Viral Video: ਟ੍ਰੇਨ ਛੁੱਟਣ ਤੋਂ ਗੁੱਸੇ ‘ਚ ਆਏ ਸ਼ਖਸ ਨੇ ਸਟੇਸ਼ਨ ‘ਤੇ ਕੀਤਾ ਅਜਿਹਾ ਕੰਮ, ਵੀਡੀਓ ਦੇਖਦੇ ਹੀ ਭੜਕੇ ਲੋਕ

Viral Video: ਟ੍ਰੇਨ ਛੁੱਟਣ ਤੇ ਆਦਮੀ ਨੇ ਕੀਤਾ ਅਜਿਹਾ ਕੰਮ, ਭੜਕ ਗਏ ਲੋਕ

ਰੇਲਵੇ ਅਕਸਰ ਯਾਤਰੀਆਂ ਨੂੰ ਸਮੇਂ ਸਿਰ ਸਟੇਸ਼ਨ ‘ਤੇ ਪਹੁੰਚਣ ਦੀ ਸਲਾਹ ਦਿੰਦਾ ਹੈ ਤਾਂ ਜੋ ਉਹ ਆਪਣੀ ਟ੍ਰੇਨ ਮਿਸ ਨਾ ਕਰਨ। ਇਸ ਦੇ ਬਾਵਜੂਦ, ਕੁਝ ਲੋਕ ਦੇਰ ਨਾਲ ਪਹੁੰਚਦੇ ਹਨ ਅਤੇ ਆਪਣੀ ਟ੍ਰੇਨ ਮਿਸ ਕਰ ਦਿੰਦੇ ਹਨ। ਫਿਰ ਉਨ੍ਹਾਂ ਨੂੰ ਲੋੜ ਪੈਣ ‘ਤੇ ਦੂਜੀ ਟ੍ਰੇਨ ਫੜਨੀ ਪੈਂਦੀ ਹੈ ਜਾਂ ਘਰ ਵਾਪਸ ਜਾਣਾ ਪੈਂਦਾ ਹੈ। ਹਾਲਾਂਕਿ, ਇਸ ਨਾਲ ਸਬੰਧਤ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਨੇ ਲੋਕਾਂ ਨੂੰ ਗੁੱਸਾ ਦਿਵਾਇਆ ਹੈ। ਇਸ ਵੀਡੀਓ ਵਿੱਚ, ਇੱਕ ਆਦਮੀ ਸਟੇਸ਼ਨ ‘ਤੇ ਅਜੀਬ ਵਿਵਹਾਰ ਕਰਦਾ ਦਿਖਾਈ ਦੇ ਰਿਹਾ ਹੈ ਕਿਉਂਕਿ ਉਹ ਆਪਣੀ ਟ੍ਰੇਨ ਮਿਸ ਕਰ ਗਿਆ ਸੀ। ਉਸ ਦੀਆਂ ਗੁੱਸੇ ਭਰੀਆਂ ਹਰਕਤਾਂ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ।

ਵੀਡੀਓ ਇੱਕ ਰੇਲਵੇ ਸਟੇਸ਼ਨ ਤੋਂ ਸ਼ੁਰੂ ਹੁੰਦਾ ਹੈ, ਜਿੱਥੇ ਇੱਕ ਟ੍ਰੇਨ ਪਲੇਟਫਾਰਮ ਤੋਂ ਹੌਲੀ-ਹੌਲੀ ਅੱਗੇ ਜਾਂਦੀ ਦਿਖਾਈ ਦੇ ਰਹੀ ਹੈ। ਫਿਰ, ਕੈਮਰੇ ਵਿੱਚ ਦਿਖਾਈ ਦਿੰਦਾ ਹੈ ਕੀ ਕਿਵੇਂ ਇੱਕ ਆਦਮੀ ਪਲੇਟਫਾਰਮ ਦੇ ਹੇਠਾਂ ਪਟੜੀਆਂ ਦੇ ਨੇੜੇ ਪਾਣੀ ਦੀ ਟੂਟੀ ਖੋਲ ਦਿੰਦਾ ਹੈ ਅਤੇ ਪਾਈਪ ਚੁੱਕ ਕੇ ਚਲਦੀ ਟ੍ਰੇਨ ਵੱਲ ਪਾਣੀ ਛਿੜਕਣਾ ਸ਼ੁਰੂ ਕਰ ਦਿੰਦਾ ਹੈ। ਉਹ ਕਈ ਯਾਤਰੀਆਂ ਉੱਤੇ ਪਾਣੀ ਪਾ ਕੇ ਉਹਨਾਂ ਨੂੰ ਗਿੱਲਾ ਕਰ ਦਿੰਦਾ ਹੈ। ਇਹ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਉਸ ਦੀ ਟ੍ਰੇਨ ਛੁੱਟ ਗਈ ਸੀ, ਜਿਸ ਕਾਰਨ ਉਹ ਗੁੱਸੇ ਵਿੱਚ ਆ ਗਿਆ ਅਤੇ ਇਹ ਅਜੀਬ ਹਰਕਤ ਕੀਤੀ। ਇਸ ਹਰਕਤ ਨੇ ਨਾ ਸਿਰਫ਼ ਯਾਤਰੀਆਂ ਨੂੰ ਪਰੇਸ਼ਾਨ ਕੀਤਾ ਸਗੋਂ ਰੇਲਵੇ ਸੁਰੱਖਿਆ ਅਤੇ ਅਨੁਸ਼ਾਸਨ ‘ਤੇ ਵੀ ਸਵਾਲ ਖੜ੍ਹੇ ਕੀਤੇ।

