YouTuber ਨੇ ਕਮਾਲ ਕਰ ਦਿੱਤਾ…ਦੁਬਈ ਵਿੱਚ ਮੁਫ਼ਤ ਵੰਡੇ 200 ਆਈਫੋਨ ! VIDEO ਹੋਇਆ ਵਾਇਰਲ
Viral Video: ਸੋਸ਼ਲ ਮੀਡੀਆ 'ਤੇ ਇੱਕ ਜਰਮਨ ਯੂਟਿਊਬਰ ਦਾ ਵੀਡੀਓ ਹਲਚਲ ਮਚਾ ਰਿਹਾ ਹੈ, ਜਿਸ ਵਿੱਚ ਉਹ ਦੁਬਈ ਵਿੱਚ ਯਾਤਰਾ ਕਰਨ ਵਾਲੇ ਲੋਕਾਂ ਨੂੰ ਆਈਫੋਨ ਵੰਡਦਾ ਦਿਖਾਈ ਦੇ ਰਿਹਾ ਹੈ। ਹਾਲਾਂਕਿ, ਜਦੋਂ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ, ਤਾਂ ਯੂਟਿਊਬਰ ਨੇ ਸੱਚਾਈ ਦਾ ਖੁਲਾਸਾ ਕਰਦੇ ਹੋਏ ਕਿਹਾ ਕਿ ਇਹ ਸਿਰਫ਼ ਇੱਕ ਮਜ਼ਾਕ ਸੀ ਅਤੇ ਡੱਬੇ ਵਿੱਚ ਕੋਈ ਆਈਫੋਨ ਨਹੀਂ ਸੀ।
YouTuber ਨੇ ਕਮਾਲ ਕਰ ਦਿੱਤਾ...ਦੁਬਈ ਵਿੱਚ ਮੁਫ਼ਤ ਵੰਡੇ 200 ਆਈਫੋ
ਆਈਫੋਨ ਦਾ ਕ੍ਰੇਜ਼ ਕੋਈ ਲੁਕਿਆ ਹੋਇਆ ਨਹੀਂ ਹੈ। ਜਦੋਂ ਵੀ ਆਈਫੋਨ ਦਾ ਨਵਾਂ ਵਰਜਨ ਲਾਂਚ ਹੁੰਦਾ ਹੈ, ਤਾਂ ਇਸਨੂੰ ਖਰੀਦਣ ਲਈ ਭੀੜ ਲੱਗ ਜਾਂਦੀ ਹੈ। ਲੋਕ ਇਸ ਫੋਨ ਨੂੰ ਖਰੀਦਣ ਲਈ ਘੰਟਿਆਂ ਤਕ ਲਾਈਨਾਂ ਵਿੱਚ ਖੜ੍ਹੇ ਰਹਿੰਦੇ ਹਨ। ਹਾਲਾਂਕਿ, ਬਹੁਤ ਸਾਰੇ ਲੋਕ ਇਸਦੀ ਕੀਮਤ ਜ਼ਿਆਦਾ ਹੋਣ ਕਾਰਨ ਇਸਨੂੰ ਖਰੀਦ ਵੀ ਨੀ ਪਾਂਦੇ। ਤਾਂ ਕਲਪਨਾ ਕਰੋ ਕਿ ਜੇਕਰ ਤੁਹਾਨੂੰ ਇਹ ਫੋਨ ਸੜਕ ‘ਤੇ ਮੁਫਤ ਵਿੱਚ ਮਿਲ ਜਾਵੇ ਤਾਂ ਕੀ ਹੋਵੇਗਾ? ਜੀ ਹਾਂ, ਦੁਬਈ ਵਿੱਚ ਵੀ ਅਜਿਹਾ ਹੀ ਇੱਕ ਨਜ਼ਾਰਾ ਦੇਖਣ ਨੂੰ ਮਿਲਿਆ, ਜਿਸ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਦਰਅਸਲ, ਇੱਕ ਮਸ਼ਹੂਰ ਯੂਟਿਊਬਰ ਨੇ ਰਾਹਗੀਰਾਂ ਨੂੰ ਮੁਫਤ ਵਿੱਚ ਆਈਫੋਨ ਵੰਡੇ, ਜਿਸਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਹਲਚਲ ਮਚਾ ਰਹੀ ਹੈ।
