Shocking News: 6 ਸਾਲ ਦੇ ਬੱਚੇ ਨੂੰ ਜ਼ਬਰਦਸਤੀ ਖੁਆਈ ਉਲਟੀ, ਸਕੂਲ ‘ਚ ਮਹਿਲਾ ਟੀਚਰ ਦਾ ਇਹ ਕਿਹੋ ਜਿਹਾ ਸਲੂਕ
China Teacher Punishment: ਜਨਮ ਦਿਨ ਵਾਲੇ ਦਿਨ ਉਸ ਦੇ ਮਾਪਿਆਂ ਨੇ ਆਪਣੇ ਛੇ ਸਾਲ ਦੇ ਬੇਟੇ ਨੂੰ ਨਵੇਂ ਕੱਪੜੇ ਪਾ ਕੇ ਸਕੂਲ ਭੇਜਿਆ। ਪਰ ਉਨ੍ਹਾਂ ਨੂੰ ਇਹ ਨਹੀਂ ਪਤਾ ਸੀ ਕਿ ਸਕੂਲ ਵਿਚ ਉਸ ਦੇ ਪੁੱਤਰ ਨਾਲ ਕੀ ਹੋਣ ਵਾਲਾ ਹੈ। ਇੱਕ ਮਹਿਲਾ ਅਧਿਆਪਕ ਨੇ ਜੋ ਵੀ ਕੀਤਾ, ਉਹ ਮਾੜੇ ਤੋਂ ਵੀ ਮਾੜਾ ਹੈ। ਪੁਲਿਸ ਦੇ ਦਖਲ ਤੋਂ ਬਾਅਦ ਦੋਸ਼ੀ ਅਧਿਆਪਕ ਨੂੰ ਸਕੂਲ 'ਚੋਂ ਕੱਢ ਦਿੱਤਾ ਗਿਆ ਹੈ।
ਸਕੂਲਾਂ ਵਿੱਚ ਅਨੁਸ਼ਾਸਨ ਅਤੇ ਪੜ੍ਹਾਈ ਪ੍ਰਤੀ ਸਖ਼ਤੀ ਜ਼ਰੂਰੀ ਹੈ, ਪਰ ਇਸ ਦਾ ਇਹ ਮਤਲਬ ਨਹੀਂ ਹੈ ਕਿ ਅਧਿਆਪਕ ਬੱਚਿਆਂ ਨਾਲ ਜਾਨਵਰਾਂ ਵਰਗਾ ਵਿਹਾਰ ਕਰਨ ਲੱਗ ਜਾਣ। ਚੀਨ ਤੋਂ ਇਕ ਅਜਿਹੀ ਘਟਨਾ ਸਾਹਮਣੇ ਆਈ ਹੈ, ਜਿਸ ਨੂੰ ਜਾਣ ਕੇ ਲੋਕ ਗੁੱਸੇ ‘ਚ ਹਨ। ਇੱਥੇ ਇੱਕ ਮਹਿਲਾ ਅਧਿਆਪਕ ਨੇ 6 ਸਾਲ ਦੇ ਮਾਸੂਮ ਬੱਚੇ ਦੇ ਮੂੰਹ ਵਿੱਚ ਜ਼ਬਰਦਸਤੀ ਭੋਜਨ ਪਾ ਦਿੱਤਾ। ਜਦੋਂ ਬੱਚੇ ਨੇ ਉਲਟੀ ਕੀਤੀ ਤਾਂ ਉਸ ਨੂੰ ਵੀ ਖਾਣ ਲਈ ਮਜਬੂਰ ਕੀਤਾ। ਪੁਲਿਸ ਵੱਲੋਂ ਮਾਮਲੇ ਵਿੱਚ ਦਖਲ ਦੇਣ ਤੋਂ ਬਾਅਦ ਸਕੂਲ ਪ੍ਰਸ਼ਾਸਨ ਹਰਕਤ ਵਿੱਚ ਆਇਆ ਅਤੇ ਦੋਸ਼ੀ ਮਹਿਲਾ ਅਧਿਆਪਕ ਨੂੰ ਨੌਕਰੀ ਤੋਂ ਬਰਖਾਸਤ ਕਰ ਦਿੱਤਾ ਗਿਆ।
ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਮੁਤਾਬਕ ਇਹ ਘਟਨਾ 15 ਸਤੰਬਰ ਨੂੰ ਲਿਆਓਨਿੰਗ ਸੂਬੇ ਦੇ ਮੇਲੁਵਾਨ ਕਿੰਡਰਗਾਰਟਨ ਵਿੱਚ ਵਾਪਰੀ। ਬੱਚੇ ਦੇ ਮਾਪਿਆਂ ਦਾ ਦੋਸ਼ ਹੈ ਕਿ ਉਸ ਦਿਨ ਉਨ੍ਹਾਂ ਦੇ ਪੁੱਤਰ ਦਾ ਜਨਮ ਦਿਨ ਸੀ। ਅਧਿਆਪਕ ਨੇ ਉਸਦੇ ਮੂੰਹ ਵਿੱਚ ਇੰਨਾ ਜ਼ਿਆਦਾ ਭੋਜਨ ਠੂਸ ਦਿੱਤਾ ਕਿ ਉਸ ਨੂੰ ਉਲਟੀ ਆ ਗਈ। ਇਸ ‘ਤੇ ਅਧਿਆਪਕ ਗੁੱਸੇ ‘ਚ ਆ ਗਈਅਤੇ ਉਸ ਨੇ ਸਜ਼ਾ ਦੇ ਤੌਰ ‘ਤੇ ਉਨ੍ਹਾਂ ਦੇ ਬੇਟੇ ਨੂੰ ਉਸਦੀ ਹੀ ਉਲਟੀ ਖਾਣ ਲਈ ਮਜਬੂਰ ਕਰ ਦਿੱਤਾ।