ਭਾਰਤ ਵਿੱਚ ਅਜਿਹੇ ਨਮੂਨਿਆਂ ਦੀ ਕੋਈ ਕਮੀ ਨਹੀਂ

ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ @Ldphobiawatch ਯੂਜ਼ਰਨੇਮ ਦੁਆਰਾ ਸਾਂਝਾ ਕੀਤਾ ਗਿਆ ਹੈ, ਜਿਸਦਾ ਕੈਪਸ਼ਨ ਸੀ, “ਇਹ ਬੰਦਾ ਆਪਣੀ ਟ੍ਰੇਨ ਛੁੱਟਣ ਤੋਂ ਬਾਅਦ ਯਾਤਰੀਆਂ ਨੂੰ ਪਾਣੀ ਦੇ ਪਾਈਪ ਨਾਲ ਗਿੱਲਾ ਕਰਨਾ ਸ਼ੁਰੂ ਕਰ ਦਿੰਦਾ ਹੈ। ਅਜਿਹੇ ਨਮੂਨੇ ਸਾਡੇ ਭਾਰਤ ਵਿੱਚ ਪਾਏ ਜਾਂਦੇ ਹਨ। ਹੁਣ ਅਸੀਂ ਉਮੀਦ ਕਰਦੇ ਹਾਂ ਕਿ RPF ਨੇ ਉਸਦੀ ਚੰਗੀ ਸੇਵਾ ਕੀਤੀ ਹੋਵੇਗੀ।”

ਇਸ 46 ਸਕਿੰਟ ਦੇ ਵੀਡੀਓ ਨੂੰ 535,000 ਤੋਂ ਵੱਧ ਵਾਰ ਦੇਖਿਆ ਗਿਆ ਹੈ, ਸੈਂਕੜੇ ਲੋਕਾਂ ਨੇ ਇਸਨੂੰ ਲਾਇਕ ਕੀਤਾ ਹੈ ਅਤੇ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ। ਇੱਕ ਯੂਜ਼ਰ ਨੇ ਲਿਖਿਆ, “ਇਹ ਨਮੂਨਾ ਸੱਚਮੁੱਚ ਅਲਗ ਹੀ ਹੇਗਾ ਹੈ। ਟ੍ਰੇਨ ਛੁੱਟਣ ‘ਤੇ ਯਾਤਰੀਆਂ ‘ਤੇ ਆਪਣਾ ਗੁੱਸਾ ਕੱਢਣਾ ਕੋਈ ਮਜ਼ਾਕ ਹੈ, ਪਰ ਉਮੀਦ ਹੈ ਕਿ RPF ਨੇ ਉਸ ਨੂੰ ਸੰਭਾਲਿਆ ਹੋਵੇਗਾ ਅਤੇ ਮਾਮਲਾ ਹੱਲ ਕਰ ਦਿੱਤਾ ਹੋਵੇਗਾ ।” ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ਟ੍ਰੇਨ ਛੁੱਟਣ ਤੋਂ ਬਾਅਦ ਲੱਗਦਾ ਹੈ ਕਿ ਇਸ ਦਾ ਦਿਮਾਗ ਵੀ ਛੁੱਟ ਗਿਆ । ਅਜਿਹੀਆਂ ਘਟਨਾਵਾਂ ਨੂੰ ਸਿਰਫ਼ RPF ਹੀ ਸਹੀ ਢੰਗ ਨਾਲ ਸੰਭਾਲ ਸਕਦੀ ਹੈ।”

ਇੱਥੇ ਦੇਖੋ ਵੀਡੀਓ