Viral Video: “ਕੀ ਜ਼ਮਾਨਾ ਆ ਗਿਆ ਹੈ ਭਾਈ”, ਰੋਬੋਟ ਨਾਲ ਨੱਚਦੀ ਕੁੜੀ ਨੂੰ ਦੇਖ ਦੰਗ ਰਹਿ ਗਏ ਲੋਕ

Viral Video: "ਕੀ ਜ਼ਮਾਨਾ ਆ ਗਿਆ ਹੈ ਭਾਈ" ਰੋਬੋਟ ਨਾਲ ਨੱਚਦੀ ਕੁੜੀ ਨੂੰ ਦੇਖ ਕੇ ਦੰਗ ਰਹਿ ਗਏ ਲੋਕ

ਅੱਜ ਵਿਗਿਆਨ ਅਜਿਹੇ ਪੱਧਰ ‘ਤੇ ਪਹੁੰਚ ਗਿਆ ਹੈ ਜਿੱਥੇ ਕੁਝ ਵੀ ਅਸੰਭਵ ਨਹੀਂ ਹੈ। ਹੁਣ ਮਨੁੱਖਾਂ ਦੀ ਥਾਂ ਮਸ਼ੀਨਾਂ ਨੇ ਲੈ ਲਈ ਹੈ। ਇਨਸਾਨ ਆਪਣਾ ਕੰਮ ਆਸਾਨ ਬਣਾਉਣ ਲਈ ਰੋਬੋਟ ਦੀ ਮਦਦ ਲੈ ਰਹੇ ਹਨ। ਹੁਣ ਰੋਬੋਟ ਇੰਨੇ ਸਮਾਰਟ ਹੋ ਗਏ ਹਨ ਕਿ ਉਨ੍ਹਾਂ ਨੇ ਇਨਸਾਨਾਂ ਵਾਂਗ ਪ੍ਰਤੀਕਿਰਿਆ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਰੋਬੋਟ ਵਿੱਚ ਸਰੀਰਕ ਗਤੀਵਿਧੀਆਂ ਤੋਂ ਲੈ ਕੇ ਮਨੁੱਖੀ ਭਾਵਨਾਵਾਂ ਤੱਕ ਸਭ ਕੁਝ ਦੇਖਿਆ ਜਾ ਸਕਦਾ ਹੈ। ਇਸ ਗੱਲ ਨੂੰ ਸਾਬਤ ਕਰਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਜਿਸ ‘ਚ ਇਕ ਲੜਕੀ ਰੋਬੋਟ ਨਾਲ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ।

ਵਾਇਰਲ ਹੋ ਰਿਹਾ ਵੀਡੀਓ ਕਿਸੇ ਪ੍ਰਦਰਸ਼ਨੀ ਦਾ ਲੱਗਦਾ ਹੈ। ਜਿੱਥੇ ਇੱਕ ਰੋਬੋਟ ਅਤੇ ਇੱਕ ਕੁੜੀ ਇਕੱਠੇ ਡਾਂਸ ਕਰਦੇ ਦੇਖੇ ਜਾ ਸਕਦੇ ਹਨ। ਇਹ ਡਾਂਸ਼ ਦੇਖਣ ਲਈ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ। ਤੁਸੀਂ ਦੇਖ ਸਕਦੇ ਹੋ ਕਿ ਰੋਬੋਟ ਪੂਰੀ ਭਾਵਨਾ ਨਾਲ ਲੜਕੀ ਦਾ ਹੱਥ ਫੜ ਕੇ ਨੱਚ ਰਿਹਾ ਹੈ। ਉਹ ਲੜਕੀ ਨਾਲ ਵੱਖ-ਵੱਖ ਡਾਂਸ ਸਟੈਪ ਵੀ ਦਿਖਾ ਰਿਹਾ ਹੈ। ਜਿਵੇਂ ਕੋਈ ਪ੍ਰੋਫੈਸ਼ਨਲ ਡਾਂਸਰ ਕੁੜੀ ਨਾਲ ਨੱਚ ਰਿਹਾ ਹੋਵੇ। ਇਸ ਵੀਡੀਓ ਨੂੰ ਦੇਖ ਕੇ ਲੋਕ ਹੈਰਾਨ ਹਨ ਕਿਉਂਕਿ ਇਸ ਰੋਬੋਟ ਨੇ ਇਨਸਾਨਾਂ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ।

ਵੀਡੀਓ ਨੂੰ ਇੰਸਟਾਗ੍ਰਾਮ ‘ਤੇ @netflixnmovies ਨਾਮ ਦੇ ਅਕਾਊਂਟ ਨਾਲ ਸ਼ੇਅਰ ਕੀਤਾ ਗਿਆ ਹੈ। ਵੀਡੀਓ ‘ਤੇ ਲੋਕ ਤਰ੍ਹਾਂ-ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦਿੰਦੇ ਨਜ਼ਰ ਆ ਰਹੇ ਹਨ। ਮਜ਼ਾਕੀਆ ਟਿੱਪਣੀ ਕਰਦੇ ਹੋਏ ਇੱਕ ਯੂਜ਼ਰ ਨੇ ਲਿਖਿਆ- ਇੱਕ ਔਰਤ ਰੋਬੋਟ ਨੂੰ ਵੀ ਨਚਾ ਸਕਦੀ ਹੈ। ਇਕ ਹੋਰ ਨੇ ਲਿਖਿਆ ਕਿ ਉਹ ਮੇਰੇ ਪਤੀ ਵਾਂਗ ਹੀ ਡਾਂਸ ਕਰ ਰਿਹਾ ਹੈ। ਇਸੇ ਤਰ੍ਹਾਂ ਕਈ ਹੋਰ ਯੂਜ਼ਰਸ ਨੇ ਵੀ ਇਸ ਵੀਡੀਓ ‘ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।