Viral Video: ਕੁੱਤੇ ਨੇ ਵਿਆਹ ਦੇ ਮੰਡਪ ‘ਚ ਪਾਈਆਂ ਭਾਜੜਾਂ, ਪੈ ਗਿਆ ਲਾੜੀ ਦੇ ਪਿੱਛੇ

ਵਿਆਹ ਦੇ ਇਸ ਸੀਜ਼ਨ ‘ਚ ਸੋਸ਼ਲ ਮੀਡੀਆ ‘ਤੇ ਹਰ ਰੋਜ਼ ਕੋਈ ਨਾ ਕੋਈ ਵੀਡੀਓ ਦੇਖਣ ਨੂੰ ਮਿਲਦੀ ਹੈ। ਕੁਝ ਤੁਹਾਨੂੰ ਭਾਵੁਕ ਕਰ ਦੇਣ ਵਾਲੇ ਹੁੰਦੇ ਹਨ ਅਤੇ ਕੁਝ ਲੋਕਾਂ ਦੇ ਚਿਹਰਿਆਂ ‘ਤੇ ਮੁਸਕਰਾਹਟ ਲਿਆਉਣ ਵਾਲੇ ਹੁੰਦੇ ਹਨ। ਕਈ ਵਾਰ ਅਸੀਂ ਕੁਝ ਵੀਡੀਓ ਦੇਖ ਕੇ ਆਪਣੇ ਹਾਸੇ ‘ਤੇ ਕਾਬੂ ਨਹੀਂ ਰੱਖ ਪਾਉਂਦੇ। ਹਾਲ ਹੀ ‘ਚ ਅਜਿਹੇ ਹੀ ਵਿਆਹ ਨਾਲ ਜੁੜੀ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਜਿਸ ਵਿੱਚ ਇੱਕ ਕੁੱਤਾ ਵਿਆਹ ਹਾਲ ਵਿੱਚ ਦਾਖਲ ਹੋ ਕੇ ਦਹਿਸ਼ਤ ਪੈਦਾ ਕਰਦਾ ਨਜ਼ਰ ਆ ਰਿਹਾ ਹੈ।

ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਵਿਆਹ ਦੇ ਹਾਲ ‘ਚ ਲਾੜਾ-ਲਾੜੀ ਸਮੇਤ ਕਈ ਹੋਰ ਲੋਕ ਵੀ ਮੌਜੂਦ ਹਨ। ਉਦੋਂ ਹੀ ਘਰ ਦਾ ਪਾਲਤੂ ਕੁੱਤਾ ਮੰਡਪ ‘ਚ ਆ ਜਾਂਦਾ ਹੈ ਅਤੇ ਵਿਆਹ ਦੇ ਮੰਡਪ ‘ਚ ਇਧਰ-ਉਧਰ ਭੱਜ-ਦੌੜ ਕਰਕੇ ਹੰਗਾਮਾ ਮਚਾਉਂਦਾ ਹੈ। ਕੁੱਤੇ ਨੂੰ ਦੇਖ ਕੇ ਮੰਡਪ ‘ਚ ਮੌਜੂਦ ਲੋਕ ਡਰ ਗਏ ਅਤੇ ਇਧਰ-ਉਧਰ ਭੱਜਣ ਲੱਗੇ। ਲੋਕ ਕੁੱਤੇ ਤੋਂ ਛੁਟਕਾਰਾ ਪਾਉਣ ਦੀ ਕੋਸ਼ਿਸ਼ ਕਰਦੇ ਹਨ। ਪਰ ਕੁੱਤਾ ਨਹੀਂ ਮੰਨ ਰਿਹਾ। ਮਹਿਮਾਨਾਂ ਨਾਲ ਤਾਂ ਠੀਕ ਸੀ ਪਰ ਜਦੋਂ ਕੁੱਤਾ ਮੰਡਪ ਵਿੱਚ ਲਾੜੀ ਦੇ ਮਗਰ ਲੱਗ ਪਿਆ। ਫਿਰ ਲਾੜੀ ਨੂੰ ਵਿਆਹ ਦਾ ਹਾਲ ਛੱਡ ਕੇ ਭੱਜਣਾ ਪਿਆ। ਇਸ ਵਿੱਚ ਸਜਾਇਆ ਮੰਡਪ ਵੀ ਖਰਾਬ ਹੋ ਜਾਂਦਾ ਹੈ। ਇਸ ਦੌਰਾਨ ਕੁੱਤੇ ਤੋਂ ਛੁਟਕਾਰਾ ਪਾਉਣ ਲਈ ਇਕ ਵਿਅਕਤੀ ਨੇ ਕੁੱਤੇ ਦਾ ਧਿਆਨ ਆਪਣੇ ਵੱਲ ਮੋੜ ਲਿਆ, ਜਿਸ ਤੋਂ ਬਾਅਦ ਕੁੱਤਾ ਉਸ ਵਿਅਕਤੀ ਦੇ ਪਿੱਛੇ ਚਲਾ ਜਾਂਦਾ ਹੈ। ਇਸ ਹੰਗਾਮੇ ਦੀ ਵੀਡੀਓ ਵਿਆਹ ‘ਚ ਬੁਲਾਏ ਗਏ ਕੈਮਰਾਮੈਨ ਨੇ ਰਿਕਾਰਡ ਕੀਤੀ ਹੈ।