ਵੀਡੀਓ ਵਿੱਚ, ਤੁਸੀਂ ਦੇਖ ਸਕਦੇ ਹੋ ਕਿ ਕਿਵੇਂ ਯੂਟਿਊਬਰ ਆਈਫੋਨ ਨਾਲ ਭਰਿਆ ਇੱਕ ਡੱਬਾ ਲੈ ਕੇ ਆਇਆ ਅਤੇ ਰਾਹਗੀਰਾਂ ਨੂੰ ਵੰਡਣਾ ਸ਼ੁਰੂ ਕਰ ਦਿੱਤਾ। ਲੋਕ ਖੁਸ਼ੀ ਨਾਲ ਉਸ ਕੋਲ ਆਏ, ਅਤੇ ਉਸਨੇ ਖੁਸ਼ੀ ਨਾਲ ਉਨ੍ਹਾਂ ਨੂੰ ਇੱਕ-ਇੱਕ ਕਰਕੇ ਫੜਾ ਦਿੱਤਾ। ਵੀਡੀਓ ਵਿੱਚ ਸਾਫ਼ ਦਿਖਾਈ ਦਿੰਦਾ ਹੈ ਕਿ ਕਿਵੇਂ ਲੋਕਾਂ ਵਿੱਚ ਆਈਫੋਨ ਲੈਣ ਭੀੜ ਮੱਚ ਗਈ , ਇੱਕ ਦੂਜੇ ਨੂੰ ਧੱਕਾ ਮਾਰਨ ਲੱਗ ਪਏ। ਇਸ ਯੂਟਿਊਬਰ ਦਾ ਨਾਮ ਯੂਨਸ ਜ਼ਾਰੂ (Younes Zarou) ਹੈ , ਜੋ ਕਿ ਇੱਕ ਮਸ਼ਹੂਰ ਕੰਟੈਂਟ ਕ੍ਰਿਏਟਰ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਉਸਨੇ ਦੁਬਈ ਦੀਆਂ ਸੜਕਾਂ ‘ਤੇ ਆਮ ਲੋਕਾਂ ਨੂੰ ਲਗਭਗ 200 ਆਈਫੋਨ ਬਿਲਕੁਲ ਮੁਫਤ ਵੰਡੇ। ਇਸ ਅਚਾਨਕ ਹੈਰਾਨੀ ਨੇ ਉੱਥੇ ਮੌਜੂਦ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ।
ਲੱਖਾਂ ਵਾਰ ਦੇਖਿਆ ਜਾ ਚੁੱਕਾ ਇਹ ਵੀਡੀਓ
ਜਰਮਨ ਯੂਟਿਊਬਰ ਦੁਆਰਾ ਆਪਣੇ ਇੰਸਟਾਗ੍ਰਾਮ ਹੈਂਡਲ, youneszarou ‘ਤੇ ਸਾਂਝਾ ਕੀਤਾ ਗਿਆ ਇਹ ਵੀਡੀਓ 16 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਗਿਆ ਹੈ, ਜਿਸ ਵਿੱਚ 395,000 ਤੋਂ ਵੱਧ ਲੋਕਾਂ ਨੇ ਵੀਡੀਓ ਨੂੰ ਲਾਈਕ ਅਤੇ ਟਿੱਪਣੀਆਂ ਕੀਤੀਆਂ ਹਨ।
ਵੀਡੀਓ ਦੇਖਣ ਤੋਂ ਬਾਅਦ, ਕੁਝ ਲੋਕਾਂ ਨੇ ਯੂਟਿਊਬਰ ਨੂੰ “ਦੁਨੀਆ ਦਾ ਸਭ ਤੋਂ ਵਧੀਆ ਵਿਅਕਤੀ” ਦੱਸਿਆ, ਜਦੋਂ ਕਿ ਕੁਝ ਲੋਕਾਂ ਨੇ ਆਪਣੇ ਲਈ ਇੱਕ ਆਈਫੋਨ ਦੀ ਮੰਗ ਕੀਤੀ। ਕੁਝ ਉਪਭੋਗਤਾਵਾਂ ਨੇ ਜਰਮਨ ਯੂਟਿਊਬਰ ਨੂੰ ਭਾਰਤ ਆਉਣ ਦਾ ਸੱਦਾ ਵੀ ਦਿੱਤਾ। ਹਾਲਾਂਕਿ, ਕਮੈਂਟ ਬਾਕਸ ਵਿੱਚ, ਯੂਟਿਊਬਰ ਨੇ ਸਪੱਸ਼ਟ ਕੀਤਾ ਕਿ ਉਸਨੇ ਜੋ ਆਈਫੋਨ ਬਾਕਸ ਵੰਡੇ ਸਨ ਉਹ ਖਾਲੀ ਸਨ। ਉਸਨੇ ਕਮੈਂਟ ਵਿੱਚ ਲਿਖਿਆ ਹੈ: ਇਸ ਵੀਡੀਓ ਵਿੱਚ ਆਈਫੋਨ ਬਾਕਸ ਖਾਲੀ ਸਨ (ਸਿਰਫ਼ ਇਸ ਵੀਡੀਓ ਵਿੱਚ)। ਇਹ ਸਿਰਫ਼ ਇਸ ਵੀਡੀਓ ਲਈ ਇੱਕ ਮਜ਼ਾਕ ਸੀ।”