ਟਰੱਕ ਡਰਾਈਵਰ ਹੈ ਸੋਸ਼ਲ ਮੀਡੀਆ ਸਟਾਰ, ਆਨੰਦ ਮਹਿੰਦਰਾ ਵੀ ਹੋਏ ਫੈਨ, ਸ਼ੇਅਰ ਕੀਤੀ ਵੀਡੀਓ
Viral Video: ਦੇਸ਼ ਦੇ ਸਭ ਤੋਂ ਵੱਡੇ ਕਾਰੋਬਾਰੀਆਂ 'ਚੋਂ ਇਕ ਆਨੰਦ ਮਹਿੰਦਰਾ ਨੇ ਟਵਿੱਟਰ 'ਤੇ ਇਕ ਟਰੱਕ ਡਰਾਈਵਰ ਦੀ ਵੀਡੀਓ ਸ਼ੇਅਰ ਕੀਤੀ ਹੈ ਅਤੇ ਇਸ ਨੂੰ 'ਸੋਮਵਾਰ ਮੋਟੀਵੇਸ਼ਨ' ਕਿਹਾ ਹੈ। ਇਹ ਟਰੱਕ ਡਰਾਈਵਰ ਸੋਸ਼ਲ ਮੀਡੀਆ 'ਤੇ ਸਟਾਰ ਹੈ। ਟਰੱਕ ਚਲਾਉਣ ਦੇ ਨਾਲ-ਨਾਲ ਉਹ ਫੂਡ ਅਤੇ ਟਰੈਵਲ ਵੀਲੌਗਿੰਗ ਵੀ ਬਣਾਉਂਦਾ ਹੈ ਅਤੇ ਇਸ ਤੋਂ ਲੱਖਾਂ ਰੁਪਏ ਕਮਾ ਲੈਂਦਾ ਹੈ।
ਜੇਕਰ ਤੁਹਾਡੇ ਅੰਦਰ ਹਿੰਮਤ ਅਤੇ ਜਨੂੰਨ ਹੈ ਤਾਂ ਤੁਸੀਂ ਕੁਝ ਵੀ ਕਰ ਸਕਦੇ ਹੋ। ਕੋਈ ਵੀ ਰੁਕਾਵਟ ਤੁਹਾਨੂੰ ਅੱਗੇ ਵਧਣ ਤੋਂ ਨਹੀਂ ਰੋਕ ਸਕਦੀ। ਵੈਸੇ ਤਾਂ ਕਿਹਾ ਜਾਂਦਾ ਹੈ ਕਿ ਇਨਸਾਨ ਨੂੰ ਸਮੇਂ ਦੇ ਨਾਲ ਚੱਲਣਾ ਚਾਹੀਦਾ ਹੈ, ਕਿਉਂਕਿ ਜੇਕਰ ਤੁਸੀਂ ਅਜਿਹਾ ਨਹੀਂ ਕਰੋਗੇ ਤਾਂ ਤੁਸੀਂ ਪਿੱਛੇ ਰਹਿ ਜਾਓਗੇ। ਜਿਵੇਂ ਅੱਜ ਦਾ ਯੁੱਗ ਟੈਕਨਾਲੋਜੀ ਅਤੇ ਸੋਸ਼ਲ ਮੀਡੀਆ ਦਾ ਯੁੱਗ ਹੈ, ਇਸ ਲਈ ਇਨ੍ਹਾਂ ਨੂੰ ਅਪਣਾਉਣ ਵਾਲੇ ਲੋਕ ਬਹੁਤ ਤਰੱਕੀ ਕਰ ਰਹੇ ਹਨ ਅਤੇ ਬਹੁਤ ਸਾਰਾ ਪੈਸਾ ਵੀ ਕਮਾ ਰਹੇ ਹਨ। ਇਸ ਸਮੇਂ ਇੱਕ ਅਜਿਹਾ ਸਖਸ ਸੁਰਖੀਆਂ ਵਿੱਚ ਹੈ, ਜੋ ਕਿ ਟਰੱਕ ਡਰਾਈਵਰ ਹੈ ਪਰ ਉਸ ਨੇ ਟੈਕਨਾਲੋਜੀ ਅਤੇ ਸੋਸ਼ਲ ਮੀਡੀਆ ਦੀ ਇਸ ਤਰ੍ਹਾਂ ਵਰਤੋਂ ਕੀਤੀ ਹੈ ਕਿ ਹੁਣ ਦੇਸ਼ ਵਿੱਚ ਹੀ ਨਹੀਂ ਸਗੋਂ ਵਿਦੇਸ਼ਾਂ ਵਿੱਚ ਵੀ ਲੋਕ ਉਸ ਨੂੰ ਜਾਣਨ ਲੱਗ ਪਏ ਹਨ।
ਇਸ ਟਰੱਕ ਡਰਾਈਵਰ ਦਾ ਨਾਂ ਰਾਜੇਸ਼ ਰਵਾਨੀ ਹੈ ਪਰ ਲੋਕ ਉਸ ਨੂੰ ‘ਰਾਜੇਸ਼ ਟਰੱਕ ਡਰਾਈਵਰ’ ਦੇ ਨਾਂ ਨਾਲ ਵੀ ਜਾਣਦੇ ਹਨ। ਰਾਜੇਸ਼ ਟਰੱਕ ਡਰਾਈਵਰ ਤੋਂ ਸੋਸ਼ਲ ਮੀਡੀਆ ਸਟਾਰ ਬਣ ਗਿਆ ਹੈ ਪਰ ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਸੋਸ਼ਲ ਮੀਡੀਆ ਤੋਂ ਲੱਖਾਂ ਰੁਪਏ ਕਮਾਉਣ ਦੇ ਬਾਵਜੂਦ ਉਹਨੇ ਟਰੱਕ ਚਲਾਉਣਾ ਬੰਦ ਨਹੀਂ ਕੀਤਾ। ਕਾਰੋਬਾਰੀ ਆਨੰਦ ਮਹਿੰਦਰਾ ਵੀ ਇਸ ਟਰੱਕ ਡਰਾਈਵਰ ਦੇ ਫੈਨ ਹੋ ਗਏ ਹਨ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ ਸ਼ੇਅਰ ਕੀਤਾ ਹੈ, ਜਿਸ ‘ਚ ਤੁਸੀਂ ਰਾਜੇਸ਼ ਟਰੱਕ ਡਰਾਈਵਰ ਨੂੰ ਟਰੱਕ ਦੇ ਅੰਦਰ ਖਾਣਾ ਬਣਾਉਂਦੇ ਅਤੇ ਖਾਂਦੇ ਦੇਖ ਸਕਦੇ ਹੋ।
ਦੇਖੋ ਵਾਇਰਲ ਵੀਡੀਓ
Rajesh Rawani, whos been a truck driver for over 25 years, added food & travel vlogging to his profession and & is now a celebrity with 1.5M followers on YouTube.
