Shocking Video: ਜੇਲ੍ਹ ‘ਚ ਕੈਦੀਆਂ ਨੇ ਮਨਾਇਆ ਜਨਮਦਿਨ, ਚੱਲੇ ਚਾਹ ਨਾਲ ਪਕੌੜੇ, ਵੀਡੀਓ ਵਾਇਰਲ
ਵਾਇਰਲ ਹੋਈਆਂ ਤਸਵੀਰਾਂ ਵਿੱਚ ਦਿਖਾਈ ਦੇ ਰਿਹਾ ਹੈ ਕਿ ਕਿਸ ਤਰ੍ਹਾਂ 15-20 ਕੈਦੀ ਇਕੱਠੇ ਹੋਕੇ ਪਾਰਟੀ ਕਰ ਰਹੇ ਹਨ ਅਤੇ ਚਾਹ ਨਾਲ ਪਕੌੜੇ ਵੀ ਖਾ ਰਹੇ ਹਨ, ਇਸ ਜਸ਼ਨ ਦੇ ਮਾਹੌਲ ਵਿਚਾਲੇ ਇੱਕ ਕੈਦੀ ਵੱਲੋਂ ਆਪਣੇ ਫੋਨ ਰਾਹੀਂ ਵੀਡੀਓ ਬਣਾਈ ਜਾਂਦੀ ਹੈ ਅਤੇ ਉਸ ਤੋਂ ਬਾਅਦ ਇਸ ਵੀਡੀਓ ਨੂੰ ਸ਼ੋਸਲ ਮੀਡੀਆ ਉੱਪਰ ਸ਼ੇਅਰ ਕਰ ਦਿੱਤਾ ਜਾਂਦਾ ਹੈ ।
ਪੰਜਾਬ ਦੀਆਂ ਜੇਲ੍ਹਾਂ ਅਕਸਰ ਹੀ ਕਿਸੇ ਨਾ ਕਿਸੇ ਵਿਵਾਦ ਨੂੰ ਲੈਕੇ ਸੁਰਖੀਆਂ ਵਿੱਚ ਰਹਿੰਦੀਆਂ ਹਨ। ਹੁਣ ਤਾਜ਼ਾ ਘਟਨਾ ਲੁਧਿਆਣਾ (Ludhiana) ਦੀ ਕੇਂਦਰੀ ਜੇਲ੍ਹ ਤੋਂ ਸਾਹਮਣੇ ਆਈ ਹੈ ਜਿੱਥੇ ਕੈਦੀਆਂ ਵੱਲੋਂ ਭੰਗੜੇ ਪਾਏ ਜਾ ਰਹੇ ਹਨ ਅਤੇ ਨਾਲ ਹੀ ਕੈਦੀ ਗੀਤਾਂ ਤੇ ਨੱਚ ਰਹੇ ਹਨ। ਜਿਸ ਦੀ ਵੀਡੀਓ ਹੁਣ ਸ਼ੋਸਲ ਮੀਡੀਆ ਤੇ ਕਾਫ਼ੀ ਵਾਇਰਲ ਹੋ ਰਹੀ ਹੈ।
ਵਾਇਰਲ ਹੋਈਆਂ ਤਸਵੀਰਾਂ ਵਿੱਚ ਦਿਖਾਈ ਦੇ ਰਿਹਾ ਹੈ ਕਿ ਕਿਸ ਤਰ੍ਹਾਂ 15-20 ਕੈਦੀ ਇਕੱਠੇ ਹੋਕੇ ਪਾਰਟੀ ਕਰ ਰਹੇ ਹਨ ਅਤੇ ਚਾਹ ਨਾਲ ਪਕੌੜੇ ਵੀ ਖਾ ਰਹੇ ਹਨ, ਇਸ ਜਸ਼ਨ ਦੇ ਮਾਹੌਲ ਵਿਚਾਲੇ ਇੱਕ ਕੈਦੀ ਵੱਲੋਂ ਆਪਣੇ ਫੋਨ ਰਾਹੀਂ ਵੀਡੀਓ ਬਣਾਈ ਜਾਂਦੀ ਹੈ ਅਤੇ ਉਸ ਤੋਂ ਬਾਅਦ ਇਸ ਵੀਡੀਓ (Video) ਨੂੰ ਸ਼ੋਸਲ ਮੀਡੀਆ ਉੱਪਰ ਸ਼ੇਅਰ ਕਰ ਦਿੱਤਾ ਜਾਂਦਾ ਹੈ ।
ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਇਹ ਵੀਡੀਓ ਕਰੀਬ 2 ਹਫ਼ਤੇ ਪੁਰਾਣੀ ਦੱਸੀ ਜਾ ਰਹੀ ਹੈ ਜਿੱਥੇ ਕਤਲ ਦੇ ਮਾਮਲੇ ਚ ਬੰਦ ਕੈਦੀ ਮਨੀ ਰਾਣਾ ਦਾ ਜਨਮ ਦਿਨ ਮਨਾਇਆ ਗਿਆ ਸੀ, ਮਨੀ ਰਾਣਾ ਦਾ ਸਬੰਧ ਹਿਮਾਚਲ ਪ੍ਰਦੇਸ਼ ਦੇ ਊਨਾ ਜ਼ਿਲ੍ਹੇ ਨਾਲ ਦੱਸਿਆ ਜਾ ਰਿਹਾ ਹੈ। ਇਸ ਜਨਮ ਦਿਨ ਨੂੰ ਮਨਾਉਣ ਲਈ ਕੈਦੀਆਂ ਵੱਲੋਂ ਆਪਣੀ ਬੈਰਕ ਦੇ ਬਾਹਰ ਹੀ ਭੱਠੀ ਤਿਆਰ ਕੀਤੀ ਗਈ ਸੀ ਤੇ ਇਸੇ ਭੱਠੀ ਉੱਪਰ ਕੈਦੀਆਂ ਨੇ ਚਾਹ ਤੇ ਪਕੌੜੇ ਤਿਆਰ ਕੀਤੇ ਗਏ ਸਨ ਜਿਨ੍ਹਾਂ ਨੂੰ ਜਨਮ ਦਿਨ ਵੇਲੇ ਬਾਕੀ ਕੈਦੀਆਂ ਨੂੰ ਪਰੋਸਿਆ ਗਿਆ।
A video surfaced online said to be of Ludhiana Central jail . Inmates are doing the party in the Jai & in the background playing singer Karan Aujla song. pic.twitter.com/fh86x41Lqa
— Akashdeep Thind (@thind_akashdeep) January 4, 2024
ਇਸ ਵੀਡੀਓ ਦੇ ਵਾਇਰਲ ਹੋਣ ਤੋਂ ਬਾਅਦ ਜੇਲ੍ਹ (Jail) ਪ੍ਰਸ਼ਾਸਨ ਸਵਾਲਾਂ ਦੇ ਘੇਰੇ ਵਿੱਚ ਨਜ਼ਰ ਆ ਰਿਹਾ ਹੈ, ਸ਼ਾਇਦ ਇਹੀ ਕਾਰਨ ਹੈ ਕਿ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਪ੍ਰਸ਼ਾਸਨ ਵੱਲੋਂ ਹਰਕਤ ਵਿੱਚ ਆਉਂਦਿਆਂ ਜੇਲ੍ਹ ਦੀ ਬੈਰਕ ਅੰਦਰ ਤਲਾਸ਼ੀ ਅਭਿਆਨ ਚਲਾਇਆ ਗਿਆ, ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਤਲਾਸ਼ੀ ਮੁਹਿੰਮ ਦੌਰਾਨ ਕੈਦੀਆਂ ਨੇ ਮੋਬਾਇਲ ਨੂੰ ਜ਼ਮੀਨ ਤੇ ਮਾਰ ਮਾਰ ਕੇ ਭੰਨ ਦਿੱਤਾ। ਜਿਸ ਤੋਂ ਬਾਅਦ ਥਾਣਾ ਡਿਵੀਜ਼ਨ ਨੰਬਰ 7 ਦੀ ਪੁਲਿਸ ਵੱਲੋਂ ਮੁਲਜ਼ਮਾਂ ਦੇ ਖਿਲਾਫ਼ ਮਾਮਲਾ ਦਰਜ਼ ਕਰ ਲਿਆ ਗਿਆ।
ਇਹ ਵੀ ਪੜ੍ਹੋ
