Viral Video: ਝਾਰਖੰਡ ਦੇ ਰਿਕਸ਼ਾ ਚਾਲਕ ਦੀ ਦਰਦ ਭਰੀ ਕਹਾਣੀ ਨੇ ਲੋਕਾਂ ਨੂੰ ਕੀਤਾ ਭਾਵੁਕ, ਪਸੀਨੇ ਨਾਲ ਭਿੱਜੀ ਕਮੀਜ਼ ਤੇ ਜ਼ਖ਼ਮੀ ਹੱਥਾਂ ਨੇ ਬਿਆਨ ਕੀਤਾ ਜ਼ਿੰਦਗੀ ਦਾ ਸੱਚ
Viral Video: ਝਾਰਖੰਡ ਦੇ ਇੱਕ ਟ੍ਰੈਫਿਕ ਸਿਗਨਲ ਦਾ ਇੱਕ ਭਾਵੁਕ ਵੀਡੀਓ ਸੋਸ਼ਲ ਮੀਡੀਆ ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਵੀਡੀਓ ਵਿੱਚ ਇੱਕ ਰਿਕਸ਼ਾ ਚਾਲਕ ਦੇ ਪਸੀਨੇ ਨਾਲ ਭਿੱਜੇ ਕੱਪੜੇ ਅਤੇ ਮਿਹਨਤ ਨਾਲ ਜਖ਼ਮੀ ਹੋਏ ਹੱਥਾਂ ਨੇ ਲੋਕਾਂ ਨੂੰ ਅੰਦਰ ਤੱਕ ਝੰਜੋੜ ਦਿੱਤਾ। ਇਹ ਦ੍ਰਿਸ਼ ਉਹਨਾਂ ਲੱਖਾਂ ਆਦਮੀਆਂ ਦੀ ਸੰਘਰਸ਼ ਕਹਾਣੀ ਦੱਸਦਾ ਹੈ, ਜੋ ਆਪਣੇ ਪਰਿਵਾਰ ਦੀ ਖੁਸ਼ੀ ਲਈ ਆਪਣੀਆਂ ਤਕਲੀਫਾਂ ਚੁੱਪਚਾਪ ਸਹਿੰਦੇ ਰਹਿੰਦੇ ਹਨ।
ਘਰ ਦੀ ਦੇਖਭਾਲ ਕਰਦਾ ਆਦਮੀ
ਝਾਰਖੰਡ ਦੇ ਇੱਕ ਟ੍ਰੈਫਿਕ ਸਿਗਨਲ ਤੋਂ ਸਾਹਮਣੇ ਆਇਆ ਇੱਕ ਛੋਟਾ ਜਿਹਾ ਵੀਡੀਓ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ਤੇ ਲੋਕਾਂ ਦੀਆਂ ਭਾਵਨਾਵਾਂ ਨੂੰ ਗਹਿਰਾਈ ਨਾਲ ਛੂਹ ਰਿਹਾ ਹੈ। ਵੀਡੀਓ ਕੁਝ ਹੀ ਸੈਕਿੰਡ ਦਾ ਹੈ, ਪਰ ਉਸ ਵਿੱਚ ਲੁਕੀ ਕਹਾਣੀ ਹਜ਼ਾਰਾਂ ਸ਼ਬਦਾਂ ਤੋਂ ਵੀ ਵੱਧ ਪ੍ਰਭਾਵਸ਼ਾਲੀ ਹੈ।। ਇਹ ਸਿਰਫ਼ ਇੱਕ ਰਿਕਸ਼ਾ ਚਾਲਕ ਦੀ ਤਸਵੀਰ ਨਹੀਂ, ਬਲਕਿ ਉਹਨਾਂ ਅਣਗਿਣਤ ਆਦਮੀਆਂ ਦੀ ਜ਼ਿੰਦਗੀ ਦਾ ਆਇਨਾ ਹੈ, ਜੋ ਹਰ ਰੋਜ਼ ਆਪਣੇ ਪਰਿਵਾਰ ਦੀ ਖੁਸ਼ੀ ਲਈ ਚੁੱਪਚਾਪ ਸੰਘਰਸ਼ ਕਰਦੇ ਹਨ।
