Navratri 2025: ਕਾਲੀ ਮਾਤਾ ਦੇ ਪਹਿਰਾਵੇ ਵਿੱਚ ਕੀਤਾ ਅਸ਼ਲੀਲ ਡਾਂਸ, Video Viral ਹੁੰਦੇ ਹੀ ਭੜਕੇ ਲੋਕ

Instagram ਰੀਲ 'ਤੇ ਭੜਕੇ ਲੋਕ

ਦੇਸ਼ ਭਰ ਵਿੱਚ ਨਰਾਤਿਆਂ ਦਾ ਤਿਉਹਾਰ ਬਹੁਤ ਉਤਸ਼ਾਹ ਨਾਲ ਮਨਾਇਆ ਜਾ ਰਿਹਾ ਹੈ। ਲੋਕ ਦੇਵੀ ਦੀ ਭਗਤੀ ਵਿੱਚ ਖੁਸ਼ੀ ਅਤੇ ਉਤਸ਼ਾਹ ਨਾਲ ਭਰੇ ਹੋਏ ਹਨ। ਪਰ ਇਸ ਉਤਸ਼ਾਹ ਵਿਚਾਲੇ ਮੱਧ ਪ੍ਰਦੇਸ਼ ਦੇ ਗਵਾਲੀਅਰ ਤੋਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਵਾਲਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵੀਡੀਓ ਵਿੱਚ, ਲੜਕੀ ਨੇ ਦੇਵੀ ਕਾਲੀ ਦਾ ਰੂਪ ਧਾਰਨ ਕੀਤਾ ਹੋਇਆ ਹੈ, ਪਰ ਉਹ ਇਸ ਧਾਰਮਿਕ ਰੂਪ ਵਿੱਚ ਅਸ਼ਲੀਲ ਗਾਣੇ ‘ਤੇ ਨੱਚਦੀ ਹੋਈ ਰੀਲ ਬਣਾ ਰਹੀ ਹੈ। ਇਸਦੇ ਵਾਇਰਲ ਹੋਣ ਤੋਂ ਬਾਅਦ ਹੁਣ ਇਸ ਅਸ਼ਲੀਲ ਡਾਂਸ ਦੀ ਰੀਲ ਖਿਲਾਫ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ।

ਇਹ ਵੀ ਦੇਖੋ :ਸ਼ੇਰ ਤੋਂ ਬੱਚਿਆ ਤਾਂ ਮਗਰਮੱਛ ਦੇ ਜਬਾੜਿਆਂ ਵਿੱਚ ਫਸਿਆ ਜੈਬਰਾ, ਫੇਰ ਜੋ ਹੋਇਆ Video ਨੇ ਉੱਡਾਏ ਹੋਸ਼!

ਲੜਕੀ ਦਾ ਨਾਮ ਮਾਲਤੀ ਭਾਮਰੂਲੀਆ ਹੈ, ਉਮਰ 22 ਸਾਲ ਹੈ । ਜਿਵੇਂ ਹੀ ਇਹ ਇੰਸਟਾਗ੍ਰਾਮ ਰੀਲ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ, ਯੂਜ਼ਰਸ ਦਾ ਗੁੱਸਾ ਭੜਕ ਗਿਆ। ਲੋਕਾਂ ਨੇ ਇਸਨੂੰ ਹਿੰਦੂ ਧਰਮ ਦਾ ਅਪਮਾਨ ਦੱਸਿਆਹੈ। ਵਾਇਰਲ ਵੀਡੀਓ 21 ਸਤੰਬਰ ਦਾ ਹੈ।

ਇਹ ਵੀ ਦੇਖੋ : ਦੁਸਹਿਰੇ ਤੋਂ ਪਹਿਲਾਂ ਵਾਇਰਲ ਹੋਇਆ ਰੰਕਾਰੀ ਰਾਵਣ ਦਾ ਇਹ Video, ਦੇਖਣ ਤੋਂ ਬਾਅਦ ਤੁਸੀਂ ਵੀ ਕਹੋਗੇ, ਗੱਲ ਤਾਂ ਸਹੀ ਹੈ!

ਜਾਣਕਾਰੀ ਮੁਤਾਬਕ , ਇਹ ਵੀਡੀਓ ਮਾਲਤੀ ਭਾਮਰੂਲੀਆ ਨੇ ਆਪਣੇ ਸੋਸ਼ਲ ਅਕਾਊਂਟ ‘ਤੇ ਡਾਂਸ ਰੀਲ ਬਣਾ ਕੇ ਸ਼ੇਅਰ ਕੀਤੀ ਗਈ ਸੀ । ਜਿਸ ਨੇ ਲੋਕਾਂ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਈ ਹੈ। ਮਾਲਤੀ ਨੇ ਨਰਾਤਿਆਂ ਦੌਰਾਨ ਮਾਤਾ ਰਾਣੀ ਦੇ ਗੈਟਅਪ ਵਿੱਚ ਅਸ਼ਲੀਲ ਗੀਤਾਂ ‘ਤੇ ਡਾਂਸ ਕਰ ਰੀਲਾਂ ਬਣਾਈਆਂ ਅਤੇ ਫਿਰ ਰੀਲ ਨੂੰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਕਰ ਦਿੱਤਾ। ਵਾਇਰਲ ਪੋਸਟ ਨੂੰ ਦੇਖ ਹਿੰਦੂ ਸੰਗਠਨਾਂ ਦਾ ਗੁੱਸਾ ਵੱਧ ਗਿਆ।

ਇੱਥੇ ਦੇਖੋ ਵੀਡੀਓ

ਹਿੰਦੂਆਂ ਦੀਆ ਭਾਵਨਾਵਾਂ ਨੂੰ ਪਹੁੰਚੀ ਠੇਸ’

ਭਾਰਤੀ ਕਿਸਾਨ ਯੂਨੀਅਨ ਅਟਲ ਦੇ ਪ੍ਰਿਯਾਂਸ਼ੂ ਚੌਹਾਨ ਨੇ ਐਸਪੀ ਦਫ਼ਤਰ ਪਹੁੰਚ ਕੇ ਔਰਤ ਵਿਰੁੱਧ ਸ਼ਿਕਾਇਤ ਦਰਜ ਕਰਵਾਈ। ਆਪਣੀ ਸ਼ਿਕਾਇਤ ਵਿੱਚ ਚੌਹਾਨ ਨੇ ਕਿਹਾ, “21 ਸਤੰਬਰ ਨੂੰ ਮਾਲਤੀ ਭਾਮਰੂਲੀਆ ਵੱਲੋਂ ਸੋਸ਼ਲ ਮੀਡੀਆ ‘ਤੇ ਇੱਕ ਪੋਸਟ ਸ਼ੇਅਰ ਕੀਤੀ ਗਈ ਸੀ। ਇਸ ਨਾਲ ਹਿੰਦੂ ਸੰਗਠਨਾਂ ਵਿੱਚ ਰੋਸ ਪੈਦਾ ਹੋ ਗਿਆ ਹੈ। ਇਸ ਵੀਡੀਓ ਨੇ ਹਿੰਦੂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਈ ਹੈ। ਇਸ ਲਈ, ਜਿਸ ਅਕਾਉਂਟ ਤੋਂ ਇਹ ਪੋਸਟ ਸ਼ੇਅਰ ਕੀਤੀ ਗਈ ਹੈ, ਉਸ ਖਿਲਾਫ ਕਾਰਵਾਈ ਕੀਤੀ ਜਾਵੇ।” ਪੁਲਿਸ ਨੇ ਸ਼ਿਕਾਇਤ ਸਵੀਕਾਰ ਕਰ ਲਈ ਹੈ ਅਤੇ ਹੁਣ ਜਾਂਚ ਤੋਂ ਬਾਅਦ ਕਾਰਵਾਈ ਦੀ ਉਡੀਕ ਹੈ।