Shocking Video: ਗੁੱਸੇ ‘ਚ ਭਰੀ ਗਾਂ ਨੇ ਬੱਚੀ ਨੂੰ ਸਿੰਗਾਂ ਨਾਲ ਚੁੱਕ-ਚੁੱਕ ਕੇ ਸੁੱਟਿਆ, ਜ਼ਮੀਨ ‘ਤੇ ਘੜੀਸਿਆ ਤੇ ਪੈਰਾਂ ਨਾਲ ਲਤਾੜਿਆ, ਵੀਡੀਓ ਦੇਖ ਕੇ ਕੰਬ ਜਾਵੇਗੀ ਰੂਹ
Viral Video: ਤੁਸੀਂ ਬਹੁਤ ਸਾਰੀਆਂ ਗਊਆਂ ਨੂੰ ਸੜਕਾਂ ‘ਤੇ ਖੁੱਲ੍ਹੇਆਮ ਘੁੰਮਦੇ ਦੇਖਿਆ ਹੋਵੇਗਾ। ਅਜਿਹੇ ਕਈ ਵੀਡੀਓਜ਼ ਵੀ ਵਾਇਰਲ ਹੋਏ ਹਨ, ਜਿਨ੍ਹਾਂ ‘ਚ ਗਊਆਂ ਵਲੋਂ ਸੜਕਾਂ ‘ਤੇ ਪੈਦਲ ਜਾ ਰਹੇ ਲੋਕਾਂ ‘ਤੇ ਹਮਲਾ ਕੀਤਾ ਗਿਆ ਹੈ। ਇਕ ਵਾਰ ਫਿਰ ਅਜਿਹਾ ਵੀਡੀਓ ਸਾਹਮਣੇ ਆ ਰਿਹਾ ਹੈ, ਜਿਸਨੂੰ ਵੇਖ ਕੇ ਨਾ ਸਿਰਫ਼ ਲੂ-ਕੰਡੇ ਖੜੇ ਹੋ ਰਹੇ ਹਨ, ਸਗੋਂ […]
Viral Video: ਤੁਸੀਂ ਬਹੁਤ ਸਾਰੀਆਂ ਗਊਆਂ ਨੂੰ ਸੜਕਾਂ ‘ਤੇ ਖੁੱਲ੍ਹੇਆਮ ਘੁੰਮਦੇ ਦੇਖਿਆ ਹੋਵੇਗਾ। ਅਜਿਹੇ ਕਈ ਵੀਡੀਓਜ਼ ਵੀ ਵਾਇਰਲ ਹੋਏ ਹਨ, ਜਿਨ੍ਹਾਂ ‘ਚ ਗਊਆਂ ਵਲੋਂ ਸੜਕਾਂ ‘ਤੇ ਪੈਦਲ ਜਾ ਰਹੇ ਲੋਕਾਂ ‘ਤੇ ਹਮਲਾ ਕੀਤਾ ਗਿਆ ਹੈ। ਇਕ ਵਾਰ ਫਿਰ ਅਜਿਹਾ ਵੀਡੀਓ ਸਾਹਮਣੇ ਆ ਰਿਹਾ ਹੈ, ਜਿਸਨੂੰ ਵੇਖ ਕੇ ਨਾ ਸਿਰਫ਼ ਲੂ-ਕੰਡੇ ਖੜੇ ਹੋ ਰਹੇ ਹਨ, ਸਗੋਂ ਰੂਹ ਤੱਕ ਵੀ ਕੰਬ ਰਹੀ ਹੈ।
ਵੀਡੀਓ ਚ ਗਾਂ ਬਹੁਤ ਹੀ ਗੁੱਸੇ ਵਿੱਚ ਨਜ਼ਰ ਆ ਰਹੀ ਹੈ। ਉਹ ਆਪਣੇ ਵਛੇ ਨਾਲ ਸੜਕ ਤੇ ਘੁੰਮ ਰਹੀ ਹੈ। ਅਚਾਨਕ ਉਹ ਸਾਹਮਣੇ ਤੋਂ ਸਕੂਲ ਤੋਂ ਆ ਰਹੀ ਇਕ ਛੋਟੀ ਬੱਚੀ ‘ਤੇ ਹਮਲਾ ਕਰ ਦਿੰਦੀ ਹੈ। ਇਸ ਗਾਂ ਨੇ ਬੱਚੀ ‘ਤੇ ਬਹੁਤ ਹੀ ਬੇਰਹਿਮੀ ਨਾਲ ਹਮਲਾ ਕੀਤਾ, ਜਿਸ ਨੂੰ ਦੇਖ ਕੇ ਤੁਸੀਂ ਵੀ ਡਰ ਜਾਵੋਗੇ। ਕਾਫੀ ਕੋਸ਼ਿਸ਼ਾਂ ਤੋਂ ਬਾਅਦ ਉਸ ਲੜਕੀ ਨੂੰ ਗਾਂ ਦੇ ਚੁੰਗਲ ਤੋਂ ਛੁਡਾਇਆ ਗਿਆ। ਇਹ ਸਾਰੀ ਵੀਡੀਓ ਉੱਥੇ ਲੱਗੇ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ, ਜੋ ਹੁਣ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ।
ਅਕਸਰ ਤੁਸੀਂ ਦੋ ਗਾਵਾਂ ਨੂੰ ਸੜਕਾਂ ‘ਤੇ ਲੜਦੇ ਦੇਖਿਆ ਹੋਵੇਗਾ। ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਇਕ ਔਰਤ ਛੋਟੇ ਬੱਚੇ ਦਾ ਹੱਥ ਫੜ ਕੇ ਚੱਲ ਰਹੀ ਹੈ। ਇਸ ਦੇ ਨਾਲ ਹੀ ਇਕ ਛੋਟੀ ਬੱਚੀ ਉਸ ਦੇ ਅੱਗੇ ਜਾ ਰਹੀ ਹੈ, ਜਿਸ ‘ਤੇ ਗਾਂ ਨੇ ਹਮਲਾ ਕਰ ਦਿੰਦੀ ਹੈ। ਦਰਅਸਲ ਸੜਕ ‘ਤੇ ਖੜ੍ਹੀ ਇਹ ਗਾਂ ਆਪਣੇ ਸਿੰਗਾਂ ਨਾਲ ਬੱਚੀ ਨੂੰ ਚੁੱਕ ਕੇ ਦੂਰ ਸੁੱਟ ਦਿੰਦੀ ਹੈ। ਇਸ ਤੋਂ ਬਾਅਦ ਉਹ ਉਸ ਕੁੜੀ ਨੂੰ ਪੈਰਾਂ ਨਾਲ ਕੁਚਲਣ ਲੱਗ ਜਾਂਦੀ ਹੈ। ਵੀਡੀਓ ‘ਚ ਗਾਂ ਖਤਰਨਾਕ ਤਰੀਕੇ ਨਾਲ ਬੱਚੀ ਨੂੰ ਆਪਣੀਆਂ ਅਗਲੀਆਂ ਅਤੇ ਪਿਛਲੀਆਂ ਲੱਤਾਂ ਨਾਲ ਕੁਚਲਦੀ ਨਜ਼ਰ ਆ ਰਹੀ ਹੈ। ਇਸ ਦੌਰਾਨ ਉੱਥੇ ਇੱਕ ਹੋਰ ਗਾਂ ਖੜ੍ਹੀ ਹੁੰਦੀ ਹੈ, ਉਹ ਵੀ ਉਸ ਬੱਚੀ ‘ਤੇ ਹਮਲਾ ਕਰਦੀ ਹੈ।
ਗਾਂ ਨੇ ਛੋਟੀ ਬੱਚੀ ਨੂੰ ਲਤਾੜਿਆ Video
View this post on Instagram
ਸਿੰਗਾਂ ਤੇ ਚੁੱਕ ਕੇ ਸੁੱਟਿਆ
ਗਾਂ ਬੱਚੀ ‘ਤੇ ਬਹੁਤ ਬੁਰੀ ਤਰ੍ਹਾਂ ਹਮਲਾ ਕਰਦੀ ਰਹਿੰਦੀ ਹੈ, ਕਦੇ ਆਪਣੇ ਸਿੰਗਾਂ ਨਾਲ ਅਤੇ ਕਦੇ ਪੈਰਾਂ ਨਾਲ। ਇਸ ਦੌਰਾਨ ਉਥੇ ਕੁਝ ਲੋਕ ਇਕੱਠੇ ਹੋ ਜਾਂਦੇ ਹਨ, ਪਰ ਕਿਸੇ ਦੀ ਹਿੰਮਤ ਨਹੀਂ ਪਈ ਕਿ ਉਹ ਗਾਂ ਦੇ ਨੇੜੇ ਜਾ ਕੇ ਬੱਚੀ ਨੂੰ ਛੁੜਾ ਲੈ ਕੇ ਆਵੇ। ਇਸ ਦੌਰਾਨ ਲੋਕ ਗਾਂ ‘ਤੇ ਇੱਟਾਂ-ਪੱਥਰ ਸੁੱਟਦੇ ਹਨ ਤਾਂ ਕਿ ਗਾਂ ਉਥੋਂ ਚਲੀ ਜਾਵੇ ਪਰ ਇਸ ਦਾ ਵੀ ਗਾਂ ‘ਤੇ ਕੋਈ ਅਸਰ ਨਹੀਂ ਹੁੰਦਾ।
ਇਹ ਵੀ ਪੜ੍ਹੋ
ਗਾਂ ਲਗਾਤਾਰ ਆਪਣੇ ਸਿੰਗ ਨਾਲ ਬੱਚੀ ਨੂੰ ਘੜੀਸਣ ਲੱਗਦੀ ਹੈ ਅਤੇ ਆਪਣੇ ਸਿਰ ਨਾਲ ਬੱਚੀ ਨੂੰ ਕੁਚਲਣ ਦੀ ਕੋਸ਼ਿਸ਼ ਕਰਦੀ ਹੈ। ਇਸੇ ਦੌਰਾਨ ਕੁਝ ਲੋਕ ਹਿੰਮਤ ਦਿਖਾਉਂਦੇ ਹੋਏ ਗਾਂ ਦੇ ਨੇੜੇ ਆ ਜਾਂਦੇ ਹਨ ਅਤੇ ਨੇੜਿਓਂ ਪੱਥਰ ਸੁੱਟਣੇ ਸ਼ੁਰੂ ਕਰ ਦਿੰਦੇ ਹਨ। ਜਿਸ ਤੋਂ ਬਾਅਦ ਗਾਂ ਬੱਚੀ ਨੂੰ ਛੱਡ ਕੇ ਉੱਥੋਂ ਜਾਣ ਲੱਗਦੀ ਹੈ।
ਉਦੋਂ ਹੀ ਇੱਕ ਵਿਅਕਤੀ ਉੱਥੇ ਜ਼ਮੀਨ ‘ਤੇ ਪਈ ਲੜਕੀ ਨੂੰ ਚੁੱਕਣ ਦੀ ਕੋਸ਼ਿਸ਼ ਕਰਦਾ ਹੈ ਅਤੇ ਗਾਂ ਫਿਰ ਆ ਕੇ ਆਪਣੇ ਸਿੰਗਾਂ ਅਤੇ ਪੈਰਾਂ ਨਾਲ ਲੜਕੀ ਨੂੰ ਲਤਾੜਣ ਲੱਗ ਜਾਂਦੀ ਹੈ। ਇਸੇ ਦੌਰਾਨ ਇਕ ਵਿਅਕਤੀ ਬਹਾਦਰੀ ਦਿਖਾਉਂਦੇ ਹੋਏ ਗਾਂ ਨੂੰ ਡੰਡੇ ਨਾਲ ਮਾਰ ਕੇ ਉਥੋਂ ਭਜਾਉਂਦਾ ਹੈ। ਹਾਲਾਂਕਿ ਚੰਗੀ ਗੱਲ ਇਹ ਹੈ ਕਿ ਲੜਕੀ ਨੂੰ ਜ਼ਿਆਦਾ ਨੁਕਸਾਨ ਨਹੀਂ ਹੋਇਆ। ਉਹ ਆਪ ਹੀ ਖੜ੍ਹੀ ਹੋ ਗਈ।
ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼, ਮਨੋਰੰਜਨ ਦੀ ਖਬਰ, ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼, ਪਾਕਿਸਤਾਨ ਦਾ ਹਰ ਅਪਡੇਟ, ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ
