Shocking News:ਏਅਰ ਏਸ਼ੀਆ ਦੇ CEO ਦੀ ਸ਼ਰਟਲੈੱਸ ਮੀਟਿੰਗ, ਸੋਸ਼ਲ ਮੀਡੀਆ ‘ਤੇ ਕੁਮੈਂਟ ਦਾ ਆਇਆ ਹੜ੍ਹ

ਏਅਰ ਏਸ਼ੀਆ (Air Asia) ਦੇ ਸੀਈਓ ਟੋਨੀ ਫਰਨਾਂਡੀਜ਼ ਦੀ ਇੱਕ ਤਸਵੀਰ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਹੰਗਾਮਾ ਮਚ ਗਿਆ ਹੈ। ਇਸ ਵਿੱਚ ਏਅਰ ਏਸ਼ੀਆ ਦੇ ਸੀਈਓ ਬਿਨਾਂ ਕਮੀਜ਼ ਦੇ ਮਸਾਜ ਦਾ ਆਨੰਦ ਲੈਂਦੇ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਖੁਦ ਇਹ ਤਸਵੀਰ ਲਿੰਕਡਇਨ ‘ਤੇ ਸ਼ੇਅਰ ਕੀਤੀ ਅਤੇ ਲੋਕਾਂ ਨੂੰ ਦੱਸਿਆ ਕਿ ਉਹ ਵੀ ਇਸੇ ਅੰਦਾਜ਼ ‘ਚ ਮੈਨੇਜਮੈਂਟ ਮੀਟਿੰਗ ‘ਚ ਸ਼ਾਮਲ ਹੋਏ ਸਨ। ਹਾਲਾਂਕਿ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਜਦੋਂ ਇਸ ਤਸਵੀਰ ਨੂੰ ਦੇਖਿਆ ਤਾਂ ਉਨ੍ਹਾਂ ਨੇ ਇਸ ਨੂੰ ਗਲਤ ਦੱਸਦੇ ਹੋਏ ਸੀਈਓ ਨੂੰ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ। ਲੋਕ ਪੁੱਛ ਰਹੇ ਹਨ ਕਿ ਜੇਕਰ ਤੁਹਾਡੇ ਕਰਮਚਾਰੀ ਵੀ ਇਸੇ ਤਰ੍ਹਾਂ ਕੰਮ ਕਰਨ ਲੱਗ ਜਾਣ ਤਾਂ ਕੀ ਮੈਨੇਜਮੈਂਟ ਇਸ ਨੂੰ ਸਵੀਕਾਰ ਕਰੇਗੀ?’

ਟੋਨੀ ਫਰਨਾਂਡਿਸ ਨੇ ਲਿੰਕਡਇਨ ‘ਤੇ ਆਪਣੀ ਫੋਟੋ ਸ਼ੇਅਰ ਕੀਤੀ ਅਤੇ ਲਿਖਿਆ, ਤਣਾਅ ਭਰੇ ਹਫਤੇ ਤੋਂ ਬਾਅਦ, ਵੇਰਾਨਿਟਾ ਜੋਸੇਫਿਨ ਨੇ ਮਸਾਜ ਦਾ ਸੁਝਾਅ ਦਿੱਤਾ। ਉਨ੍ਹਾਂ ਅੱਗੇ ਲਿਖਿਆ ਮੈਨੂੰ ਇੰਡੋਨੇਸ਼ੀਆ (Indonesia) ਅਤੇ ਏਅਰ ਏਸ਼ੀਆ ਦਾ ਕਲਚਰ ਪਸੰਦ ਹੈ ਕਿਉਂਕਿ ਮੈਂ ਇੱਥੇ ਮਸਾਜ ਕਰਵਾਉਂਦੇ ਹੋਏ ਪ੍ਰਬੰਧਨ ਮੀਟਿੰਗਾਂ ਵਿੱਚ ਸ਼ਾਮਲ ਹੋ ਸਕਦਾ ਹਾਂ। ਉਨ੍ਹਾਂ ਕਿਹਾ ਕਿ ਏਅਰਲਾਈਨ ਤਰੱਕੀ ਕਰ ਰਹੀ ਹੈ ਅਤੇ ਆਉਣ ਵਾਲੇ ਦਿਨ ਹੋਰ ਵੀ ਰੋਮਾਂਚਕ ਹੋਣਗੇ। ਪਰ ਅਜਿਹਾ ਲਗਦਾ ਹੈ ਕਿ ਲਿੰਕਡਇਨ ਯੂਜ਼ਰਸ ਨੂੰ ਏਅਰ ਏਸ਼ੀਆ ਦੇ ਸੀਈਓ ਦਾ ਇਹ ਅੰਦਾਜ਼ ਬਿਲਕੁਲ ਪਸੰਦ ਨਹੀਂ ਆਇਆ। ਕਈ ਲੋਕਾਂ ਨੇ ਇਸ ਨੂੰ ਗਲਤ ਮੰਨਿਆ ਹੈ।