He just bought a new home with his earnings.
Hes demonstrated that no matter your age or how modest your pic.twitter.com/5ccfwjYOff
ਇਹ ਵੀ ਪੜ੍ਹੋ
— anand mahindra (@anandmahindra) April 8, 2024
ਆਨੰਦ ਮਹਿੰਦਰਾ ਨੇ ਇਸ ਟਰੱਕ ਡਰਾਈਵਰ ਨੂੰ ਆਪਣਾ ‘ਸੋਮਵਾਰ ਮੋਟੀਵੇਸ਼ਨ’ ਦੱਸਿਆ ਹੈ। ਵੀਡੀਓ ਪੋਸਟ ਕਰਦੇ ਹੋਏ, ਉਸਨੇ ਕੈਪਸ਼ਨ ਵਿੱਚ ਲਿਖਿਆ, ‘ਰਾਜੇਸ਼ ਰਵਾਨੀ, ਜੋ ਕਿ 25 ਸਾਲਾਂ ਤੋਂ ਵੱਧ ਸਮੇਂ ਤੋਂ ਟਰੱਕ ਡਰਾਈਵਰ ਹੈ। ਉਸਨੇ ਭੋਜਨ ਅਤੇ ਯਾਤਰਾ ਵੀਲੌਗਿੰਗ ਨੂੰ ਆਪਣੇ ਪੇਸ਼ੇ ਵਿੱਚ ਸ਼ਾਮਲ ਕੀਤਾ ਅਤੇ ਹੁਣ ਯੂਟਿਊਬ ‘ਤੇ 1.5 ਮਿਲੀਅਨ ਫਾਲੋਅਰਜ਼ ਦੇ ਨਾਲ ਇੱਕ ਮਸ਼ਹੂਰ ਹਸਤੀ ਹੈ। ਉਸ ਨੇ ਆਪਣੀ ਕਮਾਈ ਨਾਲ ਨਵਾਂ ਘਰ ਖਰੀਦਿਆ ਹੈ। ਉਸ ਨੇ ਸਾਬਤ ਕਰ ਦਿੱਤਾ ਹੈ ਕਿ ਤੁਹਾਡੀ ਉਮਰ ਭਾਵੇਂ ਕਿੰਨੀ ਵੀ ਹੋਵੇ ਜਾਂ ਤੁਹਾਡਾ ਕਿੱਤਾ ਕਿੰਨਾ ਵੀ ਨਿਮਰ ਕਿਉਂ ਨਾ ਹੋਵੇ, ਨਵੀਂ ਤਕਨੀਕ ਨੂੰ ਅਪਣਾਉਣ ਅਤੇ ਆਪਣੇ ਆਪ ਨੂੰ ਨਵਾਂ ਰੂਪ ਦੇਣ ਵਿੱਚ ਕਦੇ ਵੀ ਦੇਰ ਨਹੀਂ ਹੁੰਦੀ।
ਕਰੀਬ ਇੱਕ ਮਿੰਟ ਦੇ ਇਸ ਵੀਡੀਓ ਨੂੰ ਹੁਣ ਤੱਕ 10 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦਕਿ ਹਜ਼ਾਰਾਂ ਲੋਕ ਇਸ ਵੀਡੀਓ ਨੂੰ ਪਸੰਦ ਕਰ ਚੁੱਕੇ ਹਨ ਅਤੇ ਕਈ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਵੀ ਦੇ ਚੁੱਕੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ‘ਰਾਜੇਸ਼ ਅਕਸਰ ਸਾਡੀਆਂ ਲੌਜਿਸਟਿਕ ਜ਼ਰੂਰਤਾਂ ਲਈ ਸਾਡੀ ਰਾਂਚੀ ਅਤੇ ਰਾਏਪੁਰ ਦੀ ਫੈਕਟਰੀ ‘ਚ ਆਉਂਦੇ ਹਨ, ਉਹ ਬਹੁਤ ਹੀ ਸਧਾਰਨ ਅਤੇ ਸੱਜਣ ਹਨ’, ਉਥੇ ਹੀ ਕੁਝ ਯੂਜ਼ਰਸ ਆਨੰਦ ਮਹਿੰਦਰਾ ਨੂੰ ਇਹ ਵੀ ਬੇਨਤੀ ਕਰ ਰਹੇ ਹਨ ਕਿ ‘ਸਰ, ਇਕ ਥਾਰ ਵੀ ਗਿਫਟ ਕਰੋ।’
