OMG! ਕੈਨੇਡਾ ਦੀ 70 ਸਾਲ ਦੀ ਦਾਦੀ ਦੇ ਪਿਆਰ ‘ਚ ਪਗਲਾਇਆ 35 ਸਾਲ ਦਾ ਪਾਕਿਸਤਾਨੀ ਲੜਕਾ, ਕਰਵਾ ਲਿਆ ਵਿਆਹ
OMG! ਪਾਕਿਸਤਾਨ ਦੇ 35 ਸਾਲਾ ਨਈਮ ਨੂੰ ਕੈਨੇਡਾ ਦੀ ਰਹਿਣ ਵਾਲੀ 70 ਸਾਲਾ ਮੈਰੀ ਨਾਲ ਪਿਆਰ ਹੋ ਗਿਆ। ਇਸ ਤੋਂ ਬਾਅਦ ਦੋਹਾਂ ਨੇ ਵਿਆਹ ਵੀ ਕਰ ਲਿਆ। ਹੁਣ ਇਸ ਅਨੋਖੀ ਲਵ ਸਟੋਰੀ ਦੀ ਸੋਸ਼ਲ ਮੀਡੀਆ ਰਾਹੀਂ ਪੂਰੀ ਦੁਨੀਆ 'ਚ ਚਰਚਾ ਹੋ ਰਹੀ ਹੈ।
ਕਹਿੰਦੇ ਹਨ ਕਿ ਪਿਆਰ ਕਰਨ ਦੀ ਕੋਈ ਉਮਰ ਨਹੀਂ ਹੁੰਦੀ। ਕਦੋਂ ਅਤੇ ਕਿਸ ਨਾਲ ਅੱਖਾਂ ਚਾਰ ਹੋ ਜਾਣ, ਇਸ ਬਾਰੇ ਕੁਝ ਨਹੀਂ ਕਿਹਾ ਜਾ ਸਕਦਾ। ਅਜਿਹਾ ਹੀ ਕੁਝ ਇਕ 35 ਸਾਲਾ ਪਾਕਿਸਤਾਨੀ ਲੜਕੇ ਨਾਲ ਹੋਇਆ, ਜਿਸ ਨੂੰ 70 ਸਾਲਾ ਕੈਨੇਡੀਅਨ ਔਰਤ ਨਾਲ ਇੰਨਾ ਡੂੰਘਾ ਪਿਆਰ ਹੋ ਗਿਆ ਕਿ ਦੋਵਾਂ ਨੇ ਵਿਆਹ ਕਰਵਾ ਲਿਆ। ਹੁਣ ਇਸ ਅਨੋਖੀ ਲਵ ਸਟੋਰੀ ਦੀ ਸੋਸ਼ਲ ਮੀਡੀਆ ਰਾਹੀਂ ਪੂਰੀ ਦੁਨੀਆ ‘ਚ ਚਰਚਾ ਹੋ ਰਹੀ ਹੈ। ਇਸ ਨੂੰ ਲੈ ਕੇ ਨੇਟੀਜ਼ਨ ਕਈ ਤਰ੍ਹਾਂ ਦੀਆਂ ਗੱਲਾਂ ਵੀ ਕਰ ਰਹੇ ਹਨ।
ਡੇਲੀ ਪਾਕਿਸਤਾਨ ਮੁਤਾਬਕ ਨੌਜਵਾਨ ਦਾ ਨਾਂ ਨਈਮ ਸ਼ਹਿਜ਼ਾਦ ਹੈ। ਉਮਰ ਦੇ ਫਰਕ ਕਾਰਨ ਲੋਕ ਨਾ ਸਿਰਫ ਉਸ ਨੂੰ ਤਾਅਨੇ ਮਾਰ ਰਹੇ ਹਨ, ਸਗੋਂ ਇਹ ਵੀ ਦੋਸ਼ ਲਗਾ ਰਹੇ ਹਨ ਕਿ ਨਈਮ ਨੇ ਸਿਰਫ ਪੈਸਿਆਂ ਦੀ ਖਾਤਰ ਇਕ ਬਜ਼ੁਰਗ ਔਰਤ ਨੂੰ ਆਪਣਾ ਸਾਥੀ ਚੁਣਿਆ ਹੈ। ਕੁਝ ਲੋਕ ਉਸ ਨੂੰ ‘ਗੋਲਡ ਡਿਗਰ’ ਕਹਿ ਕੇ ਉਸ ਦਾ ਮਜ਼ਾਕ ਉਡਾ ਰਹੇ ਹਨ। ਇਸ ਦੌਰਾਨ ਨਈਮ ਦਾ ਇਕ ਇੰਟਰਵਿਊ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਇਸ ‘ਚ ਉਸ ਨੇ ਦੱਸਿਆ ਕਿ ਕਿਸ ਤਰ੍ਹਾਂ ਉਸ ਦੀ ਮੁਲਾਕਾਤ ਮੈਰੀ ਨਾਲ ਹੋਈ ਅਤੇ ਦੋਵਾਂ ‘ਚ ਪਿਆਰ ਹੋ ਗਿਆ।
ਫੇਸਬੁੱਕ ‘ਤੇ ਹੋਇਆ ਸੀ ਪਿਆਰ
ਨਈਮ ਨੇ ਦੱਸਿਆ ਕਿ ਸ਼ੁਰੂ ਵਿੱਚ ਦੋਵੇਂ ਸਿਰਫ਼ ਚੰਗੇ ਦੋਸਤ ਸਨ। ਪਰ ਹੌਲੀ-ਹੌਲੀ ਇਹ ਦੋਸਤੀ ਪਿਆਰ ਵਿੱਚ ਬਦਲ ਗਈ। ਸਾਲ 2012 ‘ਚ ਉਸ ਦੀ ਮੁਲਾਕਾਤ ਫੇਸਬੁੱਕ ‘ਤੇ ਮੈਰੀ ਨਾਲ ਹੋਈ ਸੀ। ਫਿਰ ਨਈਮ ਦੇ ਕਰੀਬੀਆਂ ਨੇ ਵੀ ਉਮਰ ਦੇ ਫਰਕ ਬਾਰੇ ਚਿੰਤਾ ਜ਼ਾਹਰ ਕੀਤੀ, ਪਰ ਉਹ ਕੈਨੇਡੀਅਨ ਔਰਤ ਦੇ ਪਿਆਰ ਵਿੱਚ ਪਾਗਲ ਹੋ ਗਿਆ ਸੀ। ਨਈਮ ਮੁਤਾਬਕ ਮਰੀਅਮ ਨੇ ਉਸ ਨੂੰ ਫੇਸਬੁੱਕ ‘ਤੇ ਮਿਲਣ ਤੋਂ ਤਿੰਨ ਸਾਲ ਬਾਅਦ ਹੀ ਪ੍ਰਪੋਜ਼ ਕੀਤਾ ਸੀ। ਫਿਰ 2017 ਵਿੱਚ ਉਨ੍ਹਾਂ ਦਾ ਵਿਆਹ ਹੋ ਗਿਆ।
ਦੱਸਿਆ ਜਾ ਰਿਹਾ ਹੈ ਕਿ ਵੀਜ਼ਾ ਨਾ ਮਿਲਣ ਕਾਰਨ ਨਈਮ ਮਰੀਅਮ ਨਾਲ ਕੈਨੇਡਾ ਨਹੀਂ ਰਹਿ ਸਕਿਆ। ਪਰ ਹੁਣ ਮਰੀਅਮ ਨੂੰ ਪਾਕਿਸਤਾਨ ਦਾ ਵੀਜ਼ਾ ਮਿਲ ਗਿਆ ਹੈ। ਉਹ ਹਾਲ ਹੀ ਵਿੱਚ ਪਾਕਿਸਤਾਨ ਆਈ ਹੈ ਅਤੇ ਇੱਥੇ ਛੇ ਮਹੀਨੇ ਰਹਿਣ ਦੀ ਯੋਜਨਾ ਬਣਾ ਰਹੀ ਹੈ। ਰਿਪੋਰਟਾਂ ਮੁਤਾਬਕ ਮਰੀਅਮ ਆਪਣੀ ਪੈਨਸ਼ਨ ‘ਤੇ ਗੁਜ਼ਾਰਾ ਕਰਦੀ ਹੈ। ਉਹ ਸਮੇਂ-ਸਮੇਂ ‘ਤੇ ਆਪਣੇ ਪਤੀ ਦੀ ਆਰਥਿਕ ਮਦਦ ਵੀ ਕਰਦੀ ਰਹੀ ਹੈ। ਇਹੀ ਕਾਰਨ ਹੈ ਕਿ ਲੋਕ ਨਈਮ ਨੂੰ ਗੋਲਡ ਡਿਗਰ ਕਹਿ ਕੇ ਉਸ ਦੀ ਆਲੋਚਨਾ ਕਰ ਰਹੇ ਹਨ।
