ਲਿਖੇ ਜਾਣ ਤੱਕ 65 ਮਿਲੀਅਨ ਵਿਊਜ਼ ਅਤੇ 5 ਲੱਖ ਲਾਈਕਸ ਮਿਲ ਚੁੱਕੇ ਹਨ। ਵੀਡੀਓ ‘ਤੇ ਲੋਕਾਂ ਨੇ ਆਪਣੇ-ਆਪਣੇ ਪ੍ਰਤੀਕਰਮ ਵੀ ਦਿੱਤੇ ਹਨ। ਕਈ ਲੋਕਾਂ ਨੇ ਕਿਹਾ ਕਿ ਪਹਾੜਾਂ ‘ਤੇ ਰਹਿਣ ਵਾਲੇ ਲੋਕਾਂ ਨੂੰ ਵੀ ਪਹਾੜਾਂ ‘ਤੇ ਚੜ੍ਹਨ ਦੀ ਆਦਤ ਪੈ ਜਾਂਦੀ ਹੈ। ਇਕ ਯੂਜ਼ਰ ਨੇ ਮਜ਼ਾਕੀਆ ਅੰਦਾਜ਼ ‘ਚ ਲਿਖਿਆ- ਇਹ ਉਦੋਂ ਹੁੰਦਾ ਹੈ ਜਦੋਂ ਤੁਹਾਡੇ ‘ਤੇ ਦੁਨੀਆ ਦਾ ਬੋਝ ਨਹੀਂ ਹੁੰਦਾ। ਇਕ ਹੋਰ ਯੂਜ਼ਰ ਨੇ ਲਿਖਿਆ- ਮੈਂ ਇਸ ਤਰ੍ਹਾਂ ਵੀ ਚੜ੍ਹ ਸਕਦਾ ਹਾਂ, ਦੱਸੋ ਕਿੱਥੇ ਚੜ੍ਹਨਾ ਹੈ।
