Viral Video: ਪਿਓ ਦੇ ਹੱਥ ਲੱਗਿਆ ਪੁੱਤ ਦੀ ਗਰਲਫ੍ਰੈਂਡ ਦਾ ਲਵ ਲੈਟਰ, ਉਸ ਤੋਂ ਬਾਅਦ ਕੀ ਹੋਇਆ ਤੂਸੀ ਵੀ ਦੇਖੋ

Image Credit source: Instagram/@_its_hena_25

ਕਹਿੰਦੇ ਹਨ ਕਿ ਇਸ਼ਕ ਅਤੇ ਜੰਗ ਵਿੱਚ ਸਭ ਕੁਝ ਜਾਇਜ਼ ਹੈ, ਪਰ ਦੇਸੀ ਘਰਾਂ ਵਿੱਚ ਜਦੋਂ ਇਸ ‘ਇਸ਼ਕਬਾਜ਼ੀ’ ਦਾ ਪਤਾ ਲੱਗਦਾ ਹੈ, ਤਾਂ ਜੋ ‘ਜੰਗ’ ਛਿੜਦੀ ਹੈ, ਉਸ ਦਾ ਨਜ਼ਾਰਾ ਹੀ ਕੁਝ ਵੱਖਰਾ ਹੁੰਦਾ ਹੈ। ਵੈਲੇਨਟਾਈਨ ਵੀਕ ਦੇ ਚੱਲਦਿਆਂ ਸੋਸ਼ਲ ਮੀਡੀਆ ‘ਤੇ ਇੱਕ ਅਜਿਹਾ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਨੂੰ ਦੇਖ ਕੇ ਲੋਕ ਆਪਣਾ ਹਾਸਾ ਨਹੀਂ ਰੋਕ ਪਾ ਰਹੇ।

ਦਰਅਸਲ, ਇਸ ਵਾਇਰਲ ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਇੱਕ 16 ਸਾਲ ਦੇ ਮੁੰਡੇ ਦੀ ‘ਸੀਕਰੇਟ ਲਵ ਸਟੋਰੀ’ ਦਾ ਉਦੋਂ ਭਾਂਡਾ ਫੁੱਟ ਗਿਆ, ਜਦੋਂ ਉਸ ਦੀ ਗਰਲਫ੍ਰੈਂਡ ਵੱਲੋਂ ਭੇਜਿਆ ਗਿਆ ਇੱਕ ਰੋਮਾਂਟਿਕ ਕਾਰਡ ਉਸ ਦੇ ਪਿਤਾ ਦੇ ਹੱਥ ਲੱਗ ਗਿਆ। ਇਸ ਤੋਂ ਬਾਅਦ ਜੋ ਹੋਇਆ, ਉਹ ਦੇਖਣ ਵਾਲਾ ਸੀ।

ਘਟਨਾ ਕੁਝ ਇਸ ਤਰ੍ਹਾਂ ਹੋਈ ਕਿ ਮੁੰਡੇ ਦੇ ਜਨਮਦਿਨ ‘ਤੇ ਉਸ ਦੀ ਗਰਲਫ੍ਰੈਂਡ ਨੇ ਇੱਕ ਪਿਆਰਾ ਜਿਹਾ ਕਾਰਡ ਭੇਜਿਆ ਸੀ। ਪਰ ਘਰ ਦੀ ‘ਜਾਸੂਸ’ ਯਾਨੀ ਮੁੰਡੇ ਦੀ ਭੈਣ ਨੇ ਇਹ ਬਰਥਡੇ ਕਾਰਡ ਚੁੱਪਚਾਪ ਪਿਤਾ ਨੂੰ ਫੜਾ ਦਿੱਤਾ। ਹੁਣ ਇਹ ਵੀਡੀਓ ਇੰਟਰਨੈੱਟ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਦਿਲਚਸਪ ਗੱਲ ਇਹ ਰਹੀ ਕਿ ਕਾਰਡ ਦੇਖ ਕੇ ਗੁੱਸੇ ਵਿੱਚ ਆਉਣ ਦੀ ਬਜਾਏ, ਪਿਤਾ ਨੇ ਉਸ ਨੂੰ ਸਾਰਿਆਂ ਦੇ ਸਾਹਮਣੇ ਪੜ੍ਹਨਾ ਸ਼ੁਰੂ ਕਰ ਦਿੱਤਾ। ਵੀਡੀਓ ਵਿੱਚ ਪਿਤਾ ਦਾ ਅੰਦਾਜ਼ ਦੇਖਣ ਲਾਇਕ ਸੀ।

‘ਗੁਲਾਬ ਵਰਗੇ ਹੋ, ਗੁਲਾਬ ਲੱਗਦੇ ਹੋ…’