ਤਸਵੀਰ ਜਿਸ ‘ਤੇ ਛੜੀ ਬਹਿਸ

ਸੀਈਓ ਟੋਨੀ ਫਰਨਾਂਡਿਸ ਨੇ ਲਿੰਕਡਇਨ ‘ਤੇ ਮਲੇਸ਼ੀਅਨ ਏਅਰਲਾਈਨਜ਼ ਦੀਆਂ ਤਾਰੀਫਾਂ ਗਾਈਆਂ। ਪਰ ਉਨ੍ਹਾਂ ਦੀ ਇੱਕ ਫੋਟੋ ਨੇ ਸਾਰਾ ਮਾਮਲਾ ਵਿਗਾੜ ਦਿੱਤਾ। ਲੋਕਾਂ ਨੇ ਮਸਾਜ ਦਾ ਮਜ਼ਾ ਲੈਂਦੇ ਹੋਏ ਬਿਨਾਂ ਕਮੀਜ਼ ਦੇ ਮੀਟਿੰਗ ਵਿੱਚ ਸ਼ਾਮਲ ਹੋਣਾ ਪਸੰਦ ਨਹੀਂ ਕੀਤਾ। ਉਹ ਉਸ ਦੀ ਤਿੱਖੀ ਆਲੋਚਨਾ ਕਰ ਰਹੇ ਹਨ।

ਲੋਕਾਂ ਦੀ ਪ੍ਰਤੀਕਿਰਿਆ

ਮੇਟਾ ‘ਚ ਕੰਮ ਕਰ ਚੁੱਕੀ ਰੇਬੇਕਾ ਨਡਿਲੋ ਨੇ ਟਿੱਪਣੀ ਕੀਤੀ, ‘ਇਹ ਦੇਖਦੇ ਹੋਏ ਕਿ ਤੁਸੀਂ ਬੌਸ ਹੋ, ਮੈਨੂੰ ਨਹੀਂ ਲੱਗਦਾ ਕਿ ਤੁਹਾਡੀ ਕੰਪਨੀ ਦੀਆਂ ਔਰਤਾਂ ਇਸ ਸੰਦਰਭ ਵਿੱਚ ਸੁਰੱਖਿਅਤ ਮਹਿਸੂਸ ਕਰਨਗੀਆਂ।’ ਜਦੋਂ ਕਿ ਕੈਲੀ ਟ੍ਰੌਸਡੇਲ ਨੇ ਲਿਖਿਆ ਹੈ, ਇਹ ਗੈਰ-ਪ੍ਰੋਫੈਸ਼ਨਲ ਵਰਤਾਰਾ ਹੈ। ਹਾਲਾਂਕਿ ਕਈ ਲੋਕਾਂ ਨੇ ਟੋਨੀ ਫਰਨਾਂਡੀਜ਼ ਦੇ ਵੱਖਰੇ ਅੰਦਾਜ਼ ਦੀ ਤਾਰੀਫ਼ ਵੀ ਕੀਤੀ ਹੈ।