Viral Video: ਦਿੱਲੀ ‘ਚ ਗਲਤੀ ਨਾਲ ਵੀ ਨਾ ਕਰਨਾ ਇਹ ਕੰਮ’, ਸਿੰਗਾਪੁਰ ਦੀ ਕੁੜੀ ਵੱਲੋਂ ਦਿੱਤੀਆਂ ਹਦਾਇਤਾਂ ਦਾ ਵੀਡੀਓ ਵਾਇਰਲ
Viral Video: ਸਿੰਗਾਪੁਰ ਦੀ ਮਹਿਲਾ ਸੈਲਾਨੀ ਨੇ ਇਸ ਵੀਡੀਓ ਰਾਹੀਂ ਦੂਜੇ ਸੈਲਾਨੀਆਂ ਨੂੰ ਚੇਤਾਵਨੀ ਦੇਣ ਦੀ ਕੋਸ਼ਿਸ਼ ਕੀਤੀ ਹੈ, ਤਾਂ ਜੋ ਉਹ ਦਿੱਲੀ ਆਉਣ ਸਮੇਂ ਸਾਵਧਾਨ ਰਹਿਣ ਅਤੇ ਕੁਝ ਖਾਸ ਗੱਲਾਂ ਦਾ ਧਿਆਨ ਰੱਖਣ। ਮਹਿਲਾ ਨੇ ਆਪਣਾ ਤਜਰਬਾ ਸਾਂਝਾ ਕਰਦੇ ਹੋਏ ਕਿਹਾ ਕਿ ਉਸ ਨੂੰ ਦਿੱਲੀ ਵਿਚ ਕੁਝ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ, ਜਿਸ ਕਾਰਨ ਉਸ ਦਾ ਸਫਰ ਪੂਰੀ ਤਰ੍ਹਾਂ ਸੁਖਾਵਾਂ ਨਹੀਂ ਰਿਹਾ।
ਸਿੰਗਾਪੁਰ ਦੇ ਟ੍ਰੈਵਲ ਵਲੌਗਰ ਸਿਲ ਨੇ ਇੰਸਟਾਗ੍ਰਾਮ ਹੈਂਡਲ @travelswithsyl ਦੇ ਨਾਲ, ਦਿੱਲੀ ਆਉਣ ਵਾਲੇ ਵਿਦੇਸ਼ੀ ਸੈਲਾਨੀਆਂ ਨੂੰ ਸ਼ਹਿਰ ਵਿੱਚ ਧੋਖਾਧੜੀ ਤੋਂ ਬਚਣ ਲਈ ਤਿੰਨ ਸਲਾਹਾਂ ਦਿੱਤੀਆਂ ਹਨ।
ਸਿਲ ਨੇ ਅੱਧੀ ਰਾਤ ਨੂੰ ਟੈਕਸੀ ਨਾ ਲੈਣ ਲਈ ਕਿਹਾ। ਉਸਨੇ ਦੱਸਿਆ ਕਿ ਕਿਵੇਂ ਉਹ ਅਤੇ ਉਸਦੀ ਦੋਸਤ ਦੇਰ ਰਾਤ ਏਅਰਪੋਰਟ ਪਹੁੰਚੇ ਅਤੇ ਉਬੇਰ ਕੈਬ ਬੁੱਕ ਕਰਨ ਵਿੱਚ ਅਸਫਲ ਰਹਿਣ ਤੋਂ ਬਾਅਦ ਇੱਕ ਪ੍ਰੀਪੇਡ ਟੈਕਸੀ ਲਈ। ਬਦਕਿਸਮਤੀ ਨਾਲ, ਉਨ੍ਹਾਂ ਦੀਆਂ ਮੁਸ਼ਕਲਾਂ ਉਦੋਂ ਸ਼ੁਰੂ ਹੋਈ ਜਦੋਂ ਡਰਾਈਵਰ ਨੇ ਯਾਤਰਾ ਦੇ ਅੰਤ ਵਿੱਚ ਉਨ੍ਹਾਂ ਤੋਂ 200 ਰੁਪਏ ਵੱਧ ਮੰਗੇ ਅਤੇ ਉਨ੍ਹਾਂ ਨੂੰ ਗਲਤ ਸਥਾਨ ‘ਤੇ ਛੱਡ ਦਿੱਤਾ।
‘Contact ਨੰਬਰ ਸ਼ੇਅਰ ਕਰਨ ਤੋਂ ਬਚੋ’