ਵਾਇਰਲ ਹੋ ਰਹੀ ਵੀਡੀਓ ਵਿੱਚ ਦਿਖਾਈ ਦੇ ਰਿਹਾ ਹੈ ਕਿ ਪਿਤਾ ਕਾਰਡ ਖੋਲ੍ਹਦੇ ਹਨ ਅਤੇ ਬੜੇ ਹੀ ਮਜ਼ਾਕੀਆ ਲਹਿਜੇ ਵਿੱਚ ਮੁੰਡੇ ਦੀ ਗਰਲਫ੍ਰੈਂਡ ਵੱਲੋਂ ਲਿਖੀਆਂ ‘ਬਾਬੂ-ਸ਼ੋਨਾ’ ਵਾਲੀਆਂ ਸ਼ਾਇਰੀਆਂ ਪੜ੍ਹਦੇ ਹਨ। ਕਾਰਡ ਵਿੱਚ ਲਿਖਿਆ ਸੀ— “ਦੇਖ ਕੇ ਤੁਹਾਡੀ ਮੁਸਕਰਾਹਟ ਅਸੀਂ ਹੋਸ਼ ਗੁਆ ਬੈਠੇ, ਅਸੀਂ ਹੋਸ਼ ਵਿੱਚ ਆਉਣ ਹੀ ਵਾਲੇ ਸੀ ਕਿ ਤੁਸੀਂ ਫਿਰ ਮੁਸਕਰਾ ਦਿੱਤਾ।”

ਪਿਤਾ ਇੱਥੇ ਹੀ ਨਹੀਂ ਰੁਕੇ, ਜਦੋਂ ਉਨ੍ਹਾਂ ਨੇ ਕਾਰਡ ਵਿੱਚ ਲਿਖੇ ‘ਲਾਈਫਲਾਈਨ’ ਅਤੇ ‘ਸ਼ੋਨਾ’ ਵਰਗੇ ਸ਼ਬਦ ਪੜ੍ਹੇ, ਤਾਂ ਉਨ੍ਹਾਂ ਦੇ ਚਿਹਰੇ ਦੀ ਮੁਸਕਰਾਹਟ ਅਤੇ ਮੁੰਡੇ ਦੀ ਘਬਰਾਹਟ ਦੇਖਣ ਵਾਲੀ ਸੀ। ਦੂਜੇ ਪਾਸੇ, ਬੈਕਗ੍ਰਾਊਂਡ ਵਿੱਚ ਮੁੰਡਾ ਇਹ ਸਫਾਈ ਦਿੰਦਾ ਰਿਹਾ ਕਿ ਦੋਸਤਾਂ ਨੂੰ ਵੀ ਅੱਜਕਲ੍ਹ ਅਜਿਹੇ ਨਾਵਾਂ ਨਾਲ ਹੀ ਬੁਲਾਇਆ ਜਾਂਦਾ ਹੈ।

ਲੋਕਾਂ ਦੀਆਂ ਮਜ਼ਾਕੀਆ ਪ੍ਰਤੀਕਿਰਿਆਵਾਂ

ਜਿਵੇਂ ਹੀ ਇਹ ਵੀਡੀਓ ਵਾਇਰਲ ਹੋਈ, ਕਮੈਂਟ ਸੈਕਸ਼ਨ ਵਿੱਚ ਹਾਸੇ ਦਾ ਹੜ੍ਹ ਆ ਗਿਆ। ਇੱਕ ਯੂਜ਼ਰ ਨੇ ਲਿਖਿਆ, “ਇਹ ਤਾਂ ਬਹੁਤ ਕੂਲ ਡੈਡੀ ਨਿਕਲੇ ਯਾਰ।” ਦੂਜੇ ਨੇ ਕਿਹਾ, “ਮੌਤ ਆ ਜਾਵੇ ਪਰ ਪਿਤਾ ਦੇ ਹੱਥ ਅਜਿਹਾ ਕੁਝ ਨਾ ਲੱਗੇ।” ਇੱਕ ਹੋਰ ਯੂਜ਼ਰ ਨੇ ਮਜ਼ਾਕ ਵਿੱਚ ਲਿਖਿਆ, “ਮੁੰਡੇ ਦੀ ਕਿਸਮਤ ਚੰਗੀ ਹੈ, ਨਹੀਂ ਤਾਂ ਸਾਡੇ ਘਰਾਂ ਵਿੱਚ ਤਾਂ ਸਿੱਧਾ ‘ਪ੍ਰਸਾਦ’ ਮਿਲਦਾ।” ਉੱਥੇ ਹੀ ਇੱਕ ਹੋਰ ਨੇ ਕਮੈਂਟ ਕੀਤਾ, “ਜੇ ਸਾਡੇ ਬਾਪੂ ਹੁੰਦੇ ਤਾਂ ਹੁਣ ਤੱਕ ਚਮੜੀ ਉਧੇੜ ਚੁੱਕੇ ਹੁੰਦੇ।”