ਇਹ ਵੀ ਪੜ੍ਹੋ- ਮਜ਼ਦੂਰਾਂ ਨੇ JCB ਤੇ ਟਰਾਲੀ ਨਾਲ ਬੰਨ੍ਹ ਕੇ ਤੀਜੀ ਮੰਜ਼ਿਲ ਤੇ ਕੀਤਾ ਪਲਾਸਟਰ, ਖਤਰਨਾਕ ਲੇਵਲ ਦਾ ਜੁਗਾੜ ਹੋਇਆ ਵਾਇਰਲ

ਇਸ ਵੀਡੀਓ ਨੂੰ ਇੰਸਟਾਗ੍ਰਾਮ ‘ਤੇ @bridal_lehenga_designn ਅਤੇ wedding.lehenga ਨਾਮ ਦੇ ਅਕਾਊਂਟ ਨਾਲ ਸ਼ੇਅਰ ਕੀਤਾ ਗਿਆ ਹੈ। ਇਸ ਵੀਡੀਓ ਨੂੰ ਹੁਣ ਤੱਕ 40 ਲੱਖ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ ਅਤੇ ਕਰੀਬ 5 ਲੱਖ ਲੋਕ ਇਸ ਨੂੰ ਲਾਈਕ ਕਰ ਚੁੱਕੇ ਹਨ। ਇਸ ਦੇ ਨਾਲ ਹੀ ਵੱਡੀ ਗਿਣਤੀ ‘ਚ ਲੋਕਾਂ ਨੇ ਇਸ ‘ਤੇ ਕਮੈਂਟ ਵੀ ਕੀਤੇ ਹਨ। ਜਿੱਥੇ ਇੱਕ ਯੂਜ਼ਰ ਨੇ ਕਮੈਂਟ ਕਰਦੇ ਹੋਏ ਲਿਖਿਆ- ਦੁਲਹਨ ਬਹੁਤ ਜ਼ਿਆਦਾ ਓਵਰਐਕਟਿੰਗ ਕਰ ਰਹੀ ਹੈ। ਇੱਕ ਹੋਰ ਨੇ ਲਿਖਿਆ- ਕੁੱਤੇ ਨਾਲੋਂ ਦੁਲਹਨ ਨੇ ਜ਼ਿਆਦਾ ਤਬਾਹੀ ਮਚਾਈ ਹੈ। ਤੀਜੇ ਨੇ ਲਿਖਿਆ- ‘ਹੋਰ ਦੇਖੋ ਹਮ ਆਪਕੇ ਹੈ ਕੌਣ’