ਦੱਸਿਆ ਜਾ ਰਿਹਾ ਹੈ ਕਿ ਇਹ ਦ੍ਰਿਸ਼ ਝਾਰਖੰਡ ਦੇ ਕਿਸੇ ਵਿਅਸਤ ਚੌਰਾਹੇ ਦਾ ਹੈ। ਸੜਕ ਤੇ ਟ੍ਰੈਫਿਕ ਰੁਕਿਆ ਹੋਇਆ ਹੈ ਅਤੇ ਲੋਕ ਆਪਣੇ-ਆਪਣੇ ਕੰਮਾਂ ਵਿੱਚ ਲੱਗੇ ਹੋਏ ਹਨ। ਫਿਰ ਇੱਕ ਬਾਈਕ ਸਵਾਰ ਦੀ ਨਜ਼ਰ ਇੱਕ ਰਿਕਸ਼ਾ ਚਾਲਕ ਤੇ ਪੈਂਦੀ ਹੈ। ਉਸ ਨੇ ਕੈਮਰਾ ਉਸ ਵਿਅਕਤੀ ਵੱਲ ਘੁਮਾਇਆ ਅਤੇ ਜੋ ਦਿਖਾਈ ਦਿੱਤਾ, ਉਸ ਨੇ ਇੰਟਰਨੈੱਟ ਤੇ ਲੋਕਾਂ ਨੂੰ ਸੋਚਣ ਤੇ ਮਜਬੂਰ ਕਰ ਦਿੱਤਾ।
ਜ਼ਿੰਦਗੀ ਆਸਾਨ ਨਹੀਂ ਹੁੰਦੀ
ਰਿਕਸ਼ਾ ਖਿੱਚਣ ਵਾਲੇ ਉਸ ਵਿਅਕਤੀ ਦੀ ਕਮੀਜ਼ ਪੂਰੀ ਤਰ੍ਹਾਂ ਪਸੀਨੇ ਨਾਲ ਭਿੱਜੀ ਹੋਈ ਸੀ। ਤਿੱਖੀ ਧੁੱਪ ਅਤੇ ਗਰਮੀ ਦੇ ਵਿਚਕਾਰ ਉਹ ਆਪਣੀ ਰੋਜ਼ੀ-ਰੋਟੀ ਕਮਾਉਣ ਵਿੱਚ ਜੁਟਿਆ ਹੋਇਆ ਸੀ। ਪਰ ਵੀਡੀਓ ਦਾ ਸਭ ਤੋਂ ਭਾਵੁਕ ਪਲ ਤਦ ਆਇਆ, ਜਦੋਂ ਕੈਮਰਾ ਉਸਦੇ ਹੱਥਾਂ ਵੱਲ ਗਿਆ। ਉਸਦੇ ਹੱਥਾਂ ਵਿੱਚ ਮੋਟੀ ਰੱਸੀ ਸੀ, ਜਿਸਨੂੰ ਫੜ ਕੇ ਉਹ ਰਿਕਸ਼ਾ ਖਿੱਚ ਰਿਹਾ ਸੀ। ਲਗਾਤਾਰ ਮਿਹਨਤ ਅਤੇ ਸੰਘਰਸ਼ ਨੇ ਉਸ ਦੀਆਂ ਹਥੇਲੀਆਂ ਤੇ ਵੱਡੇ-ਵੱਡੇ ਛਾਲੇ ਅਤੇ ਡੂੰਘੇ ਜ਼ਖ਼ਮ ਬਣਾ ਦਿੱਤੇ ਸਨ। ਉਹਨਾਂ ਹੱਥਾਂ ਨੂੰ ਦੇਖ ਕੇ ਸਾਫ਼ ਸਮਝਿਆ ਜਾ ਸਕਦਾ ਸੀ ਕਿ ਉਹ ਇਨਸਾਨ ਕਿੰਨੀ ਮੁਸ਼ਕਲ ਜ਼ਿੰਦਗੀ ਜੀ ਰਿਹਾ ਹੈ।
ਸੋਸ਼ਲ ਮੀਡੀਆ ਤੇ ਇਹ ਵੀਡੀਓ ਸਾਂਝਾ ਕਰਦੇ ਹੋਏ ਪੋਸਟ ਵਿੱਚ ਲਿਖਿਆ ਗਿਆ ਕਿ ਕੁਝ ਮਰਦ ਇਸ ਲਈ ਚੁੱਪ ਰਹਿੰਦੇ ਹਨ ਕਿਉਂਕਿ ਉਨ੍ਹਾਂ ਦੀ ਜ਼ਿੰਦਗੀ ਆਸਾਨ ਨਹੀਂ ਹੁੰਦੀ, ਸਗੋਂ ਇਸ ਲਈ ਕਿਉਂਕਿ ਉਨ੍ਹਾਂ ਦੇ ਪਰਿਵਾਰ ਦੀਆਂ ਉਮੀਦਾਂ ਉਨ੍ਹਾਂ ਦੇ ਮੋਢਿਆਂ ਤੇ ਟਿਕੀਆਂ ਹੁੰਦੀਆਂ ਹਨ। ਉਹ ਆਪਣੇ ਦਰਦ ਨੂੰ ਜਾਹਿਰ ਨਹੀਂ ਕਰਦੇ। ਚਾਹੇ ਤਿੱਖੀ ਧੁੱਪ ਹੋਵੇ, ਥਕਾਵਟ ਹੋਵੇ ਜਾਂ ਸਰੀਰ ਤੇ ਪਏ ਜ਼ਖ਼ਮ, ਉਹ ਹਰ ਹਾਲਤ ਵਿੱਚ ਕੰਮ ਕਰਦੇ ਰਹਿੰਦੇ ਹਨ ਤਾਂ ਜੋ ਉਨ੍ਹਾਂ ਦੇ ਆਪਣੇ ਲੋਕ ਆਰਾਮ ਨਾਲ ਜ਼ਿੰਦਗੀ ਜੀ ਸਕਣ।
ਪੋਸਟ ਵਿੱਚ ਅੱਗੇ ਇਹ ਵੀ ਕਿਹਾ ਗਿਆ ਕਿ ਅਜਿਹੇ ਮਿਹਨਤੀ ਲੋਕਾਂ ਦਾ ਸਤਿਕਾਰ ਕੀਤਾ ਜਾਣਾ ਚਾਹੀਦਾ ਹੈ, ਜੋ ਆਪਣੇ ਪਰਿਵਾਰ ਲਈ ਆਪਣੇ ਸੁਪਨੇ, ਆਰਾਮ ਅਤੇ ਇੱਥੋਂ ਤੱਕ ਕਿ ਆਪਣੀ ਸਿਹਤ ਦੀ ਵੀ ਪਰਵਾਹ ਨਹੀਂ ਕਰਦੇ। ਅਸਲੀ ਹੀਰੋ ਹਮੇਸ਼ਾ ਵੱਡੇ ਕੱਪੜਿਆਂ ਜਾਂ ਉੱਚੇ ਅਹੁਦਿਆਂ ਵਿੱਚ ਨਜ਼ਰ ਨਹੀਂ ਆਉਂਦੇ। ਕਈ ਵਾਰ ਉਹ ਸੜਕਾਂ ਤੇ ਪਸੀਨਾ ਵਹਾਉਂਦੇ ਹੋਏ, ਜ਼ਖ਼ਮੀ ਹੱਥਾਂ ਨਾਲ ਰਿਕਸ਼ਾ ਖਿੱਚਦੇ ਦਿਖਾਈ ਦਿੰਦੇ ਹਨ।
ਇਹ ਵੀ ਪੜ੍ਹੋ
ਇਸ ਵੀਡੀਓ ਨੇ ਲੋਕਾਂ ਨੂੰ ਸਿਰਫ਼ ਭਾਵੁਕ ਹੀ ਨਹੀਂ ਕੀਤਾ, ਸਗੋਂ ਸਮਾਜ ਵਿੱਚ ਮਰਦਾਂ ਦੀਆਂ ਜ਼ਿੰਮੇਵਾਰੀਆਂ ਅਤੇ ਮਾਨਸਿਕ ਦਬਾਅ ਨੂੰ ਲੈ ਕੇ ਇੱਕ ਨਵੀਂ ਚਰਚਾ ਵੀ ਸ਼ੁਰੂ ਕਰ ਦਿੱਤੀ। ਇਹ ਕਹਾਣੀ ਸਿਰਫ਼ ਇੱਕ ਰਿਕਸ਼ਾ ਚਾਲਕ ਦੀ ਨਹੀਂ ਹੈ। ਇਹ ਹਰ ਉਸ ਇਨਸਾਨ ਦੀ ਕਹਾਣੀ ਹੈ ਜੋ ਆਪਣੇ ਪਰਿਵਾਰ ਲਈ ਦਿਨ-ਰਾਤ ਮਿਹਨਤ ਕਰਦਾ ਹੈ, ਆਪਣੀਆਂ ਖ਼ਾਹਿਸ਼ਾਂ ਨੂੰ ਪਿੱਛੇ ਛੱਡ ਦਿੰਦਾ ਹੈ ਅਤੇ ਫਿਰ ਵੀ ਚਿਹਰੇ ਤੇ ਮੁਸਕਾਨ ਬਣਾਈ ਰੱਖਦਾ ਹੈ। ਅਜਿਹੇ ਲੋਕ ਸ਼ਾਇਦ ਕਦੇ ਆਪਣੇ ਆਪ ਨੂੰ ਹੀਰੋ ਨਹੀਂ ਮੰਨਦੇ, ਪਰ ਸੱਚ ਇਹੀ ਹੈ ਕਿ ਸਮਾਜ ਦੀ ਅਸਲੀ ਤਾਕਤ ਉਹੀ ਲੋਕ ਹਨ, ਜੋ ਬਿਨਾਂ ਕਿਸੇ ਸ਼ੋਰ ਦੇ ਆਪਣੀਆਂ ਜ਼ਿੰਮੇਵਾਰੀਆਂ ਨਿਭਾਉਂਦੇ ਰਹਿੰਦੇ ਹਨ।