Viral Video: ਪੈਟਰੋਲ ਪੰਪ ‘ਤੇ ਡੀਜ਼ਲ ਨਾਲ ਸਕਾਰਪੀਓ ਧੋ ਕੇ ਬਣਾਈ Reel, ਸ਼ਖਸ ਗ੍ਰਿਫ਼ਤਾਰ; Video ਵਾਇਰਲ

ਰਾਜਸਥਾਨ ਦੇ ਸਿਰੋਹੀ ਜ਼ਿਲ੍ਹੇ ਵਿੱਚ, ਇੱਕ ਸ਼ਖਸ ਨੂੰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ਲਈ ਖਤਰਨਾਕ ਸਟੰਟ ਕਰਨਾ ਇੱਕ ਨੌਜਵਾਨ ਨੂੰ ਭਾਰੀ ਪੈ ਗਿਆ। ਪਾਲੜੀ ਐਮ ਖੇਤਰ ਦੇ ਇੱਕ ਪੈਟਰੋਲ ਪੰਪ ‘ਤੇ ਆਪਣੀ ਸਕਾਰਪੀਓ ਵਿੱਚ ਡੀਜ਼ਲ ਭਰਵਾਉਣ ਤੋਂ ਬਾਅਦ, ਉਸਨੇ ਉਸੇ ਡੀਜ਼ਲ ਨਾਲ ਗੱਡੀ ਧੋਤੀ ਅਤੇ ਇੱਕ ਰੀਲ ਬਣਾਈ, ਜਿਸਦੀ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਗਈ।

ਰਿਪੋਰਟਾਂ ਅਨੁਸਾਰ, ਨੌਜਵਾਨ ਆਪਣੀ ਸਕਾਰਪੀਓ ਲੈ ਕੇ ਪੈਟਰੋਲ ਪੰਪ ‘ਤੇ ਪਹੁੰਚਿਆ ਅਤੇ ਟੈਂਕ ਭਰਵਾਇਆ। ਫਿਰ ਉਸਨੇ ਪੰਪ ਨੋਜ਼ਲ ਤੋਂ ਗੱਡੀ ‘ਤੇ ਡੀਜ਼ਲ ਪਾਉਣਾ ਸ਼ੁਰੂ ਕਰ ਦਿੱਤਾ ਅਤੇ ਇਸਨੂੰ ਧੋਣ ਲੱਗ ਪਿਆ। ਇਸ ਦੌਰਾਨ, ਉਸਦੇ ਸਾਥੀ ਨੇ ਵੀਡੀਓ ਬਣਾਈ, ਜਿਸਨੂੰ ਬਾਅਦ ਵਿੱਚ ਸੋਸ਼ਲ ਮੀਡੀਆ ‘ਤੇ ਅਪਲੋਡ ਕੀਤਾ ਗਿਆ।

ਆਰੋਪੀ ਅਤੇ ਕੈਮਰਾਮੈਨ ਗ੍ਰਿਫਤਾਰ

ਵੀਡੀਓ ਤੇਜ਼ੀ ਨਾਲ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਿਆ। ਬਹੁਤ ਸਾਰੇ ਲੋਕਾਂ ਨੇ ਇਸਨੂੰ ਖਤਰਨਾਕ ਅਤੇ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਿਹਾ, ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ। ਘਟਨਾ ਸਾਹਮਣੇ ਆਉਣ ਤੋਂ ਬਾਅਦ, ਪਾਲੜੀ ਐਮ ਪੁਲਿਸ ਤੁਰੰਤ ਹਰਕਤ ਵਿੱਚ ਆ ਗਈ। ਜਾਂਚ ਦੌਰਾਨ, ਮੁਲਜਮ ਦੀ ਪਛਾਣ ਛੀਬਾ ਪਿੰਡ ਦੇ ਰਹਿਣ ਵਾਲੇ ਮਹੀਪਾਲ ਸਿੰਘ ਵਜੋਂ ਹੋਈ। ਪੁਲਿਸ ਨੇ ਮਹੀਪਾਲ ਸਿੰਘ ਅਤੇ ਰੀਲ ਬਣਾਉਣ ਵਾਲੇ ਕੈਮਰਾਮੈਨ ਦੋਵਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਪੁਲਿਸ ਨੇ ਮੁਲਜ਼ਮਾਂ ਦੀ ਸਕਾਰਪੀਓ ਨੂੰ ਜ਼ਬਤ ਕਰ ਲਈ ਹੈ ਅਤੇ ਦੋਵਾਂ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।