ਉਨ੍ਹਾਂ ਅੱਗੇ ਕਿਹਾ, ਦੂਜਾ, ਕਿਸੇ ਵੀ ਰਿਕਸ਼ਾ ਚਾਲਕ ਨੂੰ ਆਪਣਾ ਸੰਪਰਕ ਨੰਬਰ ਨਾ ਦਿਓ। ਵੀਡੀਓ ‘ਚ ਔਰਤ ਨੂੰ ਰਿਕਸ਼ਾ ਚਾਲਕ ਤੋਂ ਮਿਲੇ ਲਗਾਤਾਰ ਵਾਇਸ ਮੈਸੇਜ ਦਿਖਾਉਂਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਔਰਤ ਨੇ ਦੱਸਿਆ ਕਿ ਜਾਮਾ ਮਸਜਿਦ ਜਾਂਦੇ ਸਮੇਂ ਇੱਕ ਰਿਕਸ਼ਾ ਚਾਲਕ ਨੇ ਉਨ੍ਹਾਂ ਨਾਲ ਠੱਗੀ ਕੀਤੀ। ਸਿੰਗਾਪੁਰ ਟੂਰਿਸਟ ਦੇ ਅਨੁਸਾਰ, ਉਸ ਨੇ ਸੋਚਿਆ ਕਿ ਕਿਰਾਇਆ ਲਗਭਗ 1,000 ਰੁਪਏ ਹੋਵੇਗਾ, ਜੋ ਕਿ ਉਬੇਰ ਦੀ ਸਵਾਰੀ ਤੋਂ ਦੁੱਗਣਾ ਹੈ, ਪਰ ਰਿਕਸ਼ਾ ਚਾਲਕ ਨੇ ਉਸ ਤੋਂ 6,000 ਰੁਪਏ ਲਏ।
View this post on Instagram
ਇਹ ਵੀ ਪੜ੍ਹੋ
ਆਪਣੇ ਕੋਲ ਕਾਫ਼ੀ ਨਕਦੀ ਰੱਖੋ, ਕਿਉਂਕਿ
ਤੀਜੀ ਸਲਾਹ ਦੇ ਤੌਰ ‘ਤੇ, ਔਰਤ ਨੇ ਕਿਹਾ ਕਿ ਭਾਰਤ ਵਰਗੇ ਦੇਸ਼ਾਂ ਵਿੱਚ, ਨਕਦ ਭੁਗਤਾਨ ਵਧੇਰੇ ਪ੍ਰਚਲਿਤ ਹੈ, ਖਾਸ ਕਰਕੇ ਛੋਟੀਆਂ ਦੁਕਾਨਾਂ ਅਤੇ ਸੜਕਾਂ ਦੇ ਵਿਕਰੇਤਾਵਾਂ ਵਿੱਚ। ਇਸ ਲਈ, ਇੱਥੇ ਸਿਰਫ਼ ਇੱਕ ਕ੍ਰੈਡਿਟ ਕਾਰਡ ਨਾਲ ਨਾ ਘੁੰਮੋ।
ਇਹ ਵੀ ਪੜ੍ਹੋ- Typhoon Yagi ਦਾ ਕਹਿਰ! ਦੇਖਦਿਆਂ ਦੇਖਦਿਆਂ ਢਹਿ ਗਿਆ ਪੁੱਲ, ਟਰੱਕ ਵੀ ਵਹਿ ਗਏ
ਮਹਿਲਾ ਸੈਲਾਨੀ ਨੇ ਇਸ ਵੀਡੀਓ ਰਾਹੀਂ ਹੋਰ ਸੈਲਾਨੀਆਂ ਨੂੰ ਚੇਤਾਵਨੀ ਦੇਣ ਦੀ ਕੋਸ਼ਿਸ਼ ਕੀਤੀ ਹੈ, ਤਾਂ ਜੋ ਉਹ ਦਿੱਲੀ ਆਉਣ ਸਮੇਂ ਸਾਵਧਾਨ ਰਹਿਣ ਅਤੇ ਕੁਝ ਖਾਸ ਗੱਲਾਂ ਦਾ ਧਿਆਨ ਰੱਖਣ। ਅਜਿਹੇ ਵੀਡੀਓ ਕਈ ਵਾਰ ਸੈਲਾਨੀਆਂ ਦੁਆਰਾ ਆਪਣੇ ਤਜ਼ਰਬੇ ਸਾਂਝੇ ਕਰਨ ਲਈ ਬਣਾਏ ਜਾਂਦੇ ਹਨ, ਤਾਂ ਜੋ ਦੂਜਿਆਂ ਨੂੰ ਉਨ੍ਹਾਂ ਚੁਣੌਤੀਆਂ ਤੋਂ ਬਚਾਇਆ ਜਾ ਸਕੇ ਜਿਨ੍ਹਾਂ ਵਿੱਚੋਂ ਉਹ ਖੁਦ ਲੰਘੇ ਹਨ।