ਇਸ ਤਰ੍ਹਾਂ ਸਾਹਮਣੇ ਆਈ ਅਧਿਆਪਕ ਦੀ ਕਰਤੂਤ
ਮਾਤਾ-ਪਿਤਾ ਨੂੰ ਆਪਣੇ ਬੇਟੇ ਨਾਲ ਹੋਈ ਇਸ ਬਦਸਲੂਕੀ ਦਾ ਉਦੋਂ ਪਤਾ ਲੱਗਾ ਜਦੋਂ ਉਹ ਸਕੂਲ ਤੋਂ ਮੈਲੇ ਕੱਪੜੇ ਪਾ ਕੇ ਘਰ ਪਰਤਿਆ। ਉਨ੍ਹਾਂ ਨੇ ਕਿਹਾ, ਅਸੀਂ ਉਸ ਨੂੰ ਨਵੇਂ ਕੱਪੜੇ ਪਹਿਨਾਏ ਸਨ, ਪਰ ਜਦੋਂ ਉਹ ਘਰ ਆਇਆ ਤਾਂ ਕੱਪੜੇ ਮੈਲੇ ਸਨ। ਇਸ ਤੋਂ ਬਾਅਦ ਬੱਚੇ ਨੇ ਆਪਣੀ ਦਾਦੀ ਨੂੰ ਦੱਸਿਆ ਕਿ ਕਿਵੇਂ ਅਧਿਆਪਕ ਨੇ ਉਸ ਨੂੰ ਉਲਟੀ ਖਾਣ ਲਈ ਮਜਬੂਰ ਕੀਤਾ।
ਸੀਸੀਟੀਵੀ ਫੁਟੇਜ ਦਿਖਾਉਣ ਤੋਂ ਕੀਤਾ ਇਨਕਾਰ
ਰਿਪੋਰਟ ਮੁਤਾਬਕ ਮਾਪਿਆਂ ਨੇ ਸਕੂਲ ਨੂੰ ਸੀਸੀਟੀਵੀ ਫੁਟੇਜ ਦਿਖਾਉਣ ਲਈ ਕਿਹਾ ਪਰ ਉਨ੍ਹਾਂ ਸਾਫ਼ ਇਨਕਾਰ ਕਰ ਦਿੱਤਾ। ਹਾਲਾਂਕਿ ਪੁਲਿਸ ਦੇ ਦਖਲ ਤੋਂ ਬਾਅਦ ਸਕੂਲ ਪ੍ਰਸ਼ਾਸਨ ਨੂੰ ਝੁਕਣਾ ਪਿਆ। ਜਾਂਚ ਤੋਂ ਬਾਅਦ ਸਕੂਲ ਨੇ ਆਪਣੇ ਅਧਿਕਾਰਤ ਵੀਚੈਟ ਅਕਾਊਂਟ ‘ਤੇ ਘਟਨਾ ਦੀ ਪੁਸ਼ਟੀ ਕੀਤੀ ਅਤੇ ਕਿਹਾ ਕਿ ਦੋਸ਼ੀ ਅਧਿਆਪਕ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਹੈ।
ਸੂਈਆਂ ਚੁਭਾ ਕੇ ਦਿੱਤੀ ਸਜ਼ਾ
ਇਸ ਤੋਂ ਪਹਿਲਾਂ 2017 ਵਿੱਚ ਬੀਜਿੰਗ ਪੁਲਿਸ ਨੂੰ ਇੱਕ ਅਧਿਆਪਕ ਬਾਰੇ ਸ਼ਿਕਾਇਤ ਮਿਲੀ ਸੀ ਜੋ ਵਿਦਿਆਰਥੀਆਂ ਨੂੰ ਸੂਈਆਂ ਨਾਲ ਚੁਭੋ ਕੇ ਸਜ਼ਾ ਦਿੰਦਾ ਸੀ। ਦੋਸ਼ੀ ਸਾਬਤ ਹੋਣ ਤੋਂ ਬਾਅਦ ਲਿਊ ਨਾਂ ਦੇ ਇਸ ਅਧਿਆਪਕ ਨੂੰ 18 ਮਹੀਨੇ ਦੀ ਕੈਦ ਹੋਈ। ਨਾਲ ਹੀ, ਉਸ ‘ਤੇ ਅਗਲੇ ਪੰਜ ਸਾਲਾਂ ਲਈ ਪਾਬੰਦੀ ਲਗਾ ਦਿੱਤੀ ਗਈ ਸੀ।
ਇਹ ਵੀ ਪੜ੍ਹੋ
