Shocking News: ਕਰਜ਼ੇ ਦੇ ਲਾਲਚ ‘ਚ ਲਾਸ਼ ਨੂੰ ‘ਜ਼ਿੰਦਾ’ ਬਣਾ ਕੇ ਬੈਂਕ ਪਹੁੰਚੀ ਔਰਤ, ਪਰ ਇਕ ਗਲਤੀ ਨੇ ਕੀਤਾ ਪਰਦਾਫਾਸ਼
Shocking News:ਇਹ ਹੈਰਾਨ ਕਰਨ ਵਾਲਾ ਮਾਮਲਾ ਬ੍ਰਾਜ਼ੀਲ ਦੀ ਰਾਜਧਾਨੀ ਰੀਓ ਡੀ ਜੇਨੇਰੀਓ ਦਾ ਹੈ। ਇਸ ਘਟਨਾ ਨਾਲ ਸਬੰਧਤ ਇਕ ਵੀਡੀਓ ਵੀ ਵਾਇਰਲ ਹੋਈ ਹੈ, ਜਿਸ ਵਿਚ ਬੈਂਕ ਵਿਚ ਇਕ ਔਰਤ ਵ੍ਹੀਲਚੇਅਰ 'ਤੇ ਬੈਠੇ ਬੇਜਾਨ ਆਦਮੀ ਦੇ ਹੱਥ ਵਿਚ ਪੈੱਨ ਫੜਾ ਕੇ ਉਸ ਨੂੰ ਦੱਬੇ ਲਹਿਜੇ ਵਿਚ ਧਮਕੀਆਂ ਦਿੰਦੀ ਹੈ ਅਤੇ ਕਾਗਜ਼ 'ਤੇ ਦਸਤਖਤ ਕਰਨ ਲਈ ਕਹਿੰਦੀ ਹੈ।
ਕਰਜ਼ੇ ਦੇ ਲਾਲਚ ‘ਚ ਆ ਕੇ ਇਕ ਔਰਤ ਨੇ ਕਰ ਦਿੱਤਾ ਅਜਿਹਾ ਕਾਰਨਾਮਾ ਜਿਸ ਬਾਰੇ ਜਾਣ ਕੇ ਹਰ ਕੋਈ ਹੈਰਾਨ ਰਹਿ ਗਿਆ। ਇਸ ਔਰਤ ਨੇ ਬੈਂਕ ਨਾਲ ਧੋਖਾਧੜੀ ਕਰਨ ਦੀ ਪੂਰੀ ਯੋਜਨਾ ਬਣਾਈ ਸੀ ਪਰ ਆਖਰੀ ਸਮੇਂ ‘ਤੇ ਉਸ ਦਾ ਰਾਜ਼ ਖੁਲ੍ਹ ਗਿਆ ਅਤੇ ਹੁਣ ਉਹ ਸਲਾਖਾਂ ਪਿੱਛੇ ਹੈ। ਦਰਅਸਲ, ਇਹ ਔਰਤ ਮ੍ਰਿਤਕ ਵਿਅਕਤੀ ਦੇ ਨਾਮ ‘ਤੇ ਲੋਨ ਹੜੱਪਣਾ ਚਾਹੁੰਦੀ ਸੀ। ਔਰਤ ਦੀ ਹਿੰਮਤ ਦੇਖੋ, ਉਹ ਵ੍ਹੀਲ ਚੇਅਰ ‘ਤੇ ਵਿਅਕਤੀ ਦੀ ਲਾਸ਼ ਲੈ ਕੇ ਬੈਂਕ ਪਹੁੰਚੀ। ਪਰ ਇੱਕ ਗਲਤੀ ਕਾਰਨ ਸਾਜ਼ਿਸ਼ ਦਾ ਪਰਦਾਫਾਸ਼ ਹੋ ਗਿਆ।
ਇਹ ਹੈਰਾਨ ਕਰਨ ਵਾਲਾ ਮਾਮਲਾ ਬ੍ਰਾਜ਼ੀਲ ਦੀ ਰਾਜਧਾਨੀ ਰੀਓ ਡੀ ਜੇਨੇਰੀਓ ਦਾ ਹੈ। ਇਸ ਘਟਨਾ ਨਾਲ ਸਬੰਧਤ ਇਕ ਵੀਡੀਓ ਵੀ ਵਾਇਰਲ ਹੋਇਆ ਹੈ, ਜਿਸ ਵਿਚ ਇਕ ਵਿਅਕਤੀ ਦੀ ਬੇਜਾਨ ਲਾਸ਼ ਨੂੰ ਵਾਰ-ਵਾਰ ਇਕ ਪਾਸੇ ਲਟਕਦਾ ਦੇਖਿਆ ਜਾ ਰਿਹਾ ਹੈ। ਪਰ ‘ਸ਼ੈਤਾਨ’ ਔਰਤ ਤਾਂ ਮਰੇ ਹੋਏ ਵਿਅਕਤੀ ਨੂੰ ਵੀ ਚੁੱਪ-ਚੁਪੀਤੇ ਧਮਕੀਆਂ ਦਿੰਦੀ ਰਹਿੰਦੀ ਹੈ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਔਰਤ ਜ਼ਬਰਦਸਤੀ ਲਾਸ਼ ਦੇ ਹੱਥ ‘ਚ ਪੈੱਨ ਫੜਾ ਕੇ ਉਸ ‘ਤੇ ਕਹਿ ਰਹੀ ਹੈ, ‘ਆਓ, ਹੁਣ ਇੱਥੇ ਦਸਤਖਤ ਕਰ ਦਿਓ।
ਮਹਿਲਾ ਦੀ ਅਜੀਬ ਹਰਕਤ ਦੇਖ ਕੇ ਬੈਂਕ ਕਰਮਚਾਰੀ ਵੀ ਹੈਰਾਨ ਰਹਿ ਗਏ। ਜਦੋਂ ਉਸ ਨੇ ਵ੍ਹੀਲ ਚੇਅਰ ‘ਤੇ ਬੈਠੇ ਵਿਅਕਤੀ ਬਾਰੇ ਪੁੱਛਿਆ ਤਾਂ ਔਰਤ ਨੇ ਉਸ ਨੂੰ ਰਿਸ਼ਤੇਦਾਰ ਦੱਸਦਿਆਂ ਕਿਹਾ ਕਿ ਉਹ ਕਈ ਦਿਨਾਂ ਤੋਂ ਬਿਮਾਰ ਸੀ। ਇਸ ਤੋਂ ਬਾਅਦ ਉਸ ਨੇ ਉਸ ਦੇ ਨਾਂ ‘ਤੇ 3400 ਡਾਲਰ ਦਾ ਕਰਜ਼ਾ ਲੈਣ ਦੀ ਕੋਸ਼ਿਸ਼ ਕੀਤੀ। ਪਰ ਬੈਂਕ ਨੂੰ ਸ਼ੱਕ ਹੋ ਜਾਂਦਾ ਹੈ ਅਤੇ ਇੱਕ ਸਟਾਫ ਨੇ ਇਸ ਸਾਰੀ ਘਟਨਾ ਦੀ ਵੀਡੀਓ ਬਣਾ ਲਈ, ਜੋ ਹੁਣ ਇੰਟਰਨੈੱਟ ‘ਤੇ ਵਾਇਰਲ ਹੋ ਰਹੀ ਹੈ।
ਇਹ ਵੀ ਪੜ੍ਹੋ- ਜ਼ਿੰਦਗੀ ਦੇ ਆਖਰੀ ਪਲ ਤੱਕ ਵੀ ਨਾਲ ਰਿਹਾ ਕਪਲ, VIDEO ਦੇਖ ਹੋ ਜਾਓਗੇ ਭਾਵੁਕ
ਵੀਡੀਓ ‘ਚ ਔਰਤ ਨੂੰ ਜ਼ਬਰਦਸਤੀ ਬੇਜਾਨ ਆਦਮੀ ਦੇ ਹੱਥ ‘ਚ ਪੈੱਨ ਫੜਾ ਕੇ ਕਾਗਜ਼ ‘ਤੇ ਦਸਤਖਤ ਕਰਵਾਉਣ ਦੀ ਕੋਸ਼ਿਸ਼ ਕਰਦੇ ਦੇਖਿਆ ਜਾ ਸਕਦਾ ਹੈ। ਇਸ ਦੌਰਾਨ ਸ਼ਖਸ ਦਾ ਸਿਰ ਵਾਰ-ਵਾਰ ਪਿੱਛੇ ਵੱਲ ਮੁੜ ਰਿਹਾ ਹੁੰਦਾ ਹੈ ਅਤੇ ਔਰਤ ਵਾਰ-ਵਾਰ ਉਸ ਨੂੰ ਚੁੱਕਦੀ ਹੈ। ਫਿਰ ਧੀਮੀ ਆਵਾਜ਼ ਵਿੱਚ ਉਹ ਧਮਕੀ ਭਰੇ ਲਹਿਜੇ ਵਿੱਚ ਕਹਿੰਦੀ ਹੈ, ਇੱਥੇ ਦਸਤਖਤ ਕਰਨੇ ਹਨ ਅਤੇ ਮੈਨੂੰ ਸਿਰ ਦਰਦ ਨਾ ਦਿਓ।
ਇਸ ਗੱਲ ਬੈਂਕ ਕਰਮਚਾਰੀਆਂ ਨੂੰ ਖਟਕ ਗਈ ਅਤੇ ਉਨ੍ਹਾਂ ਨੇ ਤੁਰੰਤ ਪੁਲਿਸ ਨੂੰ ਇਸ ਬਾਰੇ ਸੂਚਨਾ ਦਿੱਤੀ। ਪੁਲੀਸ ਨੇ ਮੌਕੇ ਤੇ ਹੀ ਔਰਤ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਇਸ ਦੇ ਨਾਲ ਹੀ ਮੈਡੀਕਲ ਟੀਮ ਨੇ ਵੀ ਪੁਸ਼ਟੀ ਕੀਤੀ ਹੈ ਕਿ ਵ੍ਹੀਲਚੇਅਰ ‘ਤੇ ਬੈਠਾ ਵਿਅਕਤੀ ਜ਼ਿੰਦਾ ਨਹੀਂ ਹੈ। ਬੈਂਕ ਲਿਆਉਣ ਤੋਂ ਪਹਿਲਾਂ ਹੀ ਉਸਦੀ ਮੌਤ ਹੋ ਗਈ। ਦੋਸ਼ੀ ਔਰਤ ਦੀ ਪਛਾਣ ਏਰਿਕਾ ਡਿਸੂਜ਼ਾ ਵਜੋਂ ਹੋਈ ਹੈ। ਉਹ ਮ੍ਰਿਤਕ ਪਾਉਲੋ ਬ੍ਰਾਗਾ ਦੀ ਭਤੀਜੀ ਸੀ ਅਤੇ ਉਸਦੀ ਕਏਅਰਟੇਕਰ ਦੇ ਤੌਰ ‘ਤੇ ਰਹਿੰਦੀ ਸੀ।